
马尔巴大师教言集MARPA12རྡོ་རྗེ་རྩ་རྒྱུད་ཀྱི་འགྲེལ་པ་བཀའ་ཡང་དག་པའི་ཚད་མ།
1-1-145a
༄༅། །རྡོ་རྗེ་རྩ་རྒྱུད་ཀྱི་འགྲེལ་པ་བཀའ་ཡང་དག་པའི་ཚད་མ།
༄། །རྟག་པ་དང་པོ་ལ། ལེའུ་དང་པོ། འབྲས་བུའི་ལེའུ།
༄༅། །རྒྱ་གར་སྐད་དུ། ཨ་ཧྃ་སྃ་མྱག་པྲ་མ་ན་ན་མ། བོད་སྐད་དུ། བཀའ་ཡང་དག་པའི་ཚད་མ་ཞེས་བྱ་བ། བཅོམ་ལྡན་འདས་དཔལ་རྡོ་རྗེ་མཁའ་འགྲོ་ལ་ཕྱག་འཚལ་ལོ། །བླ་མ་ཧེ་རུ་ཀ་དཔལ་ལྡན། །མཁའ་འགྲོ་མ་རྣམས་ལ་བཏུད་དེ། །རྗེ་བཙུན་ཡང་དག་ཚད་མའི་བཀའ། མན་ངག་རྣམས་ཀྱི་གཟེར་དུ་བྲི། །འདི་ལྟར་ཡང་དག་པར་རྫོགས་པའི་སངས་རྒྱས་ཀྱིས། རྒྱུ་ཚོགས་གཉིས་བསགས་ནས། འབྲས་བུ་མངོན་པར་རྫོགས་པར་སངས་རྒྱས་པ་དེས། ཐེག་པ་གསུམ་གྱི་ཆོས་ཀྱི་འཁོར་ལོ་བསྐོར་ཏེ། གདུལ་བྱའི་བསམ་པའམ། དབང་པོའི་བྱེ་བྲག་གི་སྒོ་ནས་ཉན་ཐོས་དང་རང་སངས་རྒྱས་དང་། ཐེག་པ་ཆེན་པོའོ། །དེ་ལ་ཕ་རོལ་ཏུ་ཕྱིན་པ་དང་གསང་སྔགས་ཀྱི་
1-1-145b
ཐེག་པའོ། །དེ་གཉིས་ཀྱི་ཁྱད་པར་ཡང་བདེ་བར་སྐྱོབ་པ་དང་མྱུར་དུ་སྐྱོབ་པའོ། །དེ་ཡང་ཕ་རོལ་ཏུ་ཕྱིན་པ་ནི་ཚོར་བ་སྡུག་བསྔལ་ལམ་དུ་བྱེད་ལ། སྔགས་ནི་བདེ་བ་ལམ་དུ་འཁྱེར་བ་སྟེ། འདོད་ཆགས་མེ་ཡིས་ཚིག་པ་ལ། འདོད་ཆགས་ཉིད་ཀྱིས་གྲོལ་བར་འགྱུར་ཞེས་པ་དང་། དེས་ན་བདེ་བས་བདེ་བ་ཉིད། །བདེ་བ་ཉིད་ཀྱིས་བདེ་མཆོག་བསྒྲུབ་ཅེས་སོ། །དགའ་དང་བདེ་བས་འགྲུབ་པར་འགྱུར། །ཞེས་པ་དང་། འདོད་པའི་ཡོན་ཏན་ལྔ་རྣམས་ལ། །ཅི་བདེ་བར་ནི་རྟེན་པར་འགྲུབ་ཅེས་པ་དང་། བདེ་བས་བསྒྲུབ་པ་ཞེས་བྱ་བ། བདེ་བས་འཁོར་བ་གཅོད་པར་བྱེད་ཅེས་གསུངས་སོ། །ཡང་ཕ་རོལ་ཏུ་ཕྱིན་པའི་ཐེག་པ་ནི་སྐལ་(བསྐལ་)པ་གྲངས་མེད་པ་གསུམ་ན་སངས་རྒྱས་པར་འདོད་ལ། འདིར་ནི་ཚེ་ཅིག་(གཅིག་)གིས་སངས་རྒྱས་པར་འགྱུར་ཏེ། དེ་ལྟར་ཡང་སྐལ་(བསྐལ་)པ་བྱེ་བ་གྲངས་མེད་ཀྱིས། །སངས་རྒྱས་གོ་འཕང་ཐོབ་འགྱུར་བ། །ཚེ་འདི་ཉིད་ཀྱིས་བདེ་བླག་ཏུ། །སངས་རྒྱས་གོ་འཕང་ཐོབ་འགྱུར་སྟེ། །རྡོ་རྗེ་འཆང་ཆེན་ཉིད་དམ་ནི། །ཡང་ན་བདེ་ཆེན་སྐུ་ཉིད་དོ། །ཞེས་པ་དང་། ཚེ་འདི་ཉིད་ལ་སངས་རྒྱས་སམ། །རྡོ་རྗེ་སེམས་དཔའ་ཉིད་ཐོབ་འགྱུར་ཞེས་པ་དང་། རྡོ་རྗེ་མིང་གི་དབང་བསྐུར་ན། །སྐྱེ་བ་འདིར་ནི་སངས་རྒྱས་ཉིད་ཅེས་པ་དང་། སྐྱེ་འདིར་སངས་རྒྱས་མཆོག་ཉིད་དུ། །སེམས་སྒོམས་པས་ནི་སངས་རྒྱས་ཏེ། །རིན་ཆེན་སེམས་ལས་ཕྱིར་གྱུར་པའི། །སངས་རྒྱས་མེད་ཅིང་སེམས་ཅན་མེད་ཅེས་གསུངས་སོ། །ཁྱད་པར་དེ་དག་དང་ལྡན་པའི་རྡོ་རྗེ་ཐེག་པ་ལ་རྒྱུད་སྡེ་བཞི་སྟེ། བྱ་བའི་རྒྱུད་དང་། སྤྱོད་པའི་རྒྱུད་དང་། རྣལ་འབྱོར་གྱི་རྒྱུད་དང་། རྣལ་འབྱོར་བླ་ན་མེད་པའི་རྒྱུད་དོ། །དེ་ཡང་དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་
1-1-146a
ལྷག་ལ། སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོར་བླ་མེད་དེ་ལྟག་(ལྷག་)ལ། ཞེས་སོ། །དོན་ནི་དབང་པོའི་བྱེ་བྲག་གམ། འདོད་ཆགས་བཞིའི་བྱེ་བྲག་གིས་ཀྱང་བསྟན་ལ། ལྟ་དང་རྒོད་པ་དག་དང་ནི། །འཁྱུད་དང་དེ་བཞིན་གཉིས་གཉིས་ཀྱིས། །རྒྱུད་ཀྱང་རྣམ་པ་བཞི་རྣམས་སོ། །ཞེས་སོ། །འོ་ན་མའི་རྒྱུད་ཅེས་མཚན་འཇུག་པ་ཇི་ལྟར་ཡིན་ཞེས་(ཅེས་)ན། དོན་གྱི་མ་སྐྱེ་མེད་རང་གི་མཚན་ཉིད་མངོན་སུམ་དུ་སྟོན་པའི་ཐབས་དེ་ལ་གོམས་ཤིང་འདྲིས་པའི་ཐབས་སྟོན་པ་དང་། འབྲས་བུ་ཡང་དོན་གྱི་ཡུམ་ཆེན་མོ་དེར་འཆར་བས་མའི་རྒྱུད་དོ། །དེ་ཡང་ཤེས་རབ་ཀྱི་ཕ་རོལ་ཏུ་ཕྱིན་པའི་ཐབས། འདི་ནི་རྣལ་འབྱོར་མར་བརྗོད་དོ། །ཞེས་སོ། །ཕྱག་རྒྱ་ཆེན་པོ་སྟོན་པའི་ཐབས་དང་། འབྲས་བུ་ཡང་ངེ་འཆར་བས། ཕྱག་རྒྱ་ཆེན་པོའི་རྒྱུད་ཅེས་བྱའོ། །དེ་ཡང་ཕྱག་རྒྱ་ཆེན་པོར་རབ་སྦྱོར་བས། གང་ཕྱིར་དེ་ཉིད་ལ་འཇུག་པ་ཞེས་གསུངས་སོ། །མའི་རྒྱུད་ལ་དབྱེ་ན་མཁའ་འགྲོ་སྡེ་དང་ཞེས་པ་ལ་སོགས་པ་བཅུ་གསུམ་མོ། །དགོས་པ་སྔོན་འབྱུང་བཙུན་མོ་རྣམས་བསྡུ་བར་བཤད་དོ། །བཙུན་མོ་རྣམས་ནི་བསྡུ་བའི་ཕྱིར། །བདེ་བའི་ཐབས་ནི་རྒྱས་མིན་ཅིང་ཞེས་སོ། །བཙུན་མོ་རྣམས་ནི་བསྡུ་བའི་ཕྱིར། །རྣལ་འབྱོར་མའི་རྒྱུད་རབ་ཏུ་བཤད། །ཅེས་པ་དང་། ལྷ་མོ་ཤིན་ཏུ་མཛེས་མས་ཏེ། །ངོ་མི་ཚགས་པས་ཁྱོད་ལ་བཤད། །ཅེས་པས་སོ། །དེ་ཡང་འདི་ནི་རྒྱུད་སྡེ་བཅུ་གསུམ་ལས། སྙིང་པོ་ལྟ་བུའི་རྒྱུད་ཀྱེའི་རྡོ་རྗེའོ། །དེ་ལྟར་ཡང་སངས་རྒྱས་ཐམས་ཅད་ཀྱེའི་རྡོ་རྗེའི་དཀྱིལ་འཁོར་དང་། ཞེས་པ་དང་། སྙིང་པོ་ཀྱེའི་རྡོ་རྗེ་བཤད་ཀྱིས་(ཀྱི་)ཞེས་པ་དང་། གང་གིས་
1-1-146b
མི་ཤེས་ཀྱེ་རྡོ་རྗེ། །དེ་ནི་ངལ་བ་དོན་མེད་འགྱུར། །ཞེས་པ་དང་། ཀྱེའི་རྡོ་རྗེ་ངལ་བསོའ་ན། །མ་རིག་སོགས་པས་མི་འཛིན་ཅིང་། །ཞེས་པས་སོ། །འདི་ལ་ཁ་ཅིག་རྟག་པ་སོ་གཉིས་དང་མིང་འཐུན་ཡིན་ཟེར་ཏེ། རྒྱས་པར་སོ་གཉིས་ལས་ཞེས་པ་དང་། དེ་ལྟར་རྒྱུད་རྣམས་ཐམས་ཅད་ལས། ཞེས་འབྱུང་པས་དང་། ལྟ་སྟངས་དགུག་དང་བརྡའ་ཆེན་དང་། ཞེས་པ་ལ་སོགས་པ། དོན་བྱེད་རྣམ་མང་གི་དོན་བཤད་པའི་ཕྱིར། འགལ་བ་ཉིད་དོ། །ཡང་བསྡུས་རྒྱུད་ཡིན་ཟེར་ན། བཙུན་མོའི་ཆོས་སུ་རྣམ་རྒྱས་པ། །ཟེར་བས་བསྡུས་རྒྱུད་མ་ཡིན་ཟེར་གུར་གྱི་རྟག་པའི་གྲངས་དང་འདིར་བསྟན་པ་མཐུན་ལ། རྟག་པ་སོ་གཉིས་ཀྱི་དོན་བསྡུས་པ་མི་སྣང་ངོ་། །འདི་ནི་རྟག་པ་སོ་གཉིས་ཀྱི་སྟོད་ནས་ཕྱུང་སྟེ། རྡོ་རྗེ་སྙིང་པོ་མངོན་བྱང་ཆུབ། །རྟག་པའི་རྒྱལ་པོ་དང་པོས་ཏེ། ཞེས་པ་དང་། རྡོ་རྗེ་སྙིང་པོ་མངོན་པར་བྱང་ཆུབ་པ་ཞེས་བྱ་བ་རྟག་པའི་རྒྱལ་པོ་དང་པོ་སྟེ། ཞེས་པ་དང་། རྡོ་རྗེ་སྙིང་པོ་མངོན་པར་བྱང་ཆུབ་པ་ཞེས་བྱ་བ། རྟག་པའི་རྒྱལ་པོ་ཞེས་མཐུན་པ་ཉིད་དོ། །རྒྱུད་དེའི་གནས་ནི། བཙུན་མོ་ཐམས་ཅད་ཀྱི་བྷ་ག་ཅིག་(གཅིག་)ཏུ་བསྡུས་པའི་ཆོས་འབྱུང་གྲུ་གསུམ་པར་གསུངས་ཏེ། གྲུ་གསུམ་ནི་རྣམ་ཐར་སྒོ་གསུམ་མོ། །ནང་སྟོང་པ་ཉིད་ནི་ཆོས་ཉིད་སྟོང་པའོ། །རྩ་བ་ཐུར་དུ་ཟུག་པ་ནི་ཐབས་ཐུགས་རྗེ་ཆེན་པོས་འགྲོ་བའི་དོན་བྱེད་པའོ། །དེས་ན་བདེ་སྟོང་ཕུན་སུམ་ཚོགས་པས་གནས་ཕུན་སུམ་ཚོགས་པ་ཞེས་བྱའོ། །དེ་ནི་ནམ་མཁའ་གར་ཁྱབ་ཏུ་གནས་པ་སྟེ། ཤེས་བྱ་རང་གི་མཚན་ཉིད་ཀྱི་གནས་སོ། །གདུལ་བྱ་ངོར་སྣང་གི་གནས་ནི་རྡོ་རྗེ་གདན་ལ་སོགས་པ་གང་ལྟར་མོས་ཤིང་སྣང་བ་དེ་ཉིད་ལ་བྱ་
1-1-147a
བ་ཡིན་ནོ། །གནས་དེ་ནི་སྟོན་པ་ནི་ཤེས་བྱ་རང་གི་མཚན་ཉིད་ཀྱི་སྟོན་པ། བདེ་བ་ཆེན་པོའི་སྐུ་ཡབ་ཡུམ་ཞལ་སྦྱར་བ་བདེ་སྟོང་ཐུགས་སུ་བསྟར་བ་སྟེ། ཤིན་ཏུ་སྦྱར་བའི་རྣལ་འབྱོར་ལ། མ་མ་ཀི་མེད་མི་སྐྱོད་མེད་ཅེས་སོ། །དེ་ཉིད་གདུལ་བྱའི་ངོར་ཕྱག་དྲུག་པ་ལ་སོགས་པ་མོས་པ་མི་འདྲ་བ་རྣམས་ལ་བསྟན་པའོ། །དེ་ཡང་ཡབ་ཡུམ་ཅིག་(གཅིག་)ལ་ཅིག་(གཅིག་)འཁྱུད་པ་ནི་སྣང་བ་དང་སྟོང་པ་གཉིས་མེད་མཚོན་ལ། རྡོ་རྗེ་དང་པདྨ་སྦྱར་བ་ནི་སྣང་སྟོང་གི་རོ་བདེ་བ་ཉམས་སུ་མྱོང་བའོ། །དེས་ན་བདེ་སྟོང་ཕུན་སུམ་ཚོགས་པ་ནི་སྟོན་པ་ཕུན་སུམ་ཚོགས་པ་ཞེས་བྱའོ། །དེ་ལ་འཁོར་ནི་འཇིག་རྟེན་པ་དང་འཇིག་རྟེན་ལས་འདས་པའི་འཁོར་རོ། །དེ་ལ་སྟོན་པའི་ལུས་ལ་བཞུགས་པ་དང་། འཁོར་དུ་བཀོད་པའི་འཁོར་རོ། །དེ་ལ་ཤེས་རབ་ཀྱི་འཁོར་བ་རྣ་ཤ་བ་རི་པ་ལ་སོགས་པ་རི་རབ་ཀྱི་བརྡུལ་(རྡུལ་)ཕྲ་རབ་དང་སྙམ་པའོ། །དེ་ཡང་དེ་དག་ལ་སོགས་པ་རི་རབ་རྡུལ་ཕྲ་རབ་དང་སྙམ་པའི་རྣལ་འབྱོར་མ་རྣམས་ཀྱིས་ཚིག་འདི་དག་ཐོས་ནས་ཞེས་གསུངས་སོ། །དེའི་ཕྱི་རོལ་ན་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་བསྐོར་བས་ཏེ། ཕ་དང་བུ་དང་མ་ཡང་རུང་ཞེས་པ་དང་། བྱམས་པ་ལ་སོགས་པ་བྱང་ཆུབ་སེམས་དཔའ་ཐམས་ཅད་ཀྱིས་གསོལ་བ་ཞེས་གསུངས་སོ། །འཇིག་རྟེན་པའི་འཁོར་ནི་ལྷ་ལ་སོགས་པ་དཔག་ཏུ་མེད་པ་སྟེ། ལྷ་དང་མི་དང་ལྷ་མ་ཡིན་དང་དྲི་ཟའི་འཇིག་རྟེན་དུ་བཅས་པའི་འཁོར་ཐམས་ཅད་ཅེས་སོ། །དེ་དག་ཀྱང་ཐབས་ཤེས་རབ་བམ། བདེ་སྟོང་ཕུན་སུམ་ཚོགས་པས་ཞེས་བྱའོ། །དུས་ནི་དེ་རྣམས་འཛོམ་པ་སྟེ། ཐམས་ཅད་བདེ་སྟོང་
1-1-147b
དུ་འཛོམ་པ་སྟེ། ཐམས་ཅད་བདེ་སྟོང་དུ་འཛོམ་པས་དུས་ཕུན་སུམ་ཚོགས་པ་ཞེས་བྱའོ། །ཆོས་ནི་རྟག་པ་སོ་གཉིས་སོ། །དེ་ནི་རྡོ་རྗེ་སྙིང་པོས་བསྡུས་ཏེ་མཁའ་འགྲོ་མ་རྣམས་ལ་གཏད་ནས་རྒྱས་གདབ་བོ། །དེ་ཡང་མིའི་ཡུལ་དུ་འཕགས་པ་ཀླུ་གྲུབ་(སྒྲུབ་)ཀྱིས་སྤྱན་དྲངས་ཏེ་རྒྱས་ཤིང་ཆེར་འཕེལ་ལོ། །རྒྱུད་དེ་ནི་རྡོ་རྗེ་སྙིང་པོས་ནས་བརྒྱུད་པ་མ་ཆད་པའི་བླ་མ་དམ་པ་བདག་ཅག་ལྟ་བུ་ལ་བླང་བར་བྱའོ། །རྒྱུད་དེ་ནི་གང་ཟག་སྦྱོར་ལམ་པས་མཚན་གྱི་ནང་དུ་རྒྱུད་ཀྱི་དོན་ཐམས་ཅད་འདུས་པར་གོ་སྟེ། གཞུང་ཚོགས་སྒྲ་སྤྱིའི་རྣམ་པ་ལ། ཤྲི་ཧེ་བཛྲ་ཏན་ཏྲ་ར་ཛ་ན་མ། ཞེས་པར་དོན་ཐམས་ཅད་འདུས་ཏེ། དེ་ལ་གཞིའི་རྒྱུད་དང་། ཐབས་ཀྱི་རྒྱུད་དང་། འབྲས་བུའི་རྒྱུད་གསུམ་ལས་དང་པོ་ལ། ཧའི་འགྲེང་བུ་ལས་ཀྱི་ཕྱག་རྒྱའི་བྷ་གའི་བསྟན། ཧ་མ་གོ་གྲུ་གསུམ་པས་ཙ་ཀ་ཁ་མུ་ཁའོ། །གོང་གི་ཨ་ནི་འདུ་ཤེས་གསུམ་གྱི་ལས་རྒྱའོ། །ཡང་ཧེ་ནི་འདུ་ཤེས་གསུམ་ལྡན་གྱི་ཡབ་བོ། །བཛྲ་ནི་ཡབ་ཡུམ་གཉིས་མེད་དུ་བསྡམས་པའོ། །ཤྲི་ནི་དེའི་དུས་ཀྱི་དགའ་བ་བཞི་ཉམས་སུ་མྱོང་བའོ། །དེས་ཡར་ལ་བུམ་དབང་ནས་རྡོ་རྗེ་སློབ་དཔོན་གྱི་མཚན་ཉིད་ལ་ཐུག་གི་བར་དུ་གོ། །མར་ལ་དབང་བཞི་པར་གོ། །ཐབས་ཀྱི་རྒྱུད་ལ་གཉིས་ལས། དང་པོ་སྐྱེད་(བསྐྱེད་)རིམས་ནི་འགྲེང་བུ་ཨེ་ཆོས་འབྱུང་གི་ནང་དུ། གཞལ་ཡས་ཁང་དུར་ཁྲོད་བརྒྱད་དང་། བཅས་སྐད་ཅིག་གིས་བསྐྱེད་གསུང་ངོ་། །དེར་ཧ་ཀྱེའི་རྡོ་རྗེའོ། །ཁོང་སྟོང་གི་ཨ་ནི་ཡབ་ཡུམ་བདག་མེད་མའོ། །བཛྲ་སྟེ་ཡབ་ཀྱིས་ཡུམ་ལ་འཁྱུད་པ་ནི་སྣང་བས་སྟོང་པ་མི་སྟོང་པ། རྡོ་རྗེ་པདྨ་སྙོམས་པར་ཞུགས་པ་ནི་སྣང་སྟོང་གི་རོ་བདེ་བར་ཉམས་སུ་མྱོང་བའོ། །ཤྲི་ནི་འཁོར་གྱི་ལྷ་མོ་བརྒྱད་ཀྱི་ལེགས་
1-1-148a
པའི་ཡོན་ཏན་སྐྱེད་པའོ། །འདི་ལྟར་དོན་ཆེན་པོ་གོ་བའི་ཕྱིར་བརྡར་བསྟན་ཏེ། སྣང་སྟོང་གཉིས་མེད་དུ་གནས་པའི་གཉུག་མའི་ཤེས་པ་དེ་ཉིད་ཕུང་པོ་ལྔ་དང་། འབྱུང་བ་བཞི་ལ་སོགས་པར་ཤར་བ་ལས། ལྷ་མོ་རྣམས་སུ་བྱུང་ལ། ཚུར་བལྟས་པས་དེ་ཐབས་ཅད་ཀྱང་ཆོས་འབྱུང་གྲུ་གསུམ་པ་དེ་དོན་དམ་པར་བདེ་སྟོང་དུ་ཤར་བའོ། །དེ་རྣམས་དབང་པོ་རབ་ཀྱི་སྐྱེད་(བསྐྱེད་)རིམས་ཡིན་པས། ཆོ་ག་སྐད་ཅིག་གིས་སྐྱེད་ཅིང་འགྲུབ་པའོ།། །།རྫོགས་པའི་རིམ་པ་ལ་ཚོགས་པ་ལ་བཤད་པ་དང་། སློབ་མ་ལ་བཤད་པའོ། །དེ་ལ་དངོས་པོའི་གནས་ཐབས་དང་། ལམ་གྱི་གནས་ཐབས་དང་། འབྲས་བུའི་གནས་ཐབས་སོ། །དང་པོ་ལ་སེམས་དངོས་པོའི་གནས་ཐབས་དང་། ལུས་དངོས་པོའི་གནས་ཐབས་སོ། །དང་པོས་ནི་སྒོམ་རྒྱུ་དོན་གྱི་ངོ་བོ་ངོ་ཤེས་པའི་དགོས་པ་ཡོད་དོ། །དེ་ཡང་སྒོམ་རྒྱུའི་དོན་ནི། སེམས་ཉིད་རྣམ་པར་དག་པ། གསལ་བ་ཟུང་འཇུག་གཉིས་སུ་མེད་པ་སྟེ། ད་ལྟར་གྱི་སེམས་དངོས་པོ་སྨྱུག་མ་ཐམས་ཅད་ལ་གསལ་བར་ཡོད་པ་འདི་གློ་བུར་དུ་མ་རིག་པས་སྒྲིབས་(སྒྲིབ་)ནས་གནས་པ་སྟེ། དཔེར་ན་དུང་སོལ་བས་བྱུགས་པའམ། མར་མེ་རྫ་མར་བཅུག་པ་བཞིན་ནོ། །ད་ལྟར་གྱི་རྣམ་རྟོག་ཅི་སྐྱེས་ཐམས་ཅད་འཁྲུལ་པའི་དྲི་མ་ཀུན་རྫོབ་བརྫུན་པ་སྟེ། དེར་ཕར་བཞག་ན་རྣམ་པ་ཐམས་ཅད་ནུབ་པའི་ཤེས་པ་གསལ་བ། བདེ་སྟོང་གཉིས་མེད་ཀྱི་ངོ་བོར་གནས་པའོ། །བདེ་སྟོང་གཉིས་མེད་དེ་ཉིད་ལ་དངོས་པོ་དང་། དངོས་པོ་མེད་པ་དང་གཟུང་འཛིན་ལ་སོགས་པ་བརྗོད་པ་ཐམས་ཅད་ཀྱིས་སྟོང་ལ་གསལ་བ་དེའི་རང་བཞིན་བཙལ་ན། ཅིར་ཡང་མ་གྲུབ་པ་དེ་ཉིད་ཀྱི་རང་བཞིན་གསལ་བར་འདུག་པ་དེའི་རོ་བདེ་བར་ཤར་ཡང་། བདེ་
1-1-148b
ཆེན་དུ་བཟུང་རྒྱུད་མེད་ལ། སྟོང་པར་འདུག་ཀྱང་སྟོང་པ་ཞེས་བྱ་བར་མ་གྲུབ་སྟེ། བདེ་སྟོང་གཉིས་མེད་དུ་གནས་པའོ། །དེ་མཚན་དང་སྦྱར་ན། འགྲེང་བུ་ཨེ་ནི་བདེ་བ། ཧ་ནི་སྣང་བ། ཨ་ནི་སྟོང་པ། བཛྲ་ནི་དེ་རྣམས་དབྱེར་མེད་པའོ། །ཤྲི་ནི་གཉུག་མའི་བལྟ་(ལྟ་)བ་དེ་ལྟར་རྟོགས་ན་ལེགས་པའི་ཡོན་ཏན་ཐམས་ཅད་གཏེར་བའོ། །ལུས་དངོས་པོའི་གནས་{གནས་}ཐབས་ཀྱིས་སྒོམ་པའི་གནད་ཤེས་པར་བྱ་བ་ལ། ཧ་ནི་སེམས་ཅན་ཀུན་གྱི་སྤྱི་བོ་ན་བྱང་སེམས་ཧའི་རྣམ་པར་གནས་པའོ། །འགྲེང་བུ་ཨེ་ནི་ལྟེ་བའི་རྩ་མདུད་གྲུ་གསུམ་པའོ། །ཁོང་གི་ཨ་ནི་དེའི་ནང་ན་རེག་བྱ་དྲོད་ཀྱི་རང་བཞིན་ཅན་གྱི་ཨ་གནས་པའོ། །བཛྲ་ནི་བཟུང་འཛིན་གྱི་རྩ་ལ་ལ་ན་དང་། ར་ས་ན་གཉིས་ཏེ། དེ་གཉིས་དབྱེར་མེད་པ་འདུ་ཏི་རོ་ཅིག་(གཅིག་)པའོ། །དེ་ལྟར་ལུས་ཀྱི་གནས་ཐབས་ཤེས་པས་ཤེས་པའི་རྟེན་ཤེས་ལ། དེ་ཤེས་པས་ཡེ་ཤེས་འཆར་བ་ལ་ཚེགས་མེད་པས་ཤྲིའོ།། །།ལམ་གྱི་གནས་ཐབས་ལ་རང་ལུས་དང་། གཞན་ལུས་ཏེ། གཞན་ལུས་ནི་དབང་གསུམ་པ་དང་འདྲ་བས་མ་སྨོས་སོ། །དང་པོ་ལ་གཏུམ་མོ་དང་། སྒྱུ་ལུས་དང་འོད་གསལ་ལོ། །དེ་ལ་གཏུམ་མོ་མཚན་དང་སྦྱར་ན་འགྲེང་བུ་ཨེ་ནི་ལྟེ་བའི་རྩ་མདུད་གྲུ་གསུམ་མོ། །ཧ་ནི་སྤྱི་བོའི་ཧྃ། ཁོང་གི་ཨ་ནི་ལྟེ་བའི་ཨའོ། །དེ་གཉིས་འབར་འཛག་བྱས་པས་ས་ཆུ་བདེ་བ་དང་མེ་སྟོང་པ་གཉིས་གཉིས་སུ་མེད་པ་ནི་བཛྲའོ། །ཤྲི་ནི་རང་ལུས་ལ་དགའ་བ་བཞི་འཆར་བའོ།། །།སྒྱུ་ལུས་འོད་གསལ་དང་སྦྱར་ན་ཧ་ནི་སྙིང་ཁ་(ག་)དང་། མགྲིན་པའི་རྩ་འདབ་བཞི་བཞི་དང་ཨ་ནུ་ཏ་ར་ཧཱུྃ་དང་ཨོཾ་ལ་ཤེས་པ་བཟུང་བའོ། །ཁོང་གི་ཨ་ནི་དབུས་ཀྱི་ཡི་གེ་ལ་སེམས་བཟུང་བས་ཉམས་སུ་མྱོང་
1-1-149a
བ་སྐྱེའོ། །འགྲེང་བུའི་ཨེ་ནི་སྟོང་པའི་རོ་བདེ་བར་ཤར་བའོ། །བཛྲ་ནི་བདེ་སྟོང་གི་རོར་མི་ཕྱེད་པའོ།། །།འབྲས་བུའི་གནས་ཐབས་ནི་ཉམས་མྱོང་གོང་ནས་གོང་དུ་འཕེལ་བའོ། །དེ་ལྟར་སྐྱེད་(བསྐྱེད་)རྫོགས་དང་ལྡན་པས་འབྲས་བུ་ལས་དངོས་གྲུབ་ཇི་ལྟར་འབྱུང་ན་ཧེ་ནི་སྙིང་རྗེས་ཏེ་ཐབས་སོ། །བཛྲ་ནི་ཤེས་རབ་སྟེ་སྟོང་པའོ། །དེ་གཉིས་གཉིས་སུ་མེད་པའི་གང་ཟག་གིས་ལས་དང་དངོས་གྲུབ་འགྲུབ་པ་ནི་ཤྲིའོ། །ཏན་ཏྲ་ནི་རྒྱུད་དེ་ལ་ངོ་བོ་དང་། ངེས་ཚིག་དང་། དབྱེ་བའོ། །ངོ་བོ་ནི་ཐབས་དང་ཤེས་རབ་དབྱེར་མེད་པའོ། །ངེས་ཚིག་འབྲེལ་བ་དང་། བྲེང་ཆགས་པ་དང་། ཚོགས་པས་ན་རྒྱུད་དོ།། །།དབྱེ་བ་ལ་ཐེག་པ་ཐུན་མོང་གི་བསླབ་བྱ་དང་། ཐུན་མོང་མ་ཡིན་པའི་བསླབ་བྱའོ། །དང་པོ་ནི་ཉན་ཐོས་བྱེ་བྲག་པ་ལ་བསླབ་པ་དང་། མདོ་སྡེ་པ་དང་། སེམས་ཙམ་པ་དང་། དབུ་མའི་གྲུབ་མཐའ་ལ་བསླབ་པའོ།། །།ཐུན་མོང་མ་ཡིན་པ་ལ་བཞིའི་རྒྱུད་དང་། རང་བཞིན་གྱི་རྒྱུད་དང་། འབྲས་བུའི་རྒྱུད་དོ། །དེ་ལྟར་ཡང་འདུས་པའི་ལེའུ་བཅོ་བརྒྱད་པ་ལས། རྒྱུད་ནི་རྒྱུན་ཆགས་ཞེས་བྱ་ཏེ། རྒྱུད་དེ་རྣམ་པ་གསུམ་ཡིན་ནོ། །གཞི་དང་དེ་བཞིན་རང་བཞིན་དང་། མི་འཕྲོགས་པ་ཡིས་རབ་ཕྱེ་བའོ། །ཞེས་བསྟན་ཏོ། །དང་པོ་ལ་བཞི་སྟེ། རྡོ་རྗེ་སློབ་དཔོན་གྱི་མཚན་ཉིད་དང་། དེའི་ལས་ཆོག་དང་། སློབ་མ་དཀྱིལ་འཁོར་དུ་བཞུགས་ཅིང་ལྷ་ངོ་སྟན་(བསྟན་)པ་དང་། དབང་བསྐུར་བའོ། །རང་བཞིན་གྱི་རྒྱུད་ལ་གསུམ་སྟེ། རྣལ་འབྱོར་དང་། དམ་ཚིག་དང་། སྤྱོད་པའོ། །རྣལ་འབྱོར་ལ་སྐྱེད་(བསྐྱེད་)རིམས་དང་རྫོགས་རིམས་སོ། །དང་པོ་ལ་ལས་ཚོགས་ཀྱི་ལྷའི་དང་། མངོན་པར་རྟོགས་པའི་ལྷའི་སྐྱེད་(བསྐྱེད་)
1-1-149b
རིམས་སོ། །དང་པོ་ལ་ལྷ་མོ་བདུན་གྱིས་ལས་བདུན་བསྒྲུབ་པ་དང་། ཀུ་རུ་ཀུ་ལེའི་སྒྲུབ་ཐབས་དང་བརྒྱད་འབྱུང་པོ་འདུལ་བྱེད་དང་། གནོད་སྦྱིན་མོ་ལ་སོགས་པ་བསྒྲུབ་པ་དང་། སྟོབས་པོ་ཆེས་ཆར་དབབ་པ་དང་། སྒྲོལ་མ་ལྷ་བཅུ་ཅིག་(གཅིག་)གི་སྒྲུབ་ཐབས་དང་། ཤེས་རབ་ཕ་རོལ་ཏུ་ཕྱིན་མ་སྒྲུབ་པ་དང་། འཇམ་དཔལ་རྡོ་རྗེ་ཡན་ལག་མེད་པའི་སྒྲུབ་པ་དང་། ཁྲོ་བོ་བཅུའི་སྒྲུབ་ཐབས་བཅུ་དང་། སྤྱན་རས་གཟིགས་ལ་སོགས་པའི་སྒྲུབ་ཐབས་བཅུ་དང་། ནག་པོ་ཆེན་པོས་དགྲ་གསད་པའི་སྒྲུབ་ཐབས་དང་། ཉི་ཤུ་རྩ་དྲུག་སྟོན་ལ་གོང་གི་བརྒྱད་དང་བསྡེབས་པས་སུམ་བཅུ་(ཅུ་)རྩ་བཞིའོ། །མངོན་པར་རྟོགས་པ་ལ་ནི་རིགས་བསྡུས་པ་དང་། རིགས་སོ་སོ་བའི་དཀྱིལ་འཁོར་ལམ་དུ་འཁྱེར་བའོ། །བསྡུས་པ་ལ་ནི་ལྔ་ཚན་ལྔ་དང་། དགུ་ཚན་ལྔའོ། །དེ་གཉིས་ལ་ཡང་གཙོ་བོ་འཕོས་པས་ས་བཅུར་འགྲོ་ན་ཡང་རེ་ཤིག་གཉིས་སུ་སྒྲང་ངོ་། །རིགས་སོ་སོ་བ་ལ་ལྔ་སྟེ། ཧེ་རུ་ཀ་རྡོ་རྗེ་རིགས་ཀྱི་དཀྱིལ་འཁོར་ལམ་དུ་འཁྱེར་བ་དང་། དེ་བཞིན་དུ་རྡོ་རྗེ་རྟག་པ་དེ་བཞིན་གཤེགས་པའི་རིགས་དང་། རྡོ་རྗེ་ཉི་མ་རིན་པོ་ཆེ་དང་། གར་གྱི་དབང་ཕྱུག་པདྨའི་རིགས་དང་། རྟ་མཆོག་ལས་ཀྱི་རིགས་སོ། །དང་པོ་ལ་ཁྲག་འཐུང་ལྷ་དགུ་དང་། མཁའ་འགྲོ་མ་བཅོ་ལྔའོ།། །།ལྷ་དགུ་ལ་ཕྱག་བཅུ་དྲུག་པ་དང་། ཕྱག་གཉིས་པ་དང་། ཕྱག་བཞི་པ་དང་། ཕྱག་དྲུག་པ་དང་བཞིའོ། །དེ་ལྟར་ན་མངོན་རྟོགས་ཀྱི་སྒྲུབ་ཐབས་བཅུ་ཅིག་(གཅིག་)དང་། ལས་ཚོགས་ཀྱི་ཅིག་(གཅིག་)ཏུ་བསྡུས་པ་སྟེ་བཅུ་གཉིས་སོ།། །།རྫོགས་རིམས་ལ་ཚོགས་བཤད་ལ། རྩ་དང་། རླུང་དང་། བྱང་སེམས་དང་། བསམ་གྱིས་མི་ཁྱབ་བོ། །སློབ་མ་ལ་བཤད་ན། དངོས་པོའི་
1-1-150a
གནས་ཐབས་ལམ་འབྲས་བུའི་འོ། །དེ་ལྟར་ན་སྐྱེད་(བསྐྱེད་)རྫོགས་གཉིས་ལ་བཅོ་ལྔ་སྟེ། རྣལ་འབྱོར་གྱི་ལམ་དངོས་སུ་སྟན་(བསྟན་)ཏོ། །དམ་ཚིག་བཟའ་བ་དང་བསྲུང་བའོ། །སྤྱོད་པ་ལ་དམན་པ་ལས་དང་པོ་པའི་དང་། བརྟན་པ་བསམ་པ་སློབ་པའི་དངོས་རྗེས་རོ་སྙམ་པ་དང་། རིག་པ་རྟུལ་ཞུགས་ཀྱིས་ལུས་ཚར་གཅད་པའི་སྤྱོད་པའོ། །དེ་ལྟར་རང་བཞིན་གྱི་རྒྱུད་ལ་ཉི་ཤུའོ། །འབྲས་བུ་ལས་དང་དངོས་གྲུབ་བོ། །ལས་ནི་ལས་ཆེན་བརྒྱད་དོ། །དངོས་གྲུབ་ནི་མཆོག་ལ་འབྲས་བུ་སྐུ་བཞི་ཡན་བརྒྱད་དང་བཅས་པ་དང་། ཐུན་མོང་གི་དངོས་གྲུབ་བརྒྱད་དོ། །དེ་ལྟར་ན་ལས་བརྒྱད་དང་དངོས་གྲུབ་གཉིས་ཏེ་བཅུའོ། །ཐམས་ཅད་བསྡུས་ན་གཞིའི་རྒྱུད་ལ་གཞི(བཞི)། །རང་བཞིན་ལ་ཉི་ཤུ་རྩ་བཞི། འབྲས་བུ་ལ་བཅུ་སྟེ་སོ་བཞི་ཐུན་མོང་གི་བསླབ་བྱ་དང་སོ་ལྔར་ནི་འབུམ་ལྔའི་དོན་ཡང་འཆད་དོ། །དེ་ལྟར་བསྡུད་དོ། །ར་ཛཱ་ནི་སྙིང་པོ་ལྟ་བུའི་རྒྱུད་ཡིན་པས་སོ། །དེ་རྣམས་སྟོན་པའི་གཞུང་གི་ཚོགས་ལ་ན་མ་ཞེས་བྱའོ། །གླེང་གཞི་འདི་ནི་གསང་བ་བླ་ན་མེད་པའི་རང་གཞུང་དུ་བཤད་པ་དང་། ཐེག་པ་འོག་མ་རྣམས་དང་གོ་བསྟུན་པའོ། །དང་པོར་ལྟར་ན་རྒྱུད་བར་མ་སྟེ་གུར་དང་། ཁ་སྦྱོར་ཐིག་ལེ་ལ་རྒྱུད་དུ་བཤད་དོ། །གང་ཟག་དབང་པོ་འབྲིང་ཚོགས་ལམ་པས་མཚན་གྱི་དོན་མི་གོ་བས་འདི་སྟོན་ཏོ། །དེ་ལ་གཞིའི་རྒྱུད་དང་སྦྱར་ན་བྷ་ག་བན་ནི། དབང་བསྐུར་བས་ལུས་ངག་ཡིད་གསུམ་ཐ་དད་པས་ཏེ་བཞི་བཅོམ་པས་སོ། །སརྦ་ཏ་ཐཱ་ག་ཏ་ནི་ཕུང་པོ་ལ་སོགས་པའི་དྲི་མ་འཁྲུ་བའོ། །ཀཱ་ཡ་ནི་བུམ་པའི་དབང་ངོ་། །བྷ་ག་ནི་འགྲིན་པར་རྫས་གཉིས་ལ་ལོངས་སྤྱོད་པས་གསང་དབང་ངོ་། །ཙི་ཏ་
1-1-150b
ནི་ལྷན་ཅིག་སྐྱེས་པ་དོན་དམ་ཤེས་རབ་ཡེ་ཤེས་ཀྱི་དབང་ངོ་། །བཛྲ་ནི་དབང་བཞི་པའོ། །ཡོ་ཥི་ད་ནི་གསང་བ་དང་། ཤེས་རབ་ཡེ་ཤེས་ཀྱི་ཕྱག་རྒྱ་མའོ། །བི་ཙ་ནི་དེའི་བྷ་གའོ། །ཧ་ར་ནི་དབང་གསུམ་པའི་དུས་སུ་སྐད་ཅིག་མ་བཞིའོ། །དེ་དག་ནི་དབང་བཞི་པའི་དོན་ཤེས་པ་ལས་ཐོབ་པར་གྱིས་ཤིག་པ་ནི། ཨེ་བྃ་མ་ཡ་ཤུ་ཏྃ། ཨེ་ཀ་སྨིན་ས་མ་ཡེ་ཞེས་བྱའོ། །སྐྱེད་(བསྐྱེད་)རིམས་ལ། ཨེ་ཆོས་འབྱུང་གཞལ་ཡས་ཁང་དང་བཅས་པ་སྐྱེད་པའོ། །བྃ་ནི་གཙོ་བོ་སྐྱེད་པའོ། །མ་ནི་ཡུམ་སྐྱེད་པའོ། །ཡ་ནི་ཡབ་ཡུམ་ཞལ་སྦྱར་བའོ། །རྡོ་རྗེ་པདྨ་བྱིན་གྱིས་བརླབས་ཏེ། བྱང་སེམས་ཡུམ་གྱི་པདྨར་ཕབ་པ་ནི་ཤྲིའོ། །དེ་ནས་བྷ་ག་བན་བྱང་སེམས་ཀྱི་ཐིག་ལེ་བརྒྱད་ཡོད་པ་ལ་རླུང་གིས་འཕངས་ནས་འབྱིན་སྔགས་བརྒྱད་ཀྱིས་གདན་གྱི་སྟེང་དུ་འཕྲོས་པ་ནི་ཏཾ་མོ། །ཨེ་ཀ་ནི་དེ་དག་ཐམས་ཅད་བདེ་སྟོང་དབྱེར་མེད་ལས་བྱུང་བའོ། །སྨིན་ནི་ལྷ་མོ་ཐམས་ཅད་ཀྱི་སྐུ་རྒྱན་དང་ཆ་ལུགས་བཞུགས་ཚུལ་མཁའ་འགྲོ་མའི་སྐུར་རྫོགས་པའོ། །ས་མ་ཡ་ནི་གང་ཟག་དམ་ཚིག་དང་ལྡན་པས་དེ་ལྟར་སྒོམ་པའོ། །དེས་ཉོན་མོངས་པ་འཇོམས་པས་ན་བྷ་ག་བན། སརྦ་ཏ་ཐཱ་ག་ཏ་ཀ་ཡ་བ་ག་ཙི་ཏ་ནི་སྐུ་གསུང་ཐུགས་བྱིན་གྱིས་རླབས་པའོ། །ཧྲི་ད་ཡ་བཛྲ་ནི་ཡེ་ཤེས་སེམས་དཔའ་དང་ཏིང་འཛིན་སེམས་དཔའོ། །དེ་ནས་ཧཱུྃ་ལས་འོད་འཕྲོས་པས་ཡེ་ཤེས་སེམས་དཔའ་བཀུག་ནས་བསྲེ་བ་ཤུགས་ལས་འབྱུང་ངོ་། །ཡོ་ཥི་ནི་དབང་བཞི་བླང་པའོ། །དབང་བཞིའི་ཉམས་སུ་མྱོང་བ་བི་ཛ་ཧ་རའོ། །རྫོགས་རིམས་ནི་ཚོགས་པ་ལ་བཤད་པ་དང་། སློབ་མ་ལ་བཤད་པའོ། །ཕྱི་མ་ལྟར་ན་སེམས་དངོས་པོའི་གནས་ཐབས་ལ། ཨེ་ཞེས་བྱ་བ་དམ་པའི་དོན། །བྃ་ཞེས་བྱ་བ་ཀུན་རྫོབ་སྟེ། །ཐིག་ལེ་གཉིས་མེད་སྦྱོར་
1-1-151a
བ་ནི། དམ་པ་དཀྱིལ་འཁོར་ལ་གནས་པ། མ་ནི་ཡིད་ཅེས་བྱ་བ་སྟེ། །ཡ་ཞེས་བྱ་བ་རླུང་དུ་བཤད། །ཤྲུ་ནི་རླུང་སེམས་ཅིག་(གཅིག་)འདྲེས་པའོ། །དེ་ཉིད་ཏ་རུ་ཡང་དག་བཤད། །ཨེ་ཞེས་བྱ་བ་རྟོག་བྲལ་སྟེ། །ཀ་ཞེས་བྱ་བ་བདེ་བར་ལྡན། །སྨིན་ནི་སྔོན་དུ་གྱུར་པ་སྟེ། བདག་ཉིད་མི་རྟོག་བདེ་དམ་པ། །ས་ཞེས་བྱ་བ་སྙམ་པར་བཤད། །ཕྱག་རྒྱ་ཆེན་པོ་ཐོབ་ཕྱིར་རམ། །ཡེ་ཤེས་བྱ་བ་འབད་པ་མེད། །ཐམས་ཅད་བདེ་བར་རོ་གཅིག་པའོ། །བྷ་ཞེས་བྱ་བ་འཇོམས་པ་སྟེ། །ག་ཞེས་བྱ་བ་ནམ་མཁར་བཤད། །བན་ནི་ཡང་དག་ལྡན་པ་སྟེ། །ལྡན་པ་ནམ་མཁར་ཉེར་འགྲོ་བ། །ས་ཞེས་བྱ་བ་ཐམས་ཅད་ཡིན། །རྦ་ཞེས་བྱ་བ་རོལ་པར་བཤད། །ཏ་ནི་དེ་ལྟར་གནས་པ་སྟེ། །ཐ་ནི་ཡང་དག་ལྡན་པའོ། །ག་ཞེས་བྱ་བ་འོང་བ་མེད། །ཏ་ནི་འདི་ལས་གཞན་དུ་མེད། །འདི་ལས་གཞན་དུ་གྱུར་པ་ནི། །འཇིག་རྟེན་གསུམ་ན་ཡོད་མ་ཡིན། །ཀ་ཞེས་བྱ་བ་ལུས་ཡིན་ཏེ། །དེ་བཞིན་བག་ནི་ཚིག་གི་ལམ། །ཙི་ཏྷ་(ཙིཏྟ་)ཞེས་བྱ་སེམས་ཡིན་ནོ། །བཛྲ་ཞེས་བྱ་སྟོང་པ་སྟེ། །རྣམ་རྟོག་ཐམས་ཅད་སྤངས་པའོ། །ཧྲིཿཞེས་བྱ་བ་སྙིང་པོས་ཏེ། །ད་ཞེས་བྱ་བ་དེར་སྟོང་པ། །ཡ་ནི་གང་དང་གང་འདོད་པའི། །འདོད་པ་ཐམས་ཅད་སྟེར་བའོ། །བ་ཞེས་བྱ་བ་བློ་ཡིན་ཏེ། །ཛ་ནི་དེ་བཞིན་མི་ཕྱེད་པ། །ཡོ་ནི་དེ་བཞིན་རྣལ་འབྱོར་ཏེ། །ཥིད་ཅེས་བྱ་བ་དགག་པ་ཡིན། །རྣལ་འབྱོར་ཆེན་པོ་འདི་ལ་ནི། །ཕྱི་རོལ་སྦྱོར་སྤངས་བདེ་བར་གནས། །བྷ་ཞེས་བྱ་བ་བྷ་ག་སྟེ། །ག་ཞེས་བྱ་བ་དེར་སྤྱོད་པ། །ཥུ་ནི་དེ་བཞིན་མྱ་ངན་འདས། །འདི་ནི་མྱ་ངན་ཀུན་སྤངས་པས། །བི་ཞེས་བྱ་བ་སྣ་ཚོགས་ཏེ། །ཛ་ཞེས་བྱ་བ་སྐྱེ་དང་ལྡན། །ཧ་ནི་མི་ཤིགས་པར་བཤད་དེ། །ར་ནི་ཆགས་པ་ཆེན་པོའོ། །ཞེས་པས་
1-1-151b
ལྟ་བ་གཏན་ལ་འབེབས་པ་སྟེ། སེམས་དངོས་པོའི་གནས་ཐབས་ཀྱིས། །སྒོམ་རྒྱུ་དོན་གྱི་ངོ་བོ་ཤེས་པའི་དགོས་པ་ཡོད་པའི་ཕྱིར་བསྟན་ཏོ། །སྒོམ་པའི་གནད་ཤེས་པར་བྱ་བའི་ཕྱིར། །ལུས་དངོས་པོའི་གནས་ཐབས་གཏན་ལ་དབབ་སྟེ། ཨེ་ནི་མའི་ཆོས་འབྱུང་། །བ་ནི་ཕའི་རྡོ་རྗེ། ཐིག་ལེ་ས་བོན་དཀར་དམར། །མ་ནི་ས་བོན་གཉིས་ཀྱི་བར་དུ་བར་དོ་ཞུགས་པའོ། །དེར་རླུང་གིས་འཕངས་པ་ཡའོ། །ཤྲུ་ཏྃ་ནི་དེ་རྣམས་འདྲེས་པའོ། །ཨེ་ནི་བྷ་གའི་གནས་ན་གནས་པའོ། །ཀ་ནི་དེ་རྣམས་བདེ་བའི་ངོ་བོར་གནས་པའོ། །སྨིན་ནི་ལུས་རྫོགས་པའོ། །ཐ་མལ་གྱི་ལུས་དེ་ཡང་བྱང་ཆུབ་པ་ལྔས་སྐྱེད་ཅིང་བསྡུས་ཏེ། དེ་བཞིན་གཤེགས་པའི་སྐུ་གསུང་ཐུགས་རྡོ་རྗེར་གནས་པ་ནི། །བྷ་ག་བན། སརྦ་ཏ་ཐཱ་ག་ཏ་ཀ་ཡ་བག་ཙི་ཏ་བཛྲའོ། །བྷ་གེ་ཥུ་ནི་རྩ་མདུད་ཀྱི་ཆོས་འབྱུང་གྲུ་གསུམ་པའོ། །བི་ཙ་ཧ་ར་ནི། དེ་ན་རླུང་སེམས་འདྲེས་པའི་ཐིག་ལེ་ལ་རྟེན་(བརྟེན་)པའི་ཤེས་པ་གནས་པའོ། །ལམ་གྱི་གནས་ཐབས་ལ། །ཀ་ཡ་ནི་ཐ་མལ་གྱི་དུས་ན་སེམས་ཀྱི་རྒྱལ་པོ་དེ་ལྟེ་བ་ན་གནས་པས་ཙན་ད་ལི་སྒོམ་པའོ། །བག་ནི་རྨི་ལམ་གྱི་དུས་སུ་ཤེས་པ་དེ་མགྲིན་པ་ན་གནས་པའོ། །ཙི་ཏྷ་ནི་གཉིད་ཀྱི་དུས་སུ་སྙིང་ཁ་(ག་)ན་གནས་པའོ། །བཛྲ་ནི་སྙོམས་འཇུག་གི་དུས་ན་སྤྱི་བོ་ན་གནས་པའོ། །གནས་དེ་བཞིན་རྩ་མདུད་གྲུ་གསུམ་པ་བཞིའི་ནང་ན་སེམས་ཀྱི་རྒྱལ་པོ་ཡི་གེ་བཞིའི་ངོ་བོར་བཞུགས་པ་ལ་བྷ་གེ་ཥུ་བི་ཛ་ཧ་ར་ཞེས་བྱའོ།། །།དེ་ལྟ་བུའི་མན་ངག་དེ་བླ་མ་ལས་སྒྲོ་བཀུར་(སྐུར་)དང་བྲལ་བར་གྱིས་ལ་ལོང་ཅིག(ཞིག) །ཞེས་པ་ནི་ཨེ་བྃ་མ་ཡ་ལ་སོགས་པའོ། །འབྲས་བུའི་རྒྱུད་ལ་ཀ་ཡ་ནི་སྤྲུལ་པའི་སྐུའོ། །བ་ག་ནི་ལོངས་སྐུའོ། །ཙི་ཏྷ་ཆོས་སྐུ་དང་། བཛྲ་དེ་
1-1-152a
རྣམས་རོ་ཅིག་(གཅིག་)པ་ནི་བདེ་བ་ཆེན་པོའི་སྐུའོ། །དེས་མཚོན་ནས་ལས་དང་ཐུན་མོང་གི་དངོས་གྲུབ་ཀྱང་ཤུགས་ལས་བསྟོན་(སྟོན་)ཏོ། །དེ་རྣམས་ཀྱིས་དབང་པོ་འབྲིང་ལ་བཞུགས་ཚུལ་དུ་གོ་བས་ཏེ་རྒྱུད་བར་མའི་དོན་ཏོ།། །།ད་ནི་རྒྱུད་རྒྱས་པ་ལ་གླེང་གཞི་བཤད་པར་བྱས་ཏེ། འདི་སྐད་ནི་སྒྲོ་བཀུར་(སྐུར་)དང་བྲལ་བའོ། །བདག་གིས་ནི་གཞན་ལས་མ་རྒྱུད་པར་སྟན་(བསྟན་)ཏོ། །དུས་ཅིག་(གཅིག་)ཐོས་པ་ཆེ་བ་དང་། ཤེས་རབ་ཆེ་བ་དང་། གསང་སྔགས་འབྱུང་དཀའ་བ་དེ་གསུམ་མོ།། །།དེའི་འོག་ཏུ་འཁོར་རྣམས་ལ་རྣམ་པར་རྟོག་པ་གསུམ་སྐྱེས་པ་ནི་སྟོན་པ་གང་ལ། གནས་གང་དུ་འཁོར་གང་དང་ལྷན་ཅིག་ཐོས་སྙམ་པའི་ཐེ་ཙོམ་གཅད་པའི་ཕྱིར། སྟོན་པ་ནི་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེའོ། །གནས་ནི་བཙུན་མོའི་བྷ་ག་རྣམས་སོ། །འཁོར་ནི་བཞུགས་སོ་ཞེས་པས་སྟན་(བསྟན་)ཏོ། །དེ་ལ་བཅོམ་ལྡན་འདས་ནི་བདུད་བཞི་བཅོམ་པ་དང་། ལེགས་པའི་ཡོན་ཏན་དྲུག་དང་ལྡན་པའོ། །དེ་བཞིན་གཤེགས་པ་ཐམས་ཅད་ནི་ཆོས་ཉིད་སྟོང་པ་འོད་གསལ་ལས་གཞན་དོན་དུ་གཤེགས་ཤིང་རང་དོན་དུ་སླར་འོད་གསལ་དུ་འཇུག་པའོ། །སྟོན་པ་དེ་ལ་སྐུ་ཕྱག་དྲུག་པ། གསུང་ཕྱག་བཞི་པ། ཐུགས་ཕྱག་གཉིས་པ། རྡོ་རྗེ་ནི་དེ་རྣམས་རོ་མཉམ་ཀྱི་(གྱི་)སྟོན་པ་ཕྱག་བཅུ་དྲུག་པ། དེ་རྣམས་ཀྱང་གདུལ་བྱའི་སྒོ་ནས་བཞག་པ་ཡིན་ནོ། །བཙུན་མོའི་བྷ་ག་ནི་ལྷ་མོ་ཐམས་ཅད་ཀྱི་བྷ་ག་ཅིག་(གཅིག་)ཏུ་བསྡུས་པའི་ཆོས་འབྱུང་གི་ནང་ན་གནས་ཏེ་དེ་རྣམས་ནི་གཞལ་ཡས་ཁང་དང་བཅས་པའོ། །བཞུགས་སོ་ནི་ཐབས་ཤེས་རབ་ཀྱི་རང་བཞིན་གྱི་འཁོར་དང་ཐབས་ཅིག་(གཅིག་)གོ། །དེ་ལྟར་
1-1-152b
གླེང་གཞི་བསྟན་ནས། རྒྱུད་དངོས་ཀྱི་མཚན་ལ་དྲི་བ་བསྟན་ཏེ། གླེང་གཞི་བཀའ་དངོས་སུ་བྱས་ནས། སྐུ་གསུང་ཐུགས་སྙིང་པོ་རྗེ་བཙུན་དང་གཞི(བཞི)། བྱ་བ་དང་སྤྱོད་པ་དང་རྣལ་འབྱོར་གྱི་རྒྱུད་མན་ཆད་ལ་གསང་བ་དང་། ཉན་ཐོས་ལ་སོགས་པ་ལ་ཤིན་ཏུ་ཆེས་གསང་བ་དེ་འང་ཐུགས་ལས་བཤད་དུ་གསོལ། ཞེས་པའོ། །དེ་ལ་ཨེ་མ་ཧོ་ནི་ངོ་མཚར་བ་སྟེ། ཁྱོད་རང་གིས་གོ་བ་བཞིན་དུ་གཞན་དོན་དུ་འདྲི་བ་ལྟར་སྟོན་པའོ། །བྱང་ཆུབ་སེམས་དཔའ་ནི་ཐོབ་བྱེད་དེ་ལ་ཡིད་མི་ནུར་བར་སེམས་དཔའོ། །ཆེན་པོ་མི་དམིགས་པའི་སྙིང་རྗེ་ཆེན་པོ་དང་ལྡན་པའོ། །རྡོ་རྗེ་སྙིང་པོ་ནི་བསྡུད་པ་པོ་སྟེ། བདེ་བ་དང་སྟོང་པ་གཉིས་སུ་མེད་པ་ལ་དེ་སྐད་ཅེས་བྱའོ། །སྙིང་རྗེ་ཆེན་པོ་བློ་དམན་རྗེས་སུ་འཛིན་པའོ། །ལེགས་སོ་ནི་ཤེས་བཞིན་དུ་དྲི་བའི་ཚུལ་སྟོན་པ་དེའོ། །རྡོ་རྗེ་སེམས་དཔའ་ལ་སོགས་པ་ནི་གླེང་གཞི་དང་འདྲི་བའི་ཐུགས་ནི་རྡོ་རྗེ་སེམས་དཔའ་དེ་ཉོན་ཅིག་པའོ། །དེ་བཞིན་དུ་གསུང་ནི་སེམས་དཔའ་ཆེན་པོ། །སྐུ་ནི་དམ་ཚིག་སེམས་དཔའ་ཆེན་པོ། །རྡོ་རྗེ་དང་སྙིང་པོ་རྗེ་བཙུན་ནི། ཀྱེའི་རྡོ་རྗེ་ཡིན་པས་དེ་ཉོན་ཅིག་པའོ། །རྡོ་རྗེ་སྙིང་པོ་ལ་སོགས་པས་སེམས་དཔའ་གསུམ་གྱི་དྲི་བ་རྒྱས་པར་སྟན་(བསྟན་)ཏེ། གཏན་ཚིགས་གང་གི་ཕྱིར་རྡོ་རྗེ་སེམས་དཔའ་ཞེས་པ་ཇི་ལྟར་ལགས། འཐད་པ་ཇི་ལྟར་ན་སེམས་དཔའ་ཆེན་པོ་ལགས། རྒྱུ་མཚན་གང་གིས་སེམས་དཔའ་ཆེན་པོ་ལགས། ཞེས་པའོ། །བཀའ་སྩལ་པ་ལ་སོགས་པ་ལན་རྒྱས་པར་སྟོན་ཏེ། ལམ་སྐྱེད་(བསྐྱེད་)རིམས་ཀྱི་དབང་དུ་བྱས་པའི་སེམས་དཔའ་གསུམ་ལ། རྡོ་རྗེ་ནི་ཕྱག་གཡས་པའི་རྡོ་རྗེ་རྩེ་ལྔ་པ་ཉིད་དོ། །དེའི་དོན་སྟོང་ཉིད་ཡིན་ལ། དེ་ལ་བཟུང་འཛིན་གྱིས་མི་ཕྱེད་པའོ། །སྟོང་
1-1-153a
པའི་བརྡའ་རྡོ་རྗེ་སེམས་དཔའ་ནི་སེམས་དཔའོ། །ལྷ་དེའི་སྐུ་གསུང་ཐུགས་སྟོང་ཉིད་དུ་རོ་ཅིག་(གཅིག་)པས། སྲིད་པ་གསུམ་རོ་ཅིག་(གཅིག་)པའོ། །གཏན་ཚིགས་འདིས་ན་ཤེས་རབ་སྟོང་པ་ཐབས་རིག་པའི་ཡེ་ཤེས་དབྱེར་མེད་པ་ལ་རྡོ་རྗེ་སེམས་དཔའ་ཞེས་བྱའོ། །སེམས་དཔའ་ཆེན་པོ་ནི་ཕྱག་བཞི་པ་སྟེ། སེམས་དཔའ་ནི་ཧེ་རུ་ཀ་ཕྱག་བཞི་པ་ཐབས་བདེ་བའོ། །ཆེན་པོ་ཤེས་རབ་ཕག་མོ་སྟོང་པའོ། །དེ་གཉིས་ཞལ་སྦྱོར་བདེ་སྟོང་གི་རོ་རྒྱས་ཤིང་གང་བ་ནི་སེམས་དཔའ་ཆེན་པོའོ། །དམ་ཚིག་སེམས་དཔའ་ནི་ཕྱག་དྲུག་པ་སྟེ། རྟག་ཏུ་ནི་ཐུན་གསུམ་མམ་བཞིའོ། །དམ་ཚིག་ནི་དབང་ཐོབ་ནས་ལྷའི་སྐུ་དང་མི་འབྲལ་བའོ། །སྤྱོད་པ་ནི་ཉམས་སུ་ལེན་པ་ལ་དམ་ཚིག་སེམས་དཔའ་ཞེས་བྱའོ།། །།ལམ་རྫོགས་རིམས་ཀྱི་སེམས་དཔའ་གསུམ་ལ། གོང་དུ་ཐུགས་ཞེས་བྱ་བའི་ཕྱིར། ཡུལ་གྱི་གནད་སྙིང་ཁ་(ག་)སྟེ། གཉིད་ཀྱི་དུས་སུ་ཤེས་པ་སྙིང་ཁར་(གར་)གནས་པ་ལ་ཤེས་པ་གཏད་ལ། སེམས་བཟུང་ཐབས་ཀྱིས་སྦྱངས་ཏེ། སེམས་ཉིད་འོད་གསལ་དུ་བཅུག་ནས་སྒོམ་པའོ། །དེ་ལ་སེམས་སྟོང་པ་འོད་གསལ་དུ་གནས་པས་ཏེ། གཟུང་འཛིན་གྱིས་རྡོ་རྗེ་ལྟར་མི་ཕྱེད་པས་རྡོ་རྗེ་མི་ཕྱེད་དོ། །སེམས་དཔའ་ནི་སེམས་ཀྱི་རྒྱལ་པོ་སྙིང་ཁར་གནས་པའོ། །སྲིད་པ་གསུམ་ནི་རྣམ་རྟོག་རགས་པ་འགག་པ་སྟོང་པ། བར་མ་འགགས་པ་ཆེན་པོ་སྟོང་པ། ཕྲ་བ་འགགས་པ་ཤིན་ཏུ་སྟོང་པའོ། །དེ་ནས་འོད་གསལ་དུ་ཚུད་པ་ནི་ཐམས་ཅད་སྟོང་པའོ། །གཏན་ཚིགས་འདིས་ན་རིགས་སྟོང་དབྱེར་མེད་ཀྱི་ཉམས་མྱོང་དེ་ནི་རྡོ་རྗེ་སེམས་དཔའོ། །སེམས་དཔའ་ཆེན་པོ་ནི་ཡུལ་གྱི་སྣང་འགྲིན་པ་ན་སེམས་ཀྱི་
1-1-153b
རྒྱལ་པོ་གནས་ཏེ། རྨི་ལམ་གཙོ་བོར་བྱས་ནས་བསྒོམས་ན་འབྲས་བུ་འབྱུང་སྟེ་སེམས་དཔའ་ཆེན་པོའོ། །བར་དོར་ཟིན་ན་ཡང་གང་འདོད་པའི་གཟུགས་སུ་འགྱུར་རོ། །སེམས་དཔའ་ཆེན་པོ་ནི་རྨི་ལམ་གྱི་ཉམས་མྱོང་གི་རོས་གང་བ་དེ་ཉིད་སེམས་དཔའ་ཆེན་པོའོ། །དམ་ཚིག་སེམས་དཔའ་ནི་ཙན་དྷ་ལི་སྒོམས་པའི་དུས་ན། རྩ་མདུད་སེམས་ཀྱི་རྒྱལ་པོ་ཨ་ལ་བཟུང་བས། ཡེ་ཤེས་ཀྱི་མེ་འབར་ནས་སྤྱི་བོ་ནས་བྱང་སེམས་བབ་པས་ཉམས་མྱོང་སྐྱེ་བའོ། །རྟག་ཏུ་ནི་དུས་སོ། །དམ་ཚིག་ལ་སྤྱོད་པ་ནི་སྤྱི་བོའི་བྱང་སེམས་འབབ་པའོ། །དེའི་ཉམས་མྱོང་ནི་དམ་ཚིག་སེམས་དཔའ་ཞེས་བྱའོ། །འབྲས་བུའི་སེམས་དཔའ་གསུམ་ལ། སེམས་དཔའ་ནི་ཆོས་ཀྱི་སྐུའོ། །སྟོང་པ་ཉིད་ལ་མཚན་མ་དང་རྣམ་རྟོག་སྤྲོས་པ་དང་བྲལ་བས་རྡོ་རྗེ་མི་ཕྱེད་དོ། །སེམས་དཔའ་ནི་སྟོང་པ་ཉིད་ཀྱི་རོ་བདེ་བར་ཤར་བའོ། །སྲིད་པ་གསུམ་ནི་འདོད་པ་དང་གཟུགས་མེད་པ་རྣམས་རོ་ཅིག་(གཅིག་)པའོ། །གཏན་ཚིགས་འདིས་ནི་རིགས་སྟོང་དབྱེར་མེད་ཀྱི་སྐུ་ལ་རྡོ་རྗེ་སེམས་དཔའ་ཞེས་བྱའོ། །སེམས་དཔའ་ཆེན་པོ་ནི་ལོངས་སྐུ་སྟེ། ཡེ་ཤེས་བདེ་བ་དང་། ཆེན་པོ་སྟོང་པའི་རོས་གང་བ་ནི་རྒྱས་པ་སྟེ། བདེ་སྟོང་ལ་ལོངས་སྤྱོད་པ་ནི་སེམས་དཔའ་ཆེན་པོའོ། །དམ་ཚིག་སེམས་དཔའ་ནི་སྤྲུལ་པའི་སྐུ་སྟེ། གདུལ་བྱའི་དོན་དུས་རྒྱུན་མི་འཆད་པར་བྱེད་པས་རྟག་ཏུའོ། །དེ་ལས་མི་འདའ་བས་དམ་ཚིག་གོ། །སྤྲུལ་སྐུས་མཛད་པའི་ཕྱིར་དམ་ཚིག་སེམས་དཔའོ། །རྡོ་རྗེ་སྙིང་པོ་ལ་སོགས་པས་སྙིང་པོ་ཀྱེའི་རྡོ་རྗེ་ལ་དྲི་བ་སྟན་(བསྟན་)ཏོ། །ཀྱེའི་རྡོ་རྗེ་ནི་སྐུ་གསུམ་རོ་ཅིག་(གཅིག་)པ་བདེ་བ་ཆེན་པོའི་སྐུའོ། །མིང་བསྡུས་པ་ནི་རྒྱུད་རྒྱས་པའི་བརྗོད་བྱ་ཐམས་ཅད་
1-1-154a
དབང་པོ་རབ་ཀྱི་མཚན་དོན་དུ་གོ་ཞིང་བསྡུ་བའི་ཕྱིར་རོ། །ཧེ་བཛྲ་དབང་པོ་ཐ་མས་མ་གོ་ནས། དེའི་རྣམ་པས་ཅི་ཞིག་བཤད། །བཛྲ་ཡིས་ཀྱང་དེ་བཞིན་ཅི། །ཞེས་ཞུས་པའོ། །ལན་ལ་སྐྱེད་(བསྐྱེད་)པའི་རིམ་པ་དང་སྦྱར་ན། །སྙིང་རྗེ་ཆེན་པོ་ནི་ཧེ་རུ་ཀ་ཕྱག་བཅུ་དྲུག་པའོ། །ཤེས་རབ་ནི་ཡུམ་བདག་མེད་མའོ། །ཡབ་ཡུམ་འཁྱུད་པ་ནི་སྣང་བ་དང་སྟོང་པ་ཕན་ཚུན་མི་སྟོང་པའོ། །སྙོམས་པར་ཞུགས་པ་ནི་སྣང་སྟོང་བདེ་བར་རོ་ཅིག་(གཅིག་)པའོ། །རྫོགས་རིམས་ལ་འོག་སྒོ་བདེ་བ་ཆེན་པོ་སྒོམས་(སྒོམ་)པས། དུས་དང་། ཡུལ་དང་། ལུས་བཅོས་པའི་གནད་དང་གསུམ་གྱིས་ཡེ་ཤེས་འཆར་བས་ཏེ། སྙིང་རྗེས་ཡབ་འདུ་ཤེས་གསུམ་ལྡན་ནོ། །ཤེས་རབ་ནི་ཡུམ་འདུ་ཤེས་གསུམ་ལྡན་ནོ། །ཐབས་ནི་བྱང་སེམས་དབབ་པ་དང་། ལུས་ཀྱི་འཁྲུལ་འཁོར་གྱིས་བཟུང་བའོ། །ཤེས་རབ་ནི་དོན་དམ་ཟག་པ་མེད་པའི་ཡེ་ཤེས་སོ། །རྒྱུད་ནི་དེ་སྟོན་པའི་སྒྲའི་ཚོགས་སོ། །འབྲས་བུ་ནི་བདེ་བ་ཆེན་པོའི་སྐུ་སྟེ། སྙིང་རྗེ་ནི་སྤྲུལ་སྐུ་དང་ལོངས་སྐུའོ། །ཤེས་རབ་ནི་ཆོས་སྐུའོ། །བདག་ཉིད་རྒྱུད་ནི་དེ་རྣམས་རོ་ཅིག་(གཅིག་)པ་བདེ་བ་ཆེན་པོའི་སྐུའོ། །དེ་ལྟར་ཧེ་རུ་ཀ་བཞིར་རྒྱུད་ཀྱི་དོན་ཐམས་ཅད་འདུས་ཏེ་སྟན་(བསྟན་)པའོ། །ལྟ་སྟངས་ལ་སོགས་པས་རྒྱུད་དངོས་སྟན་(བསྟན་)ཏེ། དེ་ལ་ལེའུ་དང་པོ་འདི་བརྟག་པ་སུམ་བཅུ་(ཅུ་)རྩ་གཉིས་པའི་མདོར་བསྟན་ནོ། །དེ་ཡང་ལྟ་སྟངས་དགུག་དང་། དོན་ཆེན་ལ་སོགས་པས་འབྲས་བུའི་རྒྱུད་དང་། ལས་བརྒྱད་ཀྱི་མདོར་སྟན་(བསྟན་)ནོ། །ཇི་ལྟར་རིགས་པས་ནི་བཞིའི་རྒྱུད་ཀྱི་མདོར་སྟན་(བསྟན་)ཏེ། སྙེན་པ་ལ་སོགས་པ་ཇི་ལྟར་རིགས་པ་བྱའོ། །ལྷ་གང་གི་ཞེ་ན་རྣལ་འབྱོར་མ་སྟེ་ལྷ་དགུ་ལ་སོགས་པའི་ང་རྒྱལ་གྱིས་བྱའོ།། །།རང་བཞིན་གྱི་རྒྱུད་
1-1-154b
མདོར་བསྟན་པ་ལ། སྐྱེད་རྒྱུའི་ལྷ་ཅི་རིགས་པའི་རྣལ་འབྱོར་མ་དེ་སྐྱེད་ཚུལ་ཇི་ལྟར་རིགས་པ་སྐྱེད་པའོ། །གནས་ནི་ལྷ་དབང་སྐུར་བའི་ལེའུ་དང་། རྣམ་དག་གིས་སེམས་གནས་པས་སོ། །བྱེད་རྒྱུ་ནི་ལྷ་མོ་བཅོ་ལྔའི་ས་བོན་ནོ། །ནུས་པ་དང་བརྡའ་ཆེན་ནི་བརྡའ་དང་སྤྱོད་པའི་མདོར་སྟན་(བསྟན་)ནོ། །སྐྱེད་རྒྱུའི་ལྷ་ཧེ་རུ་ཀ་རྣམས་སྐྱེད་ཚུལ་ཇི་ལྟར་འབྱུང་བས་སྐྱེད་པའོ། །རྫོགས་རིམས་མདོར་སྟན་(བསྟན་)པ་ལ། རྣམ་ཤེས་ཡེ་ཤེས་སུ་སྒྱུར་བ་ལ་བདག་མེད་མའི་རྫོགས་རིམས་སོ། །ཧེ་རུ་ཀའི་རྫོགས་རིམས་ནི་ཧེ་རུ་ཀ་སྒྲུབ་བྱར་བཞག་ནས། དེ་ཐོབ་པའི་ཉེར་རྒྱུར་དང་པོར་བསྒོམ་པར་བྱའོ། །བདེ་སྟོང་གི་དངོས་པོ་ཉིད་ཀྱིས་རྣམ་གྲོལ་ཞིང་ངོ་། །ཐ་མལ་པས་དེ་མ་ཤེས་པས་དངོས་པོའི་འཆིང་བས་བཅིངས་པར་འགྱུར་ལ་རྣལ་འབྱོར་པས་དེ་ཡོངས་སུ་ཤེས་པས་གྲོལ་བ་ཡིན་པས། བདེ་སྟོང་ཤེས་པའི་ཤེས་རབ་དང་ལྡན་པས་སྒོམས་ཤིག་པའོ། །དེ་ལྟར་ན་གོང་དུ་བསྟན་པ་ལྟར། བདེ་སྟོང་གི་གྲུབ་བྱ་ཧེ་རུ་ཀ་ཐོབ་པར་བྱ་བའི་ཕྱིར་སྒོམ་པར་བྱའོ།། །།ད་ནི་རྫོགས་རིམས་དངོས་པོའི་གནས་ཐབས་ཤེས་བྱའི་ཡུལ་དུ་གཏན་ལ་དབབ་པར་བསྟན་པ་ལ་གསུམ་ལས། སེམས་དངོས་པོའི་གནས་ཐབས་ཀྱིས་སྒོམ་རྒྱུ་དོན་གྱི་ངོ་བོ་ངོ་ཤེས་པར་བྱས་ལ། ལུས་ནི་ཕ་མའི་ཁུ་ཁྲག་གཉིས་ལ་བར་དོ་ཞུགས་ནས་ཟླ་བ་བཅུ་ན་སྐྱེ་བའི་ལུས་སོ། །དེའི་རྩ་མདུད་བཞི་ལ་སེམས་ཀྱི་རྒྱལ་པོ་གནས་པ་སྟེ་དྲུག་པའི་སྒྲའོ། །དེ་ལྟ་བུའི་སེམས་དེ་ཡང་བདེ་སྟོང་དབྱེར་མེད་པས་ཡེ་ཤེས་ཆེན་པོ་གནས་ཞེས་བྱའོ། །རྣམ་པ་ཐམས་ཅད་ནུབ་པའི་ཤེས་པ་དེ་རྟོག་པ་ལས་ལོག་པས་ནི་རྟོག་པ་ཐམས་ཅད་ཡང་དག་སྤངས་པའོ། །དེ་ཉིད་མ་ཁྱབ་པ་ལས་ལོག་པས། དངོས་
1-1-155a
པོ་ཀུན་ལ་ཁྱབ་པ་པོ། །དེ་ལྟར་མཚན་ཉིད་གསུམ་ལྡན་དེ་ལུས་ལ་གནས་ཀྱང་། ལུས་ཞིག་པའི་ཚེ་བརླག་པར་མི་འགྱུར་ཏེ། ལུས་ཀྱི་བརྩོལ་(རྩོལ་)བས་ཡེ་ཤེས་ཆེན་པོ་དེ་མ་སྐྱེད་པའི་ཕྱིར་རོ། །དཔེར་ན་མཐོ་ཞིག་པའི་ཚེ་བྱ་འཕུར་བ་ལྟར་ལུས་ཞིག་པའི་ཚེ་ཡེ་ཤེས་འཕོ་བ་ཡིན་ནོ། །དེ་ལྟར་མཚན་ཉིད་གསུམ་ལྡན་དེ་དབང་གསུམ་པའི་དུས་ན་གཏན་ལ་ཕབ་ལ། རང་ལུས་དང་གཞན་ལུས་ཀྱིས་སྒོམས་པས་སེམས་ཉིད་དེ་ཆོས་ཀྱི་སྐུར་འགྱུར་ཞེས་བྱ་བའི་དོན་ཡིན་ནོ། །ད་ནི་ལུས་དངོས་པོའི་གནས་ཐབས་ཀྱིས་སྒོམ་པའི་གནད་གཏན་ལ་དབབ་པ་ནི། ཡེ་ཤེས་ཆེན་པོའི་གནས་ལུགས་ལ་དྲི་བ་ལ། རྡོ་རྗེའི་ལུས་ནི་བདེ་སྟོང་གི་ལུས་སམ། ཡང་ན་ཧེ་རུ་ཀ་སྟེ་བྱང་ཆུབ་པ་ལྔས་སྐྱེད་པའི་སེམས་ཅན་ཐམས་ཅད་ཧེ་བཛྲ་ལས་མ་འདས་པས་རྡོ་རྗེའི་ལུས་སོ། །ན་རོ་ཆེན་པོ་ནི་འདིར་རང་བཞིན་གྱི་སྐུ་གསུམ་དུ་བཤད་དེ། དང་པོ་དངོས་པོ་བརྒྱ་རང་བཞིན་གྱི་ཉི་ཤུ་རྩ་ལྔ་ལ་ཐིམ། དེ་ཆེན་པོ་བཞི་ལ་ཐིམ་སྟེ། དེ་ཡང་དང་པོ་ནི་ས་ཆུ་ལ་ཐིམ། ཆུ་ནི་མེ་ལ་ཐིམ་པར་འགྱུར། །མེ་ནི་རླུང་ལ་ཐིམ་པས་ཏེ། རླུང་ནི་རྣམ་པར་ཤེས་ལ་འཇུག །རྣམ་ཤེས་བཟུང་བ་དེ་ཉིད་ནི། འོད་གསལ་བར་ནི་འཇུག་པར་འགྱུར་ཞེས་སོ། །དེ་ནས་སྒོ་དགུ་གང་ཡང་རུང་བ་ནས་ཤེས་པ་འཕོས་ཏེ། ཞག་བདུན་ཕྲག་བདུན་ཚུན་ཆད་རིགས་འཐུན་པའི་སྐྱེ་བ་ལེན་ཏོ། །དེ་ནས་མངལ་དུ་འཇུག་པའི་ཚེ་ཁུ་ཁྲག་འབྲུ་གསུམ་གྱི་སྒྲ་དང་བཅས་པའི་བར་དུའོ། །མའི་རྣམ་སྣང་ལམ་ནས་ཞུགས་ཏེ། འདྲེས་ནས་མེར་མེར་པོ་ལ་སོགས་པ་གནས་སྐབས་ལྔ་དང་། ཉའི་རྣམ་པ་ལ་སོགས་པ་འཇུག་ཚུལ་བཅུ་ཚང་ནས་ལུས་སྐྱེའོ། །རྩ་འཆགས་པའི་གོ་རིམས་
1-1-155b
ནི། དང་པོ་ལྟེ་བར་ཨ་ཤད་ཀྱི་རྣམ་པ་ལྟ་བུའོ། །དེ་ནས་རྩ་གསུམ་མོ། །དེ་ནས་སོ་གཉིས་སོ། །དེ་ནས་ཞག་རེ་རེ་ཞིང་རྩ་འཕེལ་ཏེ་འཁོར་ལོ་བཞིར་གནས་སོ། །དེ་ནས་ཀུན་རྫོབ་བྱང་ཆུབ་ཀྱི་སེམས་དཀར་དམར་ལ་གདོད་ནས་གྲུབ་པའི་རླུང་སེམས་འདྲེས་པའི་ཐིག་ལེ་གནས། དེ་ལ་ཡེ་ཤེས་ཆེན་པོ་རྟེན་(བརྟེན་)ནས་གནས་སོ། །དེ་ལྟར་ལུས་ཀྱི་གནས་ལུགས་ཤེས་ན། སེམས་ཀྱི་རྒྱལ་པོའི་བཞུགས་ས་ཤེས་ཏེ། དེ་ཤེས་ན་ཡེ་ཤེས་སྐྱེ་བར་འགྱུར་རོ། །དཔེར་ན་བ་གཞོན་གྱི་འོ་མ་འདོད་པ་ལ་ནུ་མ་ནས་འཐེན་པ་ལྟ་བུའོ། །དེས་ན་འདི་ཤིན་ཏུ་གཅེས་པས་འདི་ལྟར་མཁྱེན་པར་མཛོད་ལ་སྒོམས་ཅིག་(ཤིག་)གསུང་ངོ་། །དེ་ལ་མའི་མངལ་དུ་ལུས་གྲུབ་པའི་ཚེ། རྩ་སུམ་བཅུ་(ཅུ་)རྩ་གཉིས་ཆགས་པ་ནི་མི་ཕྱེད་མ་ལ་སོགས་པའོ། །སྒྲ་འཇུག་པའི་རྒྱུ་མཚན་ནི་སློབ་དཔོན་པདྨ་བཞིན་དུ་སྦྱོར་རོ། །དེ་རྣམས་ཀྱི་ལས་ནི་བྱང་ཆུབ་ཀྱི་སེམས་སུམ་བཅུ་(ཅུ་)རྩ་གཅིག་འབབ་སྟེ། སྤྱི་བོ་ནས་མགྲིན་པ་དང་། སྙིང་ཁ་དང་ལྟེ་བར་འབབ་ཅིང་། རྐང་འཐིལ་གྱི་བར་དུ་ཕན་འདོགས་པའོ། །བདེ་བ་ཆེན་པོའི་གནས་སུ་འབབ་པ་ནི་ཟས་སྐོམ་ཐམས་ཅད་གཏུམ་མོའི་ཕེྃ་གྱི་སྒྲ་སྒྲོགས་པ་དངས་སྙིགས་ཕྱེ་སྟེ། དྭངས་མ་སྙིང་ཁ་དང་མགྲིན་པ་སྤྱི་བོར་འཕེན་ལ། སྙིགས་མ་དྲི་ཆེན་དྲི་ཆུ་ཕྱི་རུ་འབྱུང་ངོ་། །མེ་དེ་ཞན་ན་ཟས་སྐོམ་མི་འཇུ་ཞིང་ནད་འཇུག་པའོ། །རྩ་སུམ་བཅུ་(ཅུ་)སོ་གཉིས་པོ་དེ་རྣམས་ཀྱི་ནང་ནས་འདི་གསུམ་དང་པོར་གྲུབ་པས་གཙོ་བོ་སྟེ། མིང་ནི་ཀུན་དྷརྨ་ལ་སོགས་པའོ། །མཚན་ཉིད་རྐྱང་མ་ཤེས་རབ་བཟུང་བ། རོ་མ་ཐབས་འཛིན་པ། ཀུན་དྷར་མ་གཟུང་འཛིན་སྤངས་པའི་རྩའོ། །ལས་ནི་རྐྱང་མ་མི་སྐྱོད་འབབ་པས་ཏེ་
1-1-156a
དངོས་སུ་ཕྱིར་འདོར་རོ། །བུད་མེད་ལ་ཟླ་བ་འབབ་པའི་རྩ་རིགས་བཞི་སྟེ། དུང་ཅན་མ་དང་། གླང་སྣ་མ་དང་། རི་དྭགས་ཅན་དང་། པདྨ་ཅན་ནོ། །སྐྱེས་པ་ལ་ནི་དངོས་སུའོ། །ཁྲག་ནི་བུད་མེད་ལ་ཡར་ངོ་མར་ངོ་ལ་འབབ་ཅིང་། སྐྱེས་པ་ལ་རྩ་དེ་སྣ་བུག་གཡས་པ་ལ་ཟུགས་པས་ཁམས་མ་སྙོམས་ན་སྣ་ཁྲག་གཡས་ནས་འབྱུང་ངོ་། །རྩ་རྣམས་ཀྱི་རང་བཞིན་ནམ་མཚན་ཉིད་ཇི་ལྟ་བུ་ཞེ་ན། བཅོམ་ལྡན་འདས་ལ་སོགས་པས་དྲི་བ་བསྟན། ལན་ནི་རྩ་སྦུབས་སྟོང་པའི་ནང་གི་བྱང་ཆུབ་སེམས་ནི་ཐབས་བདེ་བ། དེ་གཉིས་མེད་ཀྱི་རྩ་ནི་འཁོར་ལོ་བཞིན་འདྲེས་ཤིང་རྩ་མདུད་གྲུ་གསུམ་དུ་གནས་ལ། དེ་ནས་སོ་སོར་གྱེས་པའོ། །སྲིད་གསུམ་ནི་རྩ་གསུམ་མོ། །དེ་ཡོངས་སུ་གྱུར་པ་ནི་གང་དུ་འདུས་ན་རྩ་ཐམས་ཅད་ནི་སུམ་བཅུ་(ཅུ་)སོ་གཉིས་པའོ། །གཟུང་བ་ནི་བརྐྱང་(རྐྱང་)མ། འཛིན་པ་ནི་རོ་མ། དེ་གཉིས་སྤངས་པ་ནི་སྡིག་བཅོམ་མོ། །རྩ་དེ་དག་ཀྱང་ཐ་དད་པ་མིན་ཅིང་། འཁོར་ལོ་བཞིར་ཅིག་(གཅིག་)པའོ། །ཡང་ན་ཐབས་ནི་ཐམས་ཅད་ཀྱིས། །དངོས་པོའི་མཚན་ཉིད་དུ་ནི་བརྟག་ཞེས་བྱའོ། །དེ་ལྟར་ལྟ་བ་གཏན་ལ་ཕབ་པས། སྒོམ་རྒྱུ་ངོ་ཤེས་ལ་ལུས་ཀྱི་གནས་ལུགས་ཀྱིས་སྒོམ་པའི་སྣང་ངོ་ཤེས་པར་བྱས་ཏེ། དེ་གཉིས་དང་ལྡན་ན་ཡེ་ཤེས་འཆར་བའོ། །དེ་གཉིས་སྡོམས་པ་ལ་ཐམས་ཅད་ལྡན་ཞིང་ཚང་བར་སྟན་པའི་ཕྱིར། །སྡོམ་པ་ལ་སོགས་པ་གསུངས་ཏེ། སྡོམ་པ་ནི་ལུས་སེམས་གཉིས་སྡོམ་པའི་རང་བཞིན་སྙུག་མའི་ཡེ་ཤེས་ཆེན་པོ། །དབྱེ་བ་ནི་སེམས་ཀྱི་རྒྱལ་པོའི་རང་བཞིན། རྣམ་འཕྲུལ་ཅིར་ཡང་སྣང་ཞིང་འཆར་བའོ། །རང་བཞིན་ཐ་མལ་ཨ་ལི་ཀ་ལི་ཐམས་ཅད་
1-1-156b
དུ་འབྱུང་ཞིང་ཐ་མལ་པའི་ཉི་ཟླར་སྣང་ཞིང་ཤར་བའོ། །ཤེས་རབ་ནི་སེམས་ཉིད་སྟོང་པའི་ངོ་ནས་སོ། །ཐབས་ནི་ཀུན་རྫོབ་ཅིར་ཡང་སྣང་བས་སོ། །རང་བཞིན་གྱི་སྐུ་གསུམ་དང་། ལུས་ལ་སོགས་པ་ཐམས་ཅད་སེམས་ཉིད་སྨྱུག་མ་དེའི་རྣམ་པར་འཕྲུལ་པའོ། །དེ་ལྟར་དབང་གསུམ་པ་ལ་སྦྱོར་ན། སྡོམ་པ་ནི་སྃ་བྷ་ར་ཏེ་བདེ་སྟོང་དུ་སྡོམ་པའོ། །དབྱེ་བ་ནི་ཡེ་ཤེས་ཆེན་པོ་དེ་དབང་གི་དུས་ན་སྣང་བའོ། །ཨ་ལི་ནི་ཡུམ་གྱི་བྷ་ག་བྱིན་གྱིས་རླབ་(རློབ་)པའོ། །ཀ་ལི་ཡབ་ཀྱི་རྡོ་རྗེ་བྱིན་གྱིས་རླབ་(རློབ་)པའོ། །ཡབ་ཡུམ་གཉིས་ལ་ཉི་ཟླ་ཞེས་སོ། །ལུས་ཀྱི་རྩོལ་བས་ཐིག་ལེ་དབབ་བཟུང་བྱ་བ་ནི་ཐབས་སོ། །རྡོ་རྗེའི་རྩ་བ་ནས་བུམ་པའི་བར་དུ་ལྷན་ཅིག་སྐྱེས་པ་སྐྱེ་བ་ནི་ཤེས་རབ་བོ། །དེའི་དུས་ཀྱིས་ཉམས་མྱོང་སྟོང་པ་ཆོས་སྐུ། བདེ་བ་ལོངས་སྐུ། གསལ་བ་སྤྲུལ་སྐུའོ། །སྐུ་གསུང་ཐུགས་ནི་རྩ་གསུམ་འདུས་པའི་རྩ་མདུད་གྲུ་གསུམ་པ་དེར་བདེ་བ་སྐྱེ་བའོ། །དེ་ལྟར་དབང་ཐོབ་པ་ལ་སྐྱེད་(བསྐྱེད་)རིམས་སྒོམ་པ་ལ། ཨ་ལི་ལ་ཟླ་བ་དང་། ཀ་ལི་ལས་ཉི་མ་དང་། དབུས་སུ་ས་བོན་ཕྱག་མཚན་ལས་ཐབས་ཤེས་རབ་ཀྱི་སྐུའོ། །དེ་ལྟར་སྐྱེད་(བསྐྱེད་)རིམས་ལ་ཡང་སྐུ་གསུམ་སྟེ། དང་པོ་སྟོང་པར་སྒོམ་པ་ཆོས་སྐུ། །ལྷའི་སྐུ་མཚན་དང་ལྡན་པ་ལོངས་སྐུ། །འོད་ཟེར་གྱི་སྤྲོ་བསྡུ་སྤྲུལ་སྐུའོ། །ལྷ་དེ་ལ་སྐུ་གསུང་ཐུགས་བྱིན་གྱིས་རླབ་(རློབ་)པ་སྐུ་གསུང་ཐུགས་ཞེས་བྱའོ། །དེ་ནས་རྫོགས་རིམས་སྒོམ་པ་ལ། ཨ་ལི་ནི་གཏུམ་མོའི་ཨ་ལ། ཀ་ལི་ནི་སྤྱི་བོའི་ཧྃ། ཟླ་བ་ནི་ཐིག་ལེ། ཉི་མ་ནི་གཏུམ་མོའི་མེ། ཤེས་རབ་ནི་ལྟེ་བའི་རྩ་མདུད། ཐབས་ནི་བདེ་ཆེན་གྱི་འཁོར་ལོ། །ཆོས་ལ་སོགས་པར་ཉམས་མྱོང་སྐུ་གསུམ། སྐུ་
1-1-157a
ལ་སོགས་པ་ལུས་ངག་ཡིད་གསུམ་སྐྱེ་མེད་དུ་དག་པའོ། །རྒྱས་པར་ནི་ཕྱི་མ་ལྟར་བྷོ་ལ་+ལ་+རྟེན་(བརྟེན་)པའི་རྫོགས་རིམས་བཞིན་ནོ། །སེམས་ཉིད་ཀྱི་དབྱེ་བ་དེར་མ་ཟད་དེ་འཁོར་འདས་ཀྱི་ཆོས་རྣམས་སུ་སྟན་(བསྟན་)པ་ནི། སྲ་བ་རུས་པ་ལ་སོགས་པ་ནི་འབྱུང་བ་སའོ། །ཡི་གེ་ཨེའོ། །ལྷ་མོ་སྤྱན་མའོ། །འཁོར་ལོ་ནི་ལྟེ་བ་སྤྲུལ་པའོ། །གཤེར་བ་ནི་ཐམས་ཅད་འབྱུང་བ་ཆུའོ། །ཡི་གེ་བྃ་མོ། །ལྷ་མོ་བདག་མེད་མའོ། །འཁོར་ལོ་སྙིང་ཁའོ(གའོ)། །དྲོད་ཐམས་ཅད་འབྱུང་བ་མེ། ཡི་གེ་མ། ལྷ་མོ་གོས་དཀར་མོ། །འཁོར་ལོ་འགྲིན་པའོ། །སྒོ་དགུའི་རླུང་སེམས་རྒྱུ་བ་ཐམས་ཅད་འབྱུང་བ་རླུང་ཡི་གེ་ཡ། ལྷ་མོ་སྒྲོལ་མ། འཁོར་ལོ་བདེ་བ་ཆེན་པོ། སེམས་ཉིད་དེ་ལྟར་སྣང་བའོ། །ད་ནི་སེམས་ཉིད་དེ་དཀོན་མཆོག་གསུམ་དུ་ཡང་སྣང་སྟེ། སངས་རྒྱས་དཀོན་མཆོག་འབྲས་བུ་སྐུ་བཞི་འཁོར་ལོ་བཞིར་སྣང་བ་ལ་དྲུག་སྟེ། མིང་དང་གནས་དུས་ནམ་སྨད་དུ་འགྲོ་བ། འཐད་པ། གྲངས་མང་ཉུང་། རྣམ་པར་དག་པའོ། །དེ་ལ་མིང་ནི་ལོངས་སྤྱོད་ཆོས་དང་སྤྲུལ་པ་དང་། དེ་བཞིན་དུ་ཡང་བདེ་ཆེན་ཉིད་ཅེས་སོ། །གནས་པ་ནི། སྐྱེ་གནས་སྙིང་འགྲིན་མགོ་བོར་ཡང་། །སྐུ་གསུམ་པོར་ནི་རྣམ་པར་གནས། ཞེས་སོ། །དུས་ནམ་སྣད་དུ་འགྲོ་ན། སྙོམས་འཇུག་སྙིད་(གཉིད་)དང་རྨི་ལམ་ཚེ། སྤྱི་བོ་སྙིང་ཁ་འགྲིན་པར་གནས། །གཞན་དུ་སྤྲུལ་པ་ཁོ་ནར་རོ། །དེ་བས་སྤྲུལ་པར་སེམས་གཟུང་བྱ། །འཐད་པ་ཅི་ཡིས་ཕྱིར་སྤྲུལ་པའི་སྐུ་ཞེས་བྱ་ན། གང་གིས་སྤྲུལ་པ་གནས་བརྟན་ཕྱིར། ལ་སོགས་པས་སྟན་(བསྟན་)ཏོ། །གྲངས་མང་ཉུང་ནི་འཁོར་ལོ་བཞིན་རྩ་འདབ་བརྒྱད་བརྒྱད་དུ་གནས་ཏེ། འཁྱོག་ཟུར་རྩི་ན་ལྟེ་བ་ན་དྲུག་བཅུ(ཅུ)། 
1-1-157b
སྙིང་ཁ་ན་འཁྱོག་མེད་ལ་བརྒྱད། མགྲིན་པ་ན་བཅུ་དྲུག །སྤྱི་བོ་ན་སུམ་ཅུ་རྩ་གཉིས་སོ། །རྣམ་པར་དག་པ་ནི་རིམ་པ་བཞིན་དུ། དབྱུ་གུ་དྲུག་བཅུ་རྩ་བཞི་དང་། ཐུན་བརྒྱད་དང་། འཕོ་བ་བཅུ་དྲུག་དང་། ཆུ་ཚོད་སུམ་བཅུ་(ཅུ་)རྩ་གཉིས་རྣམ་པར་དག་པའོ། །ད་ནི་ཆོས་དཀོན་མཆོག་བདེན་པ་བཞི་ཚང་བ་ལ། འཁོར་བའི་ཆོས་རྒྱུ་འབྲས་གཉིས་ནི་ལྟེ་བ་དང་སྙིང་ཁ་(ག་)ལ་ཚང་ལ། མྱ་ངན་ལས་འདས་པ་རྒྱུ་འབྲས་གཉིས་ནི་འགྲིན་པ་དང་སྤྱི་བོ་ལ་ཚང་ངོ་། །དེ་ལྟར་ཡང་ཨེ་བྃ་རྣམ་པ་རྒྱུ་འཐུན་ཉིད། ལ་སོགས་པ་སྟན་(བསྟན་)ཏོ། །ལུས་ལ་གནས་པ་དེ་ལམ་དུ་བླངས་ནས། ཙན་ཌ་ལི་སྒོམ་པ་ལ་སྦྱར་ན། ལུས་བཅོས་ནས་རླུང་སྡོམ་པ་ནི་སྡུག་བསྔལ་ཏེ། དེས་རྒྱུ་བྱས་ནས་འབྲས་བུ་ཟུག་ཟེར་འབྱུང་བའོ། །གཏུམ་མོའི་མེ་འབར་ཞིང་དྲོད་འབྱུང་བ་ནི་ཀུན་འབྱུང་ངོ་། །རྩ་མི་གནས་ཐིག་ལེ་གཤེགས་པ་ནི་ལམ་མོ། །མེ་ཆུ་འདྲེས་པས་ལྷན་སྐྱེས་ཉམས་སུ་མྱོང་བས་རྣམ་རྟོག་འགགས་པ་ནི་འགོག་པའོ། །དེ་རྣམས་ཀྱང་ལུས་སེམས་སྡོམ་པ་ལ་ཚང་བར་སྟན་(བསྟན་)པ་ཙམ་མོ།། །།ད་ནི་དགེ་འདུན་དཀོན་མཆོག་སྡེ་པ་བཞི་ཚང་བར་སྟོན་ཏོ། །འདིར་ཉན་ཐོས་ཀྱི་དགེ་འདུན་གནས་བརྟན་པའི་སྡེ་པ་ལ་སོགས་པ་བཞིན་རིམ་པ་བཞིན་དུ། ལྟེ་བ་དང་། སྙིང་ཁ་(ག་)དང་། འགྲིན་པ་དང་། སྤྱི་བོ་ལ་ཚང་སྟེ། དེ་ལྟར་ཡང་སྤྲུལ་པ་གནས་བརྟན་ཕྱིར་ལ་སོགས་པ་གསུངས་སོ། །ད་ནི་ལུས་སེམས་གཉིས་སྡོམས་(སྡོམ་)པ་ལ་དགའ་བ་བཞི་དང་སྐད་ཅིག་མ་བཞི་ཚང་བར་སྟོན་ཏོ། །འདིར་དགའ་བ་བཞི་དང་། སྐད་ཅིག་མ་བཞི་ལྟེ་བ་དང་སྙིང་ཁ་(ག་)ལ་སོགས་རིམ་པ་བཞིན་དུའོ། །རྣམ་པ་མི་འདྲ་བས་གཅོད་པས་སྐད་ཅིག་མ་དང་། ཡེ་ཤེས་
1-1-158a
རང་གི་ངོ་བོས་དགའ་བ་བཞི་སྟེ། རྫའི་ནང་གི་མར་མེ་བཞིན་དུ་གསལ་བ་ལ། བག་ཆགས་ཀྱིས་སྒྲིབས་(སྒྲིབ་)པ་དེ་བསལ་བའི་ཐབས་ལམ་དུ་སྒོམས་པས། དངོས་པོར་ཤུགས་ལ་འབྲས་བུར་འབྱུང་བའོ། །འདིར་ལམ་སྒོམ་པ་ལ། གྲོལ་ལམ་པས་ལུས་བཅོས་ནས་རླུང་བཟུང་བ་ནི་རྣམ་པ་སྣ་ཚོགས་པ་དང་། དགའ་བའོ་ཐིག་ལེ་འབབ་ལ་ཁང་པ་ནི་རྣམ་སྨིན་དང་མཆོག་དགའ་བའོ། །མེ་ཆུ་འདྲེས་ནས་བདེ་སྟོང་ཉམས་སུ་མྱོང་བ་ནི་མཚན་བྲལ་དང་ལྷན་སྐྱེས་སོ། །རྗེས་ལ་གོང་གི་བདེ་བ་ལ་སྤྱོད་པ་ནི་རྣམ་མེད་དང་དགའ་བྲལ་ལོ། །ཆགས་ལམ་པས་ཕྱག་རྒྱ་མ་ལ་རྟེན་(བརྟེན་)ནས་སྒོམ་པ་ལ་ཕྱག་རྒྱ་མ་དང་། སྦྱོར་བ་རྩོམ་པ་ནི་རྣམ་པ་སྣ་ཚོགས་པ་དང་དགའ་བའོ། །ཐིག་ལེ་རྡོ་རྗེའི་རྩ་བར་ཕྱིན་པ་ནི་རྣམ་སྨིན་དང་མཆོག་དགའོ། །ནོར་བུའི་རྩེ་མོར་ཐིག་ལེ་ཟིན་པ་ནི་མཚན་བྲལ་དང་ལྷན་སྐྱེས་སོ། །རྗེས་ལ་གོང་གི་བདེ་བ་ལ་སྤྱོད། ཐིག་ལེ་ཟློག་པ་ལ་སོགས་པའི་དུས་ནི་རྣམ་མེད་དང་། དགའ་བྲལ་ལོ། །འདི་རྣམས་ལེའུ་བརྒྱད་པ་དང་། བཅུ་པ་ནས་རྒྱས་པར་སྟོན་ཏོ། །དེ་ནི་དེ་ཁོ་ན་ཉིད་བཞི་ཡང་། ལུས་སེམས་སྡོམ་པ་ལ་ཚང་བར་སྟོན་ཏེ། རིམ་པ་བཞིན་དུ་ལྟེ་བ་ལ་སོགས་པ་ལ་སྦྱར་རོ། །དེ་ཉིད་དུ་ལམ་སྒོམ་པ་ལ་གནས་ཐབས་གསུམ་དུ་བསྡུས་ཏེ། བདག་གི་དེ་ཁོ་ན་ཉིད་ཀྱིས་ལུས་དངོས་པོའི་གནས་ཐབས་ཀྱིས་སྒོམ་པའི་སྣད་ཤེས་པར་བྱེད་པ་དང་། ལྷའི་དེ་ཁོ་ན་ཉིད་ཀྱིས་སེམས་དངོས་པོའི་གནས་ཐབས་ཀྱིས་ལྟ་བ་གཏན་ལ་འབེབས་པ་སྟེ། དེ་གཉིས་དངོས་པོའི་གནས་ཐབས་སུ་བསྡུའོ། །སྔགས་ཀྱི་དེ་ཁོ་ན་ཉིད་ཀྱིས་ནི། ཐབས་གང་དང་གང་གིས་གདུལ་བྱའི་ཡིད་སྐྱོབ་
1-1-158b
པར་བྱེད་པ་སྟེ་ལམ་གྱི་གནས་ཐབས་སོ། །ཡེ་ཤེས་ཀྱི་དེ་ཁོ་ན་ཉིད་ནི་རྫོགས་པའི་རིམ་པའི་ཉམས་མྱོང་གོང་ནས་གོང་དུ་འབྱུང་བ་སྟེ། འབྲས་བུ་སྐྱེ་བའི་རིམ་པའོ། །འདི་རྣམས་ལེའུ་ལྔ་པ་ནས་རྒྱས་པར་སྟོན་ཏོ། །དེ་ལྟར་མྱ་ངན་ལས་འདས་པའི་ཆོས་ཚང་བར་སྟན་(བསྟན་)ནས། ད་ནི་འཁོར་བའི་ཆོས་ཚང་བར་སྟོན་ཏོ། །ཟླ་བ་ལ་སོགས་པ་ཕྱི་རོལ་གྱི་ཆོས་ཀྱང་ལུས་འདི་ལ་ཚང་བར་སྟོན་པ་ནི། །འཕོ་བ་ལ་སོགས་པ་ནི་རྒྱལ་པོས་ནམ་ཟླའི་དུས་འཛིན་པ་སྟེ། གསེར་སྲང་ཅིག་(གཅིག་)ལ་བརྡུངས་པའི་ཞོང་པ་ཞེང་དུ་སོར་བརྒྱད་པ་སྤངས་སུ་སོར་བཞི་པ་ཅིག་(ཞིག་)བྱས་ཏེ། གསེར་ཞོ་ཅིག་(ཞིག་)ལ་བྱས་པའི་ཐུར་མ་སོར་དྲུག་པ་ཅིག་(ཞིག་)གིས་བུ་ག་བཀག་ལ། ཐུར་མ་ཞོང་པ་དང་བཅས་པ་སྣོད་ཆུས་བཀང་བའི་སྟེང་དུ་བཞག་ནས་ཐུར་མ་ཕྱུང་སྟེ། ཆུ་སྣོད་དེའི་ཁ་ལ་དབྱུ་གུ་བརྡེག །སྣོད་ཀྱི་ཞབས་སུ་སོང་པ་དང་དབྱུ་གུ་རྡེག་སྟེ། བུག་པ་འགེགས། དེ་ནས་སྣོད་སྟོང་པའི་སྟེང་དུ་བཞག་ནས་ཐུར་མ་ཕྱུང་སྟེ་དབྱུ་གུ་བརྡེག །ཡང་ཟད་པ་དང་དབྱུ་གུ་བརྡེག །ཐུར་མས་སྒོག་གོ། །དེ་ལྟར་ན་ཞག་ཅིག་(གཅིག་)ལ་དབྱུ་གུ་དྲུག་བཅུ་(ཅུ་)རྩ་བཞི། གང་བ་དང་ཟད་པ་ནི་ཆུ་ཚོད་རེ་རེའོ། །སྣོད་སྔ་མ་ལ་ལོག་པ་ནི་འཕོ་བའོ། །འཕོ་བ་གཉིས་ལ་ཐུན་ཅིག་(གཅིག་)གོ། །དེ་རྣམས་ཀྱིས་སྦྱོར་བ་དང་བྱ་བ་གཏན་ལ་དབབ་པའོ། །ཕྱིའི་དུས་ཚོད་རྣམས་རྣལ་འབྱོར་པས་རླུང་ལ་བཟུང་སྟེ། ཉི་མ་ནི་གཡས་ནས་རྒྱུ་བའི་རླུང་ངོ་། །ཟླ་བ་ནི་གཡོན་ནས་རྒྱུ་བའི་རླུང་ངོ་། །ཨ་ལི་ནི་ནང་དུ་འཇུག་པའོ། །ཀ་ལི་ནི་ཕྱིར་འགྲོ་བའོ། །ཞག་ཅིག་(གཅིག་)ལ་རླུང་ཉི་ཁྲི་ཅིག་(གཅིག་)སྟོང་དྲུག་རྒྱ་(བརྒྱ་)ལ་བགོས་པས། འཕོ་བ་བཅུ་དྲུག་པོ་ལ་སྟོང་སུམ་རྒྱ་(བརྒྱ་)ལྔ་བཅུའོ། །
1-1-159a
དབྱུག་གུ་དྲུག་བཅུ་(ཅུ་)རྩ་བཞི་པོ་ལ་སུམ་རྒྱ་(བརྒྱ་)སུམ་བཅུ་(ཅུ་)སོ་ཕྱེད་དང་བརྒྱད་བརྒྱད་དོ། །ཆུ་ཚོད་སུམ་བཅུ་(ཅུ་)རྩ་གཉིས་ལ། དྲུག་རྒྱ་བདུན་བཅུ་(ཅུ་)རྩ་ལྔ་ལྔའོ། །ཐུན་བརྒྱད་ལ་ལྔ་སྟོང་བཞི་བརྒྱ་བཞི་བརྒྱའོ། །དེ་རྣམས་ཀྱིས་དུས་སྦྱོར་བཟུང་ལ་ཤིས་པ་དང་མི་ཤིས་པ་རྟག་གོ། །དེ་རྣམས་ཀྱིས་འཇུག་བསྡུད་ནི་དེ་ལྟར་ཐམས་ཅད་བཞི་བཞིའོ། །ཞེས་པས་སྟན་(བསྟན་)ཏོ། །དེ་ལྟར་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་རང་གི་ལུས་སེམས་གཉིས་སྡོམ་པ་ལ་ཚང་བའི་ཕྱིར་ཕྱིའི་ཆོས་ལ་སེམས་ཀྱི་གདུང་བ་གཅད་པར་བྱའོ། །དེ་རྣམས་ཕྱི་ཤེས་བྱའི་ཡུལ་དུ་བཞག་ནས། ད་ནི་ཁོ་ནང་དུ་ལྟས་ནས་གཏུམ་མོའི་རྣལ་འབྱོར་ལ་རྟེན་(བརྟེན་)ནས་སྒོམ་པར་བྱའོ། །དེ་ཡང་ལུས་བཅོས་ཏེ་རླུང་དང་བྱང་ཆུབ་སེམས་ཨ་བ་འདུ་(དྷྰུ་)ཏི་རབ་བཅུག་ལ་སྣང་བ་བདེ་བར་ཤར་བ་དང་། ལྟེ་བར་གཏུམ་མོ་འབར་བས་སྤྱི་བོའི་ཧཾ་བསྲེགས་རི་བོང་ཅན་འཛག་སྟེ། བདུད་རྩི་རང་བཞིན་གྱིས་འབབ་བོ། །དེ་ནས་ཕུང་པོ་ལྔར་འཛིན་གྱི་རྟོག་པ་ནུབ་ཏེ་དེ་བཞིན་གཤེགས་པ་ལྔ་བསྲེགས་པའོ། །འབྱུང་བཞིར་འཛིན་པའི་རྟོག་པ་ནུབ་པ་ནི་སྤྱན་ལ་སོགས་པ་ཡང་བསྲེགས་པའོ། །ཕྱིར་རྟོག་པ་ནུབ་ཅིང་ལྷན་ཅིག་སྐྱེས་པའི་ཡེ་ཤེས་སུ་གནས་ལ། མཉམ་བཞག་དང་རྗེས་ཐོབ་རོ་མཉམ་པའི་ཚེ་ན། མཚན་བཅས་ཀྱི་དགེ་བ་ཐམས་ཅད་བཅོས་མ་སྤང་བྱ་ཡིན་ནོ། །འདི་ནི་རྗེ་བཙུན་པུ་ལ་ཧ་རི་བའི་དགོངས་པ་ཕྱིན་ཅི་མ་ལོག་པ་ཡིན་ནོ། །རྡོ་རྗེ་ནི་དངོས་པོའི་གནས་ལུགས་སོ། །རིགས་ནི་དེའི་སྡེ་ཚན་ནོ། །ལེའུ་ནི་གཞུང་གཅོད་པའོ། །དང་པོ་ནི་གྲངས་ཀྱིའོ། །རྒྱུད་བཤད་པའི་
1-1-159b
མན་ངག །རྒྱ་གར་ཤར་ནུབ་དཀྲུགས་ཀྱང་འདི་འདྲ་བ་མི་རྙེད། བསྒོམ་པའི་མན་ངག་ནི་ཀུ་སུ་ལུ་ཀུན་ལ་འདུག །དེ་ནས་རྗེད་ཀྱིས་དོགས་ནས་བྷི་ཀྲ་མའི་གཙུག་ལག་ཁང་དུ་བྲིས་པའོ།། །།
༄། །ལེའུ་གཉིས་པ། སྔགས་ཀྱི་ལེའུ།
དེ་ལྟར་ལེའུ་དང་པོར་སྟན་(བསྟན་)པའི་འབྲས་བུ་ལ་སྔགས་མེད་ན་མི་འགྲུབ་པས་སྔགས་ཀྱི་ལེའུ་བསྟན་ཏོ། །དགུག་པ་ལ་སོགས་པར་རྒྱས་པར་བཤད་པའི་ལེའུ་འདིས་ནི་ངག་གི་ཞེས་པ་ཟློག་པའི་ཕྱིར་བཟླས་པ་སྟེན་(བསྟན་)ཏེ། སྔགས་ལ། ངོ་བོ་དང་། དབྱེ་བ་དང་། ངེས་ཚིག་དང་། དག་བྱེད་སྦྲེལ་ཚིག་ལྔའོ། །ངོ་བོ་ཐབས་ཤེས་རབ་བོ། །དབྱེ་ན་མཚན་ཉིད་དང་རྒྱུ་འཐུན་པའོ། །མཚན་ཉིད་སངས་རྒྱས་ཐམས་ཅད་ཀྱི་ཐུགས་དགོངས་གཉིས་སུ་མེད་པའི་ཡེ་ཤེས་སོ། །རྡོ་རྗེ་རྩེ་མོ་ལས་སྔགས་རྣམས་ཀུན་གྱི་མཚན་ཉིད་ནི། སངས་རྒྱས་ཀུན་གྱི་ཐུགས་ལ་གནས། །སངས་རྒྱས་ཀྱི་ཐུགས་ཡིན་ཏེ། ཆོས་ཀྱི་དབྱིངས་དང་ཡང་དག་ལྡན། །ཆོས་ཀྱི་སྙིང་པོ་གྲུབ་བྱེད་པས། སྔགས་རྣམས་ཀུན་གྱི་མཚན་ཉིད་ཡིན་ཞེས་(ཅེས་)གསུངས་སོ། །རྒྱུ་འཐུན་པ་ལ་བཞི། རང་བཞིན་འབྲས་བུའི་རྒྱུད་ཀྱི་སྔགས་སོ། །ངེས་ཚིག་སྤྱན་འདྲེན་ཞིང་ཐུགས་སྐུལ་བས་སོ། །དྲ་བ་ལས། སྔགས་ནི་སྤྱན་འདྲེན་པར་གསུངས་ཏེ། སངས་རྒྱས་བྱང་ཆུབ་སེམས་དཔའ་དང་། ཞེས་པ་ལ་སོགས་པས་སྟན་(བསྟན་)ཏོ། །དགོངས་པ་ལས་སྔགས་རྣམས་ཞེས་པ་ནི། དེ་ཁོ་ན་ཉིད་སྐུལ་བར་བྱེད་ཅེས་སོ། །སྦྲེལ་ཚིག་གུར་ལེའུ་དགུ་པ་ནས་སོ། །ལེའུ་བཤད་པར་བྱའོ་ནི་ཞལ་གྱིས་བཞེས་པའོ། །ལེའུ་གཞུང་ནི་རྒྱུད་གསུམ་དུ་བསྡུས་ཏེ། དེ་ཡང་གཏོར་མ་ནི་དབང་བསྐུར་བ་དང་། སྐྱེད་(བསྐྱེད་)རྫོགས་ཀྱི་ཐུན་འཚམས་(མཚམས་)དང་། ལས་སྒྲུབ་པ་སྟེ་གསུམ་ཀར་གཏོགས་པའོ། །ས་
1-1-160a
བོན་ནི་སྐྱེད་(བསྐྱེད་)རྫོགས་རིམ་པ་གཉིས་ཏེ། རང་བཞིན་གྱིས་རྒྱུད་དོ། །སྙིང་པོ་དང་ལྷ་མོ་བཅོ་ལྔའི་ས་བོན་དང་ཧེ་རུ་ཀ་གསུམ་གྱི་སྔགས་ཀྱིས་སྐུ་གསུང་ཐུགས་བྱིན་གྱིས་བརླབས་པའི་སྔགས་རྣམས་ནི་རང་བཞིན་གྱིས་རྒྱུད་སྐྱེད་(བསྐྱེད་)རིམས་སོ། །སྦྲེལ་ཚིག་གསུམ་ཀ་ལའོ། །གྲོང་ཁྱེར་དཀྲུག་པ་ནི་ཕྱི་ནང་གཉིས་ཏེ། རྫོགས་རིམས་དང་། ལས་ཚོགས་སོ། །ས་སྦྱང་བ་ནི་གཞིའི་རྒྱུད་དོ། །དེ་ལྟར་ན་སྔགས་ཚན་བཅུ་ཅིག་(གཅིག་)པོ་དེ་དག་ནི་སྤེལ་མའོ། །ལྷ་བདུན་གུར་ཀུ་ཆར་དབབ་བཅད། །སྡེ་རེངས་ལྷ་དགས་ཚད་རིམས་སྐྱུག །བུད་མེད་ཉི་ཟླ་དབང་དང་སྤྲ། དགར་བ་ལྔ་སྟེ་ཉི་ཤུ་གཉིས། །དེ་རྣམས་ནི་འབྲས་བུ་ལས་ཚོགས་འབའ་ཞིག་གོ། །དེ་ལྟར་ན་སྔགས་ཚན་སུམ་བཅུ་(ཅུ་)རྩ་གསུམ་མོ། །དེ་ལ་དང་པོ་གཏོར་མའི་སྔགས་ལ་ལྔ་སྟེ། དབུལ་ས་ནི་གུར་ལེའུ་གསུམ་པའི་འགྲོན་ཉི་ཤུ་རྩ་བཞིའོ། །དགོས་པ་ཕྱི་མའི་ལེའུ་བཞི་པ་ནས་སྟོན་ནོ། །ངེས་ཚིག་ནི་སྟོབས་སམ་ནུས་པ་སྐྱེད་པའོ། །དབུལ་ཐབས་དང་པོའི་ལེའུ་བདུན་པ་ནས་སོ། །སྔགས་རྒྱས་པ་ཕྱི་མའི་ལེའུ་བཞི་པ་ནས་སོ། །བསྡུས་པ་ཨ་ཀ་རོ་ལ་སོགས་སོ། །ལྷག་མ་སྐྱེད་(བསྐྱེད་)རིམས་ཀྱི་སྔགས་རྣམས་ནི་འོག་ལེའུ་གསུམ་པ་དང་། བརྒྱད་པ་ཕྱི་མའི་ལེའུ་ལྔ་པར་སྟོན་ནོ། །རྫོགས་རིམས་ཀྱི་སྔགས་བླ་མའི་ཞལ་ལས་སོ། །ས་སྦྱང་བ་ལེའུ་བཅུ་པ་ནས་སོ། །ལས་ཚོགས་ནི་ལས་བརྒྱད་དུ་འདུས་ཏེ། གསང་གཞུང་ན་གསལ། ཆར་དབབ་བཅད་རྒྱས་པ། རྡོ་རྗེ་གྲི་གུག་གིས་དགྲའི་སྡེ་འཇོམས་པ། དབྱེ་བ་དང་། རེངས་པ་དང་། དགས་པ་དང་། རིམས་དང་། སྐྱུག་པ་ནི་སྔོན་སྤྱོད་དོ། །བུད་མེད་
1-1-160b
ཉི་ཟླ་དབང་དང་སྤྲིན་དབང་། གླང་པོ་འབྲོས་པ་ལ་སོགས་ལྔ་ནི་སྐྲད་པའོ། །ཞི་བ་ནི་རིམས་སྟང་པའི་རྗེས་ལ་ཏེ་ལ་བརྒྱད་དོ། །ལྷ་མོ་བདུན་བསྒྲུབ་པའི་ཐབས་ནི། ཧེ་བཛྲ་གྱི་(ཡི་)སྙེན་པ་འབུམ་བྱེ་བ་སྐྱལ་ཏེ། བསྒྲུབ་པ་ལ་སྔོན་འགྲོ་བླ་མ་དག་པ་དང་། ཚད་མེད་པ་བཞི་སྒོམ། དངོས་གཞི་སྟོང་ཉིད་ལས། ས་བོན་ཨ་ཨཱ། ཨི་ཨུ་ཨེ་ཨོ་ཨྃ་རྣམས་ལས་གང་ཡིན་སྒོམ། དེ་ལས་གཟུགས་རྫོགས་པ་ནི་རྡོ་རྗེ་མ་ལ་སོགས། འོག་ནས་སྟན་(བསྟན་)པའི་ལྷ་མོ་བདུན་གང་ཡིན་པར་སྒོམ་པ་སྟེ། མདོག་ནག་པ། གྲི་གུག་དང་ཐོད་པ་དང་། ཁ་ཊྭྃ་ཀ་སྣམས་པ། དུང་ཆེན་པོས་རྒྱན་(བརྒྱན་)པའོ། །དེའི་སྙིང་ཁར་(གར་)ས་བོན་བསམ་མོ། །རྗེས་ལ་ཡེ་ཤེས་བཀུག་ལ་བསྲེ་སྟེ་དབང་སྐུར་ནས་རྟག་པ་དང་། རིན་ཆེན་དང་། དཔག་མེད་དང་ལས་དང་། སེམས་དཔའ་རྣམས་ཀྱིས་དབུ་རྒྱན་(བརྒྱན་)པའོ། །དེ་ནས་སོ་སོའི་སྔགས་ལ་ཁྲི་སྐྱལ་བས་འགྲུབ་བོ། །ལས་སྦྱོར་སྤེལ་ཚིག་དང་སྦྱར་ཏེ། ཨོཾ་ཧཱུྃ་རེངས་པར་གྱིས་ཤིག་སྭཱ་ཧཱ་ལ་སོགས་པའོ། །ཀུ་རུ་ཀུ་ལའི་ནི་བཅུ་ཅིག་(གཅིག་)པ་ལས་སྟོན་ནོ། །ཆར་དབབ་པའི་སྙེན་པ་ནི་ཧེ་བཛྲ་ལ་བྱའོ། །བསྒྲུབ་པ་ནི་ཆོ་ག་ཐོ་བརྒྱད་ཀྱིས་ཧེ་བཛྲ་སྐྱེད་ལ། སྔགས་རེངས་ཁྲི་བཟླས་སོ། །ལས་སྦྱོར་ནི་གཞུང་ནས་བཤད་པ་ལྟར་རྫས་བསགས་ཏེ། ང་ལ་བྲིས་ལ་བདག་ཉིད་ཧེ་བཛྲ་སྒོམ་མོ། །དེ་ལ་སྟོང་པར་སྒོམས་ལ་བསྲུང་འཁོར་དང་། ཆོས་འབྱུང་དང་། རིམ་རྩེག་དང་། གཞལ་ཡས་ཁང་སྐྱེད་ནས་པདྨ་འདབ་མ་བརྒྱད་ལ་ནམ་བརྒྱད་ལས་ཀླུ་བརྒྱད་མགོ་དབུས་སུ་བསྡུས་པའི་སྟེང་དུ་ཁྲམ་ལས་བྱ་ཁྱུང་གི་སྦར་བས་ཀླུ་བཙིར་བའོ། །དེའི་སྟེང་དུ་ཧཱུྃ་ལས་སྟོབས་པོ་ཆེ་གུར་ལྟར་སྐྱེད་ལ་ཡེ་ཤེས་པ་བཀུག་
1-1-161a
ལ། ཡེ་ཤེས་བཀུག་སྟེ་དབང་བཀུར་(བསྐུར་)ནས་མཆོད་ལ། ནང་གི་མ་རུངས་པའི་སེམས་ཞེས་པ་ཐེ་ཚོམ་མེད་པས་སྔགས་བཟླས་ཤིང་། སྟོབས་པོ་ཆེ་གཟིར། དེས་བྱ་ཁྱུང་། དེས་ཀླུ་བརྒྱད་ལ་དེ་རྣམས་ཀྱིས་མཐའ་ཡས་ལ་གཟིར་བས་ཆར་ངེས་པར་འབེབས་སོ། །མ་ཕེབས་ན་སྤོབས་ཆོག་ནི་སྡེ་ཚན་དུ་བཟློག་གོ། །ཆར་བཅད་པ་ནི་སྙེན་བསྒྲུབ་སྔོན་དུ་སོང་ནས། རོ་རས་ཀྱི་སྟེང་དུ་འདུག་ལ། སྤྲིན་འཇིགས་པའི་བསམ་པས་སྡིག་འཛུབ་སྒྲེང་ལ་སྔགས་བཟླས་སོ། །དགྲའི་སྐེ་བཅད་པ་ནི་སྙེན་པ་སྐྱོལ་བས་རྫས་རྣམས་ལ་རི་ལུ་བྱས་ཏེ། ཁྲི་འམ་བྱེ་བས་སྒྲུབས་ལ། བུམ་པའི་ནང་དུ་ལིང་ག་བཅུག་ནས་བུམ་པའི་སྐེ་སྐོར་ཏེ་བཅད་ན་ངེས་པར་མགོ་འཆད་དེ་བྷིར་ཝ་པས་འགྲུབ་པ་བཞིན་ནོ། །ཧེ་བཛྲའི་སྙེན་པ་སྔོན་དུ་སོང་བས་སྒྲུབ་པའི་རྫས་བསགས་ལ་ཁྲི་བཟླས་སོ། །དེ་ནས་འོག་གི་རྐང་པའི་རྫས་ཕྱུང་སྟེ་དཔྲལ་བར་ཐིག་ལེ་བྱས་ལ། དེའི་ནང་དུ་དགྲ་སྟའི་དབྱིབས་བྲིས་ཏེ། བན་དྷ་མི་ཞེས་བརྗོད་ནས། མུ་སྟེགས་ཀྱི་ལྷ་ལ་གཏད་ཅིང་ངེས་པར་འགས་ཏེ་བྷིར་ཝ་པས་གྲུབ་པ་བཞིན་ནོ། །གོང་བཞིན་དུ་བསྙེན་པས་སྒྲུབས་པའི་རྫས་ལ་ལིང་ག་བཅས་ཏེ་སྔགས་ཁྲི་བཟླས་སོ། །ལས་སྦྱོར་ལ་འབྲས་ཕུབ་ཀྱི་དུད་པས་བདུགས་ན་ངེས་པར་རིམས་འབྱུང་ངོ་། །འགྲོལ་བར་འདོད་ན་ལིང་ཀ་(ག་)འོ་མས་བཀྲུའོ། །ཡང་ཧེ་བཛྲའི་སྙེན་སྒྲུབ་སྔོན་དུ་སོང་བས་གཞུང་ནས་བཤད་པ་ལྟར་ཏིང་ངེ་འཛིན་བྱས་ཏེ། དེས་ནི་དགེ་སློང་དང་བྲམ་ཟེ་ཡང་ཆང་སྐྱུག་པར་འགྱུར་ཏེ་བྷིར་ཝ་པས་གྲུབ་བོ། །ཡང་སྙེན་སྒྲུབ་སྔོན་དུ་སོང་བས་རྫས་ལ་སྤྲལ་བར་ཐིག་
1-1-161b
ལེ་བྱ། དེའི་དབུས་སུ་ཟླ་ཚེས་ཅིག་(གཅིག་)བྲིས་ལ། སྔགས་ཅི་རིགས་སུ་ཟླས་ན་ཐིག་ལེ་མཐོང་མ་ཐག་ཏུ་དབང་དུ་འགྱུར་རོ། །ཡང་ཧེ་བཛྲའི་སྙེན་པ་སྔོན་དུ་སོང་བས། བསྒྲུབ་པའི་རྫས་ལ་ཉི་ཟླ་གང་འཛིན་པའི་གཟུགས་བྱས་ལ། གཅིན་ལ་ཁ་ཚོས་བྱས་ཤིང་། སྔགས་བྱེ་བ་ཕྲག་བདུན་བཟླས་ཏེ། ལས་སྦྱོར་ལ་ཉི་ཟླ་དགུག་གཞུག་བྱས་ལ་ཕུར་བུས་བཏབ་ན་ཉི་ཟླ་ནུབ་པར་མི་འགྱུར་ཏེ། བྷིར་ཝ་པས་གྲུབ་པ་བཞིན་ནོ། །སྙེན་སྒྲུབ་སྔོན་དུ་སོང་བས་སྤྲ་སྟན་དང་རྫས་ལ་སོགས་པ་བསགས་ལ། སྤྲ་སྟན་ལྷར་སྐྱེད་ནས་མཆོད་དེ་སྙན་གསན་དབབ་པའོ། །དེ་ནས་འཐེ་བོང་ལ་རྫས་བཀུས་ལ། བདག་ཉིད་ཀྱིས་བསྔགས་ཤིང་རྫས་སུས་ཁྱེར་སྨོས་ཞེས་བརྗོད་ན་ངེས་པར་འབབས་སོ། །བེ་རུ་ཡ་ལ་སོགས་པ་ནི་གཞུང་ནས་བསྟན་པ་ལྟར་རོ། །རྡོ་རྗེ་མ་ལ་སོགས་པའི་ལས་བདུན་བསྒྲུབ་པའི་ལྷ་བདུན་བསྟན་ཏེ། གོ་རིམས་བཞིན་དུ་སྦྱར་རོ། །ལས་དེ་རྣམས་བྱེད་པར་ཅིས་ཤེས་ཞེ་ན། རེངས་པར་བྱེད་པ་ལ་སོགས་པ་རྟུལ་ཞུགས་ཅན་གྱིས་བྱེད་དོ། །ཞེས་པ་ལ་སོགས་བསྟན་ཏོ། །སྔགས་ལ་སོགས་པས་ལེའུའི་མཚན་སྟན་(བསྟན་)ཏོ། །ལེའུ་གཉིས་པའི་བཀའ་ཡང་དག་པའི་ཚད་མའོ།། །།
༄། །ལེའུ་གསུམ་པ། ལྷ་སྒྲུབ་པའི་ལེའུ།
དེ་ལྟར་སྔགས་དེ་ལ་ཡང་ལྷ་མེད་ན་མི་འགྲུབ་པས། ལྷའི་ལེའུ་སྟན་(བསྟན་)པས་ལྷ་རྣམས་ཇི་ལྟར་འབྱུང་བ་ལ་སོགས་པས་རྒྱས་པར་བཤད་པའི་ལེའུ་འདིས་ནི་ལུས་ཀྱི་ཞེན་པ་ཟློག་པའི་ཕྱིར། སྐྱེད་(བསྐྱེད་)རིམས་གང་ཟག་ཅིག་(གཅིག་)གིས་ཆ་རྐྱེན་དུ་སླང་བའོ། །དེ་ལ་དེ་ནས་ནི་ལེའུ་གཉིས་པའི་རྗེས་ལའོ། །ལྷ་ཞེས་པ་ནི་སྔོན་བྱུང་སྲིད་པ་ཆགས་པའི་དུས་ན་མུ་སྟེགས་བྱེད་རྣམས་ཀྱིས། ཚངས་པ་ལ་སོགས་པ་ལྷར་བཏགས་པས། དེ་དག་གིས་འདུལ་བྱེད་ལ་ཡང་དེ་སྐད་
1-1-162a
ཅེས་བྱའོ། །ལེའུའི་གཞུང་འདི་ནས་ནི་རང་བཞིན་གྱི་རྒྱུད་མི་བསྐྱོད་པའི་ཧེ་རུ་གསུམ་སྒྲུབ་པ་སྟན་(བསྟན་)ཏེ། གདུལ་བྱ་སྤྲོས་པ་ལ་དགའ་མི་དགའི་དབང་དུ་བྱས་ནས། རྡོ་རྗེ་རྣམ་བཞི་དང་། ཆོ་ག་གསུམ་དང་། མངོན་བྱང་ལྔས་སྐྱེད་པ་བསྟན་པས་བསྒྲུབ་ཐབས་དགུར་འགྱུར་རོ། །དེ་བཞིན་དུ་གཞན་ཡང་ཤེས་པར་བྱའོ། །དེ་ལ་བསྡུས་པ་ལ་དགའ་བས་རྡོ་རྗེ་རྣམ་བཞིས་སྐྱེད་པ་ལ་བཅུ་གཉིས་ལས། དང་པོ་བླ་མ་དག་པ་ནི་རང་གི་ལ་སོགས་དང་ནམ་མཁར་ལ་སོགས་པས་སྟན་(བསྟན་)ཏེ། ཚད་མེད་པ་བཞི་ནི་དང་པོར་ལ་སོགས་པས་སྟན་(བསྟན་)ཏོ། །གཉིས་པ་(པས་)ས་བོན་བསྡུ། གསུམ་པས་ཧེ་རུ་ཀ་གང་ཡིན་གྱི་གཟུགས་རྫོགས། །བཞི་པས་ས་བོན་དགོད་པའོ། །དེ་ལས་ཡེ་ཤེས་སེམས་དཔའ་བསྲེ་བ་ནི་ནམ་མཁའ་ལ་སོགས་པས་སྟན་(བསྟན་)ཏོ། །དེ་ལ་འོག་ནས་སྟོན་པ་ལྟར་དབང་སྐུར་ནས་སྐྱེད་(བསྐྱེད་)རིམས་ཀྱི་ཏིང་ངེ་འཛིན་སྟན་(བསྟན་)པ་ནི་སྔོན་དང་ལ་སོགས་པས། ཞལ་ཅིག་(གཅིག་)ཕྱག་གཉིས་པ་སྒོམ། ཕྱག་བཞི་པ་ལ་སོགས་པས་ཞལ་གསུམ་ཕྱག་བཞི་པ་སྒོམ། ཕྱག་དྲུག་པ་ལ་སོགས་པས་ཞལ་གསུམ་ཕྱག་དྲུག་པ་སྒོམ་བསྟན་ཏོ། །དེ་ནས་བཟླས་པ་བྱ་བ་དང་། རྫོགས་རིམས་དང་ཐུན་འཚམས་(མཚམས་)ཀྱི་རྒྱུད་ཀྱི་དོན་དེས་ཤེས་པར་བྱའོ། །བསྡུས་པ་ལ་དགའ་བའི་གང་ཟག་གསུམ་གྱི་ཧེ་རུ་ཀ་གསུམ་བསྟན་ཟིན་ཏོ། །ད་ནི་སྤྲོས་པ་ལ་དགའ་བའི་ཧེ་རུ་ཀ་གསུམ་གྱི་ཆོ་ག་གསུམ་གྱིས་སྐྱེད་པ་བཅུ་དྲུག་ལས། བླ་མ་དམ་པ་དང་། ཚད་མེད་པ་དང་། སྟོང་པ་ཉིད་སྒོམ་པ་ནི་སྔ་མ་བཞིན་ནོ། །དེ་ནས་བསྲུང་འཁོར་སྒོམ་པ་ནི་རེ་བ་ལ་སོགས་པའོ། །དེར་གདན་སྒོམ་པ་དང་པོར་ལ་སོགས་པས་སྟན་(བསྟན་)ཏོ། །དེར་ཧཱུྃ་བྱུང་
1-1-162b
ལ་སོགས་པས། ཆོ་ག་གསུམ་ལས་སོ་སོའི་ཧེ་རུ་ཀར་བསྒོམ་པའོ། །དེ་ལ་བཞི་པ་ལ་ཡི་གེ་དགོད་དོ། །དེ་ནས་ཡེ་ཤེས་པ་སྤྱན་དྲངས་ཏེ་དབང་བསྐུར། མཆོད་བསྟོད། བདུད་རྩི་མྱངས་བ་ནི་རྒྱུད་ཀྱི་དོན་བསྡེབས་ལ་ཁ་སྐོང་ངོ་། །གོང་དུ་བསྟན་པ་ལྟར་སྐྱེད་(བསྐྱེད་)པའི་རིམ་པའི་ཏིང་ངེ་འཛིན་བསྒོམ་ཏེ་བཟླས་པ་དང་། རྫོགས་རིམས་དང་། ཐུན་འཚམས་(མཚམས་)བྱའོ། །སྤྲོས་པ་ལ་དགའ་བའི་བསྒྲུབ་ཐབས་གསུམ་མོ། །ད་ནི་ཤིན་ཏུ་སྤྲོས་པ་ལ་དགའ་བའི་དབང་དུ་བྱས་ན་སྐྱེད་(བསྐྱེད་)རིམས་དང་། བཟླས་པ་དང་། རྫོགས་རིམས་དང་། ཐུན་འཚམས་(མཚམས་)དང་བཞིའོ། །དང་པོ་ལ་རྒྱུའི་དང་འབྲས་བུའི་ཧེ་རུ་ཀའོ། །རྒྱུའི་ཧེ་རུ་ཀ་ལ་བཅུ་ལས་བླ་མ་དག་པ་དང་། ཚད་མེད་པ་དང་། སྟོང་པ་དང་། བསྲུང་འཁོར་རྣམས་སྔར་བསྟན་པ་བཞིན་ནོ། །ཆོས་འབྱུང་དང་། འབྱུང་བ་རིམས་རྩེགས་དང་། གཞལ་ཡས་ཁང་ནི་ཁ་སྐོང་ངོ་། །དེར་གདན་ནི་གོང་བཞིན་དུ། རོའི་གདན་བསྒོམས་(སྒོམས་)ལ། ཨ་ལི་ཀ་ལི་ལ་སོགས་པ་དང་། གཉིས་པ་ལ་སོགས་པས་རྒྱུའི་རྡོ་རྗེ་འཆང་བྱང་ཆུབ་པ་ལྔས་ཞལ་བརྒྱད་ཕྱག་བཅུ་དྲུག་པར་སྐྱེད་དོ། །དེ་ནས་མཁའ་གསང་བྱིན་གྱིས་བརླབས་ལ་སྙོམས་འཇུག་བྱ་སྟེ། རྣལ་འབྱོར་མ་བརྒྱད་ཀྱི་ས་བོན་གྱིས་འཁོར་ལྷ་མོ་བརྒྱད་སྐྱེད་དོ། །དེ་འབྲས་བུའི་ཧེ་རུ་ཀ་བཞེངས་པ་ལ་བཅུ་ལས། དྲི་ཟ་ཉེ་བར་ཞུགས་པ་དང་། གླུས་བསྐུལ་བ། ཆོ་ག་གསུམ་གྱིས་ཧེ་རུ་ཀ་སེམས་དཔའ་སུམ་རྩེགས་དུ་(སུ་)བཞེངས་པ་ནི། ཧཱུྃ་ལས་བྱུང་བ་ལ་སོགས་པས་སྟན་(བསྟན་)ཏོ། །བཞི་པའི་ཚིག་གིས་སྐྱེ་མཆེད་དང་སྐུ་གསུང་ཐུགས་བྱིན་གྱིས་བརླབ་བོ། །དེ་ནས་གོང་ལྟར་ཡེ་ཤེས་སེམས་དཔའ་
1-1-163a
སྤྱན་དྲངས་ནས་གཉིས་སུ་མེད་པར་བསྲེ། དབང་སྐུར་མཆོད་སྟོད་(བསྟོད་)བདུད་རྩི་མྱང་བ་བྱའོ། །དེ་ནས་སྔོ་དང་ལ་སོགས་པས་སྐྱེད་(བསྐྱེད་)རིམས་ཏིང་ངེ་འཛིན་དེ་ལ་གསུམ་པོ་གང་ཡིན་པར་གསལ་བར་བསྒོམ་པ་སྟན་(བསྟན་)ཏོ། །བཟླས་པ་དང་རྫོགས་རིམས་དང་། ཐུན་འཚམས་(མཚམས་)ཀྱི་ཆོ་ག་རྣམ་པར་དག་པ་དང་། གཏོར་མ་དང་། གླུ་བླང་བ་དང་། སྨོན་ལམ་གདབ་པར་བྱའོ། །དེ་ནས་ལས་ཀྱི་ལྷར་བྱས་ཏེ་ལས་དང་པོ་པའི་སྤྱོད་པ་བྱའོ། །ཇི་སྲིད་སྟན་(བརྟན་)པ་མ་ཐོབ་ཀྱི་བར་དུ་སྒོམས་ཏེ། བརྟེན་(བརྟན་)ནས་སྒྲུབ་པ་ཆེན་པོ་བྱ་བ་ལ། སངས་རྒྱས་པའི་སྒྲུབ་པ་ཆེན་པོ་ནི་དངོས་གྲུབ་གཏན་ལ་དབབ་པ་ནས་སྟོན་ཏོ། །ཆོ་ག་མ་ཚང་བ་རྣམས་ནི་རྒྱུད་ཀྱི་དོན་བསྡེབས་ཏེ་ཁ་བསྐང་བར་བྱའོ། །ལྷའི་ལེའུ་ལ་སོགས་པས་མཚན་སྟན་(བསྟན་)པའོ། །ལྷའི་ལེའུའི་བཀའ་ཡང་དག་པའི་ཚད་མའོ།། །།
༄། །ལེའུ་བཞི་པ། དབང་བསྐུར་བའི་ལེའུ།
ལྷ་དེ་ལ་ཡང་དབང་མ་བསྐུར་ན་གནས་སྐབས་ཀྱི་ཆོ་ག་རྫོགས་པར་མི་འགྱུར་བས། ལྷ་དབང་བསྐུར་བའི་ལེའུ་འདི་སྟན་(བསྟན་)ཏོ། །གནས་ལ་སོགས་པས་རྒྱས་པར་བཤད་པའི་ལེའུ་འདིས་ནི་གཙོ་བོར་སྐྱེད་(བསྐྱེད་)པའི་རིམ་པ་སྟན་(བསྟན་)ཏོ། །ལྷ་ནི་སྐྱེད་(བསྐྱེད་)པའི་རིམ་པ་དང་ལས་ཚོགས་ཀྱི་ལྷའོ། །རང་གི་ལྷ་དེ་གཉིས་གང་ཡང་རུང་བར་བསྒོམ་མོ། །ས་བོན་ནི་ཧཱུཾ་ལ་སོགས་པ་ཅི་རིགས་པའོ། །ནག་པོ་ནི་ཉེ་བར་མཚོན་པས་ཏེ་སྐུ་མདོག་དང་འཐུན་པའོ། །ལྕགས་ཀྱུ་ནི་འགུགས་པའི་ངོས་ནས་བཞག་གོ། །མ་མོ་ནི་གྷོ་རི་ལ་སོགས་པ་བརྒྱད་དོ། །ལས་ཚོགས་ལ་ནི་མེ་ཏོག་མ་ལ་སོགས་པ་བརྒྱད་དོ། །དེ་ནས་གོང་དུ་དབང་རྫོགས་པར་ཐོབ་པའི་མན་ངག་བཞིན་དུ་འདིར་ཡང་བླང་ངོ་། །ཐུན་གསུམ་ལ་སོགས་པ་ནི་སྐྱེད་(བསྐྱེད་)པའི་རིམ་
1-1-163b
པའི་རྣལ་འབྱོར་པས་ཐུན་འཚམས་(མཚམས་)སུ་རྟེན་(བརྟེན་)པ་བསམ་པ་སློབ་པའི་སྤྱོད་པ་སྟན་(བསྟན་)ཏོ། །རོ་སྙོམ་ནི་མྱུར་དུ་སྟན་(བསྟན་)པ་ཐོབ་པར་བྱེད་ཅིང་མི་དགེ་བ་སྤོང་བར་འགྱུར་རོ། །ལེའུ་བཞི་པའི་བཀའ་ཡང་དག་པའི་ཚད་མའོ།། །།
༄། །ལེའུ་ལྔ་པ། རྫོགས་རིམ་བསྟན་པའི་ལེའུ།
དེ་ལྟར་དབང་བསྐུར་ཡང་མཐར་ཐུག་གི་འབྲས་བུ་ཐོབ་པར་བྱེད་པ་རྫོགས་པའི་རིམ་པ་ཡིན་པས། ལེའུ་ལྔ་པ་འདི་སྟན་(བསྟན་)ཏོ། །ཧེ་རུ་ཀ་སྐྱེད་པའི་རྒྱུར། ཧེ་རུ་ཀ་སྒོམ་པ་ལ་སོགས་པ་རྒྱས་པར་བཤད་པའི་ལེའུ་འདིས་ནི་སེམས་ཀྱི་ཞེན་པ་ཟློག་པའི་ཕྱིར་རྫོགས་པའི་རིམ་པ་སྒོམ་པ་སྟན་(བསྟན་)ཏོ། །དེ་ནི་ཡུལ་དྲུག་གོ། །ཁོ་ན་ནི་ལྷན་ཅིག་སྐྱེས་པའི་ཡེ་ཤེས་སོ། །ཉིད་ནི་མི་སླུ་བའོ། །ལེའུ་གཞུང་འདིས་ནི་རང་བཞིན་གྱི་རྒྱུད་རྫོགས་པའི་རིམ་པའི་གནས་ཐབས་གསུམ་སྟོན་ཏེ། ཆགས་ཅན་དང་ཆགས་བྲལ་གྱི་སྒྲུབ་པ་པོ་གཉིས་ཀྱིས། དང་པོས་སེམས་དངོས་པོའི་གནས་ཐབས་ཀྱིས་སྒོམ་རྒྱུ་དོན་གྱི་ངོ་བོ་ངོ་ཤེས་པར་བྱ་བའི་ཕྱིར། ལྷའི་དེ་ཁོ་ན་ཉིད་ལྟ་བར་ཤེས་པར་བྱ་དགོས་ཏེ། ན་རོ་ཆེན་པོའི་བཞེད་པས། སེམས་ཉིད་རྣམ་མེད་དག་པ་གསལ་བ་ཟུང་འཇུག་གཉིས་སུ་མེད་པའོ། །ད་ལྟར་གྱི་རྐྱེན་སྐྱེས་ཀྱི་ཤེས་པ་འདི་ནི་དྲི་མ་འཁྲུལ་པ། སྤང་བྱ་ཀུན་བརྟགས་ཡིན་ནོ། །དཔེར་ན་མིག་སེར་ཀྱི་ནད་གྱིས་བཏབ་པ་ལ་དུང་དཀར་པོར་སྟན་(བསྟན་)པ་བཞིན་ནོ། །སེམས་ཙམ་ལ་སོགས་པས་ནི་སྒྲ་སྤྱི་ལས། དོན་རང་གི་མཚན་ཉིད་གོ་བར་མ་ཡིན་ནོ། །དཔེར་ན་མིག་སེར་གྱིས་བཏབ་པ་ལ་སྨན་པ་མཁས་པས་བཅོས་ཏེ། ནད་དག་པའི་ཚེ་ན་བརྗོད་མི་དགོས་པར། དངོས་པོ་དང་འཐུན་པ་བཞིན་དུ་བླ་མ་དམ་པ་ལས། དབང་བཞི་གསུམ་གྱི་དུས་
1-1-164a
སུ། དོན་རང་གི་མཚན་ཉིད་དངོས་པོ་གཤིས་དེ་བསྟན་ལ་ཕེབས་པ་ཡིན་ནོ། །དེ་སྐད་དུ་ཡང་། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མའི་དུས་ཐབས་རྟེན་(བརྟེན་)པ་དང་། རང་གི་བསོད་ནམས་ལས་ཤེས་བྱ། ཞེས་པ་དང་། ངག་གི་ལམ་འདས་སྤྱོད་ཡུལ་ཏེ། །འདི་ནི་བྱིན་རླབས་རིམ་པའི་ཕྱིར། །ཞེས་པ་དང་། སངས་རྒྱས་ཀུན་གྱི་སྡོམ་པ་ནི། །ཨེ་བྃ་རྣམ་པར་རབ་ཏུ་གནས། །ཨེ་བྃ་རྣམ་པར་བདེ་ཆེན་པོ། །དབང་ལས་ཡང་དག་ཤེས་པར་འགྱུར། །ཞེས་པ་དང་། ཕྱག་རྒྱ་ཆེན་པོར་དབང་བསྐུར་བ། །ཇི་ལྟར་ཤེས་པའི་བདེ་ཆེན་པོ། །དེའི་འདི་ནི་བྱིན་རླབས་ཡིན། །གཞན་ལ་ང་ལ་འབྱུང་བ་མེད། །ཞེས་པའོ། །དེ་ངོས་བཟུང་བའི་དགའ་བའི་གོ་རིམས་ནི། །མཆོག་མཐའ་དགའ་བྲལ་དང་པོར་ནི། །མུན་པ་ལས་ནི་མར་མེ་ལྟར། །དེ་བཞིན་བུས་ཀྱང་ཡིད་ཆེས་ཀྱིས། ཞེས་པ་དང་། མཆོག་གི་མཐའ་དང་དགའ་བྲལ་དབུས། །སྟོང་དང་སྟོང་མིན་ཧེ་རུ་ཀ་ཞེས་གསུངས་སོ། །དེ་ལྟར་གཏན་ལ་ཕབ་པའི་དངོས་པོ་གཤིས་དེ་གཞུང་དུ་བརྗོད་པ་ནི་ལེའུ་དང་པོ་ནས། ལུས་ལ་ཡེ་ཤེས་ཆེན་པོ་གནས་ཞེས་པ་དང་། དྲ་བའི་ལེའུ་དང་པོ་ལས། འདི་ལྟར་ཀུན་གཞིའི་རྣམ་ཤེས་ལ་སོགས་པའོ། །འདིར་ནི་སྒོམ་པ་པོ་མེད་བསྒོམ་པ་འང་མེད། ཅེས་པ་ལ་སོགས་པས་གསུངས་སོ། །དངོས་པོ་གཤིས་ཀྱི་ཆོས་དེ་ནི་དབང་གི་དུས་མ་ཡིན་པ་གཞན་དུ་མ་གོས་ཏེ། དེའི་ཕྱིར་འཇིག་རྟེན་དང་། འཇིག་རྟེན་ལས་འདས་པའི་ལྷ་དང་། འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ནི་སྤྲོས་མེད་ལྷན་ཅིག་སྐྱེས་པའི་ཡེ་ཤེས་དེ་ལས་བྱུང་པའོ། །
1-1-164b
དེ་ལྟར་སེམས་ཉིད་གཏན་ལ་ཕེབས་ནས། ལུས་ཀྱི་སྣང་ཤེས་པར་བྱས་ཏེ། སྔར་སྟན་(བསྟན་)པ་བཞིན་དུ་ཤི་བ་སྟོང་པ་ནི་ཆོས་ཀྱི་སྐུ། བར་དོ་ལོངས་སྤྱོད་པའི་སྐུ། །མའི་མངལ་དུ་ལུས་གྲུབ་པའི་སྤྲུལ་པའི་སྐུ་སྟེ། ལུས་སྐུ་གསུམ་གྱི་བདག་ཉིད་ཅན་དུ་ཤེས་པ་དེའི་ཚེ། རྐང་པ་ཇི་ལྟར་བོར་བ་ནི་དཀྱིལ་འཁོར། ངག་ཏུ་ཅི་བརྗོད་པ་ནི་བཟླས་པ། ལག་པ་ཇི་ལྟར་སྒྱུར་བ་ནི་ཕྱག་རྒྱ། ཡིད་ལ་ཇི་ལྟར་དྲན་པ་ནི་བསམ་གཏན་ནོ། །ད་ནི་བདག་གི་དེ་ཁོ་ན་ཉིད་ཅེས་བྱས་ཏེ། ཨ་ལི་ཀ་ལི་རབ་བརྟགས་པ་ཞེས་བྱ་བ་ལ་སོགས་པས་སྟན་(བསྟན་)ཏོ། །དེ་ལྟར་ལུས་ཀྱི་སྣད་འདི་ཤེས་ན་ནི་ཡེ་ཤེས་ཆེན་པོ་སྐྱེ་བར་འགྱུར་ཏེ། རྡོ་རྗེ་ལས་ཐིག་ལེ་འབབ་པ་བཞིན་ནོ། །དེ་ཉིད་ལས་རྒྱལ་པོ་ལན་ཅིག་གིས་སྟོན་ན། འཕྲལ་དུ་མངོན་དུ་བྱེད་པ་ཉིད་ཅེས་པ་དང་། སྒྱུ་འཕྲུལ་ལས་རྒྱུ་དང་མི་རྒྱུ་འཇིག་རྟེན་བདུན། །ཐམས་ཅད་དུ་ནི་དེ་བསྒོམས་ཀྱང་། །དེ་ནི་རྟོགས་པ་མ་ཡིན་ནོ། །གལ་ཏེ་ཐམས་ཅད་རབ་རྟོགས་ན། འགྲོ་བའི་རོལ་པ་རྣམ་པར་འཇིག །ཅེས་སོ། །དེ་ལྟར་ལུས་དང་སེམས་ཀྱི་གནས་ལུགས་ཤེས་པའི་སྒྲུབ་པ་པོ་གཉིས་ཀྱིས། རང་གི་བླ་མ་ལ་མན་ངག་ཐོབ་པར་བྱས་ལ། ཆགས་པ་དང་བྲལ་བས་ནི་རང་གི་དགོན་པར་གཏུམ་མོ་དང་། སྒྱུ་ལུས་དང་འོད་གསལ་གྱི་མན་ངག་སྒོམ་པར་བྱའོ། །ཆགས་པ་དང་བཅས་པས་ནི་རང་གི་དགོན་པར་ལེགས་པར་སླབས་(བསླབས་)པའི་ཕྱག་རྒྱ་མ་ལ་བརྟེན་ནས་སྒོམ་པར་བྱའོ། །དེ་ནི་ལམ་གྱི་གནས་ཐབས་སྔགས་ཀྱི་དེ་ཁོ་ན་ཉིད་ཅེས་བྱའོ། །དེ་ལ་ལེའུ་འདིར་ཆགས་པ་དང་བཅས་པའི་ལམ་སྟན་(བསྟན་)ཏེ། སྐྱེད་བྱེད་མ་ལ་སོགས་པས་ནི། ཕྱག་རྒྱ་མའི་མཚན་ཉིད་བརྟགས་པ་དང་། དགུག་
1-1-165a
པ་དང་། བྱིན་གྱིས་རླབ་(རློབ་)པ་དང་། སྙོམས་པར་འཇུག་པའི་ཆོ་ག་སྟན་(བསྟན་)ཏོ། །ཇི་ལྟར་ལ་སོགས་པས་ནི་ཕྱག་རྒྱ་མ་རྟེན་(བརྟེན་)པའི་ཡན་ལག་ཏུ་གྱུར་པ་མི་མཐོང་བར་བྱ་བ་དང་། མ་གསངས་བའི་སྐྱོན་དང་། རྟེན་(བརྟེན་)པའི་དགོས་པ་དང་། ངེས་ཚིག་དང་། རྟེན་(བརྟེན་)ཐབས་དང་། རིགས་ཀྱི་དབྱེ་བ་ལ་སོགས་པ་སྟན་(བསྟན་)ཏོ། །དེ་ལྟར་སྒྲུབ་པ་པོ་གཉིས་ཀྱིས་སྒྲུབ་ཐབས་གཉིས་ལ་རྟེན་(བརྟེན་)ཏེ་སྒོམས་པས། མཉམ་བཞག་ལ་ཉམས་སུ་མྱོང་བ་སྐྱེ་ལ། དེ་རྗེས་ཐོབ་ལ་སྦྱར་ཏེ་སྒོམ་པས། མཉམ་བཞག་དང་རྗེས་ཐོབ་འདྲེས་པའི་ཚེ་ན། ངོ་བོ་གཟུགས་མེད་ལ་སོགས་པ་གསུངས་ཏེ། ཡུལ་དྲུག །དབང་པོ་དྲུག །རྣམ་ཤེས་དྲུག །ལྷན་ཅིག་སྐྱེས་པའི་ཡེ་ཤེས་སུ་ཐིམ་པའི་ཚེ་ན། འབྲས་བུའི་གནས་ཐབས་ཡེ་ཤེས་ཀྱི་དེ་ཁོ་ན་ཉིད་ཅེས་བྱའོ། །དེ་ནི་དེ་ཁོ་ན་ཉིད་བཞི་གང་ཟག་གཉིས་ཀྱིས་བསྒོམས་ཅིག་(ཤིག་)པར་གདམས་པ་སྟེ། ཇི་ལྟར་ན་རྗེ་བཙུན་ཏེ་ལོ་པས། ན་རོ་པ་དང་། དེས་བདག་ལ་སྟན་(བསྟན་)པ་བཞིན་ནོ། །ཕ་ནི་རང་གི་བླ་མའོ། །བདེ་བ་ནི་གནས་ཐབས་གསུམ་གྱི་གདམ་ངག་ཐོབ་པའོ། །དེས་སྟན་(བསྟན་)པའི་མན་ངག་རྣམ་པར་གྲོལ་བ་དང་། བདེ་བ་ཆེན་པོ་ལ་རྟེན་(བརྟེན་)པའི་བདེ་བའི་ཉམས་མྱོང་དེ་སོ་སོའི་དགོན་པར་རང་གིས་བཟའ་བ་ནི་སྒོམ་པར་བྱའོ། །དེས་ཅིར་འགྱུར་ཞེ་ན། བསྒོམས་པའི་ཉམས་མྱོང་གི་བདེ་བ་གང་རུང་གིས། རྣམ་རྟོག་གི་ཚོགས་ཐམས་ཅད་འཆིང་བ་ཡིན་ལ། འདིར་དེའི་བདེ་བ་དེ་ནི་དངོས་པོ་གཤིས་རྟོགས་པའི་ཕྱིར་བསམ་གཏན་ཞེས་བྱ་བར་བརྗོད་དོ། །འདི་ནི་རྗེ་བཙུན་པ་པུ་ལ་ཧ་རི་བའི་མན་ངག་ཕྱིན་ཅི་མ་ལོག་པ་ཡིན་པས། ཐབས་འདི་དག་གང་ཡང་རུང་བ་ཅིག་(ཞིག་)ལ་རྟེན་(བརྟེན་)ཏེ་བསྒོམས་དང་། ཡིད་ཆེས་པའི་རྟགས་འཕྲལ་ལ་
1-1-165b
མངོན་སུམ་དུ་མ་བྱུང་ན་བདག་གིས་བླ་མ་ཐམས་ཅད་བསད་པ་ཡིན་ནོ། །རྒྱ་གར་ཤར་ནུབ་ན་ན་རོ་པའི་ལུགས་ཡིན་ཟེར་བའི་ཚོགས་བཤད་ནི་ཤིན་ཏུ་མང་བར་འདུག །མན་ངག་གི་བཤད་པ་འདི་འདྲ་བསོད་ནམས་མ་བསགས་པས་ཅི་ལ་རྙེད། དེས་ན་སྙིང་གི་དབུས་སུ་གཏེར་བཅའོ། །ལེའུ་ལྔ་པའི་བཀའ་ཡང་དག་པའི་ཚད་མའོ།། །།
༄། །ལེའུ་དྲུག་པ། སྤྱོད་པའི་ལེའུ།
དེ་ལྟར་སྐྱེད་(བསྐྱེད་)པའི་རིམ་པ་དང་། རྫོགས་པའི་རིམ་པ་ལ་སེམས་མི་གནས་པ་གནས་པ། གནས་པ་བརྟན་པར་བྱས་ཏེ། དེ་བོགས་དབྱུང་བའི་ཕྱིར་སྤྱོད་པའི་ལེའུ་བསྟན་ཏོ། །མཐུ་ལ་སོགས་རྒྱས་པར་བཤད་པ་འདིས་ནི་བརྟན་པ་བོགས་དབྱུང་བ་བསྟན་ཏོ། །དེ་ལ་དེ་ནས་ནི་ལེའུ་ལྔ་པའི་རྗེས་ལའོ། །གཞན་ནི་རྫོགས་རིམས་ལས་གཞན་དུ་གྱུར་པ་ནི་སྤྱོད་པའི་ལེའུ་ཡང་དག་པར་རབ་ཏུ་བཤད་པར་བྱའོ། །དེ་ལ་དབྱེ་བ་དང་། དགོས་པ་དང་། ངེས་ཚིག་དང་། དུས་ཚོད་དང་། ཇི་ལྟར་བྱ་བའི་རིམ་པ་དང་ལྔའོ། །དང་པོ་ནི་ལས་དང་པོ་པ་དང་། རྟེན་(བརྟེན་)པ་དང་། བསམ་པ་དང་། རིག་པ་རྟུལ་ཞུགས་སོ། །དེ་ལ་སྤྲོས་པ་དང་། སྤྲོས་མེད་དང་། ཤིན་ཏུ་སྤྲོས་མེད་དོ། །དགོས་པ་བཀའ་མི་བཅག་པ་གནས་སུམ་བཅུ་(ཅུ་)གཉིས་སུ་བགྲོད་པས་ས་བཅུ་གཉིས་བགྲོད་པར་འགྱུར་བ་དང་། མཁའ་འགྲོ་མས་བྱིན་གྱིས་བརློབ་(རླབས་)པ་དང་། སངས་རྒྱས་པ་ལ་ཉེ་བ་དང་། ཀྱེའི་རྡོ་རྗེའི་དངོས་གྲུབ་ཐོབ་པར་འགྱུར་བའོ། །ངེས་ཚིག་སྐྱེད་(བསྐྱེད་)པའི་རིམ་པ་ལ། རིག་པ་ལྷའི་སྐུ། བརྟུལ་བ་ནི་ཐ་མལ་པའི་ལུས་ངག་ཡིད་གསུམ་བརྟུལ་ནས། ཧེ་རུ་ཀའི་རྒྱན་ཆ་ལུགས་སུ་ཞུགས་པའོ། །རྫོགས་པའི་རིམ་པ་ལ། རིག་པ་ལྷན་ཅིག་སྐྱེས་པའི་ཉམས་མྱོང་ངོ་། །བརྟུལ་བ་ཐ་མལ་གྱི་རྣམ་རྟོག །ཞུགས་པ་ནི་བདེ་བའི་ཉམས་སུ་མྱོང་བའོ། །དུས་ཚོད་ནི་དྲོད་ཐོབ་ཅིང་ནུས་པ་རྙེད་
1-1-166a
གཞན་གྱི་མི་དད་པ་སྒྱུར་ནུས་པའི་ཚེའོ། །ཇི་ལྟར་བྱ་བའི་རིམ་པ་ལེའུ་གཞུང་གིས་སྟོན་ཏོ། །དེ་ལ་གསང་སྤྱོད་སྔོན་དུ་སོང་བའི་སྒྲུབ་པ་པོ་སྤྱོད་པའི་དུས་ལ་བབ་པས། ཧེ་རུ་ཀའི་ཆ་ལུགས་སུ་སྒྱུར་ཏེ་རིགས་དང་འཐུན་པའི་ཕྱག་རྒྱ་མ་བཟུང་། བླ་མ་ལ་སོགས་པའི་སངས་རྒྱས་བྱང་ཆུབ་སེམས་དཔའ་ཐམས་ཅད་ལ། རང་གིས་བདག་ཏུ་བཟུང་བའི་ལུས་ཡན་ཆད་དངོས་ཏེ། བླང་བྱ་དང་དོར་བྱ་ཕྱེད་པར་བྱས་ལ། བླང་དོར་མེད་ཅིང་སྤང་བྱ་སྤངས་ནས། དུར་ཁྲོད་ལ་སོགས་པར་སྐྱེད་(བསྐྱེད་)རྫོགས་གཉིས་ཀྱི་རྣལ་འབྱོར་གྱིས་གནས་པར་བྱའོ། །དེའི་ཚེ་བཅོས་མའི་བྱ་བ་ཐམས་ཅད་སྤངས་ཏེ། གླུ་གར་ལ་སོགས་པའི་རྟུལ་ཞུགས་བཟུང་ངོ་། །རྗེ་བཙུན་དམ་པ་པུ་ལ་ཧ་རི་བ་ནི། གོས་དང་། རྒྱན་སྤངས་ནས། ཐོད་པ་དང་། ཁ་ཊྭྃ་ཁ་དང་། ཅང་ཏེའུ་སྣམས་ཏེ། ཐམས་ཅད་སློངས་མོ་ལ་རྒྱུ་བའི་སྤྱོད་པ་མཛད་དོ། །ལེའུ་དྲུག་པའི་བཀའ་ཡང་དག་པའི་ཚད་མའོ།། །།
༄། །ལེའུ་བདུན་པ། མིང་སྲིང་ངོ་ཤེས་ཆེད་བརྡའི་ལེའུ།
དེ་ལྟར་སྤྱོད་པ་བྱེད་པའི་དུས་སུ། ཧེ་བཛྲ་ཡི་སྤུན་ན། མིང་སྲིང་དུ་ངོ་ཤེས་པར་བྱ་བའི་ཕྱིར་བརྡའི་ལེའུ་འདི་བསྟན་ཏོ། །བརྡའ་ཆེན་ལ་སོགས་པས་མདོར་བསྟན་པ་འདི་ནི། བརྟན་པ་བོགས་དབྱུང་བའི་ཚེ་བརྡའ་བྱའོ། །ཙྪོ་མ་ནི་བརྡའ་སྟེ། དབྱེ་བ་དང་། དགོས་པ་དང་། ངེས་ཚིག་དང་། དུས་དང་། ཇི་ལྟར་བྱ་བའི་རིམ་པ་དང་ལྔའོ། །དབྱེ་བ་ནི་ལུས་དང་ངག་གི་བརྡའོ། །དགོས་པ་ནི་སྤུན་དང་མིང་བསྲིང་དུ་ངོ་ཤེས་པར་བྱེད་པའོ། །ངེས་ཚིག་ནི་རྣལ་འབྱོར་པ་ནང་གིས་ངོ་ཤེས་ཤིང་གཞན་གྱིས་མི་གོ་བས་ཏེ་གླ་གློའི་སྐད་ལྟ་བུའོ། །དུས་ནི་དབང་དང་། སྤྱོད་པ་དང་། ཚོགས་དང་། ཐུན་འཚམས་(མཚམས་)སུ་བྱའོ། །ཇི་ལྟར་བྱ་བའི་རིམ་པ་ནི་ལེའུ་གཞུང་ནས་སྟོན་ཏོ། །གང་གིས་
1-1-166b
ལ་སོགས་པས་དགོས་པ་བསྟན། གང་ཞིག་ལ་སོགས་པས་བརྡའ་སོ་སོའི་མཚན་ཉིད་བསྟན་ཏེ། གང་ནས་འོངས་ཞེས་དྲིས་པས་ངོ་ཤེས་ནས་སྙུན་སྨྲས་པས། སོ་སོའི་དབང་དང་མན་ངག་གི་གནས་ལུགས་ཅིག་(གཅིག་)གམ་མི་ཅིག་(གཅིག་)ལྟ་སྟེ་སྤྱོད་པ་ཙམ་མོ། །བརྡའ་དང་སྤྱོད་པ་གང་དུ་བྱ་ཞེས་ན། ཕྱི་རོལ་དུ་སྟེ་མཁའ་འགྲོ་མ་རྣམས་འདུ་བའི་གནས་སུ་བྱའོ། །དེ་གང་ཞེ་ན་གནས་ལ་སོགས་པ་བཅུ་གཉིས་སོ། །དེ་བྱེ་བྲག་ཏུ་ཕྱེ་སྟེ་སྟན་(བསྟན་)པ་ནི། །ཛ་ལན་དྷ་ར་ལ་སོགས་པ་སུམ་བཅུ་(ཅུ་)རྩ་བཞིའོ། །དུས་ནམ་བྱ་ཞེ་ན་སེམས་ཅན་ལ་སོགས་པ་སྟེ། སེམས་ཅན་གྱི་དོན་དུ་འགྱུར་བའི་དུས་དང་། མཁའ་འགྲོ་མ་འདུ་བའི་དུས་ཉི་ཤུ་གསུམ་དང་དགུ་ལ་སོགས་པ་ན་བྱའོ། །གནས་དེ་དག་ཏུ་ཚོགས་ཀྱི་འཁོར་ལོ་བྱ་བ་ནི་རྒྱལ་མཚན་ལ་སོགས་པས་ཚོགས་ཀྱི་ཡོ་བྱད་བཙལ་སྟོན་ཏོ། །དེའི་ཚེ་རྣལ་འབྱོར་པས་བདེ་བ་རྒྱུད་ལ་སྐྱེད་པའི་ཐབས། རང་ལུས་དང་གཞན་ལུས་ཀྱི་རྫོགས་པའི་རིམ་པ་སྟན་(བསྟན་)ཏེ། ཨ་ཧཾ་དང་རྡོ་རྗེ་པདྨའི་སྙོམས་འཇུག་གིས་ཐིག་ལེ་དབབ་ཅིང་རྣམ་རྟོག་གསད་པའི་མན་ངག་ཀྱང་བཟུང་ངོ་། །སྤྱོད་པ་དང་ཚོགས་ཀྱི་འཁོར་ལོའི་ཚེ་སྤྱོད་ལམ་དང་བསམ་པའི་ཁྱད་པར་ཇི་ལྟར་བྱ་ཞེ་ན། དེ་ལ་འདི་ལྟར་ལ་སོགས་པ་གསུངས་སོ། །ཇི་ལྟར་ལ་སོགས་པ་ནི་བདག་དང་སྣང་གྲགས་ཀྱི་ཆོས་ཐམས་ཅད་བདེ་སྟོང་གཉིས་སུ་མེད་པར་བྱ་བ་སྟན་(བསྟན་)ཏོ། །འདི་ནི་རྫོགས་རིམས་ཀྱི་རྣལ་འབྱོར་རྣམས་ཀྱི་ཐུན་འཚམས་(མཚམས་)ཀྱི་རྟེན་(བརྟེན་)པ་བསམ་པ་སློབ་པའི་སྤྱོད་པའོ། །དེའི་ཚེ་ཉམས་སུ་མྱོང་བའི་སེམས་དེ་བཤད་པ་ནི། ཤྲི་ཧེ་རུ་ཀ་ལ་སོགས་པ་ཧེ་རུ་ཀ་གསུམ་གྱི་མཚན་ཉིད་བསྟན་ཏོ། །ད་ནི་རྡོ་རྗེ་ཐོད་སྦྱོར་བསྟན་ཏེ་ཚོགས་ཀྱི་འཁོར་ལོའི་དུས་
1-1-167a
སུ་གཏོར་མ་བྱིན་གྱིས་རླབ་(བརླབ་)པ་ལ། ཐོད་པ་ནི་མེ་རླུང་གི་སྟེང་དུ་ཐོད་པ་སྒོམ་པའོ། །རྡོ་རྗེ་ནི་ཟླ་ཕྱེད་རྡོ་རྗེ་ཧཱུྃ་གིས་མཚན་པའོ། །སྦྱོར་བ་ནི་དམ་ཚིག་གི་བདུད་རྩི་བཀོལ་ཏེ་ཡེ་ཤེས་ཀྱི་བདུད་རྩི་ཕབ་ནས་འབྲུ་གསུམ་གྱིས་བྱིན་གྱིས་རླབ་(བརླབ་)པར་བྱའོ། །སྐྱེ་བོ་ནི་མགྲོན་ཉི་ཤུ་རྩ་བཞིའོ། །ཤ་ནི་བྱིན་གྱིས་བརླབས་པའི་གཏོར་མ་དེ་ཟོས་ནའོ། །སེམས་ཅན་ནི་གཏོར་མའི་འགྲོན་དེ་དག་བདག་གི་དབང་དུ་འདུ་བར་སྟན་(བསྟན་)ཏོ། །ཡང་ཚོགས་ཀྱི་ཡོ་བྱད་བྱིན་གྱིས་རླབ་(བརླབ་)པ་ལ། ཐོད་པ་ནི་ཚོགས་ཀྱི་ཡོ་བྱད་ཀྱི་སྣོད་དེ། རྡོ་རྗེ་ནི་ཟླ་ཕྱེད་ཧཱུྃ་གིས་མཚན་པའོ། །སྦྱོར་བ་ནི་སྔར་བཞིན་ནོ། །སྐྱེ་བོ་ནི་དཔའ་བོ་དང་རྣལ་འབྱོར་མའོ། །ཤ་ནི་བྱིན་གྱིས་བརླབས་པའི་ཡོ་བྱད་དོ། །སེམས་ཅན་ནི་གནས་བཞིའི་མཁའ་འགྲོ་མ་དབང་དུ་འགྱུར་བའོ། །དེའི་བདེ་བའི་ཉམས་སུ་མྱོང་བ་སྐྱེད་པའི་ཕྱིར་ཕྱག་རྒྱ་མ་འམ། ཙན་དྷ་ལི་ལ་སྟེན་ཏེ་བསྒོམ་པ་ཡང་བླ་མའི་མན་ངག་བཞིན་དུ་སྦྱར་རོ། །བརྡའ་ནི་ལུས་ངག་གིའོ། །གནས་ནི་ཡུལ་སུམ་བཅུ་(ཅུ་)རྩ་བཞིའོ། །དེར་ཚོགས་ཀྱི་ཡོ་བྱད་བཙལ་ཏེ། མཁའ་འགྲོ་མ་འདུ་བའི་གཏོར་མ་བཏང་ཞིང་ཚོགས་ཀྱི་འཁོར་ལོ་བྱས་ལ་སྤྱོད་པ་བྱ་བ་དང་། དེའི་ཚེ་ཉམས་སུ་མྱོང་བ་ཇི་ལྟར་སྐྱེ་བ་ཡང་གཏན་ལ་ཕབ་པ་ཡིན་ནོ། །ལེའུ་ནི་གཞུང་གཅོད་པའོ། །བདུན་པ་ནི་གྲངས་སོ། །ལེའུ་བདུན་པའི་བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་བརྒྱད་པ། མཁའ་འགྲོ་མ་འདུ་བའི་ལེའུ།
དེ་ལྟར་བརྡའ་དང་སྤྱོད་པ་དེ་བདག་མེད་མའི་རྣལ་འབྱོར་གྱིས་ཀྱང་བྱ་བའི་ཕྱིར་མཁའ་འགྲོ་མ་འདུ་བའི་ལེའུ་འདི་བསྟན་ཏོ། །ཇི་ལྟར་རིགས་པའི་རྣལ་འབྱོར་མ་ལ་སོགས་པ་རྒྱས་པར་བཤད་པའི་ལེའུ་འདིས་ནི་བདག་མེད་མའི་མངོན་པར་རྟོགས་པ་གང་
1-1-167b
ཟག་ཅིག་གི་ཆ་རྐྱེན་དུ་བསྟན་ཏེ། དེ་ནས་ནི་ལེའུ་བདུན་པ་བཤད་པའི་རྗེས་ལའོ། །རྣལ་འབྱོར་མ་ནི་མཁའ་འགྲོ་མ་བཅོ་ལྔའོ། །འཁོར་ལོ་ནི་གཞལ་ཡས་ཁང་ལྷ་དང་བཅས་པའོ། །དེ་ལྟ་བུའི་སྐྱེད་(བསྐྱེད་)རིམས་བཤད་པར་བྱའོ། །ཡང་རྫོགས་རིམས་ལ་རྣལ་འབྱོར་མ་ནི་སྤྲོས་མེད་ལྷན་ཅིག་སྐྱེས་པའི་ཡེ་ཤེས་སོ། །འཁོར་ལོ་ནི་དེས་སྒྲོ་འདོགས་གཅོད་པས་སོ། །དེ་ལྟ་བུའི་རྫོགས་རིམས་བཤད་པར་བྱའོ་ཞེས་སོ། །ལེའུ་གཞུང་འདིས་ནི་རང་བཞིན་གྱི་རྒྱུད་སྐྱེད་(བསྐྱེད་)རྫོགས་གཉིས་སུ་གནས་པ་ལས། སྐྱེད་(བསྐྱེད་)རིམས་ལྷ་མོ་བཅོ་ལྔའི་དཀྱིལ་འཁོར་ལམ་དུ་བྱེད་པའོ། །དེ་ཉམས་སུ་བླང་བའི་རིམ་པ་ནི། རྒྱུད་ལས་ཇི་སྐད་གསུངས་པ་བཞིན་དུ་དབང་རྫོགས་པར་ཐོབ་པས་ཐང་སྐུ་བྲིས་ལ་རབ་ཏུ་གནས་པར་བྱ་སྟེ། རྡོ་རྗེ་དྲ་བའི་ལེའུ་བཅུ་གཉིས་པར་བསྟན་པའི་གནས་སུ་ཁྱེར་ལ་མཆོད་པ་དང་གཏོར་མ་བཤམས་ཏེ། སྟན་བདེ་བ་ལ་འདུག་ནས་བསྒོམ་པར་བྱའོ། །དེ་ལ་སྐྱེད་(བསྐྱེད་)རིམས་དང་བཟླས་པ་དང་། རྫོགས་རིམས་དང་ཐུན་འཚམས་(མཚམས་)སོ། །དང་པོ་ལ་བཅུ་དྲུག་སྟེ། བླ་མ་དག་པའི་ཆོ་ག་བྱ་བ་དང་། ཚད་མེད་པ་བཞི་བསྒོམ་པ་དང་། ཡེ་ཤེས་ཀྱི་ཚོགས་བསགས་པ་དང་། བསྲུང་འཁོར་དང་། ཆོས་འབྱུང་དང་། འབྱུང་བ་རིམ་རྩེག་དང་། གཞལ་ཡས་ཁང་བསྒོམ་པ་དང་། རོའི་གདན་བསྒོམ་དང་། བྱང་ཆུབ་པ་ལྔས་ལྷ་མོ་བཅོ་ལྔ་སྐྱེད་པ་དང་། སྐྱེ་མཆེད་དང་། སྐུ་གསུང་ཐུགས་བྱིན་གྱིས་རློབ་པ་དང་། ཡེ་ཤེས་སེམས་དཔའ་སྤྱན་དྲངས་ནས་གཉིས་སུ་མེད་པར་བསྲེ་བ་དང་། དབང་བསྐུར་བ་དང་། བདུད་རྩི་མྱང་བ་དང་། མཆོད་པ་དང་། བསྟོད་པ་དང་། སྐྱེད་(བསྐྱེད་)རིམས་རྣམ་དག་དང་བཅས་པའི་ཏིང་ངེ་འཛིན་བསྒོམ་པའོ། །དེ་རྣམས་ཀྱང་ཆོ་གའི་ཁྱད་པར་གྱིས་
1-1-168a
བགྲང་གི་ཆེ་ལོང་ཙམ་ནི་སྲོག་ཤིང་ལས་ཀྱང་སྟན་(བསྟན་)ལ། ཞིབ་དུ་(ཏུ་)ནི་བླ་མའི་ཞལ་ལས་ཤེས་པར་བྱའོ། །དེ་ལ་བསྲུང་འཁོར་ཡན་ཆད་ཁ་བསྐང་སྟེ། བྷ་ག་བསམ་གྱིས་ཆོས་འབྱུང་བསྒོམ་པ་སྟན(བསྟན)། །དབུས་སུ་ལ་སོགས་པས་འབྱུང་བ་རིམ་རྩེག་བསྒོམ། དེ་ཞུ་བ་ལས་འཕར་མ་ལ་སོགས་པའི་གཞལ་ཡས་ཁང་བསྒོམ། དེ་དབུས་ལ་སོགས་པས་གདན་སྐྱེད། །དེའི་སྟེང་དུ་ལ་སོགས་པས་བྱང་ཆུབ་པ་ལྔས། མཁའ་འགྲོ་མ་བཅོ་ལྔ་བཞེངས་པ་བསྟན། མཁས་པ་ལ་སོགས་པས་ལྷ་བསྒོམ་པ་ལ་གདམས་ཨ་ལི་ལ་སོགས་པས་བྱང་ཆུབ་ལྔ་འཇུག་བསྡུ། །ཧཱུྃ་ཕཊ་ལ་སོགས་པས་ལྷ་ཞལ་སྦྱོར་མེད་པའི་རྒལ་ལན་སྟན(བསྟན་)། ཁ་དོག་ལ་སོགས་པས་ལྷ་མོ་བཅོ་ལྔའི་ས་བོན་དང་། དགོད་ས་དང་། རྣམ་པར་དག་པ་དང་། མཚན་མི་མཐུན་པར་སྟན་(བསྟན་)པ་དང་། ལྷ་མོ་ལ་སོགས་པས་ཐུན་མོང་གི་ཆོས་སྟན(བསྟན)། དང་པོ་ལ་སོགས་པ་སྐྱེ་མཆེད་བྱིན་གྱིས་བརླབ་པ་སྟན(བསྟན)། དེ་ནས་དབང་བསྐུར་བ་ནས་བསྟོད་པའི་བར་དུ་བྱས་ལ། ཡང་ནག་པོ་ལ་སོགས་པའི་ཁ་དོག་དྲུག་གིས་རྒྱས་གདབ་པ་སྟེ། སྐྱེད་(བསྐྱེད་)པའི་རིམ་པའི་ཏིང་ངེ་འཛིན་ཏོ། །དེ་ནས་ཡན་ལག་དྲུག་སྒོམ་པ་ནི། རྡོ་རྗེ་དྲ་བ་ལས་སྟན་(བསྟན་)པ་བཞིན་དུ་ཡན་ལག་དྲུག་གིས་རྒྱས་གདབ་པ་དང་ལྡན་པའོ། །དེ་ནས་ཟླས་པ་བྱ་བ་ནི་རྡོ་རྗེ་དྲ་བའི་ལེའུ་བཞི་པ་ནས་བསྟན་པ་ལྟར། འཁོར་གྱི་ལྷ་མོ་བཅུ་བཞི་དང་ལྡན་པས་བཟླས་པ་བྱའོ། །དེ་ནས་སྐྱོ་ན་ལྷ་མོ་བཅུ་བཞི་རང་གི་སྙིང་ཀར་(གར་)བསྡུས་ལ་རང་ལུས་སམ་གཞན་ལུས་ལ་བརྟེན་ཏེ། རྟོག་བཅས་གསུམ་དོར་ལ། བཞི་པ་ལྷན་ཅིག་སྐྱེས་པའི་ཡེ་ཤེས་བསྒོམ་པ་ནི། དགའ་བྲལ་མཐར་ཡང་དེ་བཞིན་ནོ་ཞེས་སོ། །དེ་ནས་གཏོར་མ་དང་
1-1-168b
ཀླུ་དང་སྨོན་ལམ་བྱ་སྟེ། ལས་ཀྱི་ལྷའི་ང་རྒྱལ་གྱིས་ཅི་རིགས་པའི་སྤྱོད་པ་བྱའོ། །དེ་ལ་བརྟེན་ནས་སྒྲུབ་པ་ཆེན་པོ་ནི་ལེའུ་གཉིས་པ་ནས་སྟོན་ནོ། །ད་ནི་སྐྱེད་(བསྐྱེད་)རྫོགས་གོང་འོག་འཚམས་སྦྱར་ཏེ། སྐྱེད་(བསྐྱེད་)རིམས་ནི་སྔགས་ཀྱི་ཐེག་པར་མིང་བཏགས་ཀུན་རྫོབ་ཀྱི་བདེན་པར་མིང་བཏགས། རྫོགས་རིམས་ནི་སྔགས་ཀྱི་ཐེག་པར་གྲགས། གཞན་དུ་ནི་དོན་དམ་པའི་བདེན་པ་ཞེས་བྱའོ། །རིམ་གཉིས་ཆ་སྙམ་(མཉམ་)པར་གནས་ནས་ནི་སྔགས་ཀྱི་ཐེག་པར་བཤད། ཤག་ཐུབ་ཀྱིས་བདེན་གཉིས་དབྱེར་མེད་དུ་བཤད་པ་ལྟར། རྡོ་རྗེ་འཆང་གིས་སྐྱེད་(བསྐྱེད་)རྫོགས་དབྱེར་མེད་དུ་གསུངས་སོ། །དེ་ལ་ཁ་ཅིག་གིས་སྐྱེད་(བསྐྱེད་)རིམས་ལ་བརྟན་པ་ཐོབ་ནས་རྫོགས་རིམས་བསྒོམ་པ་དང་། ཁ་ཅིག་གིས་ཚེ་སྟོད་སྨད་དུ་གཅོད་པ་དང་། གདན་ཅིག་གི་སྟེང་དུ་སྤྲུགས་པ་དང་བཞི་ལས། འདིར་པུ་ལ་ཧ་རི་བ་ཆེན་པོ་ནི་གདན་ཅིག་གི་སྟེང་དུ་སྤྲུག་པར་བཞེད་དོ། །དེ་ལྟར་ཡང་རིམ་གཉིས་མཉམ་པར་གནས་ནས་ནི། །རྡོ་རྗེ་ཅན་གྱིས་ཆོས་འཆད་དོ། །ཞེས་གསུངས་ཏེ། སྔོན་རྡོ་རྗེ་འཆང་གིས་མཁའ་འགྲོ་མ་རྣམས་ལ། སྐྱེད་(བསྐྱེད་)རྫོགས་གདན་ཅིག་གི་སྟེང་དུ་སྤྲུགས་ནས་གསུངས་པས། རྗེས་འཇུག་ཉམས་སུ་ལེན་པས་ཀྱང་གདན་ཅིག་གི་སྟེང་དུ་སྤྲུགས་ནས་སྒོམ་(བསྒོམ་)པར་བྱའོ། །དེ་ཡང་ཆེད་དུ་ཅི་བཤད་ན་སྐྱེད་(བསྐྱེད་)པའི་རིམ་པའི་ཆ་བཤད་དོ་ཞེས་སོ། །དེ་ཡང་སྐྱེད་(བསྐྱེད་)པའི་རིམ་པ་ལ་གསུམ་སྟེ། ངོ་བོ་དང་། དབྱེ་བ་དང་། ངེས་ཚིག་གོ། །ངོ་བོ་ནི་སྐྱེད་རྒྱུའི་ལྷ་ཅི་རིགས་པ། སྐྱེད་ཚུལ་ཅི་རིགས་པ་ཅིག་(ཞིག་)གིས་སྐྱེད་(བསྐྱེད་)རིམས་སོ། །དེ་ཡང་རྣལ་འབྱོར་པ་རྣམས་ཅི་རིགས་པར་སྐྱེད་ཞེས་སོ། །ངེས་ཚིག་ནི་ཡེ་ཤེས་རྒྱུད་ནས་སྐྱེ་བས་ན་སྐྱེད་(བསྐྱེད་)རིམས་ཏེ། སྒོམ་མ་ཐག་ཏུ་ཉམས་སུ་མྱོང་བ་མི་སྐྱེ་བར་ཡེ་ཤེས་ཁད་ཀྱིས་སྐྱེ་བས་སོ། །དབྱེ་བ་ལ་གཉིས་ཏེ་
1-1-169a
སྦྱང་གཞི་དང་། སྦྱོང་བྱེད་དོ། །དང་པོ་ལ་བཞི་སྟེ། གནས་སྐབས་ལྔ་དང་། ཆེན་པོ་བཞི་དང་། རང་རིག་པ་བདེ་བ་ཆེན་པོ་དང་། དུམ་བུ་དང་ཆ་ཤས་ལས་སྐྱེད་པའོ། །དང་པོ་ནི་ཕའི་ཁུ་བ་དང་། མའི་ཁྲག་དང་། བར་དོའི་ཤེས་པ་གསུམ་འདྲེས་པ་ལས། ཁ་མིག་རྣ་བ་ཅན་གྱི་གཟུགས་རྫོགས་པ་དང་ལྔའོ། །ཆེན་པོ་བཞི་ནི་ཁུ་ཁྲག་ལ་འབྱུང་བ་བཞི་ཚང་སྟེ། གཟུགས་སུ་གྲུབ་པས། གཤེར་བ་ཆུ། དྲོ་བ་མེ། ཡང་བ་རླུང་གི་ཆ་ཤས་སོ། །རང་རིག་བདེ་བ་ཆེན་པོ་ནི་ཕ་དང་མ་སྙོམས་པར་འཇུག་པའི་དུས་སུ། ཕ་མ་བར་དོ་གསུམ་ཀ་ལ་བདེ་བ་ཡོད་པས་ལུས་འདི་བདེ་བའི་ལུགས་སུ་བླུགས་པའོ། །དུམ་བུ་དང་ཆ་ཤས་ལས་སྐྱེད་པ་ཁུ་ཁྲག་དང་བར་དོའི་ཤེས་པ་འདྲེས་ནས། མེར་མེར་པོ་དང་། ལྟར་ལྟར་པོ་དང་། འཁྲང་གྱུར་དང་། རྐང་ལག་འགྱུར་བ་ལ་སོགས་པ་འཇུག་པ་བཅུར་རིམས་ཀྱིས་ཟླ་བ་དགུ་དང་ངོ་ཅིག་(གཅིག་)སྟེ་བཅུ་ན་གཟུགས་རྫོགས་པའོ། །དེ་རྣམས་སྦྱོང་བར་བྱེད་པའི་སྐྱེད་(བསྐྱེད་)རིམས་ནི། གནས་སྐབས་ལྔ་ལས་སྐྱེད་པའི་སྦྱོང་བྱེད་དུ་བྱང་ཆུབ་པ་ལྔ་སྒོམས་(སྒོམ་)པ་སྟེ། ཟླ་བ་དང་། ཉི་མ་དང་། ས་བོན་ཕྱག་མཚན་དང་། དེ་རྣམས་འདྲེས་པས་ཧེ་བཛྲའི་སྐུར་ཡོངས་སུ་རྫོགས་པའོ། །ཆེན་པོ་བཞི་ལས་སྐྱེད་པའི་སྦྱོང་བྱེད་དུ་འབྱུང་བ་བཞི་རྣམ་པར་དག་པའི་ལྷ་མོ་བཞི་འམ་བརྒྱད་སྐྱེད་པ་ལ། འཚམས་(མཚམས་)ཀྱི་ལྷ་མོ་བཞིས་མྱ་ངན་གྱི་གླུས་བསྐུལ་བའོ། །རང་རིག་པ་བདེ་བ་ཆེན་པོ་ལས་སྐྱེད་པའི་སྦྱོང་བྱེད་དུ་དྲི་ཟ་ཉེ་བར་ཞུགས་ཏེ། གཙོ་བོ་ཡབ་ཡུམ་ཞུ་བ་དང་། ནམ་མཁའི་ན་ད་ཞུ་སྟེ་བདེ་བ་ཆེན་པོས་རྒྱས་པར་སྒོམ། དུམ་བུ་དང་ཆ་ཤས་ལས་སྐྱེད་པའི་སྦྱོང་བྱེད་དུ་ནི་བླ་མ་དག་པས་ན། སྐྱེད་(བསྐྱེད་)རིམས་གྱི་ཏིང་ངེ་འཛིན་གྱི་བར་དུ་ཞིབ་རྣལ་གྱིས་སྒོམ་པ་ཡིན་ནོ། །
1-1-169b
ད་ནི་རྫོགས་པའི་རིམ་པ་བསྟན་པ་ལ། ངོ་བོ་དང་། ངེས་ཚིག་དང་། དབྱེ་བ་དང་གསུམ་མོ། །ངོ་བོ་ནི་བདེ་བ་ལ་རྟེན་(བརྟེན་)ཏེ་བདེ་བ་ཆེན་པོ་སྐྱེད་པའོ། །སྒྱུ་མའི་ལེའུ་གཉིས་པ་ལས། རྫོགས་པའི་རྣལ་འབྱོར་ནི་དེའི་བདེ་བ་བདེ་ཆེན་བརྗོད་ཅེས་སོ། །ངེས་ཚིག་ནི་ཡེ་ཤེས་དངོས་སུ་སྐྱེ་བས་རྫོགས་པའི་རིམ་པ་སྟེ། པུ་ལ་ཧ་རི་བའི་ཞལ་ནས། དུས་འདིའི་དུས་སུ་ལུས་འདི་ལྟར་ཆེས་ལ། སེམས་འདི་ལྟར་གཏོད་དང་ཡེ་ཤེས་མི་སྐྱེ་མི་སྲིད་གསུང་ངོ་། །རྫོགས་པའི་རིམ་པ་ལ་དབྱེ་ན་གཉིས་ཏེ། སྦྱང་གཞི་དང་། སྦྱོང་བྱེད་དོ། །དང་པོ་ལ་བཞི་སྟེ། ཐ་མལ་གྱི་རྣམ་རྟོག་དུ་མ་དང་བཅས་པ་དང་། གཉིད་འཐུག་པ་ལོག་པ་དང་། རྨི་ལམ་མང་པོ་རྨི་བ་དང་། ཐ་མལ་གྱི་བུད་མེད་དང་སྙོམས་པར་འཇུག་པའོ། །དེའི་སྦྱོང་བྱེད་ལ་བཞི་སྟེ། གཏུམ་མོ་ལ་རྟེན་(བརྟེན་)པའི་ཕྱག་རྒྱ་ཆེན་པོ་དང་། འོད་གསལ་ལ་རྟེན་(བརྟེན་)པའི་དང་། སྒྱུ་ལུས་ལ་རྟེན་(བརྟེན་)པའི་དང་། ལས་རྒྱ་ལ་རྟེན་(བརྟེན་)པའི་ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་བའོ། །རྗེ་སངས་རྒྱས་དང་མཚུངས་པ་དེས་དེ་སྐད་ཅེས་བཀའ་སྩལ་ཏོ། །ད་ནི་ཡེ་ཤེས་རྣམ་ཤེས་ལ་སོགས་པ་རྒྱས་པར་བཤད་དེ་འདིར་གདུལ་བྱ་འདོད་ཆགས་ཅན་གྱི་དོན་དུ། དང་པོ་ཁོ་ན་ལས་ཀྱི་ཕྱག་རྒྱ་མ་ལ་རྟེན་(བརྟེན་)པའི་ལྷན་ཅིག་སྐྱེས་པའི་ཡེ་ཤེས་རྣལ་མ་སྙུག་མ་མ་བཅོས་པའི་དོན་བསྒོམ་པ་ལ། ཕྱག་རྒྱ་མའི་མཚན་ཉིད་བརྟག་པ་དང་། དགུག་པ་དང་། མི་སྣང་བ་དང་བྱ་བ་དང་འཁོར་བ་རྩད་ནས་བཅད་པ་དང་། ལུས་རྒྱས་པར་བྱ་བ་དང་། སྦྱང་བ་དང་། རྩ་བཙལ་བ་དང་། བཟུང་བསླང་བ་རྣམས་སྔོན་དུ་སོང་བས། ཐབས་དང་ཤེས་རབ་ཀྱི་ཆོ་ག་བྱས་ལ། ཡུམ་གྱི་པདྨ་ཡུལ་ཆོས་ཉིད་སྟོང་པ་དེར། ཡབ་ཀྱི་རྡོ་རྗེ་ཡུལ་ཅན། རིག་པ་ཡེ་ཤེས་
1-1-170a
བཅུག་པ་ནི་ནམ་མཁའི་དབུས་དང་བྷ་ག་ཞེས་བྱའོ། །སྒོམ་པ་ནི་ཡུལ་ཆོས་ཉིད་སྟོང་པ་དེ་ཡུལ་ཅན་རིག་པའི་ཡེ་ཤེས་དེ་སད་ཅིང་། རྟོགས་པར་བྱ་བའི་ཕྱིར་སྙོམས་པར་འཇུག་པའོ། །དགའ་བ་བཞིས་རྣམ་རྟོག་གཅོད་པ་ནི་འཁོར་ལོའོ། །རྟོག་བཅས་ཀྱི་དགའ་བ་ལ་བརྟེན་ནས་ལྷན་ཅིག་སྐྱེས་པ་རིག་པ་ནི་རིམ་པ་ཅི་རིགས་པའོ། །ལྷ་རྣམས་ནི་དོན་དམ་བྱང་ཆུབ་ཀྱི་སེམས་སོ། །ཇི་ལྟར་འབྱུང་བ་ནི་ཀུན་རྫོབ་བྱང་ཆུབ་ཀྱི་སེམས་སོ། །དེ་ལ་རྟེན་གྱིས་ཕྱེ་ན་ལས་ཀྱི་ཕྱག་རྒྱ་དང་སྐྱེས་བུ་གཉིས་སོ། །དེ་རེ་རེ་ལ་ཀུན་རྫོབ་དང་དོན་དམ་གཉིས་གཉིས་ཏེ། དེ་ལྟར་བཞིར་འགྱུར་རོ། །དེ་ཡང་དང་པོ་དབང་གསུམ་པའི་ཉམས་མྱོང་གིས་སྟན་(གཏན་)ལ་ཕབ་ནས་སྒོམ་དགོས་པས། དགའ་བ་དང་པོ་ལ་སོགས་པའི་གཞིའི་གནས་ལུགས་སྟན་(བསྟན་)ཏོ། །དེ་ལྟར་དབང་གི་དུས་སུ་རྟོག་བཅས་ཀྱི་དགའ་བ་གསུམ་སྤངས་པའི་ཚེ། སྤྲོས་མེད་ལྷན་ཅིག་སྐྱེས་པའི་ཡེ་ཤེས་སེམས་དངོས་པོའི་ལྟ་བ་གནས་ལུགས་གཏན་ལ་ཕབ་ནས། ད་ནི་སྒོམ་པའི་ཐབས་ཆགས་ཅན་དང་ཆགས་བྲལ་གྱི་དགའ་བ་བཞིའི་མཚན་ཉིད་བསྟན་ཏོ། །དགའ་བ་བདེ་ལ་སོགས་པ་གསུངས་སོ། །འོ་ན་གང་ཟག་གཉིས་ཀྱིས་ཇི་ལྟར་སྒོམ་པར་བྱ་ཞེས་ན། དང་པོ་ལ་སོགས་པ་གསུངས་ཏེ། གང་ཟག་གཉིས་ཀ་ལ་དགའ་བ་དང་མཆོག་དགའ་དང་། དགའ་བྲལ་གསུམ་ཀ་ལ་རྟོག་པར་བཅས་པའི་ཕྱིར། སྐྱོན་མེད་བཞི་པ་ལྷན་ཅིག་སྐྱེས་པའི་ཡེ་ཤེས་བསྒོམ་པར་བྱའོ། །འོ་ན་དང་པོ་ཉིད་ནས་བཞི་པ་བྱ་བ་ཡིན་ནོ་ཞེ་ན། གསུམ་པོ་ལ་མ་རྟེན་(བརྟེན་)པར་ཡེ་ཤེས་སྐྱེ་བ་མི་སྲིད་དོ། །དེའི་ཕྱིར་རྟོག་བཅས་ལ་རྟེན་(བརྟེན་)ནས་རྟོག་མེད་སྐྱེ་ལ། དེ་སྐྱེས་པའི་ཚེ་ན་རྟོག་བཅས་སྤང་བར་
1-1-170b
བྱ་བ་བཞིན་ནོ། །འོ་ན་དགའ་བྲལ་ལ་སོགས་པ་གསུམ་པོ་ཅིའི་ཕྱིར་སྤང་བར་བྱ་བ་ཡིན་ཞེས་ན། མཆོག་ཏུ་དགའ་བ་ལ་སོགས་པ་གསུམ་པོ་སྐྱོན་ཅན་སྤང་བྱ་ཡིན་པའི་འཐད་པ་སྟན་(བསྟན་)ནོ། །འདོད་ཆགས་ཀྱིས་བཞི་པ་བླང་བྱ་ཡིན་པའི་འཐད་པ་བསྟན་ཏོ། །འོ་ན་བཞི་པ་གཉིས་མེད་ཕྱག་རྒྱ་ཆེན་པོའི་དོན་དེ། ཇི་ལྟར་གཏན་ལ་དབབ་པར་བྱ་ཞེ་ན། གཞན་གྱིས་བརྗོད་མིན་ལ་སོགས་གསུངས་ཏེ། ཚིག་གིས་བརྗོད་པ་ནི་མ་ཡིན་ནོ། །འོ་ན་དེ་མེད་དམ་ཞེ་ན། ལྷན་ཅིག་སྐྱེས་པས་སོ། །འོ་ན་སོ་སོར་རྟོག་པའི་ཤེས་རབ་ཀྱིས་དཔྱད་པས་རྙེད་པར་འགྱུར་རོ། །གང་དུ་ཡང་ནི་མི་རྙེད་དོ་ཞེས་སོ། །འོ་ན་ཇི་ལྟར་ཤེས་པར་བྱ་ཞེ་ན། རང་སྟོབས་གཞན་སྟོབས་གཉིས་ལ་སྟེན་(བསྟེན་)ཏེ། དབང་བཞི་གསུམ་གྱིས་དུས་སུ་ཤེས་པར་བྱའོ། །དེའི་ཚེ་ཆོས་ཐམས་ཅད་ཀྱི་དེ་ཁོ་ན་ཉིད་ཤེས་པར་འགྱུར་ཏེ། སྤྲིན་འཐོངས་(མཐོངས་)ཀྱི་ཟླ་བ་བཞིན་ནོ། །བླ་མ་མཚན་ཉིད་ལྡན་པ་དང་། སློབ་མ་མཚན་ཉིད་དང་ལྡན་པ་དང་། མན་ངག་སྒྲོ་སྐུར་དང་བྲལ་བ་རྣམས་འཚོགས་པ་ལས་ཉམས་མྱོང་སྐྱེ་བ་དེ་སུས་ཀྱང་དགག་པར་ནུས་པ་མ་ཡིན་ནོ། །དེ་ལྟར་བླ་མའི་མན་ངག་གིས་རྟོགས་པའི་དུས་སུ་ཕྱག་རྒྱ་ཆེན་པོ་དེང། ཇི་ལྟར་བློ་ལ་བཞག་ཅེ་ན། དམན་པ་ལ་སོགས་པ་གསུངས་ཏེ། ཕྲ་བ་ནས་གཡོ་བའི་བར་གྱི་ཆོས་ཐམས་ཅད་རང་རྒྱུད་པར་གྲུབ་པ་མེད་དོ། །ལྷན་ཅིག་སྐྱེས་པའི་རང་བཞིན་ཉིད་དོ། །དེ་ལྟ་བ་རྟོགས་པར་བྱས་ནས། སྒོམ་པ་ནི་མཉམ་པ་ཉིད་ལ་སོགས་པ་སྟེ། སྒོམ་པ་ཡང་མཉམ་བཞག་རྗེས་ཐོབ་མེད་པར་ལྷན་ཅིག་སྐྱེས་པའི་ཡེ་ཤེས་སུ་མཚུངས་པར་བཞག་གོ། །དེ་ལྟ་བུའི་དུས་སུ་ཕྱག་རྒྱ་ཆེན་པོའི་རྟོགས་པའི་གང་ཟག་གིས་ལྟས་ན་འཁོར་བ་དང་མྱ་ངན་ལས་འདས་པའི་
1-1-171a
ཐམས་ཅད་དེ་ལས་འབྱུང་ཞིང་དེའི་རྣམ་པར་འཕྲུལ་པ་ཡིན་ཏེ། ང་ལ་སོགས་པ་གསུངས་སོ། །དེ་ལྟར་ལྟ་སྤྱོད་ཐམས་ཅད་ཕྱག་རྒྱ་ཆེན་པོར་ཤེས་དུས་སུ། ཡུན་རིང་དུ་བསྒོམས་ན་བསོད་ནམས་ཆུང་བའི་མི་ཀྱང་(ཡང་)འགྲུབ་པར་འགྱུར་ན། གཞན་གྱིས་ལྟ་ཅི་སྨོས་ཞེས་སྟན་(བསྟན་)པ་ནི་དེ་ལྟར་ལ་སོགས་པས་སྟན་(བསྟན་)ཏོ། །སྤྱོད་ལས་ཐམས་ཅད་དུ་ཕྱག་རྒྱ་ཆེན་པོའི་ཉམས་དང་མི་འབྲལ་བར་བསྒོམ་དགོས་པས་བཟའ་བ་དང་བཏུང་བ་ལ་སོགས་པ་སྟན་(བསྟན་)ཏོ། །ཕྱག་རྒྱ་ཆེན་པོ་ལ་སོགས་པས་དགོས་པ་དང་འབྲས་བུ་སྟན་(བསྟན་)ཏོ། །གང་ཕྱིར་ལ་སོགས་པས་སྒོམ་ཐབས་སྟན(བསྟན)། བདག་གིས་སྣང་གྲགས་ཕྱག་རྒྱ་ཆེན་པོར་མི་འགྱུར་ཞེ་ན། དེ་རྣམས་དམ་པ་ཅིག་(ཞིག་)ཡོད་མིན་ཞེས་སོ། །བདག་ལ་སོགས་པ་ཐམས་ཅད་ཕྱག་རྒྱ་ཆེན་པོར་བྱས་པས་ཅིར་འགྱུར་ཞེ་ན། རང་རིག་ལ་སོགས་པས་སྟན་(བསྟན་)ཏོ། །ཆོས་འབྱུང་ལ་སོགས་སྲིད་པ་ལུགས་ནས་འབྱུང་བའི་ཚེ་ན་ཆོས་འབྱུང་སྟོང་པ་འོད་གསལ་ལོ། །དེ་ལས་སྐྱེས་པའི་ཡེ་ཤེས་ནི། །སྣང་བ་དང་མཆེད་པ་དང་། ཉེ་བར་ཐོབ་པ་ལུགས་ལས་ཟློག་པ་སྟེ་སྐྱེས་པའི་ཡེ་ཤེས་གསུམ་མོ། །དེ་ཡང་ནམ་མཁའ་དང་མཉམ་པའི་སེམས་ཅན་ཐམས་ཅད་སྟོང་པ་འོད་གསལ་གྱི་ཡེ་ཤེས་དང་ལྷན་ཅིག་སྐྱེས་པའོ། །དེ་ལ་ཐབས་དང་བཅས་པ་སྟེ་སྐལ་པ་དང་པོའི་མ་སངས་རྒྱས་ཀྱི་ཡོན་ཏན་རྣམས་ཀྱིས་རྒྱན་(བརྒྱན་)པ་འབྱུང་བ་ཡིན་ནོ། །དེ་ནས་བདུད་རྩི་ཟ་བ་ནས་སའི་རོ་དང་ས་ཞག་མོ་དང་། མྱུ་གུའི་ཚལ་དང་། མ་རྨོས་པའི་ལོ་ཐོག་ཟོས་པས་ལུས་བསྲ་བ་དང་། ལྕི་བར་འགྱུར་བ་དང་དེའི་འོག་ཏུ་ཉི་མ་དང་ཟླ་བ་འབྱུང་ངོ་། །དེ་ནས་འབྲས་བུའི་སྙིགས་མ་འདོར་བའི་ལམ་དང་། ཕོ་དང་མོའི་དབང་པོའི་སྒོ་
1-1-171b
དོད་པར་གྱུར་ཏོ(རོ)། །དེ་ནས་འཁོར་བ་ཐོག་མ་མེད་པ་ནས་གོམས་པའི་སྟོབས་ཀྱིས་ཉོན་མོངས་པ་སྐྱེས་པར་གྱུར་ཏོ(རོ)། །ལྟ་བ་དང་། རྒོད་པ་དང་། འཁྱུད་པ་དང་། དབང་པོའི་སྒོ་སྦྱོར་བ་བྱུང་ངོ་། །དེའི་ཚེ་ཐབས་ཀྱི་ཆ་ཕ་དང་། ཤེས་རབ་ཀྱི་ཆ་མ་གཉིས་སྙོམས་པར་འཇུག་པའི་རང་བཞིན་ལས་ཁུ་བ་དང་ཁྲག་བྱུང་ངོ་། །དེར་བར་དོའི་སེམས་ཅན་ཞུགས་པ་ལས་ལུས་གྲུབ་པ་ཡིན། དེ་ཡང་གནས་སྐབས་ལྔ་དང་། ཆེན་པོ་བཞི་དང་། རང་རིག་པ་བདེ་ཆེན་པོ་དང་། དུམ་བུ་དང་ཆ་ཤས་ལས་སྐྱེད་པའི་སེམས་ཅན་རྣམས་ནི་འཇིག་རྟེན་གསུམ་པོ་དེ་ལས་སྐྱེས་ཞེས་སོ། །དེ་ལུགས་ལས་ཟློག་པ་བསྐྱེད་པའི་རིམ་པ་སྟེ། གོང་བཞིན་ནོ་དེ་གཞུང་དུ་མཚོན་ན་ཆོས་འབྱུང་ནི་ལྟེ་བའི་རྩ་མདུད་གྲུ་གསུམ་མོ། །དེ་ལས་སྐྱེས་པ་ནི་གཏུམ་མོའོ། །དེས་བདེ་ཆེན་ནས་བདུད་རྩི་ཕབ་པས་ལྷན་ཅིག་སྐྱེས་པའི་ཡེ་ཤེས་སྐྱེ་བའི་ཐབས་ཡིན་པས་ཐབས་དང་བཅས་པའོ། །མཁའ་སྙམ་ལྷན་ཅིག་སྐྱེས་ནི་བདེ་སྟོང་རྒྱ་ཆེ་བས་སོ། །ཐབས་དང་ཤེས་རབ་ནི་ཨ་ཧཾ་གི་སྙོམས་འཇུག་གི་རང་བཞིན་ནོ། །འཇིག་རྟེན་གསུམ་ནི་ས་གསུམ་པོ་ཐམས་ཅད་བདེ་སྟོང་གཉིས་མེད་དེར་སྐྱེའོ། །ཞེས་སོ། །དེས་རྫོགས་པའི་རིམ་པ་ཐམས་ཅད་འདྲེའོ། །ད་ནི་རྫོགས་པའི་རིམ་པའི་ཉམས་དང་མ་བྲལ་བར་སྒོམས་(སྒོམ་)ན་སྣང་གྲགས་ཐམས་ཅད་དེའི་གྲོགས་སུ་འཆར་བར་སྟན་(བསྟན་)པ་ནི་ཁུ་བ་ལ་སོགས་པ་གསུངས་ཏེ། འཁོར་བ་སྐྱེད་པར་བྱེད་པའི་རྒྱུ་ཁུ་བ་དེ་ཉིད་ལ་རྟེན་(བརྟེན་)ཏེ་སྒོམས་པའི་ཉམས་སུ་མྱོང་བ་ཤིན་ཏུ་རྟོགས་པར་དགའ་བ་དེ་མངོན་སུམ་དུ་བྱས་ནས། ས་ལ་སོགས་པའི་སྣང་གྲགས་ཐམས་ཅད་ཀྱིས་མི་ནོན་ཅིང་གྲོགས་སུ་འཆར་བར་འགྱུར་རོ། །ཐམས་ཅད་རིགས་བྱེད་ལ་སོགས་པས་
1-1-172a
རྒྱུད་ཀྱི་ཆེ་བ་སྟན་(བསྟན་)ཏོ། །ཆུ་བོའི་གཞུང་ལ་སོགས་པས་ལེའུའི་གཞུང་གི་སྐྱེད་(བསྐྱེད་)རྫོགས་ཀྱི་དོན་ཉིན་མཚན་དུ་རྒྱུན་མི་འཆད་པའི་རྣལ་འབྱོར་གྱིས་སྒོམས་ན་འབྲས་བུ་འབྱུང་བར་གསུངས་པའོ། །ལེའུ་མཚན་ནི་འདུ་བ་ནི་གཞལ་ཡས་ཁང་དུ་ལྷ་འདུ་བ་དང་། བདེ་སྟོང་གི་ཉམས་མྱོང་དུ་སྣང་གྲགས་ཀྱི་ཆོས་འདུ་བའོ། །འདི་ནི་རྗེ་བཙུན་གྱི་མན་ངག་ཕྱིན་ཅི་མ་ལོག་པ། ལེའུ་བརྒྱད་པའི་བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་དགུ་པ། བསྐྱེད་རྫོགས་རྣམ་དག་བསྟན་པའི་ལེའུ།
དེ་ལྟར་སྐྱེད་(བསྐྱེད་)པའི་རིམ་པ་ནི་རྣམ་དག་མ་སྒོམས་(སྒོམ་)ན། འཆིང་བར་འགྱུར་བས་མཆོག་ཏུ་དག་པའི་ལེའུ་བསྟན་ཏོ། །གནས་ལ་སོགས་པ་རྒྱས་པར་བཤད་པའི་ལེའུ་འདི་ནི། སེམས་མི་གནས་པ་གནས་པར་བྱེད་པ་འཐུན་འཚམས་(ཐུན་མཚམས་)སུ་སྒོམ་(བསྒོམ་)པར་བྱ་བ་ཡིན་ནོ། །ལེའུའི་གཞུང་གི་དོན་ཉམས་སུ་ལེན་པ་ལ་གཉིས་ཏེ། ཀུན་རྫོབ་ལྷ་སོ་སོའི་རྣམ་པར་དག་པ་དང་། དོན་དམ་དེ་བཞིན་ཉིད་ཀྱི་རྣམ་པར་དག་པའོ། །དང་པོ་ལ་ཕྱི་ནས་རེ་རེ་ལ་སོགས་པས་མདོར་སྟན་(བསྟན་)པ་དང་། དག་རྒྱུ་བསྟན། ཀྱེ་བཅོམ་ལྡན་འདས་ལ་སོགས་པས་རྒྱས་བཤད་དང་། དག་པ་སྟན(བསྟན)། དག་ལུགས་ཇི་ལྟར་དག་ན་རང་བཞིན་གྱིས་ནི་རྣམ་པར་དག་པའོ། །དེ་རྣམས་མཇུག་བསྡུས་པ་ནི་གང་དང་གང་ལ་སོགས་པའོ། །འོ་ན་དེ་བཞིན་ཉིད་ཀྱི་དགའ་བ་དོན་མེད་དོ་ཞེ་ན། དོན་དམ་དེ་བཞིན་ཉིད་ཀྱི་དག་པ་མེད་ན་འཆིང་བའི་རྒྱུ་ཡིན་ཏེ། ཐག་པའི་སྒྲོག་དང་། གསེར་གྱི་སྒྲོག་བཞིན་ནོ། །དེའི་ཕྱིར་ངེས་པ་ལ་སོགས་པས་དག་རྒྱུ་མདོར་སྟན(བསྟན)། རང་རིག་ལ་སོགས་དག་པས་ཆོས་ཀྱི་དབྱིངས་སྟོང་ཉིད་སྤྲོས་པ་དང་བྲལ་བ་རྒྱས་པར་བཤད་ནས། དག་ལུགས་ནི་གོང་བཞིན་དུ་འབད་རྩོལ་མེད་པར་དག །དགོས་པ་ནི་ཤེས་བྱའི་སྒྲིབ་པ་སྦྱང་བྱའོ། །དེ་རྣམས་འཇུག་བསྡུ་བ་ནི་དེ་ཉིད་མི་
1-1-172b
ཤེས་ལ་སོགས་པས་སྟན་(བསྟན་)ཏོ། །ཚིག་དོན་རྣམས་ནི་རྟོགས་པར་བསླའོ། །རྗེ་བཙུན་དམ་པ་དེས་བཀའ་སྩལ་རྗེད་ཀྱིས་དོགས་ནས་བྲིས་པའོ། །ལེའུ་དགུ་པའི་བཀའ་ཡང་དག་པའི་ཚད་མའོ།། །།
༄། །ལེའུ་བཅུ་པ། དབང་བསྐུར་བའི་ལེའུ།
དེ་ལྟར་སྐྱེད་(བསྐྱེད་)རྫོགས་རྣམ་དག་དང་བཅས་པའི་སྔོན་དུ་དབང་བསྐུར་བ་འགྲོ་བས། ལེའུ་བཅུ་པ་བསྟན་ཏོ། །ཇི་ལྟར་རིགས་པའི་རྣལ་འབྱོར་མ་ལ་སོགས་པ་རྒྱས་པར་བཤད་པའི་ལེའུ་འདིས་ནི། ཇོ་བོ་གཞན་གྱིས་བྱས་པའི་དཀྱིལ་འཁོར་གྱི་ཆོ་ག་ལ་རག་མ་ལུས་པར་རྒྱུད་ཀྱི་དོན་སྡེབས་(བསྡེབས་)ནས་དཀྱིལ་འཁོར་གྱི་ཆོ་གར་སློང་བའོ། །དེ་ལ་དེ་ནས་ལ་སོགས་པ་ཚིགས་སུ་བཅད་པ་ཅིག་(གཅིག་)གིས་ནི་བཤད་པར་ཞལ་གྱིས་བཞེས་པའོ། །ལེའུ་གཞུང་ལ་དང་པོར་སྒྱུ་མའི་ལེའུ་དང་པོ་དང་འདྲ་བའི་ལེའུ་བརྒྱད་པར་བཤད་པའི་རྡོ་རྗེ་སློབ་དཔོན་གྱིས། རྡོ་རྗེ་སློབ་དཔོན་གྱིས་ལས་ལ། བསྙེན་པ་དང་། ས་ཆོག་དང་། སྟ་གོན་དང་། ཞག་གི་ཆོ་གའོ། །ས་ཆོག་ལ་བརྟག་པ་དང་། སླང་བ་དང་། སྦྱང་བ་དང་། བསྲུང་བ་དང་། གཟུང་བའོ། །སྟ་གོན་ལས་གཞི་རྡོ་རྗེར་བྱ་བ་དང་། སྟ་གོན་དངོས་སོ། །དང་པོ་ལ་རྡོ་རྗེ་སློབ་དཔོན་རྒྱན་ཆས་སུ་ཞུགས་པ་དང་། བསྲུང་བ་ལྷའི་སྐུར་བསྒོམ་པ་དང་། སློབ་མས་བསྟོད་ཅིང་གསོལ་བ་བཏབ་པ་དང་། བགེགས་བསྐྲད་པའོ། །སྟ་གོན་དངོས་ལ། ལྷ་དང་། བུམ་པ། སློབ་མ་ལྷག་པར་གནས་པའོ། །ཞག་གི་ཆོ་ག་ལ། ཐིག་དང་། མཚོན་དང་། དཀྱིལ་འཁོར་བསྒྲུབ་པ་དང་། སློབ་དཔོན་བདག་འཇུག་གོ། །ཐིག་ལ་ཐིག་སྐུད་གྱི་མཚན་ཉིད་དང་། ཐིག་སྐུད་བྱིན་གྱིས་རླབ་(རློབ་)པ་དང་། དཀྱིལ་འཁོར་གྱི་མཚན་ཉིད་དོ། །མཚོན་ལ་མཚོན་གྱི་རྒྱུ་དང་། བྲི་བ་དང་། ཕྱག་རྒྱ་དགོད་པའོ། །དཀྱིལ་འཁོར་སྒྲུབ་པ་ལ་བསྲུང་བ་དང་། བྱིན་གྱིས་རློབ་པ་
1-1-173a
དང་། སློབ་མ་འཇུག་པར་གསོལ་བ་གདབ་པའོ། །སློབ་དཔོན་འཇུག་ལ་གཏོར་མ་བཏང་བ་དང་། སློབ་དཔོན་འཇུག་པ་དངོས་དང་། སློབ་མ་དཀྱིལ་འཁོར་འཇུག་པ་ནི་སྒྱུ་མའི་ལེའུ་ལྔ་པ་ནས་སྟོན་ཏོ། །ད་ནི་དབང་བསྐུར་བ་ལ་བཞི་སྟེ། བུམ་པ་དང་། གསང་བ་དང་། ཤེས་རབ་ཡེ་ཤེས་དང་། ཚིག་དབང་རིན་པོ་ཆེའོ། །དེ་དག་རེ་རེ་ལ་ཡང་། དུས་ཕྱོགས་དཀྱིལ་འཁོར་དབང་རྟགས་རྫས། ས་དང་ཉམས་མྱོང་དྲི་མ་དག །བླ་མ་རྗེས་སྣང་དྲན་ཉེར་བཞག །དམ་ཚིག་བཞི་སྟེ་བཅུ་གཉིས་སོ། །དུས་ནི་བསྲོད་དང་ནམ་ཕྱེད་དང་ཐོ་རངས་དང་། ཉི་མ་ཤར་བའོ། །ཕྱོགས་ནི་ཤར་དང་ལྷོ་དང་ནུབ་དང་བྱང་ངོ་། །དཀྱིལ་འཁོར་ནི་རྡུལ་ཚོན་དང་། ལུས་དང་། བྷ་ག་དང་། སིན་དྷུ་རའོ། །དབང་རྟགས་ནི་བའི་རྣམ་ལྔ་དང་། བདུད་རྩི་ལྔ་དང་། རི་བོང་ཅན་དང་། ཉི་མ་འམ་དྲུག་པའོ། །རྫས་ནི་ཆུ་ལ་སོགས་པ་དང་། སེམས་ཀྱི་རྒྱུན་དང་། རིག་མ་དང་། རྡོ་རྗེའི་ཚིག་གོ། །ས་ནི་བྱང་ཆུབ་སེམས་དཔའ་སངས་རྒྱས་དང་། བཛྲ་དྷ་ར་དང་། བདེ་བ་ཆེན་པོའི་སའོ། །ཉམས་མྱོང་ནི་བདེ་བ་ངོས་འཛིན་པ་དང་། བདེ་ལ་མི་རྟོག་པ་དང་། བདེ་སྟོང་དབྱེར་མེད་དང་། བདེ་བ་ཆེན་པོ་རྟོག་པ་རྐྱེན་སྐྱེས་སུ་ཚིག་གིས་ངོ་སྤྲད་པའོ། །དྲི་མ་ནི་ལུས་དང་ངག་དང་། ཡིད་ཐ་དད་དུ་འཛིན་པ་དག་པའོ། །བླ་མ་རྡོ་རྗེ་སློབ་དཔོན་དང་། མ་དང་། སྲིང་མོ་དང་། སེམས་ཉིད་དོ། །རྗེས་སྣང་ནི་བཟླས་བརྗོད་ཉན་བཤད་དང་། རྩ་རླུང་བཟའ་བའི་འདས་ཚིག་དང་། ཕྱག་རྒྱ་ཞལ་སྦྱོར་དང་། ཕྱག་རྒྱ་ཆེན་པོའོ། །དྲན་པ་ཉེར་བཞག་ནི་ལུས་དང་། ཚོར་བ་དང་། ཆོས་དང་། སེམས་སོ། །དམ་ཚིག་ནི་རྩ་བཏུང་བཅུ་བཞི་དང་། བཅུ་གསུམ་པ་དང་། བཅུ་བཞི་པ་དང་། དགུ་པ་དང་། བཅོ་ལྔ་པའོ། །དེ་ལ་བུམ་པའི་དབང་ནི་
1-1-173b
གང་ཞིག་ལ་སོགས་པའོ། །རང་གི་ཆོ་ག་གང་ཞེ་ན། ཇི་ལྟར་བཤད་པ་སྟེ། ཆུ་དང་སྤྱོད་(ཅོད་)པན་དང་། རྡོ་རྗེ་དྲིལ་བུ་དང་། མིང་དང་། རྗེས་སུ་སྣང་བ་ལྔ་དང་། དམ་ཚིག་གསུམ་དང་། དབུགས་དབྱུང་བ་དང་། ལུང་སྟན་(བསྟན་)པ་དང་། གཟེངས་བསྟོད་པ་དང་། བརྟུལ་ཞུགས་སོ། །གསང་བའི་དབང་ནི། དེར་ནི་ལ་སོགས་པའོ། །ཡོལ་བའི་ནང་རོལ་དུ་རང་གི་ལྷ་མོ་དང་ཚུལ་འཐུན་པར་སྙོམས་པར་ཞུགས་པའི་ཐིག་ལེ་སློབ་མའི་ལྕེ་ཐོག་ཏུ་ཕྱིན་ཏེ། བཟའ་བ་ནི་རྟོག་པའི་ཚོགས་བསྲེག་པར་བྱེད་པས་ན་གསང་བའི་དབང་ངོ་། །རོ་མཉམ་ནི་རྦ་རླབས་བཙིར་བའོ། །ཤེས་རབ་ཡེ་ཤེས་ཀྱི་དབང་ནི་དེ་ཉིད་ལ་སོགས་པའོ། །སློབ་མས་ལན་གསུམ་དུ་གསོལ་བ་བཏབ་ཏེ། བྷ་གའི་དཀྱིལ་འཁོར་གཞུག་ཅིང་། མན་ངག་བཞིན་དུ་ཡེ་ཤེས་ཕབ་རིག་མ་སྦྱངས་ཏེ་སྦྱིན་པར་བྱའོ། །སློབ་མས་ཀྱང་བླ་མས་སྟན་(བསྟན་)པ་བཞིན་དུ་སྙོམས་པར་འཇུག་པ་བྱས་པས་ཉམས་སུ་མྱོང་བ་ནི་རང་རིག་ཡེ་ཤེས་ལ་སོགས་པའོ། །དེ་ཉིད་རྟོགས་པའི་ཚོགས་ཐམས་ཅད་སྤངས་ཤིང་། འཁོར་བ་དང་མྱ་ངན་ལས་འདས་པ་ལས་གྲོལ་བའོ། །གལ་ཏེ་དེ་ལྟར་ན་རྗེས་ཀྱི་ཤེས་པ་དགའ་བྲལ་གྱི་དགའ་བ་སྐྱེ་བ་མི་རིགས་སོ་ཞེ་ན། མཉམ་བཞག་དང་རྗེས་ཐོབ་ཀྱི་ཁྱད་པར་དུ་གྱུར་པ་སྟེ། དཔེར་ན་ས་དང་པོའི་མཉམ་བཞག་དང་བཅུ་པའི་སྙམ་(མཉམ་)བཞག་ལ་ཁྱད་པར་མེད་ཀྱང་། རྗེས་ཐོབ་ལ་ནུས་པ་ཆེ་ཆུང་འབྱུང་བ་ལྟ་བུའོ། །དེ་ཉིད་ཀྱི་ཕྱིར་དེ་ཉིད་སྲོག་ཆགས་ལ་སོགས་པས་སྔོན་ནོ། །གལ་ཏེ་དེ་ལྟར་ནི་ཕྱི་རོལ་པའི་ཡང་གསུམ་པའི་ཡེ་ཤེས་སོ་ཞེ་ན། སྐྱེས་བུ་ལ་སོགས་པ་སྟེ་ལྷན་ཅིག་སྐྱེས་པ་ནི་འཁོར་བ་དང་མྱ་ངན་ལས་འདས་པ་ཐམས་ཅད་ཡིན་ལ། ཕྱི་རོལ་པའི་ཅིའི་ཕྱིར་མ་ཡིན། དེས་ན་དངོས་པོ་འདི་དག་ཐམས་ཅད་ཀུན་རྫོབ་དུ་(ཏུ་)ནི་སྒྱུ་མ་ལྟ་བུ་ལ། དོན་
1-1-174a
དམ་པར་ནི་ཀླུ་སྒྲུབ་ཀྱིས་སྟན་(བསྟན་)པ་ལྟར། གསུམ་པའི་ཉམས་སུ་མྱོང་བ་ལ་སྤྲོས་པ་ཐམས་ཅད་ཉེ་བར་ཞི་བའི་ཡེ་ཤེས་སེམས་ཀྱི་ཆོས་ཉིད་ཆུ་ལ་ཆུ་བཞག་པ་བཞིན་ནོ། །དེ་རྟོགས་པར་བྱེད་པའི་གོ་རིམས་ནི་དང་པོ་ལ་སོགས་པ་སྟེ། རྟོག་བཅས་གསུམ་ཕྱོགས་ཅིག་ཏུ་བསྟན་པ་ནི་གཞུང་གི་གོ་རིམས་སོ། །སྐྱེ་བ་ལ་ནི་ལྷན་ཅིག་སྐྱེས་པ་གསུམ་པར་རོ། །འོ་ན་རྟོག་བཅས་ལྷན་ཅིག་སྐྱེས་པ་དོན་དམ་དུ་སྐྱེ་བར་མི་རིགས་སོ་སྙམ་སྟེ། རྒྱལ་བ་ནི་རྡོ་རྗེ་སྙིང་པོ་ལ་སོགས་པའོ། །དེ་སླད་ཕ་ནི་དང་པོ་ལ་སོགས་པ་སྟེ། རྟོགས་བཅས་གསུམ་སྤངས་པ་ནི་ལྷན་ཅིག་སྐྱེས་པའི་ཡེ་ཤེས་ཡིན་ལ། དེ་ཉིད་ནི་སངས་རྒྱས་ཀྱི་ཐུགས་གཉིས་སུ་མེད་པའི་ཡེ་ཤེས་ཡིན་པའི་ཕྱིར་བྱང་ཆུབ་ཅེས་བྱའོ། །ཡང་ན་ལ་སོགས་པས་ལྷན་ཅིག་སྐྱེས་པའི་མཚན་ཉིད་དགའ་བའི་གོ་རིམས་སྟན་(བསྟན་)ཏོ། །དེ་ལྟར་གསུམ་པར་གོ་ཕྱེ་སྟེ་བཞི་པར་ཚིག་གིས་སྟན་(གཏན་)ལ་དབབ་པ་ནི། ཕྱི་ནས་ལ་སོགས་པ་སྟེ། དོན་དམ་པར་ནི་གསུམ་པའི་ལྷན་ཅིག་སྐྱེས་པའི་ཡེ་ཤེས་དེ་ཉིད་ཡིན་ལ། ཀུན་རྫོབ་དུ་(ཏུ་)ནི་སྣང་བ་རྐྱེན་སྐྱེས་གྱི་(ཀྱི་)ཤེས་པར་ངོ་སྤྲད་དོ། །དེ་དག་ཀྱང་ལྷན་ཅིག་སྐྱེས་པའི་རོལ་པ་སྣ་ཚོགས་སུ་ཤར་བ་ཉིད་དོ། །འཁོར་བ་སྤངས་ནས་གཞན་དུ་ནི། མྱ་ངན་འདས་པར་རྟོགས་མི་འགྱུར་ཞེས་སོ། །དེ་ནས་བླ་མ་རྗེ་བཙུན་ཡོན་ཏན་གྱིས་མཉེས་པར་བྱས་ཏེ། སྐྱེད་(བསྐྱེད་)རྫོགས་བསྒོམས་པས་ལམ་དང་འབྲས་བུའི་རྟགས་འབྱུང་བ་ནི་དང་པོར་ལ་སོགས་པའོ། །སྙིང་རྗེ་ཆེན་པོ་ལ་སོགས་པས་བཞི་པ་ལ་བརྩོད་(རྩོད་)པའི་སྐྱོན་སྤང་བསྟན་ཏོ། །དེ་ལ་སེམས་འོད་གསལ་བ་ཡིན་ཡང་ལུས་རང་བཞིན་གྱིས་དག་པར་མི་རིགས་སོ་ཞེ་ན། ལུས་དང་སེམས་སྣང་བ་ཐམས་ཅད་ལྷན་ཅིག་
1-1-174b
སྐྱེས་པ་ལས་མ་འདས་པའི་ཕྱིར་དག་པ་ཡིན་ནོ། །གལ་ཏེ་དེ་ལྟར་ན་ལུས་འབྱུང་བ་ཆེན་པོ་བཞི་ལས་གྲུབ་པར་མི་རིགས་སོ་ཞེ་ན། ཕ་མ་སྙོམས་པར་ཞུགས་པའི་ཐིག་ལེ་དཀར་དམར་ལ་འབྱུང་བ་ཆེན་པོ་བཞི་སྐྱེད་ལ། དེ་ཡང་བདེ་བ་ཆེན་པོར་ཉམས་སུ་མྱོང་བའི་ཕྱིར་རིགས་སོ། །འོ་ན་ཐ་མལ་པས་ཀྱང་དོན་ཀྱི་(གྱི་)ལྷན་ཅིག་སྐྱེས་པའི་ཡེ་ཤེས་ཉམས་སུ་མྱོང་བར་འགྱུར་རོ་ཞེ་ན། དེ་ནི་ཐ་མལ་གྱི་ཁུ་ཁྲག་ལ་རྟེན་(བརྟེན་)པ་ཡིན་པས་ན་མཚོན་བྱ་དོན་གྱི་ལྷན་ཅིག་སྐྱེས་པ་མ་ཡིན་ཏེ་ཆ་འཐུན་པ་ཙམ་མོ། །ཐ་མལ་དང་ཕྱི་པ་བླ་མའི་གདམ་ངག་དང་། རང་གི་བསོད་ནམས་དང་མི་ལྡན་པས། སྙོམས་འཇུག་མ་རྟོགས་པ་ལས་མ་ཡིན་པ་ནི་ལུང་དང་འགལ་སྙམ་མོ། །འོ་ན་ལྷན་ཅིག་སྐྱེས་པ་རོལ་པ་སྣ་ཚོགས་སུ་ཤར་བ་དེ་གང་ཡིན་ཞེ་ན། སེམས་ཀྱི་ཆོས་ཉིད་ལྷན་ཅིག་སྐྱེས་པ་དེ་བུམ་པ་དང་ནམ་མཁའ་བཞིན་ནོ། །དེ་དག་ཏུ་སྐྱེ་ཞིང་ངོས་བཟུང་བར་བྱ་ཞེ་ན། གསུམ་པའི་གསུམ་པར་ཆོས་ཅན་དང་ཆོས་ཉིད་ཐ་མི་དད་པར་སྐྱེས་པ་ལ་ལྷན་ཅིག་སྐྱེས་པ་ཞེས་བྱའོ། །དེའི་རང་བཞིན་ནམ་མཚན་ཉིད་ཇི་ལྟ་བུ་ཞེ་ན། །རྣམ་པ་ཐམས་ཅད་ལ་སོགས་པའོ། །མདོར་བསྡུས་ན་ཞེས་པ་ལ་སོགས་པས་འཁོར་བ་དང་མྱ་ངན་ལས་འདས་པ་ཐམས་ཅད་དོ། །སེམས་སུ་འདུས་ཞེས་པས་ཀུན་རྫོབ་ཏུ་ནི། སེམས་ཉིད་རིག་པའམ་ཀུན་དྷ་ཡིན་ལ། དོན་དམ་པར་ནི་ཟག་པ་མེད་པའི་ལྷན་ཅིག་སྐྱེས་པའི་ཡེ་ཤེས་ཏེ། སེམས་ཉིད་དང་རང་གཉིས་སུ་མ་གྲུབ་པའོ། །དབང་ནི་དྲི་མ་འཁྲུ་བ་དང་ནུས་པ་འཇོག་པས་སོ། །ཨེ་མ་ཧོ་སྤྲུལ་པའི་སྐུ་ལས་ཐོས། །ཨེ་མ་ཧོ་བདག་གི་ཚོགས་གཉིས་རྫོགས། ཨེ་མ་ཧོ་ལྷན་ཅིག་སྐྱེས་པ་མཐོང་། ཨེ་མ་ཧོ་བཟློག་པའི་ཞིང་ཁམས་སྤྱོད། ལེའུ་བཅུ་པའི་བཀའ་
1-1-175a
ཡང་དག་པའི་ཚད་མའོ།། །།
༄། །ལེའུ་བཅུ་གཅིག་པ། ལས་ཚོགས་བསྟན་པའི་ལེའུ།
དེ་ལྟར་དབང་བཞི་རྫོགས་པར་ཐོབ་པས། འབྲས་བུ་ལས་ཀྱི་ཚོགས་སྒྲུབ་བོ་ཞེས་བསྟན་པའི་ཕྱིར། ལྟ་སྟངས་ལ་སོགས་པ་རྒྱས་པར་བཤད་པའི་ལེའུ་འདིས་ནི་གདུལ་བྱ་རྣམས་སངས་རྒྱས་ཀྱི་བསྟན་པ་ལ་འཇུག་པར་བྱེད་དོ། །དེ་ལ་རྒྱས་པར། རྟག་པ་བཅུ་གཉིས་ཡན་ཆད་ཀྱིས་ཀུ་རུ་ཀུ་ལེེའི་སྒྲུབ་ཐབས་སྟན་(བསྟན་)ཏོ། །གོང་དུ་གསུངས་པ་ནི་ལེའུ་གཉིས་པར་སྟན་(བསྟན་)པའི་སྔགས་སོ། །འདིའི་སྒྲུབ་ཐབས་འདིར་མདོར་བསྡུས་པ་ཞེས་པའོ། །དེའི་བསྙེན་པའི་སྔོན་འགྲོ་ནི་བླ་མ་དག་པ་དང་། ཚད་མེད་པ་བཞི་བསྒོམ། དངོས་གཞི་ལ་སྟོང་པ་ཉིད་ཀྱི་ངང་ལས་པདྨ་དང་ཉི་མའི་གདན་ལས་ས་བོན་ཧྲིཿ བསམ་མོ། །དེ་ལས་བྱུང་བའི་ལྷ་མོ་ནི་གཞུང་དུ་སྟན་(བསྟན་)པ་ལྟར་སྐྱེད་དོ། །དེའི་ཐུགས་ཀར་(གར་)ཉི་མ་ལས་ས་བོན་སྔགས་དང་ཕྱག་མཚན་གྱིས་སྐོར་(བསྐོར་)བར་ལྟས་ལ། རྗེས་ལ་ཡེ་ཤེས་སེམས་དཔའ་བཀུག་ནས་སྟིམས་ཏེ་དབང་སྐུར་བས། རྡོ་རྗེ་ཆོས་ཀྱིས་དབུ་རྒྱན་པར་སྒོམ་མོ། །དེ་ལྟར་བསྒོམས་པའི་ཕན་ཡོན་ནི་འདི་ལྟར་ལ་སོགས་པའོ། །བཟའ་བའི་དམ་ཚིག་སྟན་(བསྟན་)པ་ནི། དེ་ལ་སོགས་པས་ཤ་ལྔ་བདུད་རྩི་ལྔ་བཟའ་བའོ། །ཀྱེའི་རྡོ་རྗེ་ལ་སོགས་པས་ལན་བདུན་ཕན་ཡོན་དང་བཅས་པ་སྟེ། དེས་ཅིར་འགྱུར་ཞེ་ན། སྨོད་ཅིང་དགའ་བྲལ་དགའ་བ་ཞེས་བྱས་ཏེ། རྟོག་བཅས་འདོར་ཞི་རྟོག་མེད་ལེན་པའོ། །དེའི་མཚན་ཉིད་ནི་སྐད་སྙན་ལ་སོགས་པ་གཞུང་དུ་སྟན་(བསྟན་)པ་ལྔ་དང་། རྒྱུད་གཞན་དུ་སྟན་(བསྟན་)པའི་གཡས་ཕྱོགས་སུ་ལྡོག་པ་དང་། ངང་པའི་རྒྱལ་པོ་ལྟར་འགྲོ་བ་ལ་སོགས་པ་བདུན་ནོ། །དེ་བྱང་ཆུབ་སེམས་དཔའ་ཤེས་པར་བྱས་ལ་ཕྱག་དང་བསྐོར་བ་དང་། མེ་ཏོག་ཕུལ་ཏེ་ཞབས་ལ་བཏུགས་(གཏུགས་)
1-1-175b
ནས་གསོལ་བ་བཏབ་པས་ལུས་སྟེར་རོ། །དེའི་ཤ་ལ་རི་ལུ་བྱས་ནས་ཟོས་པ་ཙམ་གྱིས་ནི་སྐད་ཅིག་ལ་ནི་མཁའ་སྤྱོད་དུ་འགྲོ་བར་འགྱུར་ཏེ། ཉི་ཟླ་གནས་ཀྱི་བར་གྱི་རིག་པ་འཛིན་པ་ཡིན་ནོ། །དཔེར་ན་ར་ཛ་སོ་མ་ཧ་རི་ལྟ་བུའོ། །དེ་ནས་སྔགས་ལ་དམིགས་ཏེ་ཟླས་པའི་གྲངས་ནི་འབུམ་ཕྲག་ཅིག་ལ་སོགས་པའོ། །ལྟ་སྟངས་བཞི་ལས་ལ་སྦྱར་བ་ནི་མཉམ་པ་མ་རུངས་ལ་སོགས་པའོ། །དེ་ལའང་ལྟ་སྟངས་བཞི་དང་། རླུང་བཞི་དང་། རེངས་པའི་གནས་བཞིར་སྦྱར་བར་བྱའོ། །ཟླ་དྲུག་ལ་སོགས་པས་ནི་དུས་ཀྱི་སྙེན་སྒྲུབ་སྟན་(བསྟན་)ཏོ། །དེ་སྒྲུབ་པའི་དགོས་པ་དང་། གདམས་པ་ནི་ལྟ་སྟངས་ལ་སོགས་པའོ། །དེ་དག་ཀྱང་ལས་ཀྱི་ལྷ་དང་། འབྲས་བུ་ལས་ཀྱི་ཚོགས་དང་། དམ་ཚིག་དུ་(ཏུ་)བསྡུའོ། །ཀྱེའི་རྡོ་རྗེ་ནི་ཧེ་རུ་ཀའོ། །མཁའ་འགྲོ་མ་ནི་ལྷ་མོ་བཅོ་ལྔའོ། །དྲ་བ་ནི་གཙོ་བོ་དང་། འཁོར་དུ་འབྲེལ་པའོ། །སྡོམ་པ་ནི་སྐྱེད་(བསྐྱེད་)རྫོགས་གཉིས་སུ་བསྡོམས་པའོ། །དེ་དག་བསྡུད་པ་པོ་རྡོ་རྗེ་སྙིང་པོས་ཞུས་ཤིང་དབང་ཐོབ་པས་མངོན་པར་བྱང་ཆུབ་ལྔའོ། །ཞེས་བྱ་བ་ནི་གཞུང་ཚིག་དང་ཡི་གེར་སྟོན་པའོ། །རྟག་པ་ནི་སྒྱུ་མ་བདེ་མཆོག་ལས་བསྟན་པ་ལྟར། སེམས་ཅན་གྱི་དོན་དུའོ། །རྒྱལ་པོ་ནི་འདོད་ཆགས་ཅན་གྱི་སྐྱེ་བོ་རྣམས་འདུལ་བ་ལ། འདིའི་གོང་ན་གཞན་མེད་དོ། །འཁོར་ལོ་སྒྱུར་བ་ལྟ་བུའོ། །ལྷོ་བྲག་ཆུས་ཁྱེར་དུ་ཞར་ལ་ཞལ་ནས་གསུངས་ཚད་ཡི་གེར་བཀོད་པའོ། །རྗེ་བཙུན་དམ་པ་དེ་དང་འཐུན། ཤིན་ཏུ་གསལ་བར་དོན་རྣམས་བརྗོད། །མུན་པའི་མར་མེ་ཇི་བཞིན་དུ། །བློ་དམན་གྱིས་ཀྱང་རྟོགས་པར་བསླ། །བརྟག་པ་དང་པོའི་ལེའུ་བཅུ་ཅིག་(གཅིག་)པའི་བཀའ་ཡང་དག་པའི་ཚད་མ་ཞེས་བྱའོ།། །།
༄། །བརྟག་པ་གཉིས་པ་ལ། ལེའུ་དང་པོ། རབ་གནས་ཀྱི་ལེའུ།
བརྟག་པ་འོག་མ་འདི་དག་ཀུན་ནི། དོན་བཞིར་བསྡུ་སྟེ། མ་ཚང་བ་ཁ་
1-1-176a
སྐོང་བ་དང་། དངོས་གྲུབ་གཏན་ལ་དབབ་པ་དང་། ངེས་པ་སྟེར་བ་དང་། ཐེ་ཚོམ་སེལ་བའོ། །དེ་ལ་སྒྱུ་མའི་རྟག་པ་འདིའི་ལེའུ་དང་པོ་དང་། ལྔ་པ་ནས་བཅུ་གཉིས་པའི་བར་ནི་མ་ཚང་བ་ཁ་སྐོང་བའོ། །གཉིས་པ་ནི་དངོས་གྲུབ་གཏན་ལ་དབབ་པའོ། །གསུམ་པ་ནི་ངེས་པར་གཏེར་བའོ། །བཞི་པ་ཐེ་ཙོམ་སེལ་བའོ། །དེ་ལ་ལེའུ་དང་པོའི་རབ་ཏུ་གནས་པ་ནི་རྟག་པ་གོང་མའི་ལེའུ་གཉིས་པ་དང་། བརྒྱད་པའི་སྐྱེད་(བསྐྱེད་)རིམས་ལ་རྟེན་(བརྟེན་)ཐང་སྐུ་དགོས། དེ་ལ་རབ་གནས་དགོས་པས་འདིར་སྟན་(བསྟན་)ནོ། །རབ་གནས་མཚན་ཉིད་ཅེས་པ་ལ་དབྱེ་བ་དང་། སྒྲ་འཇུག་པ་དང་། སྐྱོན་དང་། ཕན་ཡོན་དང་། ཇི་ལྟར་བྱ་བའི་རིམ་པའོ། །དང་པོ་ལ་སྐུ་དང་། གསུང་དང་། ཐུགས་ཀྱི་རྟེན་ལ་རབ་ཏུ་གནས་པའོ། །སྒྲ་འཇུག་པ་ནི་པྲ་ཏིཥྛ་ཎ་ཞེས་བྱ་བ་ཡུན་རིང་དུ་སྟན་(བསྟན་)ཞིང་མི་འགྱུར་བས་བརྟན་པ་ཞེས་བྱའོ། །ཡང་པྲ་ཏིཥྛ་ཎ་ཞེས་པ་རིང་པོ་གྲངས་ན་རབ་བམ། བཟང་བ་འམ། མཆོག་ཏུ་གནས་པ་ཞེས་བྱའོ། །སྐྱོན་ནི་མི་མ་ཡིན་གྱིས་བདག་ཏུ་བྱས་ཏེ་བཀྲ་མི་ཤིས་པའོ། །ཕན་ཡོན་ནི་ཤིན་ཏུ་བཀྲ་ཤིས་ཤིང་མཆོད་གནས་སུ་རུང་བའོ། །ཇི་ལྟར་བྱ་བ་ལ་རྒྱས་བསྡུས་གསུམ་བཤད་དུ་གསོལ་ཞེས་གསོལ་བཏབ་པའོ། །ལན་ལ་ཆོ་ག་བསྡུས་པ་ནི་ཐུན་ཅིག་(གཅིག་)ལ་རྫོགས་པར་བྱས་ཏེ། གྲུབ་པ་ཐོབ་པའི་བླ་མ་པུ་ལ་ཧ་རི་ན་བཞུགས་པ་དེ་ལྟ་བུའི་རབ་གནས་ཡིན་ནོ། །ཆོ་ག་བར་པ་ནི་སློབ་མ་སྟ་གོན་གྱི་དུས་སུ་རབ་གནས་གྱི་ལྷ་ལ་ཡང་སྟ་གོན་བྱ་བ་སྟེ་ལྷག་མ་ནི་འདྲ་བའོ། །རྒྱས་པའི་དོན་གཞུང་དུ་སྟན་(བསྟན་)ན་རྡོ་རྗེ་སློབ་དཔོན་མཚན་དང་ལྡན་པས། བསྙེན་པ་དང་། ས་ཆོག་དང་། སྟ་གོན་སྔོན་དུ་སོང་བས་ཐིག་དང་ཚོན་གྱི་ཆོ་གས། དེ་ལ་གང་ཡིན་པ་དེ་བྲི་
1-1-176b
བ་ནི་དཀྱིལ་འཁོར་དམ་པ་བཞེངས་པའོ། །དེ་ནས་དཀྱིལ་འཁོར་སྒྲུབ་པ་ལ་སློབ་དཔོན་བདག་འཇུག་བྱས་ནས་ཞི་བའི་སྦྱིན་བསྲེག་བྱའོ། །དེ་ནས་ཡོན་བདག་དཀྱིལ་འཁོར་བཞུགས་ཏེ། ཅི་རིགས་པར་དབང་བསྐུར་ལ། རྡོ་རྗེ་དྲ་བ་ནས་བཤད་པར། རབ་གནས་ཀྱི་རྒྱུ་ལྷག་པར་གནས་པ་བྱ་བ་ནི། སྔ་བར་སྐུ་གཟུགས་སྦྱང་བ་ནི་ལ་སོགས་པས་བྱའོ། །དེ་ནས་ཡང་སྤྱན་དབྱེ་བའི་ཆོ་ག་ལ། སྟ་གོན་བཞིན་དུ་ལེགས་པར་སྦྱངས་ལ། ཡེ་ཤེས་སེམས་དཔའ་བཞུགས་པ་ནི་ནམ་མཁའ་ལ་སོགས་པའོ། །ལྷག་མ་རྣམས་ནི་རབ་གནས་ཀྱི་ཆོ་ག་ལྟར་རོ། །རྡོ་རྗེ་སློབ་དཔོན་གྱིས་མཚན་ཉིད་ནི་རྟག་པ་དང་པོའི་ལེའུ་བཅུ་པའི་ཁ་སྐོང་སྟེ། བཞིའི་རྒྱུད་དབང་བསྐུར་བའི་རྡོ་རྗེ་སློབ་དཔོན་གྱི་མཚན་ཉིད་དེ། རང་འདོད་ལ་སོགས་པའོ། །རྟག་པ་དང་པོའི་ལེའུ་གསུམ་པར་ནང་དང་། གསང་བའི་དང་དེ་ཁོ་ན་ཉིད་ཀྱི་མཆོད་པ་བསྟན་པ་ལྟར། ཕྱི་ཡི་མཆོད་པ་མ་ཚང་བ་འདིར་བསྟན་ཏེ། མཆོད་ཡོན་དང་། ཞབས་བསིལ་དང་། གསང་གཏོར་གྱི་ཆུ་ནི་གཡོན་དུ་བཞག་གོ། །གཡས་སུ་རྣམ་ལྔ་གོ་རིམས་མེད་པར་བཀོད་ལ་གང་ཟིན་པ་ནས་དབུལ་ལོ། །རྡོ་རྗེ་གསང་གཏོར་གྱི་ཆུར་བཅུག་ལ། ཧཱུྃ་ཞེས་བརྗོད་ལ་གཏོར་ཏེ་བགེགས་བསྐྲད་དོ། །དེ་ནས་ཡི་གེ་གསུམ་གྱིས་རྫས་རྣམས་བདེ་སྟོང་དུ་བྱིན་གྱིས་བརླབས་ལ། མཆོད་ཡོན་དང་། ཞབས་བསིལ་ནས་གསུངས་པ་ལྟར་བླུག་གོ། །དེ་ནས་ཉེར་སྤྱད་མདའ་དབུལ་བ་ནི། ཨོཾ་ལ་སོགས་པའོ། །བཀྲ་ཤིས་པའི་བདེ་སྟོང་གི་མེ་ཏོག་གིས་སྐུ་གསུང་ཐུགས་མཉེས་པར་གྱུར་ཅིག་པའོ། །དེས་འདྲེའོ། །དང་པོའི་ལེའུ་གཉིས་པར་ལས་ཀྱི་ཚོགས་བཤད་ཀྱང་སྦྱིན་བསྲེག་ལ་བརྟེན་པའི་ལས་བརྒྱད་ཀྱི་སྒྲུབ་པ་མ་ཚང་བ་འདི་ནས་སྟོན་ཏེ། ཞི་བ་ལ་སོགས་པས་ཐབས་ཀྱི་དབྱིབས་བསྟན། ཁྲུ་གང་བ་ལ་སོགས་པས་ཚད་སྟན(བསྟན)། 
1-1-177a
ཞི་བ་ལ་སོགས་པས་ཁ་དོག་སྟན(བསྟན)། ཞི་བ་ལ་ཏིལ་ལ་སོགས་པས་ཁྱད་པར་གྱིས་བསྲེག་རྫས་བསྟན། འཕྲིན་ལས་ཐམས་ཅད་ལ་ཐབ་ཁུང་བཅས་ཏེ་བྱུར་བསལ་ལ། རང་ལྷར་སྐྱེད་ནས་ཐབ་ཁུང་དུ་དམ་ཚིག་གི་མེ་ལྷ་བསྒོམས་ཏེ། ཡེ་ཤེས་པ་དགུག་པ་ནི་ཨོཾ་ཨག་ནེ་ལ་སོགས་པའོ། །དེ་ལ་མཆོད་བསྟོད་བྱས་ཏེ་སྦྱིན་བསྲེག་(སྲེག་)བྱས་ལ་མེ་ལྷའི་སྤྲ་(པྲ་)བརྟག་སྟེ། ལྟོ་བར་འདོད་པའི་ལྷ་ལ་མཆོད་བསྟོད་བྱ། སྦྱིན་བསྲེག་གིས་མཉེས་པར་བྱས་ཏེ། སླར་བསྡུ་བ་དང་། མེ་ལྷ་ལ་ཡང་སྦྱིན་བསྲེག་བྱས་ནས་ཡེ་ཤེས་སེམས་དཔའ་གཤེགས་པ་ནི་སརྦ་ལ་སོགས་པའོ། །དེ་ནས་དམ་ཚིག་པ་བསྡུས་ཏེ། རང་ཧེ་རུ་ཀའི་ང་རྒྱལ་གྱིས་གཏོར་མ་ལ་སོགས་པ་བྱས་ལ་ཐལ་བ་ཆུར་དོར་བར་བྱའོ། །ཕན་ཡོན་ནི་རྡོ་རྗེ་གུར་གྱི་ལེའུ་བཅུ་བཞི་པ་ལས་གསུངས་སོ། །རྟག་པ་དང་པོའི་ལེའུ་བཅུ་གཉིས་པར་ས་སྦྱང་བ་བསྟན་པ་ལ། དེའི་སྔོན་དུ་འགྲོ་བས་བླང་བ་མི་གསལ་བ་འདི་ནས་སྟོན་ཏོ། །ཕོ་བྲང་གི་དབུས་སུ་དྲི་དང་བདུད་རྩིས་གྲུ་བཞིར་བྱུག །དེར་མེ་ཏོག་ཚོམ་བུ་ཅིག་(གཅིག་)བཀྲམ་ལ་བྃ་ལས་སའི་ལྷ་མོ་སྐྱེད་དམ། ཨོཾ་ཨེ་ཧྱ་ཧི་ལ་སོགས་པས་ཡེ་ཤེས་སེམས་དཔའ་ས་ཡེ་ཤེས་སེམས་དཔའ་བཀུག་སྟེ་གོང་ནས་སྟན་(བསྟན་)པ་ལྟར་མཆོད་ནས་གསོལ་བ་བཏབ་པ་ནི་མ་མ་ལ་སོགས་པའོ། །དྷཱྃ་དྷཱྃ་ནི་གོང་གི་ངང་འདམ་ཀའོ། །རབ་གནས་ནི་དེ་གཙོ་བོར་བསྟན་པའི་ལེའུ་སྟེ། བརྟག་པ་ཕྱི་མའི་ལེའུ་དང་པོའི་བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་གཉིས་པ། དངོས་གྲུབ་གཏན་ལ་དབབ་པའི་ལེའུ།
དེ་ནས་ལེའུ་གཉིས་པ་འདིས་ནི་བརྟག་པ་དང་པོར་སྟན་(བསྟན་)པའི་དབང་དང་སྐྱེད་(བསྐྱེད་)རྫོགས་དང་བཟླས་པ་རྣམ་དག་དང་བཅས་པ་ཉམས་སུ་བླངས་ཤིང་། སྤྱོད་པ་དང་བརྡའ་བྱས་ཀྱང་སངས་རྒྱར་མ་ནུས་པ་ལས། འདིར་ཟླ་གསུམ་དང་ཞག་བདུན་ན་སངས་རྒྱ་བར་སྟོན་པས་ན་དངོས་གྲུབ་གཏན་ལ་དབབ་པ་ཞེས་བྱའོ། །དེ་ལ་
1-1-177b
བརྟག་པ་དང་པོའི་དོན་བློ་ལ་གནས་པས་འདྲི་བ་ནི། ནམ་མཁའ་རྫོགས་པའི་རིམ་པའོ། །རྒྱ་མཚོའི་སྐུ་བ་ནི་དཔེ་སྟེ་རྒྱ་མཚོའི་ནང་ནས་ཕྱག་ཚང་བསྐུ་བ་རླུང་གིས་བརྡས་པ་དེ་ལ་དགོས་པ་མེད་པ་ལྟར། རྫོགས་རིམས་ཟབ་མོའི་དོན་ལ་སྐྱེད་(བསྐྱེད་)རིམས་རྣམ་རྟོག་དང་བཅས་པས་དགོས་པ་མེད་དོ། །ཞེས་པའོ། །ཡང་ན་རྒྱ་མཚོ་ལ་ཕྱག་ཚང་བསྐུ་བས་ཆུ་གཞལ་ཡང་འཕེལ་བ་དང་འབྲི་བ་མེད་པ་བཞིན་དུ། ཉོན་མོངས་པ་རྒྱ་མཚོ་ལྟ་བུ་ལ་ལྷ་སྐུ་སྐྱེད་(བསྐྱེད་)རིམས་ལྟ་བུས་འཕེལ་འབྲི་མི་མངོན་ནོ།། །།ཞེས་པའོ། །ལན་གྱིས་ནི་སྐྱེད་(བསྐྱེད་)པའི་རིམ་པ་སྒོམ་དགོས་པར་བསྟན་ཏེ། བདག་མེད་མ་ལ་སོགས་པས་མཆོག་ཐོབ་པར་འདོད་པས། ལྷའི་ང་རྒྱལ་གྱིས་གནས་པ་ལས་ཐ་མལ་དུ་སྐད་ཅིག་ཀྱང་མི་གནས་པར་བསྟན་ཏོ། །དང་པོ་ལ་སོགས་པའི་སྐྱེད་(བསྐྱེད་)རིམས་བསྒོམ་དགོས་པའི་ཕྱིར། དེ་གོམས་པར་བྱེད་པའི་གནས་བསྟན་ཏེ། ཚེ་འདི་ཉིད་ལ་བདེ་བ་ཆེན་པོའི་སྐུ་ཐོབ་པར་འདོད་པའི་སྔགས་པས། དང་པོར་རང་གི་བླ་མ་ལ་དབང་རྫོགས་པར་ཐོབ་ནས། དེས་སྟན་(བསྟན་)པའི་མན་ངག་བཞིན་དུ། གཞུང་ནས་བཤད་པའི་གནས་སུ་མཁའ་འགྲོ་མ་དང་། ཁྲག་འཐུང་གི་དཀྱིལ་འཁོར་ལ་རྟེན་(བརྟེན་)ནས་རྫོགས་རིམས་གང་མོས་ཅིག་(ཞིག་)སྟན་ཅིག་(གཅིག་)ལ་སྤྲུགས་ནས་ཡེངས་པ་མེད་པའི་སེམས་ཀྱིས་བསྒོམ་པར་བྱའོ། །དེ་ནས་སྐྱེད་(བསྐྱེད་)རིམས་ལ་བརྟན་པ་དང་། རྫོགས་རིམས་ཀྱི་རྟགས་འབྱུང་བར་འགྱུར་ཏེ། དེ་ལྟར་བརྟན་པ་ཐོབ་པའི་སྔགས་པ་ནི་ཟླ་བ་གསུམ་དང་། ཞག་བདུན་སངས་རྒྱ་བར་འགྱུར་ལ་དང་པོར་སྤྱོད་ལམ་ཅི་བྱེད་ཀྱང་ལྷའི་ང་རྒྱལ་དང་མི་འབྲལ་བར་ཟླ་བ་ཕྱེད་བྱ་བ་ནི་རྐང་པ་འཁྲུད་པ་ལ་སོགས་པའོ། །སྒྱུ་མ་བདེ་མཆོག་ལས་རྣལ་འབྱོར་ཐམས་ཅད་བཅོམ་ལྡན་འདས། རྡོ་རྗེ་སེམས་
1-1-178a
དཔའ་དེ་བཞིན་གཤེགས། ཞེས་པའོ། །དེ་ནས་སྙིམ་པའི་ནང་དུ་ཡི་དམ་གྱི་དཀྱིལ་འཁོར་ཟླ་བ་ཕྱེད་དུ་བསྒོམས་ལ། དེ་ལ་རྟེན་དང་རྟེན་(བརྟེན་)པར་བཅས་པ་འོད་དུ་ཞུ་བ། རང་གི་སྤྱི་བོར་བླུགས་པས་ལྷན་ཅིག་སྐྱེས་པར་གོ་བ་ཉམས་སུ་བླངས་པ་དང་མ་བླངས་པའི་སྐྱོན་སྟན་(བསྟན་)པ་ཡིན་ནོ། །མཚམས་མེད་ལ་སོགས་པས་ནི་རྟེན་གྱི་གང་ཟག་འཇུག་བསྡུ་བ་དང་། བཅས་ཏེ་ཞར་ལ་འཕྲོས་པ་ཙམ་མོ། །དེ་ལྟར་སྐྱེད་(བསྐྱེད་)རིམས་མཐར་ཕྱིན་པས་གསང་སྒྲུབ་རྫོགས་པའི་རིམ་པ་བསྒོམ་པ་ནི་ཟླ་བ་ཅིག་(གཅིག་)ལ་སོགས་པས་ཏེ། བསྒོམ་པ་གསང་བ་དང་། སྤྱོད་པ་གསང་བ་གཉིས་ལས། འདིར་སྒོམ་པ་སྔོན་དུ་ཕྱུང་བས་ཏེ་སྤྱོད་པ་གསངས་ལ། རིམ་པ་ལྔ་ལྡན་གྱི་རྫོགས་རིམས་ཉིན་མཚན་མི་ཕྱེད་པས་ཟླ་བ་ཅིག་(གཅིག་)ཏུ་སྒོམས་པའོ། །དེ་ནས་ལུང་བསྟན་པ་ཐོབ་པར་འགྱུར་ཏེ་མཁའ་འགྲོ་མ་རྣམས་ཀྱིས་ཡུལ་ཆེ་གེ་མོ་ནས་ཕྱག་རྒྱ་མ་ཆེ་གེ་མོ་ཁྱེར་ལ་རིག་པ་བརྟུལ་ཞུགས་ལོངས་ཤིག་རྡོ་རྗེ་འཛིན་པ་ཞེས་དེ་སྐད་ཐོས་པ་དང་། ལུང་སྟན་(བསྟན་)པའི་ཕྱག་རྒྱ་མའི་དྲུང་དུ་སོང་སྟེ། ངན་སོང་ལས་ཡིད་དབྱུང་ཞིང་བདེ་འགྲོ་ལ་འདུན་པར་བྱ། དེ་ནས་འཁོར་བའི་སྐྱོན་བརྗོད་ཅིང་མྱ་ངན་ལས་འདས་པའི་ཡོན་ཏན་བསྟན། དེ་ཡང་ཐེག་པ་ཆེན་པོར་སེམས་སྐྱེད་(བསྐྱེད་)དེ། དེ་ནས་ཐུན་མོང་མ་ཡིན་པར་སེམས་བསྐྱེད་ཅིང་སྐྱེད་(བསྐྱེད་)རྫོགས་ཀྱི་མན་ངག་བསྟན་ལ། རང་དང་སྐལ་པ་སྙམ་པའི་ཕྱག་རྒྱ་མ་དེ་ཁྲིད་དེ་སྤྱོད་པ་ཟླ་བ་ཅིག་(གཅིག་)བྱའོ། །གལ་ཏེ་ལུང་བསྟན་པ་མ་བྱུང་ན་ནུས་པས་བཀུག་པའི་ཕྱག་རྒྱ་དང་སྤྱོད་པ་ཇི་ལྟར་བྱ་བ་ནི། ཡང་ན་ལ་སོགས་པས་བསྡམ་པ་དང་བཅས་པ་སྟན་(བསྟན་)ཏོ། །རྡོ་རྗེ་སྙིང་པོ་ལ་སོགས་པས་ནི་བདག་མེད་པའི་རྣལ་འབྱོར་པས་ཀྱང་སྤྱོད་པའི་ཚེ་ཧེ་རུ་ཀར་སྒྱུར་བ་
1-1-178b
བསྟན་ཏོ། །དེ་ལྟར་ཟླ་བ་གསུམ་ལོན་པ་དང་སྤྲོ་བསྡུ་བྱ་བ་ནི། སྤྱོད་པ་ལས་ལོག་ནས་བདག་ཉིད་ཀྱི་སྒྲུབ་ཁང་དུ་འདུག་སྟེ་རྨི་ལམ་སྒྱུ་མ་བར་དོ་ལྟར་སྣང་ལ་རང་བཞིན་མེད་པ། བདེ་སྟོང་དབྱེར་མེད་ལྷན་ཅིག་སྐྱེས་པར་རོ་ཅིག་(གཅིག་)པར་བྱ་སྟེ། ཡི་དམ་གྱི་སྤྲོ་བསྡུ་ཞག་ཅིག་(གཅིག་)བྱའོ། །དེ་བཞིན་དུ་རྡོ་རྗེ་ཅན་དང་། རྡོ་རྗེ་ཉི་མ་དང་། པདྨ་གར་དབང་དང་། རྟ་མཆོག་དང་། རྡོ་རྗེ་འཛིན་པའི་སྐུ་ལས་སྤྲོ་བསྡུ་བྱའོ། །དེ་ལྟར་ཞག་བདུན་ལོན་པའི་ཐོ་རངས་ཁ་ནི། སྒྱུ་མ་ལྟ་བུར་སྤྲོས་པ་རྣམས་སྟོང་ཉིད་ཆོས་ཉིད་ཀྱི་སྐུར་སྤྲོས་མེད་བྱེད་དེ། དབུས་ཀྱི་རླུང་མེ་ལོང་ལ་ཐིམ་པ་ལྟར་ཡང་དག་པའི་མཐའ་འོད་གསལ་བར་ཆོས་ཅན་དང་ཆོས་ཉིད་ཆུ་ལ་ཆུ་བཞག་པ་ལྟར་རོ་ཅིག་(གཅིག་)ཏུ་འགྱུར་རོ། །དེ་ཉིད་ཀྱི་ཚེ་སླར་ཡང་སྣང་སྟོང་རོ་ཅིག་(གཅིག་)པ་སྤྲོས་པ་ཉེ་བར་ཞི་བའི་སྐུ་རང་དང་གཞན་གྱི་དོན་ཕུན་སུམ་ཚོགས་པའི་ཟུང་འཇུག་མི་སློབ་པ་མངོན་དུ་བྱེད་ཅེས་བྱའོ། །དེ་ལྟར་སྒྱུ་མའི་སྐུ་དེ་དག་འོད་གསལ་དུ་འཇུག་པའི་ཚེ་རང་གི་འབྱུང་བ་བཞི་ཐིམ་པའི་རྟགས་དུ་བ་ལ་སོགས་པ་ཡང་འབྱུང་ལ། ཡོན་ཏན་གྱི་རྟགས་བརྒྱད་ཀྱང་འབྱུང་བ་ནི་ཕྲ་བ་དང་། ཡང་བ་དང་། བདག་པོར་གྱུར་པ་དང་། གར་ཡང་ཕྱིན་པ་དང་། མཆོད་པར་འོས་པ་དང་། འདོད་དགུར་སྒྱུར་བ་དང་དགའ་མགུར་གནས་པ་དང་། དབང་དུ་གྱུར་པའོ། །དེ་ནས་ཟུང་འཇུག་མི་སློབ་པ་ཐོབ་པའི་ཚེ། དབང་ཕྱུག་བརྒྱད་འབྱུང་བ་ནི། སྐུའི་དབང་ཕྱུག གསུང་གི་དབང་ཕྱུག་དང་། དེ་བཞིན་ཐུགས་ཀྱི་དབང་ཕྱུག་དང་། རྫུ་འཕྲུལ་ཀུན་འགྲོ་གནས་ཀྱི་དབང་ཕྱུག་དང་། ཅི་འདོད་སྐྱེད་དང་ཡོན་ཏན་བརྒྱད་པའོ། །ཞེས་བྱའོ། །དེའི་ཚེ་ན་སྐུ་གསུམ་རོ་མཉམ་པར་འགྱུར་བའི་བདེ་བ་ཆེན་པོ་ཞེས་ལྷ་ཐམས་ཅད་ཡང་
1-1-179a
དག་པར་འདུས་པ་ལས་གསུངས་སོ། །གལ་ཏེ་དངོས་གྲུབ་མ་རྙེད་ན་རྟོག་པའི་ཚོགས་ལ་ཕུར་བུས་གདབ་ཅིང་ལྷ་ཐམས་ཅད་གནད་ལ་བོར་ཏེ། དེ་བཞིན་གཤེགས་པའི་ཚོགས་བསད་ནས་ཟོས་ན་དངོས་གྲུབ་ཐོབ་པར་འགྱུར་ཏེ། ཆོ་ག་རྡོ་རྗེ་གུར་ལས་སྟོན་ཏོ། །ལུང་ནི་འདུལ་བ་ལས། དམ་ཚིག་ཁུ་ཕྱུང་ཆོ་ག་བཞིན། དངོས་གྲུབ་འདོད་པས་བཏུང་བར་བྱ། །དེ་བཞིན་གཤེགས་པའི་ཚོགས་བསད་ན། དངོས་གྲུབ་རབ་མཆོག་ཐོབ་པར་འགྱུར། ཞེས་གསུངས་སོ། །དེ་ནས་ནི་རྡོ་རྗེ་སྙིང་པོ་ལ་སོགས་པས། བརྩོད་པའི་སྐྱོན་སྤང་བ་བསྟན་ཏེ། སྐྱེད་པ་ལྷའི་སྐུ་དེ་ཡང་། །བདེ་སྟོང་གི་ཉམས་ལས་བྱུང་བའི་ཕྱིར། །ཆོ་གའི་ཡན་ལག་གིས་སྐྱེད་པའི་ལྷའི་སྐུ་སྒོམས་པ་ལ་དོན་མེད་དོ་ཞེས་དྲིས་པའོ། །ལན་ནི་བཅོམ་ལྡན་འདས་ལ་སོགས་པས་གསུངས་ཏེ། སྐྱེད་(བསྐྱེད་)རིམས་མེད་ན་འགྲུབ་པར་མི་འགྱུར་བར་དཔེ་དང་དོན་གྱིས་བསྟན་ཏོ། །དངོས་དང་དངོས་མེད་ལ་སོགས་པས་སྐྱེད་(བསྐྱེད་)རྫོགས་ཀྱང་ཐ་དད་པ་མིན་ཏེ། ཐམས་ཅད་བདེ་སྟོང་དབྱེར་མེད་ལས་མ་འདས་པར་བསྟན་ཏོ། །དེའི་ཕྱིར་འཁོར་བའི་ཆོས་ཐམས་ཅད་ཟག་མེད་ལྷན་ཅིག་སྐྱེས་པའི་ཡེ་ཤེས་ཡིན་ལ། དེ་རྟོགས་ན་སངས་རྒྱས་དེ་ཉིད་ཡིན་ནོ། །འོ་ན་འབད་པ་མེད་པར་གྲོལ་བར་རིགས་སོ་ཞེ་ན། གང་ཞིག་ལ་སོགས་པ་སྟེ། ཕྱི་རོལ་གྱི་རྩོམ་པ་ལ་མོས་པས་མི་རྟོགས་པའོ། །འོ་ན་དེ་རྟོགས་པའི་གནས་གང་ཞེ་ན། རྡོ་རྗེ་བཙུན་མོ་ལ་སོགས་པ་གསུངས་ཏེ། ཆགས་ཅན་དང་། ཆགས་བྲལ་གྱི་ལུས་ཀྱི་གདན་ལ་རྟེན་(བརྟེན་)ཏེ་རྟོགས་པའོ། །གནད་དེས་ན་ཕུན་སུམ་ཚོགས་པ་ལྔའི་ངོ་བོར་བཞུགས་པ་ནི་འཆད་པ་པོ་ང་ཞེས་པ་ལ་སོགས་པ་བཞིའོ། །རྗེ་བཙུན་ལྟ་བུའི་ཕུན་སུམ་
1-1-179b
ཚོགས་པ་ལྔའི་ངོ་བོར་ལྷན་ཅིག་སྐྱེས་པའི་ཡེ་ཤེས་དེ་དབང་དང་རྫོགས་རིམས་ཀྱིས་དགའ་བའི་གོ་རིམས་དེ་གང་དུ་རྟོགས་ཞེ་ན། མཆོག་མཐའ་ལ་སོགས་པས་གོ་རིམས་ལོག་པར་རྟོགས་པ་བསལ་ལོ། །དེ་ལྟར་རྟོགས་པའི་ཡེ་ཤེས་རང་གི་ངོ་བོ་གསུམ་དུ་བྱུང་བ་ནི་བཙུན་མོའི་བྷ་ག་ལ་སོགས་པ་སྟེ། དང་པོ་ལུས་ཆགས་པའི་དུས་སུ་ཡང་སྐུ་གསུམ་དུ་གནས་པ་རང་བཞིན་སྟོང་པ་དང་། ཐིག་ལེ་བདེ་བར་གནས་པ་དང་། གནས་སྐབས་ལྔས་ལུས་གྲུབ་པའོ། །ལམ་དུ་བསླང་སྟེ་སྒོམ་པའི་དུས་ཀྱི་སྐྱེད་(བསྐྱེད་)རྫོགས་གཉིས་ཀ་ལ་ཡང་སྐུ་གསུམ་ཚང་བའོ། །དེ་ལྟར་ལམ་ཉམས་སུ་བླངས་པས་འབྲས་བུ་ཡང་སྐུ་གསུམ་དུ་འཆར་བར་བསྟན་ཏོ། །དེ་མེད་ལ་སོགས་པས་རྒྱུ་ལམ་འབྲས་བུ་ཐམས་ཅད་དུ་སྐུ་གསུམ་ཅིག་(གཅིག་)ལ་ཅིག་(གཅིག་)ལྟོས་པར་སྟན་(བསྟན་)ཏོ། །དུག་གི་དུམ་བུ་ལ་སོགས་པས་རིགས་འཐུན་གཉེན་པོར་བཏང་བའི་འཐད་པ་དཔེ་དོན་གྱིས་བསྟན་ཏོ། །དེ་ལ་ཇོ་བོས་ཉམས་སུ་ལེན་པའི་དཔེ་དེ་དག་བརྗོད་དེ། དོན་ཉམས་ལེན་ལ་སྦྱར་ནས་གསུངས་པ་ནི། རྟེན་གྱི་གང་ཟག་གིས་མི་བཟད་པའི་ལས་ནི། རྣམ་རྟོག་དང་། རྨི་ལམ་དང་། གཉིད་དང་འཁྲིག་པའོ། །དེ་རྣམས་གང་དང་གང་གིས་ཀྱང་འཁོར་བར་འཆིང་བ་ཡིན་ལ། བླ་མ་དམ་པའི་མན་ངག་གི་ཐབས་དང་བཅས་པ་ནི་གཏུམ་མོ་ལ་རྟེན་(བརྟེན་)པའི་ཕྱག་རྒྱ་ཆེན་པོ་དང་། འོད་གསལ་དང་། སྒྱུ་ལུས་དང་། ལས་ཀྱི་ཕྱག་རྒྱའི་མན་ངག་དེ་ཉིད་ཀྱིས། སྲིད་པའི་འཆིང་བ་ལས་གྲོལ་བར་འགྱུར་ཞེས་བསྟན་ཏོ། །འཇིག་རྟེན་འཆིང་བ་ནི་ཐ་མལ་དུ་ཞེས་པས་སོ། །རྣམ་གྲོལ་ནི་གོང་དུ་བསྟན་པའི་ཐབས་དང་བཅས་པས་ཉམས་སུ་མྱོང་བའོ། །མན་ངག་དེ་རྣལ་འབྱོར་གྱི་རྒྱུད་མན་ཆད་དུ་མ་སྟན་(བསྟན་)ཏོ། །འབྱུང་བ་ལྔ་ལ་སོགས་པས་
1-1-180a
ནི་རིགས་ལ་ཞེན་པ་སྤང་བའི་ཕྱིར་རིགས་ཀྱི་དབྱེ་བ་བསྟན་ཏོ། །ཀྱེའི་རྡོ་རྗེ་ནི་ཧེ་རུ་ཀའོ། །མཁའ་འགྲོ་མ་ནི་བདག་མེད་མ་ལ་སོགས་པའོ། །དྲ་བ་ནི་གཙོ་བོ་དང་འཁོར་དུ་བཅས་པའོ། །སྡོམ་པ་ནི་སྐྱེད་(བསྐྱེད་)རྫོགས་གཉིས་སུ་སྡོམ་པའོ། །དངོས་གྲུབ་གཏན་ལ་དབབ་པའི་དུས་ཚོད་བསྟན་པའོ། །དངོས་གྲུབ་གཏན་ལ་དབབ་པ་ཞེས་བྱ་བའི་བཀའ་ཡང་དག་པའི་ཚད་མའོ།། །།
༄། །ལེའུ་གསུམ་པ། ཇི་ལྟར་རྟོགས་པ་འགྱུར་བའི་ངེས་པ་སྟེར་བའི་ལེའུ།
ད་ནི་ལེའུ་གསུམ་པ་འདིས་ནི་རྟག་པ་དང་པོར་རྒྱས་པར་གསུངས་པའི་དོན་བཤད་པའི་ཕྱིར། ངེས་པ་གཏེར་བ་ཞེས་བྱའོ། །དེ་བསྟན་པའི་ཕྱིར་འཚམས་(མཚམས་)སྦྱར་བ་ནི་དེ་ནས་ཞེས་པ་ལ་སོགས་པའོ། །རྒྱུད་ཐམས་ཅད་ནི་འདུས་པ་ལ་སོགས་པའོ། །གླེང་གཞི་ནི་ཙ་ཡ་ཞེས་པས་ངེས་པ་གཏེར་བའོ། །ཐབས་ནི་ཉམས་སུ་བླང་བའི་ཐབས་སོ། །དེ་གང་ཞེ་ན་སྡོམ་པ་ལ་སོགས་པའོ། །རྒྱས་པར་བཤད་པ་ནི་དེ་ཡང་རྡོ་རྗེ་རིགས་ཀྱི་ལེའུ་ལས་སྡོམ་པའི་དབྱེ་བ་བཤད་པར་བྱའོ། །ཞེས་པ་ལ་སོགས་པས། ལུས་སེམས་གཉིས་སྡོམ་པ་ལ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་ཚང་བར་བསྟན་པ་ལས། ཇི་ལྟར་རྟོགས་པར་འགྱུར་བའི་ངེས་པ་སྟེར་བའོ། །དེ་ཡང་སངས་རྒྱས་ཀྱི་སྡོམ་པ་ནི་དངོས་པོ་གཤིས་ཀྱི་ཆོས་དེ་དབང་གསུམ་པར་གོ་ཕྱེ་ནས་བཞི་པར་ཚིག་དབང་རིན་པོ་ཆེས་གཏན་ལ་དབབ་པ་ཡིན་གྱི། གཞན་གྱིས་ནི་མི་རྟོགས་ཤིང་སྒྲོ་འདོགས་མི་ཆོད་དོ། །འོ་ན་དེར་དངོས་པོའི་གནས་ལུགས་དེ་གོ་བ་ཙམ་གྱིས་གྲོལ་བར་འགྱུར་རམ་ཞེ་ན་མ་ཡིན་ཏེ། དེ་རྒྱུན་བསྲིངས་པ་ལ་མཁའ་འགྲོ་མའི་སྡོམ་པས་གཞན་ལུས་སམ། རང་ལུས་ལ་རྟེན་(བརྟེན་)ཏེ་སྒོམ་དགོས་པར་སྟན་(བསྟན་)ཏོ། །དགའ་བ་དང་། སྐད་ཅིག་དབྱེ་བ་དང་། ཞེས་མདོར་སྟན་(བསྟན་)པའི་དོན་ནི་རྟག་པ་དང་པོའི་ལེའུ་བརྒྱད་པ་
1-1-180b
དང་བཅུ་པའི་ངེས་པ་སྟེར་བའོ། །སྔར་བསྟན་པའི་དབང་དང་རྫོགས་རིམས་ཀྱི་ཚེ་ན་དུས་ཚོད་དང་རྣམ་གཅོད་ཀྱི་སྒོ་ནས་སྐད་ཅིག་མ་ཡིན་ལ། ཡེ་ཤེས་རང་གི་ངོ་བོ་ཡོངས་ཀྱིས་དགའ་བ་བཞིར་བཞག་གོ། །དེ་ལ་སྐད་ཅིག་མ་ལ་སོགས་པས་མདོར་བསྟན་སྣ་ཚོགས་ལ་སོགས་པའི་མིང་གིས་བརྒྱད་པར་བཤད། འཁྱུད་དང་ལ་སོགས་པས་ཆགས་ཅན་དང་ཆགས་བྲལ་ལ་ཉམས་སྐྱེ་བའི་ངོ་བོ་བཤད་དེ། དང་པོར་གཉིས་ཀྱི་སྦྱོར་བའོ། །མཚན་བྲལ་ནི་དངོས་གཞིའོ། །རྣམ་མེད་ནི་རྗེས་ཐོབ་བོ། །སྣ་ཚོགས་དང་པོ་ལ་སོགས་པས་དགའ་བ་དང་སྐད་ཅིག་མ་ཐ་དད་མེད་པར་སྟན་(བསྟན་)ཏོ། །དེ་ནི་དབང་དང་ཡང་ཞེས་པས་མདོར་བསྟན་པས་དོན་འདིས་ནི། ལེའུ་བཅུ་པའི་ངེས་པ་གཏེར་བ་སྟེ། སངས་རྒྱས་ཀྱི་སྡོམ་པ་རྒྱུད་ལ་སྐྱེ་བར་བྱེད་པའི་ཐབས་བསྟན་ཏོ། །དེ་ལ་དབང་གི་དབྱེ་བ་ནི་སློབ་དཔོན་ལ་སོགས་པ་བཞིའོ། །དབང་ནི་ལ་སོགས་པས་དབང་བཞི་དང་དགའ་བ་བཞིར་སྦྱར་བའི་རིམ་པ་ལ་དབྱེ་བ་གྲངས་ཀྱི་རྣམ་པར་བཞག་པའོ། །མཚན་ཉིད་དཔེ་དང་སྦྱར་ན་རྒོད་པ་ལ་སོགས་པ་སྟེ། འདོད་ཆགས་བཞིས་འཁོར་བར་འཇོག་པ་ཡིན་པ་ལ། དེ་རྣམ་པར་དག་པ་རྒྱུད་བསྲེ་བ་བཞི་ཡིན་ལ། དེ་དག་པ་ནི་དབང་བཞིས་མྱ་ངན་ལས་འདས་པར་འཇོག་པའོ། །སེམས་ཅན་ལ་སོགས་པས་དགོས་པ་བསྟན་ཏོ། །ངེས་ཚིག་ནི་གཏོར་བ་དང་བླུགས་པས་ཏེ་ཨ་བྷི་ཥཱིཉྩ་ཞེས་པས་དྲི་མ་འཁྲུ་བ་དང་། ཨ་བྷི་ཥེ་ཀ་ཏ་ཞེས་པས་ནུས་པ་འཇོག་པའི་ཕྱིར་རོ། །དེ་ཡང་བུམ་པ་ལ་སོགས་པའི་རིམ་པ་བཞིན་དུ་སྔར་བསྟན་ཟིན་ཏོ། །དེ་ཇི་ལྟར་བསྐུར་བའི་རིམ་པ་ལ་ཤེས་རབ་ལ་སོགས་པས་རྡོ་རྗེ་སློབ་དཔོན་གྱི་དབང་བསྟན་ཏེ། བུམ་པའི་དབང་མཚོན་པ་ཙམ་མོ། །ཤིན་ཏུ་ལ་སོགས་པས་གསང་བའི་དབང་
1-1-181a
བསྟན་ཏོ། །སྟོན་པ་ལ་སོགས་པས་ཤེས་རབ་ཡེ་ཤེས་གསུངས་ཏེ། བླ་མ་ལ་སོགས་པས་མཆོད་དེ་བསྟོད་ཅིང་གསོལ་བ་ནས་སློབ་མའི་གདོང་བཅིངས་ཏེ། བྷ་གའི་དཀྱིལ་འཁོར་དུ་བཞུགས་པ་དང་ཡེ་ཤེས་ཕབ་ལ་སླར་གདོང་བཀྲོལ་ཏེ། ལྷ་ངོས་སྟན་(བསྟན་)ནས་བླ་མས་དབང་རྫས་བྱིན་པ་ཉེ་བར་བཟུང་ལ། ཀུན་རྫོབ་ལ་བརྟེན་པའི་དོན་དམ་བསྒོམས་པར་བྱའོ། །སློབ་མ་ལ་སོགས་པ་བཞི་ལ་ཚིག་དབང་བསྟན་ཏོ། །དཀྱིལ་འཁོར་ལ་སོགས་པ་ཉེ་བར་བསྡུ་བ་སྟེ་དབང་གི་དུས་ཀྱི་ལྷན་ཅིག་སྐྱེས་པ་དེ་ལམ་དུ་བྱ་བར་བསྟན་ཏོ། །དེ་ནས་ལ་སོགས་པས་བསྡུད་པ་པོས་ཉེ་བར་བསྡུས་པའི་དྲི་བ་སྟེ། ལུས་དང་རྟེན་དང་། རྟེན་(བརྟེན་)པ་དང་། ལྷན་ཅིག་སྐྱེས་པ་སྟེ་དཀྱིལ་འཁོར་གསུམ་པོ་གང་ལ་བྱ་ཞེས་དྲིས་པའོ། །ལན་ནི་ལྷན་ཅིག་སྐྱེས་པ་ལ་བྱ་བ་ནི་སྙིང་པོ་ལ་སོགས་པའོ། །དེ་སྐྱེ་བའི་གནད་ནི་ནམ་མཁའ་སྟེ་རྩ་མདུད་དོ། །དེས་ཅི་བྱེད་ན་ཡུལ་ལ་སོགས་པས་སྦྱོང་བའོ། །ལྷན་སྐྱེས་ཤེས་པར་འགྱུར་རམ་ཞེ་ན། བྷོ་ལ་ལ་སོགས་པ་ཆགས་ཅན་དང་ཆགས་བྲལ་གྱིས་རྟོགས་པར་འགྱུར་བར་བསྟན་ཏོ་རྡོ་རྗེ་སྙིང་པོ་ལ་སོགས་པས། དབང་རྫོགས་པར་ཐོབ་པས་ཐུན་མོང་མ་ཡིན་པའི་དམ་ཚིག་དང་སྡོམ་པ་བསྟན་ཏོ། །དེ་ནས་ལ་སོགས་པས་ལྷ་མོ་རྣམས་ཀྱི་ཡུལ་ལ་སོགས་པ་ལ་དྲིས་ཏེ། ལྷན་སྐྱེས་ནི་དབང་བཞི་གསུམ་གྱི་དོན་དང་ལྡན་པས་སྟེང་འོག་གི་སྒོ་ལ་སྟན་(བསྟན་)ཏེ་སྒོམས་པས། ཡུལ་ལ་སོགས་པ་ཐམས་ཅད་ཕྱག་རྒྱ་ཆེན་པོ་བདེ་སྟོང་དབྱེར་མེད་སྣང་ལ་རང་བཞིན་མེད་པར་སྟན་(བསྟན་)ཏོ། །དེ་ནས་ལ་སོགས་པས་སྔོན་དུས་སུ་ལྷ་མོས་མཆོད་པས་སྟོན་པ་དགྱེས་ནས། མན་ངག་འདི་གསུངས་པའོ། །རྗེས་འཇུག་དུ་(ཏུ་)བླ་མ་ལ་སློབ་མས་ཚོགས་
1-1-181b
ཀྱི་མཆོད་པས་དགྱེས་ཏེ། བྱིན་བརླབས་(རླབས་)འཕོ་བར་གུར་ལེའུ་བཅུ་བཞི་པར་སྟན་(བསྟན་)པ་དང་འབྲེལ་ལོ། །འདི་ནི་གསུམ་པ་ཡེ་ཤེས་དབབ་པའི་མན་ངག་གོ། །ཞེས་པུ་ལ་ཧ་རི་ན་བཞུགས་པ་དེ་གསུང་ངོ་། །བྱིན་བརླབས་(རླབས་)ཐོབ་ཅིང་ཉམས་མྱོང་དང་ལྡན་པས་སྤྱོད་ལམ་གྱི་ངེས་པ་ནི་བཟའ་བཏུང་ལ་སོགས་པ་སྟེ། གཞན་ཡང་བཟའ་བ་ལ་སོགས་པའི་ཞེས་པའི་རྒྱས་པར་བཤད་པ་འདི། རྟག་པ་དང་པོའི་ལེའུ་དྲུག་པ་དང་། བདུན་པ་དང་། བཅུ་ཅིག་(གཅིག་)པའི་ངེས་པ་སྟེར་བའོ། །སྔར་བསྟན་པའི་གཏི་མུག་རྡོ་རྗེ་ལ་སོགས་པའི་དྲིས་ལན་ནི། དེ་ནས་ལ་སོགས་པས་སྟན་(བསྟན་)ཏེ། སྐྱེ་མཆེད་ཀྱི་ལྷ་དགོད་པའི་དགོས་པ་ནི། སྒོ་དགག་པ་དང་། གོ་ཆར་འགྱུར་བ་དང་། མངོན་ཤེས་དྲུག་འབྱུང་བ་དག །དེ་བཞིན་དགོངས་པའི་སྐད་ཅིག་དང་། ཞེས་མདོར་སྟན་(བསྟན་)པ་དེ་རྒྱས་པར་བཤད་པ་ནི་ལེའུ་བདུན་པའི་ངེས་པ་སྟེར་བའོ། །རྡོ་རྗེ་སྙིང་པོ་ལ་སོགས་པས་དྲིས་པའོ། །དགོངས་པ་ལ་སོགས་པས་ཉན་པར་སྐུལ་བའོ། །མ་དྷ་ནཾ་ལ་སོགས་པས་བརྡའ་སོ་སོ་རང་རང་གི་མཚན་ཉིད་དོ། །ཁ་དོག་ལ་སོགས་པས་རིགས་ལྔའི་རྣལ་འབྱོར་པ་དང་། ཕྱག་རྒྱ་མ་ལྔ་དང་བརྡའ་བྱ་བར་བསྟན་ཏོ། །སེམས་དཔའ་ཆེ་ལ་སོགས་པས་བསྡམས་པ་སྟན་(བསྟན་)ཏོ། །ཀྱེའི་རྡོ་རྗེའི་ལ་སོགས་པས་བརྡའི་སྐད་མ་སྨྲས་པའི་སྐྱོན་གསུམ་སྟན་(བསྟན་)ཏོ། །གནས་བཞི་ནི་སྔགས་དང་། ཞིང་དང་། ལས་དང་། ལྷན་ཅིག་སྐྱེས་པའི་མཁའ་འགྲོ་མའོ། །ཡང་ན་ཛ་ལན་དྷ་ར་དང་། ཨོ་ཊེ་དང་། ཀ་ལ་ཀ་ཧི་དང་། ཀ་མ་རུ་པའོ། །ཁྲོ་བོ་ནི་བར་ཆད་བྱེད་དུ་འོང་བའོ། །རྒྱུད་ཐམས་ཅད་ནི་བརྟག་པ་དང་པོའོ། །གླེང་གཞི་ནི་ངེས་པ་གཏེར་བའི་དོན་ཏོ། །པུ་ལ་ཧ་རི་བའི་གསུང་ཚུལ་རྣམས་བརྗོད་པ་ཐོས་པ་ལས་བྱུང་བའོ། །
1-1-182a
ལེའུ་གསུམ་པའི་ངེས་པ་གཏེར་བའི་བཀའ་ཡང་དག་པའི་ཚད་མའོ།། །།
༄། །ལེའུ་བཞི་པ། ཐེ་ཚོམ་སེལ་བའི་ལེའུ།
ལེའུ་བཞི་པ་འདི་ནི་རྟག་པ་དང་པོའི་ཐེ་ཙོམ་རྣམས་སེལ་བའོ། །འོ་ན་ངེས་པ་སྟེར་བ་དང་ཁྱད་པར་ཅི་ཡོད་ཞེ་ན། སྔར་བསྟན་པ་ལས་ནན་ཏན་དུ་སྐྱར་(བསྐྱར་)ཏེ་བཤད་པ་ནི་ངེས་པར་སྟེར་བ་ཡིན་ལ། ཐེ་ཚོམ་དུ་གྱུར་ཏེ་དྲིས་པའི་ལན་ནི་ཐེ་ཚོམ་སེལ་བའོ། །དེ་ལ་དེ་ནས་ལ་སོགས་པས་འཚམས་(མཚམས་)སྦྱར་བ་སྔོན་དུ་འགྲོ་བས་གསོལ་བ་གདབ་པའོ། །ཐེ་ཚོམ་དང་ཡིད་གཉིས་ནི་སྤྱོད་པ་དང་རྟོགས་པ་ལ་རྟེན་(བརྟེན་)པའོ། །སྤྱོད་པ་ལ་སོགས་པའི་ལེའུ་ནི། གཙོར་དྲིས་པའི་ཐེ་ཚོམ་བཞིའོ། །བཀའ་སྩལ་པ་ལ་སོགས་པས་དྲིས་པ་བཞིའི་ལན་རིམ་པ་བཞིན་དུ་སྟན་(བསྟན་)ཏེ། ཀོ་ལླ་ཨི་རི་ལ་སོགས་པས་གླུ་བཞི་འགྱུར་དུ་བླང་། །དྲན་པ་མི་འཕྲོགས་པ་ལ་སོགས་པས་ལྷའི་ང་རྒྱལ་གྱིས་གར་བྱ། དུས་ནི་ཚོགས་ཀྱི་བདག་པོའི་སྤྱན་སྔར་བྱས་ནས་ཞེས་པ་སྟེ། ཚོགས་འཁོར་དང་སྤྱོད་པ་དང་། དཔའ་བོ་དང་དཔའ་མོའི་སྟོན་མོའི་དུས་དང་། དབང་དང་སྤྱོད་པ་དང་། སྐྱེད་(བསྐྱེད་)རྫོགས་ཀྱི་ཐུན་འཚམས་(མཚམས་)སུ་བྱའོ། །དགོས་པ་ནི་འདི་ཉིད་ཀྱིས་ལ་སོགས་པ་སྟེ་དཔའ་བོ་དང་དཔའ་མོ་འདུས་པ་འམ། སོ་སོའི་ཚོམ་བུའི་དཀྱིལ་འཁོར་བཀོད་པས། ཚོགས་གཉིས་རྫོགས་པར་འགྱུར་བ་ལ་སོགས་པའོ། །ཡང་དངོས་གྲུབ་སྒྲུབ་པའི་དུས་སུ་ལྷའི་གྲངས་དང་སྙམ་པ་བཀོད་ལ། དངོས་གྲུབ་ཀྱི་དོན་དུ་ཚོགས་ཀྱི་ཆོ་ག་བྱའོ་ཞེས་རྗེ་བཙུན་དམ་པས་གསུང་ངོ་། །དེ་ལྟར་ཉམས་སུ་ལེན་པ་ལ་ནི་དོན་དེ་ལ་ཞེས་པ་ལ་སོགས་པའི་རྟགས་འབྱུང་ངོ་། །ཕྱི་རོལ་ཚལ་ནི་ཕྱི་ནང་གི་གནས་དང་སྒྲ་དང་དྲིའི་རྟགས་རྣམས་འབྱུང་བའོ། །ཡང་ཕྱི་ནང་གི་གནས་སུ་ཕྱག་རྒྱ་ལ་སོགས་པས་ལེའུ་བཞི་པའི་རྒྱས་
1-1-182b
གདབ་པའི་ཐེ་ཚོམ་སེལ་བ་སྟེ། རྒྱས་གདབ་པ་དང་རིགས་མཚོན་པ་དང་། དབུ་ལ་མཚན་པ་ཞེས་མིང་གི་རྣམ་གྲངས་དང་། ངེས་ཚིག་དང་། རྒྱ་འཆོལ་བའི་སྐྱོན་དང་། མཚོན་བྱེད་དང་། འཆིང་བྱེད་ཀྱི་རྒྱས་གདབ་པ་དངོས་དང་། གདམས་པ་ཞེས་ཅི་རིགས་སུ་སྦྱར་རོ། །ཨ་ལི་དང་པོ་ལ་སོགས་པས་མཁའ་འགྲོ་མའི་ས་བོན་གྱི་ལན་ནོ། །རིགས་ཀྱི་ལེའུ་ལ་སོགས་པ་རྩའི་རྣམ་པར་དག་པའོ། །རྐྱང་མ་ལ་སོགས་པ་གསུམ་ནི་བདག་མེད་མ་རྣམ་པར་དག་པའོ། །འོ་ན་ཅིག་(གཅིག་)ལ་རྣམ་དག་མེད་པ་དེ་གང་གིས་སྤོང་ཞེ་ན། ལན་ནི་བཅུ་དྲུག་ཆ་མེད་ཕྱིར་ཞེས་པ་སྟེ། བཅུ་དྲུག་ནི་ཟུང་བཅུ་དྲུག །ཆ་ཡན་ལག་ཅིག་གི་རྣམ་དག་མེད་པའི་ཕྱིར། འབད་པ་དང་བརྩོན་འགྲུས་ཀྱིས་ཀུན་གྱི་ལྷག་མ་འམ། ཕྱི་མ་བདུད་བྲལ་མ་སྤང་ངོ་། །དེ་སྤོང་བ་ཅིའི་ཕྱིར་ཞེ་ན། དོན་གྱི་བྱ་བ་མི་བྱེད་པའི་ཕྱིར་ཏེ། རྩའི་བྱ་བ་ཐིག་ལེ་མི་རྒྱུ་བའི་ཕྱིར་ཐབས་དང་། ཤེས་རབ་ཟུང་འཇུག་མ་ཚང་བའོ། །འོ་ན་གཞན་གྱིས་རྩའི་བྱ་བ་བྱེད་དོ་ཞེ་ན། བཅོ་ལྔ་ཆའི་བདག་ཉིད་ཀྱིས། །ཟླ་བ་བྱང་ཆུབ་སེམས་སུ་འགྱུར་ཏེ། ཟུང་བཅོ་ལྔ་ལ་ཆ་ཡན་འགར་བ་དང་། སུམ་ཅུ་སོ་ཅིག་(གཅིག་)གི་ནང་ནས་ཟླ་བ་བྱང་ཆུབ་ཀྱི་སེམས་རྒྱུ་ཞེས་པའི་ཐ་ཚིག་གོ། །ཅིའི་གཟུགས་ཀྱི་ཞེ་ན། བདེ་བ་ཆེན་པོ་ཨ་ལིའི་གཟུགས་ཀྱིས་ཏེ། དོན་དམ་བྱང་ཆུབ་སེམས་བདེ་བ་ཆེན་པོ་མཚོན། ཀུན་རྫོབ་ཀུན་དྷ་ལྟ་བུ་དེ་ཨ་ལི་བཅོ་ལྔའི་གཟུགས་ཀྱིས་འབབ་པའོ། །དེའི་ཕྱིར་རྣལ་འབྱོར་མ་བཅོ་ལྔ་པོ་རྣམས་རྣམ་པར་དག་པ། རྩ་སུམ་བཅུ་(ཅུ་)རྩ་ཅིག་(གཅིག་)གི་ཆའི་གཟུགས་ཀྱིས་གནས་ཏེ། རྩ་སྦུབས་ནི་ཤེས་རབ་སྟོང་པ་ལ་བྱང་ཆུབ་སེམས་ནི་ཐབས་བདེ་བས་ཏེ། སྟོང་པ་དཔའ་བོ་དཔའ་མོའི་ལུས་ལ་གནས་པའི་རྩ་དང་། ཐིག་ལེ་ཐབས་དང་ཤེས་རབ་
1-1-183a
དུ་གཏན་ལ་དབབ་པའོ། །དེ་ལྟར་ན་ལེའུ་དང་པོ་དང་འགལ་ཞེ་ན། དེ་ནི་སྤྱིར་སྟན་(བསྟན་)པ་ཡིན་ནོ། །དེ་ལ་ཐེ་ཚོམ་དུ་གྱུར་ནས་དྲིས་པས་འདི་གཙོ་བོ་ཡིན་ནོ། །ཞེས་པ་སྟེ། འདིར་གཙོར་དཀའ་བས་བླ་མ་ལ་ཞུས་ཏེ། རྗེ་བཙུན་དེ་ཉིད་ཀྱིས་བཀའ་སྩལ་པ་ཡིན་པའོ། །དེ་ལྟར་གྱིས་གཙོ་བོར་དྲིས་པའི་ཐེ་ཚོམ་ཆོད་པའོ། །ཞར་ལ་འོང་བའི་ཐེ་ཚོམ་ནི་རྡོ་རྗེ་སྙིང་པོ་ལ་སོགས་པ་སྟེ། རྩའི་ནང་དུ་རྒྱུ་བའི་ཐིག་ལེ་སྤང་ངམ་བླང་ཞེ་ན། ལན་དུ་ཅིས་ཀྱང་མི་སྤང་སྟེ་བླང་བར་བྱ་བ་ཡིན་ནོ་ཞེས་པའོ། །ཐམས་ཅད་དུ་འམ་ཞེ་ན་དུས་ནི་བཞི་སྟེ། འཆི་བ་ལྟས་བརྟག་པ་དང་། སྣ་སྨན་དང་། སློབ་མ་ལ་གསང་བའི་དབང་སྦྱིན་པ་དང་། བདུད་རྩི་སྒྲུབ་པའི་དུས་ན། གཞན་དུ་རང་གི་དམ་ཚིག་སྤངས་ཞེས་པའོ། །འོ་ན་ཐབས་གང་གིས་སྐྱེད་ཅེས་པའི་ལན་ནི། དཀྱིལ་འཁོར་ལ་སོགས་པས་ཏེ། ཆགས་པ་དང་བཅས་པའི་དཀྱིལ་འཁོར་ནི་སྙིང་པོ་ལྷན་ཅིག་སྐྱེས་པ་ལེན་པའོ། །འཁོར་ལོ་ནི་སྒྲོ་འདོགས་གཅོད་པའོ། །ཐབས་ནི་བརྟགས་ཏེ་དགུག་པ་ལ་སོགས་པ་བཅོ་ལྔའོ། །ཆགས་པ་དང་བྲལ་བས་ནི་རང་གི་རྣལ་འབྱོར་བདག་ཉིད་དེ། །གཞན་ལ་མི་ལྟོས་པའི་ཐ་ཚིག་གོ། །རང་ཉིད་རང་གིས་བདེ་བ་ཆེན་པོར་བྱིན་གྱིས་བརླབས་པའོ། །རིམ་པ་ནི་ཐབས་ཙན་དྷ་ལི་དང་། སྒྱུ་མ་དང་འོད་གསལ་ལ་སོགས་པ་ཅི་རིགས་པའོ། །ཀུན་རྫོབ་ལ་སོགས་པ་ལམ་གཉིས་ཀ་སྦྱར་རོ། །བུད་མེད་ལ་སོགས་པས་ལམ་དང་པོར་སྟན་(བསྟན་)ཏོ། །ག་བུར་ལ་སོགས་པས་ལམ་རིམ་པ་གཉིས་རྒྱས་པར་སྟན་(བསྟན་)ཏོ། །སྒོམ་པའི་ཐབས་ནི་བླ་མའི་ཞལ་ལས་ཤེས་པར་བྱའོ། །དེ་ལྟར་བསྒོམས་པས་ཉམས་སུ་མྱོང་བ་སྐྱེས་ཚུལ་ནི་གཞུང་དུ་བསྟན་པས་གོ་སླ་སྟེ། སྒོམ་ཉམས་ཀྱིས་གཞུང་གསལ་བར་འགྱུར་རོ། །དེས་ན་སྡོམ་
1-1-183b
པའམ་བདེ་མཆོག་གི་ཐེ་ཚོམ་སེལ་བ་ལ་རང་བཞིན་དང་། དབང་དང་། ལམ་སྐྱེད་(བསྐྱེད་)རིམས་ལ་རང་བྱིན་གྱིས་བརླབས་པའི་དོན་ནི། དཔའ་བོ་དང་རྣལ་འབྱོར་མ་ཐམས་ཅད་ཀྱི་སེམས་ཀྱི་རྒྱལ་པོ་ཨེ་ཞེས་པར་སྡོམས་(བསྡོམས་)ནས་གནས་སོ། །ཕྱི་རོལ་ན་ལས་ཀྱི་ཕྱག་རྒྱ་ལ་རྟེན་(བརྟེན་)ཏེ་ཐིག་ལེ་དབབ་པ་བཞིན་དུ་ནང་གཏུམ་མོ་ལ་བརྟེན་ནས་བྱང་སེམས་འཛག་པའོ། །སྡོམ་པའི་དེ་ཉིད་ནི་མེ་ཆུ་འདྲེས་པའི་བདེ་བའོ། །གང་དུ་ཞེས་ན་བྷོ་ལ་ཏེ་འཁོར་ལོ་གཉིས་སོ། །བདེ་གང་ཞེ་ན་ཕྱག་རྒྱ་ཆེན་པོའི་ཉམས་མྱོང་ངོ་། །ནང་ཉམས་ཕྱིར་ཤར་བས་སྐྱེ་མཆེད་བདེ་སྟོང་དབྱེར་མི་ཕྱེད་པའོ། །གསང་བ་ནི་ཐུན་མོང་མ་ཡིན་པའོ། །སྙོམས་འཇུག་ནི་ཨ་ཧཾ་གིའོ། །གཉིས་མེད་ནི་ཁ་སྦྱོར་གྱི་བདེ་བ་ལ་མི་ལྟོས་པའོ། །ད་ནི་ལེའུ་དང་པོར་གསུངས་པའི་ལུས་དཀོན་མཆོག་གསུམ་དུ་གཏན་ལ་དབབ་པར་འཐད་པའི་ཐེ་ཚོམ་སེལ་བ་ལ། སྐུ་གསུམ་ལ་སོགས་སངས་རྒྱས་དཀོན་མཆོག་ཏུ་གྲུབ་པ་སྟེ། དེ་ལ་མདོར་སྟན་(བསྟན་)པ་དང་། རྒྱས་པར་བཤད་པ་དང་། དེ་ལ་མིང་དང་། གནས་དང་འཐད་པ་དང་། ལུས་འདི་སངས་རྒྱས་དཀོན་མཆོག་སྐུ་བཞིར་གཏན་ལ་དབབ་པ་བསྟན་ཏོ། །ཨེ་བྃ་ལ་སོགས་པས་ཆོས་དཀོན་མཆོག་བདེན་པ་བཞི་གཏན་ལ་དབབ་པ་དང་། མདོར་བསྟན་པ་དང་། ཉེ་བར་བསྡུ་བ་དང་། རྒྱས་པར་བཤད་པའོ། །དང་པོ་ཚུལ་གསུམ་ལས་ལུས་ཆགས་པ་དང་སྦྱར་ན་ཕ་མའི་དབང་པོའི་སྒོ་གཉིས་ལ་རྟེན་(བརྟེན་)ཏེ་ཁུ་ཁྲག་འབྱུང་བ་དང་། བར་དོའི་ཤེས་པས་རྒྱུ་བྱས་ནས་ལུས་ལྟེ་བ་ནས་ཆགས་པ་དང་། མས་བཟའ་བཏུང་ཟོས་པས་ལུས་ཡན་མན་དུ་སྨིན་ཏེ་འགྲིན་པ་དང་། སྙིང་ཁ་(ག་)དང་སྤྱི་བོར་བར་དུ་ལུས་དང་རྩ་འདུད་ཆགས་ཏེ། སེམས་ཀྱི་རྒྱལ་པོའི་རྟེན་དང་བཅས་པ་ནི་རིམ་པ་བཞིན་དུ་འབྲས་བུ་བཞིའོ། །ལུས་གནས་པ་དང་སྦྱར་ན་ལྟེ་བར་རྩ་མདུད་དང་ལས་
1-1-184a
ཀྱི་གཏུམ་མོའི་བཟའ་བཏུང་ཟོས་པའི་དྭངས་སྙིགས་ཕྱེ་སྟེ། སྙིང་ཁ་(ག་)དང་སྤྱི་བོའི་བར་དུ་དྭངས་མའི་ཆས་ཕན་འདོགས་ཤིང་རྒྱས་པར་བྱེད་པ་ནི་འབྲས་བུ་བཞིའོ། །དེ་ལྟར་ལུས་ཆགས་གནས་གཉིས་ཨེ་བྃ་གྱི་རང་བཞིན་དུ་སྟན་(བསྟན་)ནས། ལམ་དུ་སྒོམ་པའི་རིམ་པ་དང་སྦྱར་ནས་ལུས་བཅོས་ཏེ་ལྟེ་བའི་མདུད་པ་ཨེའི་དབུས་ན་ད་ལྟར་སེམས་ཀྱི་ངོ་བོ་གཏུམ་མོ་ཨའི་རྣམ་པར་ཡོད་པ་ལས་མེ་འབར་བ་དང་། དེ་སྙིང་ཁ་དང་མགྲིན་པར་བསླེབ་པས་འཇུར་ཉེ་བ་དང་། བདེ་བ་ཆེན་པོར་ཐིག་ལེ་ཞུ་ཞེས་རིམ་པ་བཞིན་དུའོ། །རྒྱས་པར་བཤད་པ་ལ་ལས་ཀྱི་རླུང་གིས་བསྐུལ་བ་ནི་ས་བོན་དཀར་དམར་གྱི་དབུས་སུ་བར་དོ་ཡིད་ཀྱི་གཟུགས་ཅན་འཕངས་པ་དང་། ལས་ཀྱི་རླུང་གིས་ཆོས་འབྱུང་ལ་མངོན་པར་ཕྱོགས་ཏེ། གཟུང་འཛིན་གཉིས་ཀྱི་ལས་བྱེད་པའི་རླུང་གིས་གཏུམ་མོ་སྐུལ་བའོ། །ཇི་ལྟར་བྱས་པ་དེ་ལྟར་སྤྱོད་ན་ཕ་མ་གཉིས་ཀྱིས་སྤྱད་པ་ལྟ་བར་དོར་ཡང་སྤྱོད་པ་འཐོང་བ་དང་། ཕྱི་རོལ་གྱི་མེས་དངོས་པོའི་དྭངས་སྙིགས་འབྱེད་པ་ལྟར་ཟས་དང་ཤེས་པའི་དྭངས་སྙིགས་འབྱེད་པའོ། །ལས་ཆུང་འབྲས་བུ་ཆེ་བ་ནི་ལུས་འཕེལ་བ་དང་། རྣམ་རྟོག་ཆུང་བདེ་བ་ཆེའོ། །ལྷག་མ་ནི་མདོར་སྟན་(བསྟན་)པ་ལྟར་སྦྱར་རོ། །ད་ནི་ལུས་སེམས་གཉིས་སྡོམ་པའི་འཁོར་ལོ་བཞི་ལ། སྡེ་པ་བཞི། དེ་དང་དེར་བཞག་པའི་འཐད་པ་ནི་གང་ཕྱིར་ལ་སོགས་པའོ། །ལེའུ་དང་པོར་ཤི་བ་དང་། བར་དོ་དང་། ལུས་གྲུབ་པ་ནི་སྐུ་གསུམ་དུ་རྣམ་པར་བཞག་ལ། དེ་གསལ་བར་སྟན་(བསྟན་)པ་ནི་ལྟེ་བ་ཞེས་པ་ལ་སོགས་པ་སྟེ། ལུས་དང་རྩ་མདུད་དང་། ཐིག་ལེ་དང་། སེམས་ཀྱི་རྒྱལ་པོ་བཞུགས་ས་ཤེས་པར་བྱ་བའི་ཕྱིར་སྟན་(བསྟན་)ཏོ། །དེ་ལུས་དཀོན་མཆོག་གསུམ་དང་སྤྲུལ་པའི་སྐུར་སྟན་(བསྟན་)པ་ལ། རྩ་མདུད་དང་། སྔོན་བྱུང་གི་འཁོར་རྒྱལ་བའི་ཚུལ་སྟན་(བསྟན་)ནས། 
1-1-184b
དེ་རྣམས་བླངས་སྟེ་ཞུས་ལན་གྱིས། སེམས་ཅན་ཐམས་ཅད་སངས་རྒྱས་ཡིན་ཡང་རྣམ་རྟོག་གློ་བུར་གྱིས་དྲི་མས་བསྒྲིབས་ལ། དེ་སྤོང་བ་ནི་ཧེ་བཛྲ་མེད་ན་ཕྱག་རྒྱ་ཆེན་པོ་མཆོག་གི་དངོས་གྲུབ་འགྲུབ་པར་མི་འགྱུར་ལ། ཡོད་ན་ཐབས་དེས་དྲི་མ་སྤོང་ཞེས་པ་ནི་དེ་ནས་ལ་སོགས་པའོ། །གལ་ཏེ་རིག་པ་འཆོལ་ན་སྒྲུབ་པ་པོ་ལ་དངོས་གྲུབ་གཉིས་མེད་དོ། །ཞེས་ཀྱེའི་རྡོ་རྗེ་ཉིད་ཀྱིས་གསུངས་པ་ལ། འདིར་རིགས་འཆོལ་བར་འགྱུར་རོ། །ཞེས་དྲིས་པ་ནི། རྡོ་རྗེ་སྙིང་པོས་གསོལ་བ་ཞེས་པ་ལ་སོགས་པའོ། །ལན་ནི་ལུས་ལ་སེམས་ཀྱི་འཆིང་བ་དང་། རྒྱུ་ལ་འབྲས་བུ་འཆིང་བ་དང་། འབྲས་བུ་ལ་རྒྱུས་འཆིང་བ་ཞེས་སྟན་(བསྟན་)ཏེ། ཇི་སྐད་དུ་རྒྱུ་ལ་འབྲས་བུས་རྒྱས་གདབ་ཅིང་། །འབྲས་བུ་ལ་ཡང་རྒྱུས་རྒྱས་གདབ་ཅེས་པ་དང་། ལུས་སེམས་ལྟ་བུ་དང་། སེམས་ལུས་ལྟ་བུའོ་ཞེས་གསུངས་སོ། །ཕྱོགས་ཀྱི་དཔའ་མོ་བཞི་ནི་སྒྲེས་ཏེ་སྟན་(བསྟན་)པའོ། །ཀྱེའི་རྡོ་རྗེ་ཞེས་པ་ལ་སོགས་པས་གཏོར་མའི་ཆོ་ག་གསུངས་ཏེ། དེ་ལ་དྲི་བ་དང་། དགོས་པ་དང་། འགྲོན་བསྔོ་བ་དང་། གཏོར་མ་དབུལ་བ་དང་། འཕྲིན་ལས་བཅོལ་བ་དང་། ཆོས་ཀྱི་སྦྱིན་པས་རྒྱས་པ་དང་། གཏོར་མ་སྦྱིན་པའི་ཕན་ཡོན་དང་། ཡི་དམ་བྱས་པའི་ཕན་ཡོན་ཞེས་ཅི་རིགས་སུ་སྦྱར་རོ། །ཆོ་ག་ནི་དེ་ཉིད་བསྡུས་པ་ལས་བསྟན་ཏོ། །རྡོ་རྗེ་སྙིང་པོ་ལ་སོགས་པ་ལ་དཔལ་བདེ་མཆོག་ལས་སྐུ་གསུང་ཐུགས་ཀྱི་འཁོར་ལོ་གསུངས་པ་དེ་ཡང་། འདིར་ལྷ་མོ་གསུམ་ལས་མ་འདས་པས་དེར་རྒྱས་གདབ་པའི་དྲིས་ལན་སྟན་(བསྟན་)ཏོ། །འོ་ན་རིགས་གསུམ་ཁོ་ན་འམ་ཞེ་ན། རྒྱལ་པོ་ལ་སོགས་པའི་རིགས་ལ་ཞེན་པ་སྤང་བའི་ཕྱིར་རིགས་ཀྱི་དབྱེ་བ་སྟན་(བསྟན་)ཏོ། །རྒྱུད་ཐམས་ཅད་ཅེས་པ་ནི་རྟག་(བརྟག་)པ་དང་པོའོ། །ཕྱག་རྒྱ་བསྡུས་པ་ནི་རྒྱས་གདབ་པ་ལ་གཙོ་བོར་བྱས་ཏེ་ཡང་
1-1-185a
ཡང་དྲིས་པའོ། །རྗེ་བཙུན་གྱི་ཡི་གེ་དུམ་བུ་རྣམས་ལ་འཚམས་(མཚམས་)སྦྱོར་བཅུག་སྟེ། ལེའུ་བཞི་པའི་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་ལྔ་པ། ཧེ་རུ་ཀ་མངོན་པར་འབྱུང་བའི་ལེའུ།
ལེའུ་ལྔ་པ་འདིས་ནི་ཧེ་རུ་ཀ་གསུམ་གྱིས་མངོན་པར་རྟོགས་པ་ལེའུ་གསུམ་པར་བཤད་ཀྱང་། ཕྱག་བཅུ་དྲུག་པའི་མངོན་རྟོགས་མ་ཚང་བ་ཁ་སྐོང་བ་དང་། སྙིང་པོ་དང་ཉེ་བའི་སྙིང་པོ་ལེའུ་གཉིས་པར་བཤད་ཀྱང་། རྩ་བའི་སྔགས་མ་ཚང་བ་ཁ་སྐོང་བ་དང་། བདག་མེད་མའི་དབང་སྐུར་ལེའུ་བཅུ་པར་སྟན་(བསྟན་)ཀྱང་ཧེ་རུ་ཀའི་དབང་སྐུར་མ་ཚང་བ་ཁ་སྐང་བའོ། །དེ་ལ་ཕྱག་ནི་ཞེས་བྱ་བ་ལ་སོགས་པས། བྲི་སྒོམ་གྱི་དཀྱིལ་འཁོར་གཉིས་ལ་གསོལ་བ་གདབ་པའོ། །བདག་མེད་མ་ལ་སོགས་པས་སྒོམ་པའི་དཀྱིལ་འཁོར་ཆེན་པོའི་ལན་སྟན་(བསྟན་)ཏེ། ཧེ་རུ་ཀའི་དཀྱིལ་འཁོར་ཆེན་པོར་དབང་རྫོགས་པར་ཐོབ་ནས། རྣལ་འབྱོར་པས་བྲིས་སྐུ་ལ་རབ་གནས་བྱས་ཏེ། དུར་ཁྲོད་ལ་སོགས་པར་བཀྲམ་ལ། སྟན་བདེ་བ་ལ་འདུག་ནས། བདག་དང་གནས་དང་རྣལ་འབྱོར་བསྲུང་བ་བྱས་ལ་རིམ་པ་བཞིན་དུ། བླ་མ་དག་པའི་ཆོ་ག་དང་། ཚད་མེད་པ་བཞི་དང་། སྟོང་པ་ཉིད་དུ་བསྒོམ་པ་དང་། བསྲུང་བའི་འཁོར་ལོ་དང་། འབྱུང་བ་རིམ་རྩེགས་དང་། དེ་དག་རྣམས་གནས་སྐབས་གཞན་དུ་སྟན་(བསྟན་)པ་ལྟར་བསྒོམ་པར་བྱའོ། །དེ་ཞུ་བ་ལས་གཞལ་ཡས་ཁང་གི་འཁོར་ལོ། །ཇི་ལྟར་སྔར་ཞེས་པ་ལ་སོགས་པས་སྟན་ཏོ། །དེར་གདན་སྒོམས་པ་ནི་ཚངས་པ་ལ་སོགས་པས་སྟན་(བསྟན་)ཏོ། །དེར་བྱང་ཆུབ་པ་ལྔས་གཙོ་བོ་ཡབ་ཡུམ་སྒོམ་པ་ནི་ཁྱོད་དང་ལྷན་ཅིག་ལ་སོགས་པས་སྟན(བསྟན)། དེ་ནས་རྡོ་རྗེ་དང་པདྨ་བྱིན་གྱིས་བརླབས་ཏེ་སྙོམས་འཇུག་བྱ་བ་ནི། འདོད་ཆགས་ཆེན་པོ་ལ་སོགས་པས་བསྟན་ཏོ། །དེ་ནས་ཡུམ་
1-1-185b
གྱི་པདྨར་ས་བོན་འཕྲོ་བ་ནི། གྷྃ་ཙྃ་བྃ་གྷྃ་ལ་སོགས་པའོ། །དེ་ལས་འཁོར་གྱི་ལྷ་མོ་བཀོད་པ་ནི། དཀར་མོ་དབང་པོ་ཕྱོགས་ལ་སོགས་པས་སྟན་(བསྟན་)ཏོ། །དེ་དག་ལ་ནི་རྒྱུའི་རྡོ་རྗེ་འཆང་ཆེན་པོ་སྐྱེད་(བསྐྱེད་)པའི་རིམ་པ་ཞེས་བྱའོ། །འབྲས་བུའི་དཔལ་ཧེ་རུ་ཀ་སྐྱེད་པའི་ཆོ་ག་ལ། དེ་ནས་ལས་ལ་སོགས་པས་དྲི་ཟ་ཉེ་བར་ཞུགས་པ་སྟན་(བསྟན་)ཏོ། །སྣ་ཚོགས་ལ་སོགས་པས་མྱ་ངན་གྱི་གླུས་བསྐུལ་ལོ། །ཨོཾ་དང་ཧཱུྃ་ལ་སོགས་པས་འབྲས་བུའི་ཧེ་རུ་ཀ་བཞེངས་པའོ། །དེ་ལ་སྐྱེད་མཆེད་དྲུག་དང་། སྐུ་གསུང་ཐུགས་བྱིན་གྱིས་རློབ་པ་དང་། ཡེ་ཤེས་ཀྱི་དཀྱིལ་འཁོར་སྤྱན་དྲངས་ཤིང་མཆོད་ནས་གཉིས་སུ་མེད་པར་བསྲེ་བ་དང་། དབང་བསྐུར་བ་དང་། བདུད་རྩི་མྱང་བ་དང་། མཆོད་བསྟོད་ཀྱི་བར་དུ་བྱའོ། །དེ་ནས་དཀྱིལ་འཁོར་ཆུ་ཟླ་དང་། གཟུགས་བརྙན་དང་། འཇའ་ཚོན་ལྟ་བུར་གསལ་ཞིང་རང་བཞིན་མེད་པར་སྒོམ་པ་ནི་མ་མོའི་འཁོར་ལོ་ལ་སོགས་པས་སྟན་(བསྟན་)ཏོ། །དེ་ལྟར་བསྒོམས་པ་ལས་སྐྱོ་ན་བཟླས་པ་བྱ་སྟེ། མཁའ་འགྲོ་མ་བརྒྱད་ཞལ་རྣམས་སུ་བསྡུས་ནས་ཡབ་ཡུམ་གྱི་ཏིང་ངེ་འཛིན་ཉིད་ཀྱིས་སྔགས་ཟླས་པ་ནི། བྷོ་ལ་བཞི་པ་ལ་སོགས་པས་སྟན་(བསྟན་)ཏོ། །འདི་ལ་བསྙེན་པ་འབུམ་དང་སྒྲུབ་པ་ལ་ཁྲི་ཕྲག་ཏུ་སྐྱེལ་ཏེ། བཙུན་མོ་དགུག་པ་དང་ཀླུ་རྣམས་སྡིགས་པ་ནི་བླ་མའི་མན་ངག་བཞིན་དུ་སྦྱར་རོ། །སྔགས་འདི་ལ་བཏུ་བ་མེད་པས། རྗེ་བཙུན་ལྷ་རྗེས་དཔེ་ལྔ་བཅུ་པ་སོགས་པས་འཐུན་པ་མ་བྱུང་བས། པུ་ལ་ཧ་རི་བ་ལ་ཞུས་པས་འདི་ལྟར་ཟློས་ཅིག་(ཤིག་)གསུང་ནས་ཐུགས་ནས་ཕྱུང་སྟེ། གསུངས་པའི་དག་པ་ཅིག་(ཞིག་)ལོགས་ན་ཡོད་དོ། །ཟླས་པ་ལས་སྐྱོ་ན་རྫོགས་རིམས་སྒོམ་པ་དང་འཐུན་འཚམས་(མཚམས་)ཀྱི་ཆོ་ག་ནི་བླ་མས་གསུངས་པ་བཞིན་ནོ། །དེ་
1-1-186a
ནས་ལྷ་མོ་ལ་སོགས་པས་བྲི་བའི་དཀྱིལ་འཁོར་ཆེན་པོ་སྟན་(བསྟན་)ཏེ། ཆོ་ག་ནི་གཞན་དུ་སྟན་(བསྟན་)ཏོ། །དེ་ནས་རྡོ་རྗེ་སློབ་དཔོན་མཚན་ཉིད་དང་ལྡན་པས། སྙེན་པ་དང་། ས་ཆོག་དང་། སྟ་གོན་གྱི་ཆོ་ག་སྔོན་དུ་འགྲོ་བས། དཀྱིལ་འཁོར་གྱི་ཆོ་ག་ཞེས་བྱ་བ། འཕར་མ་ཅིག་(ཞིག་)ལ་སོགས་པས་ཐིག་དང་ཚོན་གྱི་ཆོ་ག་སྟན་(བསྟན་)ཏོ། །དེ་ནས་དཀྱིལ་འཁོར་སྒྲུབ་པ་དང་སློབ་དཔོན་བདག་འཇུག་བྱས་ལ་སློབ་མ་དཀྱིལ་འཁོར་དུ་བཞུགས་ཅིང་(ཤིང་)ལྷ་ངོས་སྟན་(བསྟན་)པ་དང་། དབང་སྐུར་བ་ནི་མང་དུ་ལ་སོགས་པས་བུམ་པའི་དབང་ངོ་། །བཅུ་གཉིས་ལ་སོགས་པས་གསང་བའི་དབང་ངོ་། །དེ་ནས་ཐུན་ཚོད་ལ་སོགས་པས་དཀྱིལ་འཁོར་གསུམ་དུ་སློབ་མ་བཞུག་(བཞུགས་)པའི་ཆོ་གའོ། །མཚན་མོ་ལ་སོགས་པས་ཤེས་རབ་ཡེ་ཤེས་ཀྱི་སྟན་(བསྟན་)ཏོ། །དེ་ཉིད་ལ་སོགས་པས་བཞི་པ་ཚིག་དབང་རིན་པོ་ཆེ་སྟན་(བསྟན་)ཏོ། །ལོངས་སྤྱོད་ལ་སོགས་པས་དགེ་སློང་ལ་དབང་གསུམ་པ། སྐུར་བའི་ཆོ་གའོ། །དེས་ཀྱང་གསུམ་པའི་ཡེ་ཤེས་སྐྱེ་བར་ལུང་ཉིད་ཀྱིས་གྲུབ་སྟེ་ཆོ་གའི་དུས་ན་ཉམས་སུ་མྱོང་བས་འགྲུབ་པའོ། །ཞེས་སྤྲུལ་པའི་སྐུས་དེ་སྐད་ཅེས་བཀའ་སྩལ་ཏོ། །མངོན་པར་འབྱུང་བ་ཞེས་པ་ནི་ཏིང་ངེ་འཛིན་དང་རྡུལ་ཚོན་གྱི་དཀྱིལ་འཁོར་གཞུང་དུ་སྟན་(བསྟན་)པས་དེ་སྐད་ཅེས་བྱའོ། །ཧེ་རུ་ཀ་མངོན་པར་འབྱུང་བ་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་དྲུག་པ། བྲིས་སྐུའི་ལེའུ།
ལེའུ་དྲུག་པ་འདིས་ནི་རྟག་པ་དང་པོའི་ལེའུ་གསུམ་པ་དང་། དྲུག་པ་དང་། བརྒྱད་པར་ལུས་ཀྱི་ཕྱག་རྒྱ་ལྔ་གསུངས་པ་ལ་དགོས་པ་མ་ཚང་བ་ཁ་སྐོང་བ་དང་། ལེའུ་གསུམ་པ་དང་བརྒྱད་པར་སྐྱེད་(བསྐྱེད་)རིམས་སྟན་(བསྟན་)ནས་དེ་ལ་བྲིས་སྐུ་དགོས་པས་མ་ཚང་བ་ཁ་སྐོང་བའོ། །དེ་ལ་ལྷ་མོ་ལ་སོགས་པས་མ་ཚང་བ་ཁ་སྐོང་བའོ། །དེ་ལ་ལྷ་མོ་ལ་སོགས་པས་
1-1-186b
ཁ་སྐོང་བ་འཚམས་(མཚམས་)སྦྱོར། བླ་མ་སློབ་དཔོན་ཞེས་པ་ལ་སོགས་པས། ལུས་ལ་སངས་རྒྱས་ལྔ་རྣམ་པར་དག་པའི་ཕྱག་རྒྱ་ལྔས་བཏབ་པས་དགོངས་པ་ལྔ་དྲན་པར་བྱེད་པའོ། །དེ་ནས་ལ་སོགས་པས་བྲིས་སྐུའི་ཆོ་ག་བསྟན་པ་སྟེ། རས་ཀྱི་རྒྱུ་འཁལ་བ་ནས་བཟུང་སྟེ་རི་མོ་མཁན་གྱི་བར་དུ་དབང་དང་དམ་ཚིག་དང་ལྡན་པས་ཚོགས་འཁོར་དང་བྱིན་རླབ་(རླབས་)བྱ་སྟེ། འདོད་ཆགས་དང་ཞེ་སྡང་འདྲེས་པའི་བྲིས་སྐུའོ། །བྲིས་པའི་མཚོན་སྣོད་དང་། པིར་དང་ཆ་ལུགས་དང་། དམ་ཚིག་དང་། དུས་དང་། གྲོགས་ནི་གཞུང་དུ་སྟན་(བསྟན་)པ་ལྟར་རོ། །ཚད་ནི་ནག་པོ་འམ། གདན་བཞི་ནས་བཤད་པ་ལྟར་རོ། །ལེའུ་དྲུག་པའི་བཀའ་ཡང་དག་པའི་ཚད་མའོ།། །།
༄། །ལེའུ་བདུན་པ། ལས་ཚོགས་བསྟན་པའི་ལེའུ།
ལེའུ་བདུན་པ་འདིས་ནི་རྟག་པ་དང་པོར་གཞི་དང་རང་བཞིན་དང་། འབྲས་བུའི་རྒྱུད་གསུམ་སྟོན་པའི་གླེགས་བམ་ཇི་ལྟར་བྲི་བ་མ་ཚང་བ་ཁ་སྐོང་བ་དང་། ལེའུ་བདུན་པ་ལས་ཚོགས་ཀྱི་ཡོ་བྱད་སྟན་(བསྟན་)པ་ལ་ཆོ་ག་ཇི་ལྟར་བྱ་བ་མ་ཚང་བ་ཁ་སྐོང་བའོ། །དེ་ལ་གླེགས་བམ་བྲི་བའི་སྣག་ཚ་ནི་སྦྲང་ཆེན་སྣག་ཚ་སྟེ། ཏིལ་ཆེན་གྱི་མར་མེའི་དུ་བ་ཐོད་པ་ལ་ཆགས་སུ་བཅུག་སྟེ། དེ་དང་རྒྱ་སྐགས་ཀྱི་(སྐག་གི་)ཁུ་བ་དང་། ཨ་རུ་ར་སྤངས་པའི་ཁུ་བ་རྣམས་ལྕགས་སྐོང་དུ་སྙེལ་ལ་འཕྱོས་པ་དང་། ཁ་དོག་ནག་པོ་འཚེར་བག་ཙམ་ལེགས་པ་ཅིག་(ཞིག་)འབྱུང་ངོ་། །རིང་ཐུང་གི་ཚད་ནི་སོར་བཅུ་གཉིས་པ་ཞེང་དུ་སོར་བཞི་པ། ཧེ་བཛྲའི་དབང་དང་དམ་ཚིག་དང་སྡོམ་པར་ལྡན་པས་བྲིའོ། །གླེགས་བམ་དང་ནི་ཞེས་པ་ལ་སོགས་པས་གདམ་ངག་སྟན་(བསྟན་)ཏོ། །བྷ་གར་ཞེས་པ་ལ་སོགས་པ་ཚོགས་ཀྱི་དཀྱིལ་འཁོར་གྱི་ཆོ་ག་གསུངས་ཏེ་དེ་ཡང་གང་དུ་ལ་སོགས་པས་དགོས་པ་བསྟན། དུར་ཁྲོད་ལ་སོགས་པས་གནས་བསྟན། དེ་ལ་སོགས་པས་གདན་བསྟན་ཏོ། །གནས་དེ་རྣམས་སུ་ཚོགས་ཀྱི་ཡོ་བྱད་ཅི་
1-1-187a
འབྱོར་པ་བཤམས་ལ། དཔའ་བོ་དང་རྣལ་འབྱོར་མ་རྣམས་དུས་ཁྱད་པར་ཅན་ལ་འདུས་ཏེ། རྡོ་གཞོང་དུ་ཁྲུས་བྱས་ལ་རིམ་པ་བཞིན་དུ་སྒོ་དབྱེ་བར་གསོལ་བ་གདབ་ནས། ནང་དུ་འོང་སྟེ་རྡོ་རྗེ་སློབ་དཔོན་ལ་མཎྜལ་དང་ཕྱག་སྔོན་དུ་འགྲོ་བས། རོའི་གཟུགས་སུ་ལ་སོགས་པའི་གདན་ལ་གོ་རིམས་བཞིན་དུ་འདུག་པར་བྱའོ། །དེ་ནས་ཀྱེའི་རྡོ་རྗེའི་ཏིང་ངེ་འཛིན་ལ་སྐུལ་བས། དབུས་སུ་ལ་སོགས་པས་སྔོན་(མངོན་)པར་རྟོགས་པ་སྒོམ་པར་བྱའོ། །དེ་ནས་གནས་གསུམ་བྱིན་གྱིས་རླབས་ལ། ཉེར་སྤྱོད་ཀྱིས་མཆོད་ནས་ཚོགས་ཀྱི་ཡོ་བྱད་རྣམས་བྱིན་གྱིས་རླབས་ལ་ཕུད་དང་ཤིན་ཏུ་ཕུད་ཀྱི་ལྷག་མ་གཏོར་མ་གཏང་ལ། སྐྱེས་པའི་ཐོད་པ་ལ་སོགས་པས་ཐབས་ཤེས་རབ་ཀྱི་རྫས་དྲུག་པ་དང་། ལྕགས་ཀྱུ་ལས་ཀྱི་རྡོ་རྗེ་མ་འམ་སྦྱིན་བདག་གི་རིམ་པ་བཞིན་དུ་བྲིམ་མོ། །དེ་ནས་སྡེར་ཅིག་(ཞིག་)ཏུ་བཟའ་བ་ནི་དམ་ཚིག་ལ་སོགས་པས་སྟན་(བསྟན་)ཏོ། །མ་མོ་མཆོད་པ་ཞེས་པ་ནས་ཕྱག་རྒྱ་མཆོད་པ་དང་། ཕྱི་རོལ་གྱི་བཞི་མདོར་ལྷག་མའི་གཏོར་མས་དུད་པའི་སོལ་བ་ལ་སོགས་པ་མཆོད་པའོ། །དེ་ནས་ཤིན་ཏུ་ལྷག་མའི་གཏོར་མ་གཏང་ལ་ནང་དུ་འོངས་ནས་རྡོ་རྗེའི་གླུ་གར་ལ་སོགས་པ་དང་། ཞི་བའི་སྦྱིན་བསྲེག་བྱས་ཏེ་བཟོད་པར་གསོལ་ནས་སླར་སྟོང་པར་བཏང་(གཏང་)བར་བྱའོ། །ཞིབ་དུ་(ཏུ་)ནི་ཡི་གེ་དང་ལག་ལེན་གྱིས་ཤེས་སོ། །ལེའུ་བདུན་པའི་བཀའ་ཡང་དག་པའི་ཚད་མའོ།། །།
༄། །ལེའུ་བརྒྱད་པ། ཕྱག་རྒྱའི་མཚན་ཉིད་བསྟན་པའི་ལེའུ།
ལེའུ་བརྒྱད་པ་འདིས་ནི་རྟག་པ་དང་པོའི་ལེའུ་ལྔ་པ་དང་། བརྒྱད་པ་དང་། བཅུ་གཉིས་པར་ཕྱག་རྒྱ་མ་ལ་རྟེན་(བརྟེན་)པའི་དབང་དང་། རྫོགས་རིམས་བཤད་ཀྱང་དེའི་མཚན་ཉིད་མ་ཚང་བ་ཁ་སྐོང་བ་དང་། གསུམ་པ་དང་། ལྔ་པ་དང་། བརྒྱད་པར་སྐྱེད་(བསྐྱེད་)རྫོགས་བསྒོམ་པར་བཤད་པ་ལ། ཐུན་འཚམས་(མཚམས་)སུ་སྨོན་ལམ་གདབ་པ་མ་
1-1-187b
ཚང་བ་ཁ་སྐོང་བ་དང་། ཡང་དཔལ་ཀྱེའི་རྡོ་རྗེས་མི་མ་ཡིན་འདུལ་བ་དེ་ཇི་ལྟར་འདུལ་བ། མ་ཚང་བ་ཁ་སྐོང་བའོ་དེ་ལ་དེ་ནས་ལ་སོགས་པས་རིག་མའི་མཚན་ཉིད་སྟེན་(བསྟེན་)པ་སྟེ་དེ་ཡང་དབྱིབས་དང་། ཁ་དོག་དང་དྲི་དང་། སྤྱོད་ལམ་དང་། རི་མོ་དང་། བྷ་གའི་དབྱིབས་བརྟག་པ་སྟེ་མཚན་ཉིད་དེ་རྣམས་ཚང་བ་ནི་པདྨ་ཅན་ཞེས་བྱ་སྟེ། རྫས་རང་བཞིན་གྱི་མཐུ་དང་ལྡན་པའོ། །སྨོན་ལམ་འདི་ནི་སྐྱེད་(བསྐྱེད་)རྫོགས་ཀྱི་དགེ་སྦྱོར་ཀྱི་རྗེས་ལ་བརྗོད་པ་སྟེ་རྒྱུད་ནས་སངས་རྒྱས་པར་གསུངས་པ་ཡིན་ནོ། །དེ་ལ་སྐྱེད་(བསྐྱེད་)རིམས་ཀྱི་སྨོན་ལམ་ལ་རིགས་སུ་སྐྱེ་དང་ནི་ཀྱེའི་རྡོ་རྗེ་ལ་སྤྱོད་པའི་རིགས་སོ། །དམ་ཚིག་དང་ལྡན་པ་ནི་བཟའ་བ་དང་བསྲུང་བའི་དམ་ཚིག་གོ། །སྙོ་(སྙ་)མེད་ནི་འཇིག་རྟེན་གྱི་ཆོས་འདོད་པའི་ཕྱིར་ཐེ་ཚོམ་མི་བྱེད་པའོ། །ཀྱེའི་རྡོ་རྗེ་སྟོན་པ་ནི་སྐལ་བ་དང་ལྡན་པའོ། །བླ་མ་ལ་གུས་པ་ནི་གསུམ་ལྡན་ལ་སོགས་པས་ལུས་ངག་ཡིད་གསུམ་གྱིས་སོ། །སྙིང་རྗེར་ལྡན་ནི་སྙིང་རྗེ་གསུམ་དང་མི་འབྲལ་བའོ། །དེ་ལྟར་སྐྱེ་ཞིང་ཏེ་ཚེ་ཕྱི་མ་ལ་དང་། སྐྱེ་བར་འགྱུར་བ་སྟེ། ཡང་ཕྱི་ལ་སོགས་པ་ལ་ཡང་དེ་བཞིན་དུ་ཤོག་ཅིག་པའོ། །ད་ནི་རྫོགས་པའི་རིམ་པའི་སྨོན་ལམ་ལ། ལག་ན་འབྲེལ་པའོ། །རྡོ་རྗེ་ནི་ཐབས་སོ། །དྲིལ་བུ་ནི་ཤེས་རབ་བོ། །འཁྲོལ་བ་ནི་སྐྱེ་བའི་ཐབས་ལ་གསོལ་བའོ། །ཟབ་མོའི་ཆོས་ནི་ལྷན་ཅིག་སྐྱེས་པའི་ཡེ་ཤེས་མི་ཕྱེད་པའོ། །གློག་པ་ནི་རྒྱུད་ལ་སྐྱེད་པའོ། །བཙུན་མོ་ནི་རྩ་སྦུབས་སྟོང་པ་ཉིད་དོ། །ཁུ་བ་ནི་དེའི་ནང་གི་ཀུན་རྫོབ་ཀུན་དྷ་ལྟ་བུའོ། །དེ་ལ་རྟེན་(བརྟེན་)པ་ནི་དོན་དམ་བྱང་ཆུབ་སེམས་རྒྱུད་ལ་སྐྱེ་བ་ནི་མཉམ་བཟའ་ཅན་ཞེས་བྱའོ། །ལྷག་མ་ནི་གོང་བཞིན་ནོ། །དེ་ནས་ལ་སོགས་པས་ཐེག་པ་ཐུན་མོང་གི་བསླབ་བྱ་སྟན་(བསྟན་)ཏོ། །ཐེག་པ་ཐམས་ཅད་ནི་འདིའི་ལམ་སྟེགས་ཡིན་པས་ན། མཐར་ཤྲི་ཧེ་བཛྲ་ལ་མ་
1-1-188a
རྟེན་(བརྟེན་)ན་ཕྱག་རྒྱ་ཆེན་པོའི་དངོས་གྲུབ་མི་འགྲུབ་ཞེས་(ཅེས་)པའི་དོན་ནོ། །ཐུན་མོང་གི་གདམས་པས་བློའི་འཁྲིད་ལུགས་ནི་བླ་མའི་ཞལ་ལས་ཤེས་པར་བྱའོ། །ལེའུ་བརྒྱད་པའི་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་དགུ་པ། ཏིང་ངེ་འཛིན་དང་རྣམ་དག་བསྟན་པའི་ལེའུ།
ལེའུ་དགུ་པ་འདིས་ནི་རྟག་(བརྟག་)པ་དང་པོའི་ལེའུ་གཉིས་པར་མཁའ་སྤྱོད་མས་བསང་བའི་ལས་བཤད་པ་ལ། དེའི་ཏིང་ངེ་འཛིན་མ་ཚང་བ་ཁ་སྐོང་བ་དང་། ལེའུ་དགུ་པར་ཧེ་རུ་ཀའི་རྣམ་དག་མ་ཚང་བ་ཁ་སྐོང་བ་དང་། ལེའུ་གཉིས་པར་སྔགས་བསྟན་ཀྱང་། དེ་དག་པའི་ཕྱིར་བཏུའ་བ་མ་ཚང་བ་ཁ་སྐོང་བའོ། །དེ་ལ་དང་པོར་ཁ་སྦྱར་དབྱེ་བའི་ཆོ་ག་ནི་རང་བཞིན་དང་། བསྲུང་བ་དང་། བྱིན་གྱིས་བརླབས་པའི་ཁ་སྦྱར་དབྱེ་བ་སྟེ། དེས་དོན་འགྲུབ་པར་འགྱུར་བའོ། །དེའི་ཡུལ་ནི་སྟན་(བསྟན་)པ་ལ་གནོད་པ་ལ་སོགས་པའོ། །དེ་ལ་སྙེན་(བསྙེན་)སྒྲུབ་སྔོན་དུ་སོང་བས། ཧེ་རུ་ཀ་སྙམ་ལ་སོགས་པས། ཆོ་གའི་རིམ་པ་བརྒྱད་ཀྱིས་ཧེ་རུ་ཀ་བཞི་གང་ཡིན་པར་སྒོམས་ལ། ཇི་ལྟར་ལ་སོགས་དང་། སྒྲུབ་(བསྒྲུབ་)བྱ་ཞེས་པ་ལ་སོགས་པས་མན་ངག་ཇི་ལྟར་ཏིང་ངེ་འཛིན་བསྒོམས་ཏེ། རྡོ་རྗེའི་དཀྱིལ་འཁོར་དུ་དོར་བར་བྱའོ། །རྒྱུད་འདི་ཞེས་བྱ་བ་ལ་སོགས་པས་བསམ་གཏན་གྱི་ཆེ་བ་བསྟན་ཏོ། །རྟོག་མེད་ཅེས་པ་ལས་ཧེ་རུ་ཀའི་རྣམ་པར་དག་པ་བསྟན་ཏེ། དཔེར་ན་རིན་པོ་ཆེ་ཁ་ཅིག་ལ་བུ་ག་མ་ལེགས་ན་འོད་དེས་མཛེས་པ་བཞིན་དུ་འདོད་པའི་ཡོན་ཏན་ལྔ་ལ་རྟེན་(བརྟེན་)མ་ལེགས་ན་འཆིང་བའི་རྒྱུ་ལ། རྟེན་ལེགས་ན་གྲོལ་བའི་རྒྱུར་འགྱུར་བའོ། །འོ་ན་ཇི་ལྟར་རྟེན་(བརྟེན་)ཞེ་ན་བདེ་སྟོང་གཉིས་སུ་མེད་པར་རྟེན་(བརྟེན་)པར་བྱའོ། །བདག་མེད་མ་ལ་སོགས་པས་སྔགས་བཏུའ་བ་བསྟན་ཏེ། །སྐུ་གསུང་ཐུགས་བྱིན་གྱིས་རླབ་(བརླབས་)པའི་སྔགས་འདིས་ནི་བཟའ་བཏུང་བྱིན་གྱིས་རློབ་(རློབས་)པར་བྱའོ། །ལེའུ་དགུ་པའི་
1-1-188b
བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་བཅུ་པ། མཁའ་འགྲོ་མ་བདུན་གྱི་ལས་ཚོགས་སྒྲུབ་ཚུལ།
ལེའུ་བཅུ་པ་འདིས་ནི་བརྟག་པ་དང་པོའི་ལེའུ་གཉིས་པར་གསུངས་པའི་མཁའ་འགྲོ་མ་བདུན་གྱིས་ལས་བདུན་བསྒྲུབ་པའི་ཚེ། ཕྲེང་བ་ཇི་ལྟ་བུ་བཟུང་བ་དང་། ཁ་ཟས་ཇི་ལྟ་བུ་བཟའ་བ་འམ་མ་ཚང་བ་ཁ་སྐོང་བའོ། །དེ་ནས་ལ་སོགས་པས་འཚམས་(མཚམས་)སྦྱར། ཤེལ་ལ་སོགས་པས་ལས་ཚོགས་ཀྱི་ཕྲེང་བ་སྟན(བསྟན)། འོ་མ་བཏུང་བ་ལ་སོགས་པས་ཁ་ཟས་བདུད་རྩི་ལྔ་བཟའ་བ་བསྟན་ཏོ། །མངོན་སྤྱོད་ནི་དབང་དགུག །ཞི་རྒྱས་མ་ཡིན་པ་རྣམས་སོ། །ཡང་ན་ཤ་ལྔ་བཟའ་བ་སྟེ་ཅི་རིགས་པར་སྦྱར་རོ། །ལེའུ་བཅུ་པའི་བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་བཅུ་གཅིག་པ། ཕྱག་རྒྱའི་རིགས་བརྟག་ཚུལ།
ལེའུ་བཅུ་ཅིག་(གཅིག་)པ་འདིས་ནི་རྟག་པ་དང་པོའི་ལེའུ་ལྔ་པ་ནས་རིགས་ལྔའི་ཕྱག་རྒྱ་མ་ལྔ་ཞེས་འབྱུང་བ་ལ། རིགས་ཇི་ལྟར་བརྟག་པ་མ་ཚང་བ་ཁ་སྐོང་བ་དང་། ཡང་ལེའུ་ལྔ་པ་དང་བརྒྱད་པར་ཕྱག་རྒྱ་མ་ལྔ་སྟེན་(བསྟེན་)པའི་མན་ངག་རྣམས་བསྟན་ཡང་། བྱེད་པ་དང་བཅིང་བའི་སྦྱོར་བ་མ་ཚང་བ་ཁ་སྐོང་བའོ། །དེ་ལ་ཀྱེའི་རྡོ་རྗེ་ལ་སོགས་པ་ནི་འཚམས་(མཚམས་)སྦྱར་བའོ། །བུད་མེད་ལ་སོགས་པས་རི་མོ་ལ་རྟག(རྟོག) །རྣལ་འབྱོར་ལ་སོགས་པས་ཁ་དོག་ལ་རྟག(རྟོག) །སྐྱེ་བོ་ལ་སོགས་པས་བསྡམས་པ་སྟེ། རྒྱུའི་རྒྱུད་རྟེན་གྱི་གང་ཟག་ཐམས་ཅད་རིགས་ལྔར་བསྟན། བྷ་ག་ལ་སོགས་པས་ཀ་ར་ནའི་སྦྱོར་བས་ཉོན་ཅིག་པར་སྐུལ་བའོ། །ཚལ་ལ་སོགས་པས་རྟེན་(བརྟེན་)པའི་གནས་བསྟན། དེ་ལ་བརྟག་པ་དང་དགུག་པ་ནས་བཟུང་སྟེ། ཡབ་ཡུམ་གཉིས་ཀ་ལྷའི་སྐུར་སྐྱེད་པ་དང་། མཁའ་གསང་བྱིན་གྱིས་རླབས་(བརླབས་)ནས་ཐ་མལ་པའི་ཉོན་མོངས་པ་སྤངས་ཏེ། འོ་དང་འཁྱུད་པ་ལ་སོགས་པ་རྗེས་སུ་ཆགས་པ་བྱའོ། །བྷ་གར་རེག་པ་ནི་ལག་པ་འམ་ཁ་ཡིས་སོ། །མཚན་མ་ནི་བྷ་ག་རླན་དང་བཅས་པའོ། །
1-1-189a
བྷོ་ལ་ལྡན་པ་ནི་ཁུ་བ་དང་བཅས་པའི་རྡོ་རྗེ་ལག་པས་གསོར་ནས་གཞུག་པའོ། །ཁྱོགས་ནི་གྲོང་ཁྱེར་བ་འབྱི་བའོ། །སླར་ནི་བྷ་གའི་གཡས་ནས་རྐང་པ་ཅིག་(གཅིག་)ཕྲག་གིས་སླང་བའོ། །ཤིན་ཏུ་སྐལ་བ་ནི་ཤིན་ཏུ་ཡང་ཡངས་ན་རྐང་པ་གཉིས་ཕྲག་པ་ལ་བསྐལ་བའོ། །ཡང་ཡང་ནི་ཡང་ནས་ཡང་སྐྱོད་པ་སྟེ་བཟུང་ལྡོག་ལ་མཁས་པའི་ཕྱིར་རོ། །སྟེང་ནི་ཤེས་རབ་ཁ་གྱེན་ལ་ལྟའོ། །འོག་གི་ཐབས་འོག་ཏུ་ལྟ་བའོ། །དངོས་གྲུབ་ལ་སོགས་པས་འབྲས་བུ་སྟན་(བསྟན་)ནོ། །ག་བུར་ལ་སོགས་པས་ལུས་ཟུངས་རྒྱས་པར་བྱ་བའི་མན་ངག་གོ། །ལྷན་ཅིག་སྐྱེས་པའི་སྦྱོར་བའི་ལེའུའི་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་བཅུ་གཉིས་པ། དབང་བཞིའི་རྗེས་གནང་།
ལེའུ་བཅུ་གཉིས་པ་འདིས་ནི་རྟག་(བརྟག་)པ་དང་པོའི་ལེའུ་བཞི་པར། དབང་བཞིའི་རྗེས་སུ་སྣང་བ་མ་ཚང་བ་ཁ་སྐོང་བ་དང་། ལེའུ་གསུམ་པར་སྐྱེད་(བསྐྱེད་)རིམས་ཀྱི་དུས་དང་། ལྔ་པ་དང་བརྒྱད་པར་ཕྱག་རྒྱ་མ་རྟེན་(བརྟེན་)པའི་དུས་སུ་རྡོ་རྗེ་དང་པདྨ་བྱིན་གྱིས་བརླབ་(བརླབས་)པའི་སྔགས་མ་ཚང་བ་ཁ་སྐོང་བའོ། །དེ་ནས་ཞེས་པ་ལ་སོགས་པས་འཚམས་(མཚམས་)སྦྱར། རྡོ་རྗེ་ལ་སོགས་པས་རྡོ་རྗེ་སློབ་དཔོན་གྱི་(གྱིས་)དབང་གི་རྗེས་སུ་གནང་བ་སྟན་(བསྟན་)ཏོ། །ཇི་ལྟར་ལ་སོགས་པས་གསང་བའི་དབང་རྫས་བྱིན་པའོ། །ལྷ་མོ་ལ་སོགས་པས་གསུམ་པའི་དབང་རྫས་ཤེས་རབ་མ་སྦྱིན་པ་སྟན་(བསྟན་)པའོ། །དེར་གོ་ཕྱེ་ནས་བཞི་པ་རང་གི་སྟན་(གཏན་)ལ་དབབ་པ་ནི་ཡེ་ཤེས་ལ་སོགས་པའོ། །པདྨ་ལ་སོགས་པས་མཁའ་བྱིན་གྱིས་རླབ་(བརླབས་)པ་སྟེ་ཡབ་ཀྱིས་རྗོད་ཅིང་སྐུལ་བའོ། །ལྷ་བཛྲ་ལ་སོགས་པས་གསང་གནས་བྱིན་གྱིས་རླབ་(བརླབས་)པ་སྟེ། ཡུམ་གྱིས་བརྗོད་པའོ། །སྤྱི་བོ་ལ་སོགས་པས་རྡོ་རྗེ་པདྨ་བྱིན་གྱིས་བརླབ་པ་དང་། སྐུ་གསུང་ཐུགས་བྱིན་གྱིས་བརླབ་(བརླབས་)པ་སྟེ་དོན་གཉིས་
1-1-189b
སུ་འགྱུར་རོ། །དེ་ལྟར་ན་མ་ཚང་བ་ཁ་སྐོང་བ་དང་། དངོས་གྲུབ་སྟན་(གཏན་)ལ་དབབ་པ་དང་། ངེས་པ་སྟེར་བ་དང་། ཐེ་ཚོམ་སེལ་བ་སྟེ་བཞིར་བསྡུས་ནས་རྟག་(བརྟག་)པ་དང་པོར་གདབ་བོ། །དེ་ཡང་ལེའུ་དང་པོར་མདོར་སྟན་(བསྟན་)ནས། གཉིས་པ་མན་ཆད་ཀྱིས་རྒྱས་པར་བཤད་པས་རྡོ་རྗེ་རིགས་ཀྱི་ལེའུར་གདབ་བོ། །དེ་ལ་གཞི་དང་རང་བཞིན་དང་། འབྲས་བུའི་རྒྱུད་ལས་ཕྱེ་བའི་བསྡུས་དོན་སུམ་བཅུ་(ཅུ་)རྩ་ལྔ་ཁོ་ནར་སྡུའོ(བསྡུའོ)། །སྒྱུ་མའི་རྟག་(བརྟག་)པ་ཞེས་བྱ་བའི་རྟག་(བརྟག་)པ་གཉིས་པའི་དོན་ནོ། །རྡོ་རྗེ་གར་གྱི་རྟག་(བརྟག་)པ་ལ་སོགས་པ་ལྷག་མ་རྣམས་ནི་བདག་ཅག་ལ་སྐལ་བ་མེད་པའི་ཕྱིར། མཁའ་འགྲོ་མ་རྣམས་ཀྱིས་མ་སྣང་སྟེ། ཁོང་ཉིད་ཀྱི་ཕྱག་ན་བཞུགས་སོ། །དེ་ཡོད་པར་ནི་གུར་གྱི་ལེའུ་བཞི་པས་ཤེས་སོ།། །།སྙིང་པོ་ཀྱེའི་རྡོ་རྗེ་ལ། འགྲེལ་དང་བཤད་ལུགས་དཔག་མེད་ཀྱང་། །མཁའ་འགྲོ་མ་རྣམས་དགོངས་པ་གསལ། །འདི་ལས་གཞན་པའི་དོན་མེད་དོ། །བླ་མའི་བཀའ་ལྟར་བཤད་པ་ཡིས། །རྒྱུད་བཞིན་ཚད་མར་གྱུར་པ་ཡིན། །དེ་ལས་སྒྲིམས་(བསྒྲིམས་)ཏེ་བཙལ་བར་བྱ། །གཞན་དུ་མཁའ་འགྲོ་མ་ཡིས་སྤོང་། །རང་གི་བུ་དང་སློབ་མའི་ཕྱིར། །སློབ་དཔོན་ཆོས་ཀྱི་རྡོ་རྗེས་བསྡུས། །ཟབ་མོ་མངོན་གྱུར་བཟོད་པར་མཛོད། །དགེ་བ་སེམས་ཅན་དོན་དུ་བསྔོ། །རྟག་པ་དང་པོའི་ལེའུ་དྲུག་པ་ནས་བརྩམས་ཏེ། བླ་མའི་ཡི་གེ་དུམ་བུ་རྣམས། །ཅུང་ཟད་རྒྱས་པར་ཕྱེ་ནས་བརྩམས་པའི་བཀའ་ཡང་དག་པའི་ཚད་མ་ཞེས་བྱའོ། །ཞི་དང་རྒྱས་དང་དབང་དང་དགུག །གསད་དང་བསྐྲད་དང་དགྲ་སྡེ་འཇོམས། །མངོན་སྤྱོད་ཀྱི་ནི་ལས་བརྒྱད་དོ། །ཨཥྚའི་བསྲུང་འཁོར། །བླ་མ་དམ་པ་རྣམས་ལ་ཕྱག་འཚལ་ལོ། །ཨཥྚའི་སྲུང་འཁོར་བྱེད་ན་གྲོ་ག་འམ་རས་སམ་ཤིང་ཤུན་ལས་འཁོར་ལོ་ལྟེ་བ་ཟླུམ་པོ་མུ་ཁྱུད་དང་བཅས་པ། དེའི་དབུས་
1-1-190a
སུ་པདྨ་འདབ་མ་བརྒྱད། དེའི་ཕྱི་རོལ་དུ་མུ་ཁྱུད་གསུམ་པ་བྲིས་ལ་དབུས་སུ་ཨ་དང་ཧཱུྃ་ལ་སྙིང་པོས་མགོ་ཕྱིར་བསྟན་ལ་བསྐོར། པདྨ་ལ་ལྷ་མོ་བརྒྱད་ཀྱི་ས་བོན་རྒྱུ་ཡིག་གམ་བོད་ཡིག་གང་རུང་དབུས་སུ་བྲིས་ལ་པདྨའི་རྩེ་མོ་ངོས་སུ་མགོ་གཏད་ལ་ཟླུམ་ཁྱིལ་གྱིས་བསྐོར། དེའི་ཕྱི་རོལ་གྱི་མུ་ཁྱུད་ལ་ཨ་ཥྚ་མགོ་ཕྱིར་སྟེན་(བསྟན་)ལ་བསྐོར། དེ་རྣམས་ཐམས་ཅད་ལ་སྔགས་ཀྱི་གཤམ་དུ་ཆེ་གེ་མོ་ལ་རཀྵའི་སྤེལ་ཚིག་དང་བཅས་པ་བྲི། དེའི་རྒྱབ་ཀྱི་མུ་ཁྱུད་ལ་ཨ་ལི་དང་ཀ་ལི་གཡས་བསྐོར་གཡོན་བསྐོར་སྤེལ་ཚིག་དང་བཅས་པས་བསྐོར། དེའི་རྒྱབ་ཏུ་མུ་ཁྱུད་ལ་རྡོ་རྗེའི་ར་བ་བྱ། དེའི་རྒྱབ་ཏུ་མེ་རི་བྱས་ལ་དྲི་བཟང་པོའི་ཆུས་ཡི་གེ་རྣམས་མནན་ལ། དེ་ནས་ཨ་དང་ཧཱུྃ་ལས་ཡབ་ཡུམ་བསྐྱེད། བཛྲ་ཀ་རྟ་རི་ལས་ཀྱང་ཡབ་ཡུམ་བསྐྱེད། གྷཾ་ལ་སོགས་པ་བརྒྱད་ལས་ལྷ་མོ་བརྒྱད་བསྐྱེད། ཨཥྚ་ན་ལ་སོགས་པས་ཀྱང་ཡབ་ཡུམ་བསྐྱེད། ཨ་ལི་ལ་སོགས་པ་ལས། མཁའ་འགྲོ་མའི་ཚོགས་ཆོས་སྐྱོང་དཔག་ཏུ་མེད་པ་བསམ། དེ་ནས་རབ་གནས་བྱེད་པ་དང་འབྲེལ་ན་ལོགས་སུ་བྱ་མི་དགོས། འདི་རང་ལོགས་སུ་བྱེད་ན་ཟང་ཞོང་ལ་སོགས་པའི་སྟེང་དུ་གཞག་ལ། དེ་མཌལ་བྱས་པའི་ཁར་མ་འཇི་འམ་ཁྲིའུའི་སྟེང་དུ་བཞུགས་ལ། མཆོད་པ་ལ་སོགས་པ་བཤམས་ཏེ་རང་ཉིད་ལྷའི་མངོན་ཞེན་རྟོགས་པ་དང་ལྡན་པས་མདུན་གྱི་མཌལ་དང་འཁོར་ལོ་བཅས་སྟོང་པ་ཉིད་དུ་བསྒོམས་ལ། མངོན་རྟོགས་རྒྱས་བསྡུས་གང་རུང་གཅིག་གིས་རྟེན་གཞལ་ཡས་ཁང་རྟེན་(བརྟེན་)པ་ལྷ་དང་བཅས་པ་སྐྱེད་ལ། ཡེ་ཤེས་སེམས་དཔའ་སྤྱན་དྲངས་ལ་བསྟིམ་པའི་དུས་སུ་གཞན་གཞལ་ཡས་ཁང་དང་ཁྱད་མེད་པ་ལ། ཨ་ལིའི་མུ་ཁྱུད་དེ་དུར་ཁྲོད་ཀྱི་སར་དམིགས་ལ། དེར་ཆོས་སྐྱོང་བའི་སྲུང་མ་དཔག་ཏུ་མེད་པ་སྤྱན་དྲངས་ལ་བསྟིམ། དེ་ནས་དེ་ལ་མཆོད་
1-1-190b
པ་དང་བསྟོད་པ་ལ་སོགས་པ་ཅི་འབྱོར་བ་བྱ། ཆོས་སྐྱོང་ལ་གཏོར་མ་ཡང་བྱིན་ལ་སྔགས་དེ་རྣམས་ལ་ཇི་ལྟར་རིགས་པ་རེ་བཟླས་ཡེ་ཤེས་ཀྱི་ལྷ་ཧེ་བཛྲ་སྔགས་གསུམ་པོ་ལ་ལྷ་མོ་ལ་ཡང་བཟླས་པས་འགལ་བ་མེད་གསུང་། ལྷ་དང་བཅས་པ་འོད་དུ་ཞུ་ལ་{ཧྱ་}སྔགས་ཀྱི་ངོ་བོར་བསམས་ཏེ། རང་བཞིན་རྟེན་གཞལ་ཡས་ཁང་རྟེན་(བརྟེན་)པ་ལྷ་དང་བཅས་པ་ཡིན་ཡང་རྣམ་པ་སྔགས་དང་ཡི་གེར་གསལ་བར་བྱས་ལ་རབ་གནས་ནས་འབྱུང་བ་བཞིན་དུ་ཡི་གེ་རྣམས་ཀྱི་སྤྱན་དབྱེ་བ་ཅིག་(གཅིག་)བྱས་ཀྱང་མི་འགལ་གསུང་། དེ་ནས་ནས་ལ་ཡི་གེ་བརྒྱ་པ་དང་རྟེན་འབྲེལ་བརྒྱ་རྩ་བརྒྱད་ཙམ་རེ་བཟླས་ནས་གཏོར་བས་བརྟན་པར་བྱས་ལ། འཁོར་ལོ་དྲི་བཟང་པོ་དང་བསྡེབས་ལ་མགུལ་དུ་གདགས་སོ། །ཁ་སྦྱར་དབྱེ་བ། {ཨི་ཐི}།། །།ཁ་སྦྱར་དབྱེ་བ་བསྟན་པ་ལ་གཉིས་ཏེ། བསྙེན་པ་དང་། སྒྲུབ་པ་ལས་སྦྱོར་བསྟན་པའོ། །བསྙེན་པ་བསྟན་པ་ལ་རང་ཕྱག་བཅུ་དྲུག་པའི་ཧེ་རུ་ཀར་བསྐྱེད་ལ། སྙིང་ཀའི་ནང་པདྨ་འདབ་མ་བརྒྱད་པ་ཅིག་(ཞིག་)ཏུ་བསམ། དེའི་ལྟེ་བ་ལ་རཾ་ལས་ཉི་མ་ཅིག་(གཅིག་)བསམ། ཉི་མའི་སྟེང་དུ་ཧཱུྃ་ལ་རྡོ་རྗེ་ཧཱུྃ་གིས་མཚན་པ་ཅིག་(ཞིག་)ཏུ་བསམ། དེ་རྣམས་གྱུར་པ་ལས་ཧེ་རུ་ཀ་ཞལ་ཅིག་(གཅིག་)ཕྱག་གཉིས་པར་བསམས་ལ། པད་འདབ་ལ་ཨཱོཾ་ཨཥྚ་ན་ཡའི་ལྷ་གསལ་བར་བྱེད་པའི་སྔགས་རྣམས་དཀར་པོར་བཀོད་ལ་དངོས་སུ་རང་གིས་བཟླས། བསམ་པས་པདྨའི་དབུས་ཀྱི་ཧེ་རུ་ཀ་ཞལ་ཅིག་(གཅིག་)པ་དེས་ཟློས་པར་བསམ། བཟླས་ལུགས་ནི་སྒྲ་རིང་བ་དང་། གསལ་བར་བཟླས་པ་ཡིན། དེའི་དུས་ཀྱི་ཏིང་ངེ་འཛིན་ནི་པད་འདབ་ཀྱི་སྔགས་རྣམས་ལས་འོད་ཟེར་དཀར་པོ་སྤྲོས་ཏེ་དེ་སྣ་བུག་གཡས་པ་ནས་ཕྱིར་རླུང་དང་ལྷན་ཅིག་ཏུ་བྱུང་ནས་གང་གསང་བར་བྱ་བ་དེའི་ལུས་ལ་ཕོག་ནས། དེའི་སྡིག་སྒྲིབ་སྦྱངས་དེའི་བཅུད་བསྡུས་ནས་ཚུར་འདུས་རླུང་ནང་དུ་འཇུག་པ་དང་
1-1-191a
ལྷན་ཅིག་དུ་(ཏུ་)སྣ་བུག་གཡོན་པ་ནས་ཞུགས་ནས་བྱང་ཆུབ་སེམས་པ་ཐག་གི་ཚུལ་དུ་སྐྱ་ནར་རེ་བྱུང་ནས་ཧེ་རུ་ཀ་ཞལ་ཅིག་ཕྱག་གཉིས་པའི་ཞལ་དུ་སིབ་སིབ་སོང་བར་བསམ་མོ། །དེ་ལྟར་དུ་འབུམ་ཚོ་ཅིག་(ཞིག་)བྱ་བ་བསྙེན་པ་ཡིན་ནོ། སྒྲུབ་པ་ལས་སྦྱོར་བསྟན་པ་ལ་གཉིས་ཏེ། ལས་སྦྱོར་དངོས་བསྟན་པ་དང་། མ་གྲུབ་ན་དཔོགས་ཆོག་བསྟན་པའོ། །ལས་སྦྱོར་ལ་བསྙེན་པ་ཟིན་ནས་བླ་མ་དང་ཡིད་དམ་གྱི་ལྷ་མདུན་དུ་སྤྱན་དྲངས་ལ་བཞུགས་པར་བསམས་ཏེ། དེ་ལ་ལྷ་མོ་བརྒྱད་སྤྲོས་ལ་མཆོད་པར་བསམ། འདི་ནི་བླ་མ་དང་དཀོན་མཆོག་གསུམ་གྱི་བསྟན་པ་ལ་གནོད་པ་ཡིན་པས་ཆེ་གེ་མོ་འདི་བསྒྲལ་དུ་གསོལ་ཞེས་གསོལ་བ་བཏབ་བོ། །དེའི་རྗེས་ལ་རང་ཞལ་བརྒྱད་པར་བསམས་ལ། སྤྲུལ་པའི་འཁོར་ལོའི་དབུས་སུ་རྃ་ལས་ཉི་མ་བསམ། དེའི་དབུས་སུ་ཧཱུྃ་ལས་རྡོ་རྗེ་དེའི་ལྟེ་བ་ལ་ཧཱུྃ་གིས་མཚན་པ་ཅིག་(ཞིག་)བསམས་ལ། དེ་རྣམས་གྱུར་པ་ལས་ཕྱག་གཉིས་པའི་ཧེ་རུ་ཀར་བསམས་ལ། རྩ་འདབ་བརྒྱད་ལ་ཨོཾཱ་མ་ར་པའི་ལས་སྒྲུབ་པའི་སྔགས་ཁ་དོག་ནག་པོར་བསམས་ལ་འགོད་དོ། །དངོས་སུ་རང་གི་ལས་བསྒྲུབ་པའི་སྔགས་བཟླས། བསམ་པས་ལྟེ་བའི་དབུས་ན་ཡོད་པའི་ཧེ་རུ་ཀ་ཞལ་ཅིག་(གཅིག་)པས་བཟླས་པར་བསམ། བཟླས་པས་ལྟེ་བར་བཀོད་པའི་སྔགས་རྣམས་ལས་འོད་ཟེར་ནག་པོ་ལྟེ་ཁུང་ན་ཕར་འཕྲོས། གང་གསད་པའི་དགྲ་བོའི་ལྟེ་ཁུང་ན་ཡར་སོང་། དགྲ་བོའི་སྙིང་དང་སེམས་སུ་ཕྲལ་ནས་དེའི་ཤེས་པ་འོད་ཟེར་གྱིས་བཀུག་ནས་སྒྲུབ་པ་པོའི་ལྟེ་ཁུང་ན་ཚུར་ཞུགས་ནས། ལྟེ་བའི་ཧེ་རུ་ཀ་ཞལ་ཅིག་(གཅིག་)པའི་ཐུགས་ཀར་ཐིམ་པར་བསམ་མོ། །དེ་བཞིན་དུ་ཁྲི་ཕྲག་ཅིག་(གཅིག་)བྱས་པས་འཆི་བར་འགྱུར་རོ། །དེས་ཤི་བར་མ་གྱུར་ན་མ་གྲུབ་པའི་དཔོགས་ཆོག་བསྟན་པ་ལ། གྲོ་ག་ལ་བསྒྲུབ་བྱའི་གཟུགས་
1-1-191b
བྲི། དཔྲལ་བར་མིང་། ལྟེ་བར་རུས་བྲིས་ལ། དགྲ་བོའི་ཤེས་པ་བསམ་པས་བཀུག་ལ་བསྟིམས་ཏེ། བག་ཟན་ལ་དགྲའི་གཟུགས་བྱས་ལ་དེའི་ཁོང་པར་བྲིས་པའི་ལིང་ག་བཅུག་ལ་དེའི་ཁ་ནས་ཁྲག་སྐྱུགས་པར་བསམ། སྐྲ་གྲོལ་བ། ཁ་ཐུར་དུ་སྟན་(བསྟན་)པར་བསམ། དགྲ་བོའི་རྣམ་སྨིན་གྱིས་ལུས་པོ་དེ་ལ་བཀུག་ལ་བསྟིམས་པར་བསམ་པ་ཡིན། སྤྱི་བོའི་ཚངས་བུག་དུ་(ཏུ་)ཨོཾཱ་དགོད། མིག་གཉིས་རྣ་བ་གཉིས་སྣ་གཉིས་ལྟེ་ཁུང་དུ། ཨཥྚའི་སྔགས་ལྷ་བསྒྲུབ་པའི་སྔགས་རྣམས་རིམ་པས་བཀོད་ལ། ཤེས་པའི་སྒོ་བསྲུངས་ལ། དེའི་སྙིང་ཀར་རཾ་བསམ། དེའི་གཤང་ལམ་དུ་ཧཱུྃ་དམར་སེར་ཅིག་(ཞིག་)བསམས་ལ་དེའི་དུས་སུ་སྒྲུབ་པོས་ལས་བསྒྲུབ་པའི་སྔགས་བཟླས། བསམ་པས་རང་གི་ཐུགས་ཀ་ནས་འོད་ཟེར་སྤྲོ། །གཤང་ལམ་གྱི་ཧཱུྃ་ལ་ཕོག་པས། དེ་ལས་མེ་འབར་ནས་དམར་ནར་གྱིས་སྙིང་ཀར་སོང་། རཾ་ལས་མེ་འབར་ནས་ལུས་བསྲེགས། སེམས་སྙིང་ཀ་ནས་ཏོག་གིས་ཡར་ནས། བསྒྲུབ་བྱ་མདུན་དུ་ཡི་དམ་ལྷའི་ཆ་བྱད་དུ་བྱས་ནས་འོངས་པར་བསམས་ལ། དེ་ལ་མཆོད་པ་དང་བསྟོད་པ་དང་བདུད་རྩི་མྱང་བ་བྱས་ལ། སངས་རྒྱས་ཀྱི་ཞིང་ཁམས་སུ་གཤེགས་པར་བསམ་པའམ། ཡང་ན་བསྲེགས་པའི་ཤེས་པ་སྙིང་ཀ་ནས་ཏོག་གིས་ཡར་ནས་སངས་རྒྱས་ཀྱི་ཞིང་ཁམས་སུ་འགྲོ་བར་བསམ་པ་ཡིན་གསུང་། དེས་ཀྱང་མ་ཤི་ན་ཚེར་མ་ཅན་གྱི་ཤིང་ལ་ལིང་ག་གཟུགས་བརྙན་དུ་བཅས་པ་བསྲེགས་པས་ངེས་པར་འཆིའོ། །ཁ་སྦྱར་དབྱེ་བའི་ལས་རྫོགས་སྷོ།། །།ཨི་ཐི། རྡོ་རྗེ་འཆང་ལ་ཕྱག་འཚལ་ལོ། །ལེའུ་དགུ་པ་ནས་བསྒྲུབ་བྱའི་ལྟེ་བའི་རྩ་བ་ནས། བརྟུལ་ཞུགས་ཅན་གྱི་ལག་པས་གདོན། ཞེས་པའི་མན་ངག་ནི། རང་ཧེ་བཛྲ་གང་ཡང་རུང་བར་གནས་ལ། ཨཥྚ་ལ་འབུམ་ཕྲག་གསུམ་གྱི་བསྙེན་པ་བྱས་ནས། ལས་
1-1-192a
ལ་སྦྱོར་བའི་དུས་སུ་གནས་གསུམ་ནས་མཁའ་སྤྱོད་མ་དང་ས་སྤྱོད་མ་དང་ས་འོག་སྤྱོད་མ་གསུམ་གྱིས་དགྲ་བོའི་ལུས་ངག་ཡིད་གསུམ་གྱི་ནུས་པ་བཀུག་ནས་བདག་ལ་བཅུག་པར་བསམ་མོ། །རྡུལ་ཚོན་གྱི་དཀྱིལ་འཁོར་གཅིག་བཞེངས་པ་ལ་བདག་ཉིད་ཀྱིས་དབང་བླངས་ལ། ལས་བསྒྲུབ་ཅིག་པའི་རྗེས་གནང་བྱིན་པར་བསམ་མོ། །རྐང་རྗེས་ས་ལ་སོགས་པས་གཟུགས་ཅིག་(ཤིག་)བྱས་ལ། གྷོ་རི་ཨ་ཀར་ཤ་ཡ་ཛ་ཞེས་བརྗོད་པས་འགུགས་བྱེད་མ་དང་། ལྷ་མོ་བསྒྲུབ་བྱ་རླུང་གི་ཐོག་ཏུ་བཞག་ནས་ནམ་མཁའ་ལ་འོང་བའི་དུས་ན་གཤང་ལམ་ནས་མེ་ཁབ་ཙམ་འདྲ་བས་བཙངས་ནས་ཁྲག་སྐྱུག་པར་བསམ་མོ། །དེ་ནས་གཟུགས་ལ་བཅུག་ལ་ཟླ་བ་ཅིག་(ཞིག་)གི་བར་དུ་གཟུགས་གཏུམ་ཅིང་དྲག་པོའི་སྦྱིན་བསྲེག་ཉིན་མཚན་ལ་བྱའོ། །ཟླ་བ་གསུམ་མམ་ཅི་ནུས་སུ་བྱའོ། །དེ་ནས་གྷོ་རིས་གོང་མ་བཞིན་དུ་བགུག་ལ་རས་ཀྱིས་ལིང་ག་ལ་གཞུག་གོ། །རས་ལ་ལིང་ག་ཅིག་(ཞིག་)བྱས་ལ་ལྟེ་བ་ན་རྩ་དྲུག་བཅུ་(ཅུ་)རྩ་བཞི་ཡོད་པ་ལ་ཆེ་གེ་མོ་མ་ར་ཡ་ལ་སོགས་པ་བཀོད་ལ། བདག་ཉིད་ལྷའི་ང་རྒྱལ་དང་ལྡན་པས་བསྒྲུབ་བྱའི་རྩ་རྣམས་བཅད་པར་བསམས་ལ། དེའི་དུས་སུ་མ་ར་ཡ་ནས་བརྗོད་པས་རྩ་ཅིག་(ཞིག་)ཆད། ཀ་ར་ཡ་ཞེས་བརྗོད་པས་རྩ་ཅིག་(ཞིག་)ཆད་དེ། གཞན་རྣམས་ལའང་དེ་བཞིན་དུ་སྦྱར་རོ། །རྩ་རྣམས་ཆད་པའི་དུས་ན་མཁའ་འགྲོ་མ་བརྒྱད་དང་འབྱུང་པོ་ཉི་ཤུ་རྩ་བཞི་ལ་སོགས་པས་ཀྱང་རྩ་བཅད་པའི་ཤུལ་ན་ཚུར་ཕུངས་ཕུངས་འདུས་ནས་ཁྲག་འཐུང་བར་བསམ་མོ། །དེ་བཞིན་དུ་སྔགས་བརྗོད་ཅིང་རྩ་རེ་ཆད་པར་བསམ། དེ་ལྟར་ལན་མང་དུ་བྱས་པས་འཆི་བར་འགྱུར་ཏེ། དེ་ནས་ལིང་ག་གཞུང་བཞིན་དུ་གནན་པ་བྱའོ། །འདི་ནི་མན་ངག་ཡིད་ཆེས་པ་ཡིན་གྱིས་(གྱི་)སུ་ལའང་མ་སྦྱིན་ཅིག་
1-1-192b
རང་གི་སྲོག་དང་འགྲོགས་ལ། ལན་ཅིག་འཆི་བའི་དུས་བྱུང་ན་མེ་ལ་བསྲེགས་ཅིག(ཤིག) །མ་བསྲེགས་ན་རྒྱལ་ཁམས་ཕུང་བར་འོང་ངོ་། །གསང་ངོ་། །ཨྠི་ཀླུ་བསྡིགས་པ། །བླ་མ་དམ་པ་རྣམས་ལ་ཕྱག་འཚལ་ལོ། །འདི་ཁྱད་པར་གྱི་ཆོ་གའི་བཟླས་པའི་དུས་ཀྱི་ཏིང་ངེ་འཛིན་ནི། སྙིང་ཀར་པདྨ་དམར་པོ་འདབ་བརྒྱད་པ་ཟེའུ་འབྲུ་དང་བཅས་པ་ཅིག་(ཞིག་)བསྒོམ། དེའི་ལྟེ་བ་ལ་ནྃ་དགུས་ཀླུ་བརྒྱད་བ་རུ་ནའི་ཁ་དོག་དང་མཐུན་པར་སྒོམ། དེའི་ལྟེ་བ་ལ་གྷྃ་ཙྃ་ལ་སོགས་པ་ལྷ་མོ་སོ་སོའི་སྐུ་མདོག་དང་མཐུན་པར་སྒོམ། ལྟེ་བ་ལ་ཨ་དང་ཧཱུྃ་སྔོན་པོ་བསམ། དེ་ནས་ལྷ་དགུའི་ས་བོན་ལས་འོད་ཟེར་འཕྲོས་པས་བ་སྤུའི་བུ་ག་ནས་བྱུང་སྟེ་སྣོད་བཅུད་ཀྱི་དུག་ཐམས་ཅད་ཞི་བར་བསམ། ཚུར་འདུས་པས་ཀླུ་དགུའི་རྣམ་ཤེས་བསྡུས་ཏེ་ནྃ་དགུ་ལ་ཐིམ་པར་བསམ། དེ་ནས་ས་བོན་དགུ་ལས་འོད་འབར་བས། ཀླུའི་དུག་དང་གདུག་སེམས་ཅན་ཐམས་ཅད་བསྲེག་པར་བསམ། དེ་ནས་ཡི་གེ་བཅུ་ལས་ཡི་གེ་རེ་རེ་ཆད་ནས་འཕྲོས་པས། སྒྲ་བུང་བ་བཞིན་སྒྲོགས་པར་བསམས་ལ། དེས་སྣོད་བཅུད་ཀྱིས་བདུད་རྩིའི་རྒྱུན་དྲག་ཏུ་བབ་པས་ཞི་བར་བསམ་ཞིང་བཟླས་པ་བྱའོ། །ཡང་གོང་བཞིན་དུ་སྤྲོ་བསྡུ་དང་བཟླས་པ་ལས་སྐྱོ་ན་པདྨའི་འོག་ཏུ་སོར་བཞི་ཙམ་མ་རེག་པར་འོ་མའི་རྒྱ་མཚོ་ཅིག་(ཞིག་)བསྒོམས་(སྒོམ་)ལ། པདྨ་ཡི་གེ་དང་བཅས་པ་ཞུ་བས་འོ་མའི་རྒྱ་མཚོར་ཐིམ། དེ་ལུད་པས་སྤྱི་གཙུག་ནས་རྐང་མཐིལ་གྱི་བར་དུ་གང་བས་དུག་ཐམས་ཅད་དྲི་མའི་ཚུལ་དུ་ལུས་ཀྱི་བ་སྤུའི་བུ་ག་ནས་ཐོན་པར་བསམ་མོ། །དེ་ནས་ཏིང་ངེ་འཛིན་དེ་ལས་ལྡང་བར་བྱའོ། །དེ་ལྟར་ཡང་ཧེ་བཛྲ་ལས་ཀླུ་རྣམས་བསྡིགས་པར་བྱེད་པ་ཉིད་ཅེས་སོ། །རྫོགས་སྷོ།། །།བྱད་ཟློག་པ། བླ་མ་དམ་པ་རྣམས་ལ་ཕྱག་འཚལ་ལོ། །ཨཥྚ་ལ་བརྟེན་ཏེ་གཞན་གྱི་བྱད་བཟློག་པ་
1-1-193a
བསྟན་པ་ལ། རང་ཧེ་རུ་ཀ་ཞལ་ཅིག་(གཅིག་)ཕྱག་གཉིས་པར་མོས་པར་བསམས་ལ། བསོད་ནམས་ཀྱི་ཚོགས་བསག་པ་ནི་བདུན་རྣམ་དག་དང་། ཚད་མེད་པ་བཞི་དང་། ཤུ་ནྱ་ཏའི་སྔགས་བརྗོད་པས་ཡེ་ཤེས་ཀྱི་ཚོགས་སྟོང་པ་ཉིད་དུ་བསྒོམ་པ་བསྒྲུབ་ཐབས་བཞིན་བྱས་ལ། སྟོང་པའི་ངང་ལས་རང་ཧེ་རུ་ཀ་ཞལ་ཅིག་(གཅིག་)ཕྱག་གཉིས་བསྒོམས་པའི་ཐུགས་ཀ་ནས་ཡི་གེ་འབྲུ་ཅིག་(གཅིག་)འཕྲོས་པས་སངས་རྒྱས་མཆོད་སེམས་ཅན་གྱི་དོན་བྱས། གདུལ་བྱ་གདུག་པ་ཅན་ཐམས་ཅད་ཚར་བཅད་ནས་ཚུར་འདུས་པ་ལས། འཁོར་ལོ་རྩིབས་བཅུ་པ་ཅིག་(གཅིག་)ཏུ་གྱུར་པར་བསམ། དེ་ཡང་མཚོན་ཆའི་འཁོར་ལོ་སྔོན་པོ་རྩིབས་བརྒྱད་པ་རྩེ་མོ་རྣོ་བ་དང་བཅས་པར་བསམ། དེའི་ལྟེ་བ་ལ་ཉི་མའི་དཀྱིལ་འཁོར་ཅིག་(ཞིག་)བསམ། དེའི་དབུས་སུ་ཧཱུྃ་ལས་རྡོ་རྗེ་རྩེ་ལྔ་པ་ལ་ཁོང་སྟོང་ཅིག་(ཞིག་)བསམ། ཁོང་སྟོང་དེའི་ནང་དུ་རང་ཧེ་རུ་ཀ་ཞལ་ཅིག་ཕྱག་གཉིས་པར་བསམས་སྟེ། དེ་ནི་ལུས་སྦ་བའི་མན་ངག་གོ། །དེའི་ཐུགས་ཀར་རྡོ་རྗེ་རྩེ་ཅིག་(གཅིག་)བསམ། དེའི་ལྟེ་བར་ཧཱུྃ་ཁ་སྤྲོད་ཅིག་བསམ། དེའི་དབུས་སུ་ཡི་གེ་ཧཱུྃ་དམར་པོ་ཅིག་(ཞིག་)བསམ། དེ་ལ་བདག་རང་གི་ཤེས་པ་སྟིམས་ལ་བཞག །དེ་ནི་སེམས་སྦ་བའི་མན་ངག་གོ། །ཧཱུཾ་དེའི་མཐའ་མར་མིང་གི་ཡི་གེས་བསྐོར་བ་བསམ། དེ་ནི་མིང་སྦ་བའི་མན་ངག་གོ། །དེ་ནས་འཁོར་ལོ་རྩིབས་བཅུ་པ་ཨཥྚའི་སྔགས་ཀྱིས་འཕྲེང་བ་ཁ་དོག་དམར་པོར་བསམ་ནས་ཡོད་པར་བསམས་ནས། ཡོད་པར་བསམ། འཁོར་ལོའི་རྩིབས་ཀྱི་བར་དུ་ཁོའི་གནོད་བྱེད་ཀྱི་བགེགས་སྦོད་(སྐྲོད་)གཏོང་བྱེད་པའི་གཟའ་མི་འཁོར་དང་བཅས་པ་ཡོད་པར་བསམ་ལ། རིང་ན་དང་ཐུང་ན་ཤེས་པར་བྱ། འཁོར་ལོའི་རྩིབས་ཀྱི་ཕྱིན་པར་གསང་སྔགས་རྒྱུད་སྡེ་བཞིའི་ཁྲོ་བོའི་ར་བ་དང་། རྡོ་རྗེའི་ར་བས་བཀྭར་གྱིས་འཁོར་ནས་ཡོད་པར་བསམ། དེའི་དུས་སུ་རང་གིས་ཨཥྚའི་
1-1-193b
སྔགས་ཀྱི་ཕྲེང་བ་བཟླས་པས། སྔགས་ལས་འོད་ཟེར་དམར་པོ་བྱུང་། གནོད་བྱེད་ཀྱི་དགྲ་བགེགས་ཐམས་ཅད་ཐུལ་ཐུལ་བསྲེགས་པར་བསམ། རང་གིས་སྔགས་བཟླས་པའི་སྟོབས་ཀྱི་འཁོར་ལོ་དེ་རང་ཐག་འཁོར་བའི་ལུགས་བཞིན་དུ་དྲག་པོར་འཁོར་བས། དགྲ་བགེགས་ཀྱི་ལུས་ཀྱི་སྨད་ཐམས་ཅད་དུམ་བུར་གཅོད་པར་བསམ། རང་གི་ཐུགས་ཀ་ནས་དཔལ་མགོན་པོ་ནག་པོ་ཕྱུང་ནས་གནོད་བྱེད་དགྲ་བགེགས་ཀྱི་སྤྱི་གཙུག་གི་དཀྱིལ་དུ་གནས་ཏེ། ཕྱག་མཚན་གྱི་གྲི་གུག་གིས་ཤ་ཏིལ་ཙམ་དུ་གཏུབ་ཅིང་གསོལ་བར་བསམ། ཕྱག་གཡོན་པའི་ཐོད་པས་ཁྲག་གི་རྒྱུན་བཟེད་ཅིང་འཐུང་བར་བསམ་མོ། །མཉམ་བཞག་ལ་དེ་ལྟར་བསྒོམས་ནས་གཉིད་ལོག་པའི་དུས་སུ་འཁོར་ལོའི་ལྟེ་བའི་རྡོ་རྗེའི་ནང་དུ་རང་ཉིད་ཉལ་བར་བསམ་མོ། །ཉིན་མོ་སྤྱོད་ལམ་གྱི་དུས་སུ་འཁོར་ལོ་ཤིན་ཏུ་རྒྱ་ཆེ་བ་ཡངས་པར་བྱས་ལ། འཁོར་ལོའི་ནང་དུ་སྤྱོད་ལམ་རྣམ་གཞི་(བཞི་)བྱའོ། །བླ་མའི་ཞལ་ནས་འཁོར་ལོ་བཙན་ཐབས་ཀྱི་མན་ངག་བྱ་བ་ཡིན་ཏེ་གར་ཐོ་ཐོད་དུ་མི་བྱའོ་གསུང་ངོ་། །རྫོགས་སྷོ།། །།
1-1-186a
ནས་ལྷ་མོ་ལ་སོགས་པས་བྲི་བའི་དཀྱིལ་འཁོར་ཆེན་པོ་སྟན་(བསྟན་)ཏེ། ཆོ་ག་ནི་གཞན་དུ་སྟན་(བསྟན་)ཏོ། །དེ་ནས་རྡོ་རྗེ་སློབ་དཔོན་མཚན་ཉིད་དང་ལྡན་པས། སྙེན་པ་དང་། ས་ཆོག་དང་། སྟ་གོན་གྱི་ཆོ་ག་སྔོན་དུ་འགྲོ་བས། དཀྱིལ་འཁོར་གྱི་ཆོ་ག་ཞེས་བྱ་བ། འཕར་མ་ཅིག་(ཞིག་)ལ་སོགས་པས་ཐིག་དང་ཚོན་གྱི་ཆོ་ག་སྟན་(བསྟན་)ཏོ། །དེ་ནས་དཀྱིལ་འཁོར་སྒྲུབ་པ་དང་སློབ་དཔོན་བདག་འཇུག་བྱས་ལ་སློབ་མ་དཀྱིལ་འཁོར་དུ་བཞུགས་ཅིང་(ཤིང་)ལྷ་ངོས་སྟན་(བསྟན་)པ་དང་། དབང་སྐུར་བ་ནི་མང་དུ་ལ་སོགས་པས་བུམ་པའི་དབང་ངོ་། །བཅུ་གཉིས་ལ་སོགས་པས་གསང་བའི་དབང་ངོ་། །དེ་ནས་ཐུན་ཚོད་ལ་སོགས་པས་དཀྱིལ་འཁོར་གསུམ་དུ་སློབ་མ་བཞུག་(བཞུགས་)པའི་ཆོ་གའོ། །མཚན་མོ་ལ་སོགས་པས་ཤེས་རབ་ཡེ་ཤེས་ཀྱི་སྟན་(བསྟན་)ཏོ། །དེ་ཉིད་ལ་སོགས་པས་བཞི་པ་ཚིག་དབང་རིན་པོ་ཆེ་སྟན་(བསྟན་)ཏོ། །ལོངས་སྤྱོད་ལ་སོགས་པས་དགེ་སློང་ལ་དབང་གསུམ་པ། སྐུར་བའི་ཆོ་གའོ། །དེས་ཀྱང་གསུམ་པའི་ཡེ་ཤེས་སྐྱེ་བར་ལུང་ཉིད་ཀྱིས་གྲུབ་སྟེ་ཆོ་གའི་དུས་ན་ཉམས་སུ་མྱོང་བས་འགྲུབ་པའོ། །ཞེས་སྤྲུལ་པའི་སྐུས་དེ་སྐད་ཅེས་བཀའ་སྩལ་ཏོ། །མངོན་པར་འབྱུང་བ་ཞེས་པ་ནི་ཏིང་ངེ་འཛིན་དང་རྡུལ་ཚོན་གྱི་དཀྱིལ་འཁོར་གཞུང་དུ་སྟན་(བསྟན་)པས་དེ་སྐད་ཅེས་བྱའོ། །ཧེ་རུ་ཀ་མངོན་པར་འབྱུང་བ་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་དྲུག་པ། བྲིས་སྐུའི་ལེའུ།
ལེའུ་དྲུག་པ་འདིས་ནི་རྟག་པ་དང་པོའི་ལེའུ་གསུམ་པ་དང་། དྲུག་པ་དང་། བརྒྱད་པར་ལུས་ཀྱི་ཕྱག་རྒྱ་ལྔ་གསུངས་པ་ལ་དགོས་པ་མ་ཚང་བ་ཁ་སྐོང་བ་དང་། ལེའུ་གསུམ་པ་དང་བརྒྱད་པར་སྐྱེད་(བསྐྱེད་)རིམས་སྟན་(བསྟན་)ནས་དེ་ལ་བྲིས་སྐུ་དགོས་པས་མ་ཚང་བ་ཁ་སྐོང་བའོ། །དེ་ལ་ལྷ་མོ་ལ་སོགས་པས་མ་ཚང་བ་ཁ་སྐོང་བའོ། །དེ་ལ་ལྷ་མོ་ལ་སོགས་པས་
1-1-186b
ཁ་སྐོང་བ་འཚམས་(མཚམས་)སྦྱོར། བླ་མ་སློབ་དཔོན་ཞེས་པ་ལ་སོགས་པས། ལུས་ལ་སངས་རྒྱས་ལྔ་རྣམ་པར་དག་པའི་ཕྱག་རྒྱ་ལྔས་བཏབ་པས་དགོངས་པ་ལྔ་དྲན་པར་བྱེད་པའོ། །དེ་ནས་ལ་སོགས་པས་བྲིས་སྐུའི་ཆོ་ག་བསྟན་པ་སྟེ། རས་ཀྱི་རྒྱུ་འཁལ་བ་ནས་བཟུང་སྟེ་རི་མོ་མཁན་གྱི་བར་དུ་དབང་དང་དམ་ཚིག་དང་ལྡན་པས་ཚོགས་འཁོར་དང་བྱིན་རླབ་(རླབས་)བྱ་སྟེ། འདོད་ཆགས་དང་ཞེ་སྡང་འདྲེས་པའི་བྲིས་སྐུའོ། །བྲིས་པའི་མཚོན་སྣོད་དང་། པིར་དང་ཆ་ལུགས་དང་། དམ་ཚིག་དང་། དུས་དང་། གྲོགས་ནི་གཞུང་དུ་སྟན་(བསྟན་)པ་ལྟར་རོ། །ཚད་ནི་ནག་པོ་འམ། གདན་བཞི་ནས་བཤད་པ་ལྟར་རོ། །ལེའུ་དྲུག་པའི་བཀའ་ཡང་དག་པའི་ཚད་མའོ།། །།
༄། །ལེའུ་བདུན་པ། ལས་ཚོགས་བསྟན་པའི་ལེའུ།
ལེའུ་བདུན་པ་འདིས་ནི་རྟག་པ་དང་པོར་གཞི་དང་རང་བཞིན་དང་། འབྲས་བུའི་རྒྱུད་གསུམ་སྟོན་པའི་གླེགས་བམ་ཇི་ལྟར་བྲི་བ་མ་ཚང་བ་ཁ་སྐོང་བ་དང་། ལེའུ་བདུན་པ་ལས་ཚོགས་ཀྱི་ཡོ་བྱད་སྟན་(བསྟན་)པ་ལ་ཆོ་ག་ཇི་ལྟར་བྱ་བ་མ་ཚང་བ་ཁ་སྐོང་བའོ། །དེ་ལ་གླེགས་བམ་བྲི་བའི་སྣག་ཚ་ནི་སྦྲང་ཆེན་སྣག་ཚ་སྟེ། ཏིལ་ཆེན་གྱི་མར་མེའི་དུ་བ་ཐོད་པ་ལ་ཆགས་སུ་བཅུག་སྟེ། དེ་དང་རྒྱ་སྐགས་ཀྱི་(སྐག་གི་)ཁུ་བ་དང་། ཨ་རུ་ར་སྤངས་པའི་ཁུ་བ་རྣམས་ལྕགས་སྐོང་དུ་སྙེལ་ལ་འཕྱོས་པ་དང་། ཁ་དོག་ནག་པོ་འཚེར་བག་ཙམ་ལེགས་པ་ཅིག་(ཞིག་)འབྱུང་ངོ་། །རིང་ཐུང་གི་ཚད་ནི་སོར་བཅུ་གཉིས་པ་ཞེང་དུ་སོར་བཞི་པ། ཧེ་བཛྲའི་དབང་དང་དམ་ཚིག་དང་སྡོམ་པར་ལྡན་པས་བྲིའོ། །གླེགས་བམ་དང་ནི་ཞེས་པ་ལ་སོགས་པས་གདམ་ངག་སྟན་(བསྟན་)ཏོ། །བྷ་གར་ཞེས་པ་ལ་སོགས་པ་ཚོགས་ཀྱི་དཀྱིལ་འཁོར་གྱི་ཆོ་ག་གསུངས་ཏེ་དེ་ཡང་གང་དུ་ལ་སོགས་པས་དགོས་པ་བསྟན། དུར་ཁྲོད་ལ་སོགས་པས་གནས་བསྟན། དེ་ལ་སོགས་པས་གདན་བསྟན་ཏོ། །གནས་དེ་རྣམས་སུ་ཚོགས་ཀྱི་ཡོ་བྱད་ཅི་
1-1-187a
འབྱོར་པ་བཤམས་ལ། དཔའ་བོ་དང་རྣལ་འབྱོར་མ་རྣམས་དུས་ཁྱད་པར་ཅན་ལ་འདུས་ཏེ། རྡོ་གཞོང་དུ་ཁྲུས་བྱས་ལ་རིམ་པ་བཞིན་དུ་སྒོ་དབྱེ་བར་གསོལ་བ་གདབ་ནས། ནང་དུ་འོང་སྟེ་རྡོ་རྗེ་སློབ་དཔོན་ལ་མཎྜལ་དང་ཕྱག་སྔོན་དུ་འགྲོ་བས། རོའི་གཟུགས་སུ་ལ་སོགས་པའི་གདན་ལ་གོ་རིམས་བཞིན་དུ་འདུག་པར་བྱའོ། །དེ་ནས་ཀྱེའི་རྡོ་རྗེའི་ཏིང་ངེ་འཛིན་ལ་སྐུལ་བས། དབུས་སུ་ལ་སོགས་པས་སྔོན་(མངོན་)པར་རྟོགས་པ་སྒོམ་པར་བྱའོ། །དེ་ནས་གནས་གསུམ་བྱིན་གྱིས་རླབས་ལ། ཉེར་སྤྱོད་ཀྱིས་མཆོད་ནས་ཚོགས་ཀྱི་ཡོ་བྱད་རྣམས་བྱིན་གྱིས་རླབས་ལ་ཕུད་དང་ཤིན་ཏུ་ཕུད་ཀྱི་ལྷག་མ་གཏོར་མ་གཏང་ལ། སྐྱེས་པའི་ཐོད་པ་ལ་སོགས་པས་ཐབས་ཤེས་རབ་ཀྱི་རྫས་དྲུག་པ་དང་། ལྕགས་ཀྱུ་ལས་ཀྱི་རྡོ་རྗེ་མ་འམ་སྦྱིན་བདག་གི་རིམ་པ་བཞིན་དུ་བྲིམ་མོ། །དེ་ནས་སྡེར་ཅིག་(ཞིག་)ཏུ་བཟའ་བ་ནི་དམ་ཚིག་ལ་སོགས་པས་སྟན་(བསྟན་)ཏོ། །མ་མོ་མཆོད་པ་ཞེས་པ་ནས་ཕྱག་རྒྱ་མཆོད་པ་དང་། ཕྱི་རོལ་གྱི་བཞི་མདོར་ལྷག་མའི་གཏོར་མས་དུད་པའི་སོལ་བ་ལ་སོགས་པ་མཆོད་པའོ། །དེ་ནས་ཤིན་ཏུ་ལྷག་མའི་གཏོར་མ་གཏང་ལ་ནང་དུ་འོངས་ནས་རྡོ་རྗེའི་གླུ་གར་ལ་སོགས་པ་དང་། ཞི་བའི་སྦྱིན་བསྲེག་བྱས་ཏེ་བཟོད་པར་གསོལ་ནས་སླར་སྟོང་པར་བཏང་(གཏང་)བར་བྱའོ། །ཞིབ་དུ་(ཏུ་)ནི་ཡི་གེ་དང་ལག་ལེན་གྱིས་ཤེས་སོ། །ལེའུ་བདུན་པའི་བཀའ་ཡང་དག་པའི་ཚད་མའོ།། །།
༄། །ལེའུ་བརྒྱད་པ། ཕྱག་རྒྱའི་མཚན་ཉིད་བསྟན་པའི་ལེའུ།
ལེའུ་བརྒྱད་པ་འདིས་ནི་རྟག་པ་དང་པོའི་ལེའུ་ལྔ་པ་དང་། བརྒྱད་པ་དང་། བཅུ་གཉིས་པར་ཕྱག་རྒྱ་མ་ལ་རྟེན་(བརྟེན་)པའི་དབང་དང་། རྫོགས་རིམས་བཤད་ཀྱང་དེའི་མཚན་ཉིད་མ་ཚང་བ་ཁ་སྐོང་བ་དང་། གསུམ་པ་དང་། ལྔ་པ་དང་། བརྒྱད་པར་སྐྱེད་(བསྐྱེད་)རྫོགས་བསྒོམ་པར་བཤད་པ་ལ། ཐུན་འཚམས་(མཚམས་)སུ་སྨོན་ལམ་གདབ་པ་མ་
1-1-187b
ཚང་བ་ཁ་སྐོང་བ་དང་། ཡང་དཔལ་ཀྱེའི་རྡོ་རྗེས་མི་མ་ཡིན་འདུལ་བ་དེ་ཇི་ལྟར་འདུལ་བ། མ་ཚང་བ་ཁ་སྐོང་བའོ་དེ་ལ་དེ་ནས་ལ་སོགས་པས་རིག་མའི་མཚན་ཉིད་སྟེན་(བསྟེན་)པ་སྟེ་དེ་ཡང་དབྱིབས་དང་། ཁ་དོག་དང་དྲི་དང་། སྤྱོད་ལམ་དང་། རི་མོ་དང་། བྷ་གའི་དབྱིབས་བརྟག་པ་སྟེ་མཚན་ཉིད་དེ་རྣམས་ཚང་བ་ནི་པདྨ་ཅན་ཞེས་བྱ་སྟེ། རྫས་རང་བཞིན་གྱི་མཐུ་དང་ལྡན་པའོ། །སྨོན་ལམ་འདི་ནི་སྐྱེད་(བསྐྱེད་)རྫོགས་ཀྱི་དགེ་སྦྱོར་ཀྱི་རྗེས་ལ་བརྗོད་པ་སྟེ་རྒྱུད་ནས་སངས་རྒྱས་པར་གསུངས་པ་ཡིན་ནོ། །དེ་ལ་སྐྱེད་(བསྐྱེད་)རིམས་ཀྱི་སྨོན་ལམ་ལ་རིགས་སུ་སྐྱེ་དང་ནི་ཀྱེའི་རྡོ་རྗེ་ལ་སྤྱོད་པའི་རིགས་སོ། །དམ་ཚིག་དང་ལྡན་པ་ནི་བཟའ་བ་དང་བསྲུང་བའི་དམ་ཚིག་གོ། །སྙོ་(སྙ་)མེད་ནི་འཇིག་རྟེན་གྱི་ཆོས་འདོད་པའི་ཕྱིར་ཐེ་ཚོམ་མི་བྱེད་པའོ། །ཀྱེའི་རྡོ་རྗེ་སྟོན་པ་ནི་སྐལ་བ་དང་ལྡན་པའོ། །བླ་མ་ལ་གུས་པ་ནི་གསུམ་ལྡན་ལ་སོགས་པས་ལུས་ངག་ཡིད་གསུམ་གྱིས་སོ། །སྙིང་རྗེར་ལྡན་ནི་སྙིང་རྗེ་གསུམ་དང་མི་འབྲལ་བའོ། །དེ་ལྟར་སྐྱེ་ཞིང་ཏེ་ཚེ་ཕྱི་མ་ལ་དང་། སྐྱེ་བར་འགྱུར་བ་སྟེ། ཡང་ཕྱི་ལ་སོགས་པ་ལ་ཡང་དེ་བཞིན་དུ་ཤོག་ཅིག་པའོ། །ད་ནི་རྫོགས་པའི་རིམ་པའི་སྨོན་ལམ་ལ། ལག་ན་འབྲེལ་པའོ། །རྡོ་རྗེ་ནི་ཐབས་སོ། །དྲིལ་བུ་ནི་ཤེས་རབ་བོ། །འཁྲོལ་བ་ནི་སྐྱེ་བའི་ཐབས་ལ་གསོལ་བའོ། །ཟབ་མོའི་ཆོས་ནི་ལྷན་ཅིག་སྐྱེས་པའི་ཡེ་ཤེས་མི་ཕྱེད་པའོ། །གློག་པ་ནི་རྒྱུད་ལ་སྐྱེད་པའོ། །བཙུན་མོ་ནི་རྩ་སྦུབས་སྟོང་པ་ཉིད་དོ། །ཁུ་བ་ནི་དེའི་ནང་གི་ཀུན་རྫོབ་ཀུན་དྷ་ལྟ་བུའོ། །དེ་ལ་རྟེན་(བརྟེན་)པ་ནི་དོན་དམ་བྱང་ཆུབ་སེམས་རྒྱུད་ལ་སྐྱེ་བ་ནི་མཉམ་བཟའ་ཅན་ཞེས་བྱའོ། །ལྷག་མ་ནི་གོང་བཞིན་ནོ། །དེ་ནས་ལ་སོགས་པས་ཐེག་པ་ཐུན་མོང་གི་བསླབ་བྱ་སྟན་(བསྟན་)ཏོ། །ཐེག་པ་ཐམས་ཅད་ནི་འདིའི་ལམ་སྟེགས་ཡིན་པས་ན། མཐར་ཤྲི་ཧེ་བཛྲ་ལ་མ་
1-1-188a
རྟེན་(བརྟེན་)ན་ཕྱག་རྒྱ་ཆེན་པོའི་དངོས་གྲུབ་མི་འགྲུབ་ཞེས་(ཅེས་)པའི་དོན་ནོ། །ཐུན་མོང་གི་གདམས་པས་བློའི་འཁྲིད་ལུགས་ནི་བླ་མའི་ཞལ་ལས་ཤེས་པར་བྱའོ། །ལེའུ་བརྒྱད་པའི་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་དགུ་པ། ཏིང་ངེ་འཛིན་དང་རྣམ་དག་བསྟན་པའི་ལེའུ།
ལེའུ་དགུ་པ་འདིས་ནི་རྟག་(བརྟག་)པ་དང་པོའི་ལེའུ་གཉིས་པར་མཁའ་སྤྱོད་མས་བསང་བའི་ལས་བཤད་པ་ལ། དེའི་ཏིང་ངེ་འཛིན་མ་ཚང་བ་ཁ་སྐོང་བ་དང་། ལེའུ་དགུ་པར་ཧེ་རུ་ཀའི་རྣམ་དག་མ་ཚང་བ་ཁ་སྐོང་བ་དང་། ལེའུ་གཉིས་པར་སྔགས་བསྟན་ཀྱང་། དེ་དག་པའི་ཕྱིར་བཏུའ་བ་མ་ཚང་བ་ཁ་སྐོང་བའོ། །དེ་ལ་དང་པོར་ཁ་སྦྱར་དབྱེ་བའི་ཆོ་ག་ནི་རང་བཞིན་དང་། བསྲུང་བ་དང་། བྱིན་གྱིས་བརླབས་པའི་ཁ་སྦྱར་དབྱེ་བ་སྟེ། དེས་དོན་འགྲུབ་པར་འགྱུར་བའོ། །དེའི་ཡུལ་ནི་སྟན་(བསྟན་)པ་ལ་གནོད་པ་ལ་སོགས་པའོ། །དེ་ལ་སྙེན་(བསྙེན་)སྒྲུབ་སྔོན་དུ་སོང་བས། ཧེ་རུ་ཀ་སྙམ་ལ་སོགས་པས། ཆོ་གའི་རིམ་པ་བརྒྱད་ཀྱིས་ཧེ་རུ་ཀ་བཞི་གང་ཡིན་པར་སྒོམས་ལ། ཇི་ལྟར་ལ་སོགས་དང་། སྒྲུབ་(བསྒྲུབ་)བྱ་ཞེས་པ་ལ་སོགས་པས་མན་ངག་ཇི་ལྟར་ཏིང་ངེ་འཛིན་བསྒོམས་ཏེ། རྡོ་རྗེའི་དཀྱིལ་འཁོར་དུ་དོར་བར་བྱའོ། །རྒྱུད་འདི་ཞེས་བྱ་བ་ལ་སོགས་པས་བསམ་གཏན་གྱི་ཆེ་བ་བསྟན་ཏོ། །རྟོག་མེད་ཅེས་པ་ལས་ཧེ་རུ་ཀའི་རྣམ་པར་དག་པ་བསྟན་ཏེ། དཔེར་ན་རིན་པོ་ཆེ་ཁ་ཅིག་ལ་བུ་ག་མ་ལེགས་ན་འོད་དེས་མཛེས་པ་བཞིན་དུ་འདོད་པའི་ཡོན་ཏན་ལྔ་ལ་རྟེན་(བརྟེན་)མ་ལེགས་ན་འཆིང་བའི་རྒྱུ་ལ། རྟེན་ལེགས་ན་གྲོལ་བའི་རྒྱུར་འགྱུར་བའོ། །འོ་ན་ཇི་ལྟར་རྟེན་(བརྟེན་)ཞེ་ན་བདེ་སྟོང་གཉིས་སུ་མེད་པར་རྟེན་(བརྟེན་)པར་བྱའོ། །བདག་མེད་མ་ལ་སོགས་པས་སྔགས་བཏུའ་བ་བསྟན་ཏེ། །སྐུ་གསུང་ཐུགས་བྱིན་གྱིས་རླབ་(བརླབས་)པའི་སྔགས་འདིས་ནི་བཟའ་བཏུང་བྱིན་གྱིས་རློབ་(རློབས་)པར་བྱའོ། །ལེའུ་དགུ་པའི་
1-1-188b
བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་བཅུ་པ། མཁའ་འགྲོ་མ་བདུན་གྱི་ལས་ཚོགས་སྒྲུབ་ཚུལ།
ལེའུ་བཅུ་པ་འདིས་ནི་བརྟག་པ་དང་པོའི་ལེའུ་གཉིས་པར་གསུངས་པའི་མཁའ་འགྲོ་མ་བདུན་གྱིས་ལས་བདུན་བསྒྲུབ་པའི་ཚེ། ཕྲེང་བ་ཇི་ལྟ་བུ་བཟུང་བ་དང་། ཁ་ཟས་ཇི་ལྟ་བུ་བཟའ་བ་འམ་མ་ཚང་བ་ཁ་སྐོང་བའོ། །དེ་ནས་ལ་སོགས་པས་འཚམས་(མཚམས་)སྦྱར། ཤེལ་ལ་སོགས་པས་ལས་ཚོགས་ཀྱི་ཕྲེང་བ་སྟན(བསྟན)། འོ་མ་བཏུང་བ་ལ་སོགས་པས་ཁ་ཟས་བདུད་རྩི་ལྔ་བཟའ་བ་བསྟན་ཏོ། །མངོན་སྤྱོད་ནི་དབང་དགུག །ཞི་རྒྱས་མ་ཡིན་པ་རྣམས་སོ། །ཡང་ན་ཤ་ལྔ་བཟའ་བ་སྟེ་ཅི་རིགས་པར་སྦྱར་རོ། །ལེའུ་བཅུ་པའི་བཀའ་ཡང་དག་པའི་ཚད་མ་ཞེས་བྱའོ།། །།
༄། །ལེའུ་བཅུ་གཅིག་པ། ཕྱག་རྒྱའི་རིགས་བརྟག་ཚུལ།
ལེའུ་བཅུ་ཅིག་(གཅིག་)པ་འདིས་ནི་རྟག་པ་དང་པོའི་ལེའུ་ལྔ་པ་ནས་རིགས་ལྔའི་ཕྱག་རྒྱ་མ་ལྔ་ཞེས་འབྱུང་བ་ལ། རིགས་ཇི་ལྟར་བརྟག་པ་མ་ཚང་བ་ཁ་སྐོང་བ་དང་། ཡང་ལེའུ་ལྔ་པ་དང་བརྒྱད་པར་ཕྱག་རྒྱ་མ་ལྔ་སྟེན་(བསྟེན་)པའི་མན་ངག་རྣམས་བསྟན་ཡང་། བྱེད་པ་དང་བཅིང་བའི་སྦྱོར་བ་མ་ཚང་བ་ཁ་སྐོང་བའོ། །དེ་ལ་ཀྱེའི་རྡོ་རྗེ་ལ་སོགས་པ་ནི་འཚམས་(མཚམས་)སྦྱར་བའོ། །བུད་མེད་ལ་སོགས་པས་རི་མོ་ལ་རྟག(རྟོག) །རྣལ་འབྱོར་ལ་སོགས་པས་ཁ་དོག་ལ་རྟག(རྟོག) །སྐྱེ་བོ་ལ་སོགས་པས་བསྡམས་པ་སྟེ། རྒྱུའི་རྒྱུད་རྟེན་གྱི་གང་ཟག་ཐམས་ཅད་རིགས་ལྔར་བསྟན། བྷ་ག་ལ་སོགས་པས་ཀ་ར་ནའི་སྦྱོར་བས་ཉོན་ཅིག་པར་སྐུལ་བའོ། །ཚལ་ལ་སོགས་པས་རྟེན་(བརྟེན་)པའི་གནས་བསྟན། དེ་ལ་བརྟག་པ་དང་དགུག་པ་ནས་བཟུང་སྟེ། ཡབ་ཡུམ་གཉིས་ཀ་ལྷའི་སྐུར་སྐྱེད་པ་དང་། མཁའ་གསང་བྱིན་གྱིས་རླབས་(བརླབས་)ནས་ཐ་མལ་པའི་ཉོན་མོངས་པ་སྤངས་ཏེ། འོ་དང་འཁྱུད་པ་ལ་སོགས་པ་རྗེས་སུ་ཆགས་པ་བྱའོ། །བྷ་གར་རེག་པ་ནི་ལག་པ་འམ་ཁ་ཡིས་སོ། །མཚན་མ་ནི་བྷ་ག་རླན་དང་བཅས་པའོ། །
1-1-189a
བྷོ་ལ་ལྡན་པ་ནི་ཁུ་བ་དང་བཅས་པའི་རྡོ་རྗེ་ལག་པས་གསོར་ནས་གཞུག་པའོ། །ཁྱོགས་ནི་གྲོང་ཁྱེར་བ་འབྱི་བའོ། །སླར་ནི་བྷ་གའི་གཡས་ནས་རྐང་པ་ཅིག་(གཅིག་)ཕྲག་གིས་སླང་བའོ། །ཤིན་ཏུ་སྐལ་བ་ནི་ཤིན་ཏུ་ཡང་ཡངས་ན་རྐང་པ་གཉིས་ཕྲག་པ་ལ་བསྐལ་བའོ། །ཡང་ཡང་ནི་ཡང་ནས་ཡང་སྐྱོད་པ་སྟེ་བཟུང་ལྡོག་ལ་མཁས་པའི་ཕྱིར་རོ། །སྟེང་ནི་ཤེས་རབ་ཁ་གྱེན་ལ་ལྟའོ། །འོག་གི་ཐབས་འོག་ཏུ་ལྟ་བའོ། །དངོས་གྲུབ་ལ་སོགས་པས་འབྲས་བུ་སྟན་(བསྟན་)ནོ། །ག་བུར་ལ་སོགས་པས་ལུས་ཟུངས་རྒྱས་པར་བྱ་བའི་མན་ངག་གོ། །ལྷན་ཅིག་སྐྱེས་པའི་སྦྱོར་བའི་ལེའུའི་བཀའ་ཡང་དག་པའི་ཚད་མས་བཤད་པའོ།། །།
༄། །ལེའུ་བཅུ་གཉིས་པ། དབང་བཞིའི་རྗེས་གནང་།
ལེའུ་བཅུ་གཉིས་པ་འདིས་ནི་རྟག་(བརྟག་)པ་དང་པོའི་ལེའུ་བཞི་པར། དབང་བཞིའི་རྗེས་སུ་སྣང་བ་མ་ཚང་བ་ཁ་སྐོང་བ་དང་། ལེའུ་གསུམ་པར་སྐྱེད་(བསྐྱེད་)རིམས་ཀྱི་དུས་དང་། ལྔ་པ་དང་བརྒྱད་པར་ཕྱག་རྒྱ་མ་རྟེན་(བརྟེན་)པའི་དུས་སུ་རྡོ་རྗེ་དང་པདྨ་བྱིན་གྱིས་བརླབ་(བརླབས་)པའི་སྔགས་མ་ཚང་བ་ཁ་སྐོང་བའོ། །དེ་ནས་ཞེས་པ་ལ་སོགས་པས་འཚམས་(མཚམས་)སྦྱར། རྡོ་རྗེ་ལ་སོགས་པས་རྡོ་རྗེ་སློབ་དཔོན་གྱི་(གྱིས་)དབང་གི་རྗེས་སུ་གནང་བ་སྟན་(བསྟན་)ཏོ། །ཇི་ལྟར་ལ་སོགས་པས་གསང་བའི་དབང་རྫས་བྱིན་པའོ། །ལྷ་མོ་ལ་སོགས་པས་གསུམ་པའི་དབང་རྫས་ཤེས་རབ་མ་སྦྱིན་པ་སྟན་(བསྟན་)པའོ། །དེར་གོ་ཕྱེ་ནས་བཞི་པ་རང་གི་སྟན་(གཏན་)ལ་དབབ་པ་ནི་ཡེ་ཤེས་ལ་སོགས་པའོ། །པདྨ་ལ་སོགས་པས་མཁའ་བྱིན་གྱིས་རླབ་(བརླབས་)པ་སྟེ་ཡབ་ཀྱིས་རྗོད་ཅིང་སྐུལ་བའོ། །ལྷ་བཛྲ་ལ་སོགས་པས་གསང་གནས་བྱིན་གྱིས་རླབ་(བརླབས་)པ་སྟེ། ཡུམ་གྱིས་བརྗོད་པའོ། །སྤྱི་བོ་ལ་སོགས་པས་རྡོ་རྗེ་པདྨ་བྱིན་གྱིས་བརླབ་པ་དང་། སྐུ་གསུང་ཐུགས་བྱིན་གྱིས་བརླབ་(བརླབས་)པ་སྟེ་དོན་གཉིས་
1-1-189b
སུ་འགྱུར་རོ། །དེ་ལྟར་ན་མ་ཚང་བ་ཁ་སྐོང་བ་དང་། དངོས་གྲུབ་སྟན་(གཏན་)ལ་དབབ་པ་དང་། ངེས་པ་སྟེར་བ་དང་། ཐེ་ཚོམ་སེལ་བ་སྟེ་བཞིར་བསྡུས་ནས་རྟག་(བརྟག་)པ་དང་པོར་གདབ་བོ། །དེ་ཡང་ལེའུ་དང་པོར་མདོར་སྟན་(བསྟན་)ནས། གཉིས་པ་མན་ཆད་ཀྱིས་རྒྱས་པར་བཤད་པས་རྡོ་རྗེ་རིགས་ཀྱི་ལེའུར་གདབ་བོ། །དེ་ལ་གཞི་དང་རང་བཞིན་དང་། འབྲས་བུའི་རྒྱུད་ལས་ཕྱེ་བའི་བསྡུས་དོན་སུམ་བཅུ་(ཅུ་)རྩ་ལྔ་ཁོ་ནར་སྡུའོ(བསྡུའོ)། །སྒྱུ་མའི་རྟག་(བརྟག་)པ་ཞེས་བྱ་བའི་རྟག་(བརྟག་)པ་གཉིས་པའི་དོན་ནོ། །རྡོ་རྗེ་གར་གྱི་རྟག་(བརྟག་)པ་ལ་སོགས་པ་ལྷག་མ་རྣམས་ནི་བདག་ཅག་ལ་སྐལ་བ་མེད་པའི་ཕྱིར། མཁའ་འགྲོ་མ་རྣམས་ཀྱིས་མ་སྣང་སྟེ། ཁོང་ཉིད་ཀྱི་ཕྱག་ན་བཞུགས་སོ། །དེ་ཡོད་པར་ནི་གུར་གྱི་ལེའུ་བཞི་པས་ཤེས་སོ།། །།སྙིང་པོ་ཀྱེའི་རྡོ་རྗེ་ལ། འགྲེལ་དང་བཤད་ལུགས་དཔག་མེད་ཀྱང་། །མཁའ་འགྲོ་མ་རྣམས་དགོངས་པ་གསལ། །འདི་ལས་གཞན་པའི་དོན་མེད་དོ། །བླ་མའི་བཀའ་ལྟར་བཤད་པ་ཡིས། །རྒྱུད་བཞིན་ཚད་མར་གྱུར་པ་ཡིན། །དེ་ལས་སྒྲིམས་(བསྒྲིམས་)ཏེ་བཙལ་བར་བྱ། །གཞན་དུ་མཁའ་འགྲོ་མ་ཡིས་སྤོང་། །རང་གི་བུ་དང་སློབ་མའི་ཕྱིར། །སློབ་དཔོན་ཆོས་ཀྱི་རྡོ་རྗེས་བསྡུས། །ཟབ་མོ་མངོན་གྱུར་བཟོད་པར་མཛོད། །དགེ་བ་སེམས་ཅན་དོན་དུ་བསྔོ། །རྟག་པ་དང་པོའི་ལེའུ་དྲུག་པ་ནས་བརྩམས་ཏེ། བླ་མའི་ཡི་གེ་དུམ་བུ་རྣམས། །ཅུང་ཟད་རྒྱས་པར་ཕྱེ་ནས་བརྩམས་པའི་བཀའ་ཡང་དག་པའི་ཚད་མ་ཞེས་བྱའོ། །ཞི་དང་རྒྱས་དང་དབང་དང་དགུག །གསད་དང་བསྐྲད་དང་དགྲ་སྡེ་འཇོམས། །མངོན་སྤྱོད་ཀྱི་ནི་ལས་བརྒྱད་དོ། །ཨཥྚའི་བསྲུང་འཁོར། །བླ་མ་དམ་པ་རྣམས་ལ་ཕྱག་འཚལ་ལོ། །ཨཥྚའི་སྲུང་འཁོར་བྱེད་ན་གྲོ་ག་འམ་རས་སམ་ཤིང་ཤུན་ལས་འཁོར་ལོ་ལྟེ་བ་ཟླུམ་པོ་མུ་ཁྱུད་དང་བཅས་པ། དེའི་དབུས་
1-1-190a
སུ་པདྨ་འདབ་མ་བརྒྱད། དེའི་ཕྱི་རོལ་དུ་མུ་ཁྱུད་གསུམ་པ་བྲིས་ལ་དབུས་སུ་ཨ་དང་ཧཱུྃ་ལ་སྙིང་པོས་མགོ་ཕྱིར་བསྟན་ལ་བསྐོར། པདྨ་ལ་ལྷ་མོ་བརྒྱད་ཀྱི་ས་བོན་རྒྱུ་ཡིག་གམ་བོད་ཡིག་གང་རུང་དབུས་སུ་བྲིས་ལ་པདྨའི་རྩེ་མོ་ངོས་སུ་མགོ་གཏད་ལ་ཟླུམ་ཁྱིལ་གྱིས་བསྐོར། དེའི་ཕྱི་རོལ་གྱི་མུ་ཁྱུད་ལ་ཨ་ཥྚ་མགོ་ཕྱིར་སྟེན་(བསྟན་)ལ་བསྐོར། དེ་རྣམས་ཐམས་ཅད་ལ་སྔགས་ཀྱི་གཤམ་དུ་ཆེ་གེ་མོ་ལ་རཀྵའི་སྤེལ་ཚིག་དང་བཅས་པ་བྲི། དེའི་རྒྱབ་ཀྱི་མུ་ཁྱུད་ལ་ཨ་ལི་དང་ཀ་ལི་གཡས་བསྐོར་གཡོན་བསྐོར་སྤེལ་ཚིག་དང་བཅས་པས་བསྐོར། དེའི་རྒྱབ་ཏུ་མུ་ཁྱུད་ལ་རྡོ་རྗེའི་ར་བ་བྱ། དེའི་རྒྱབ་ཏུ་མེ་རི་བྱས་ལ་དྲི་བཟང་པོའི་ཆུས་ཡི་གེ་རྣམས་མནན་ལ། དེ་ནས་ཨ་དང་ཧཱུྃ་ལས་ཡབ་ཡུམ་བསྐྱེད། བཛྲ་ཀ་རྟ་རི་ལས་ཀྱང་ཡབ་ཡུམ་བསྐྱེད། གྷཾ་ལ་སོགས་པ་བརྒྱད་ལས་ལྷ་མོ་བརྒྱད་བསྐྱེད། ཨཥྚ་ན་ལ་སོགས་པས་ཀྱང་ཡབ་ཡུམ་བསྐྱེད། ཨ་ལི་ལ་སོགས་པ་ལས། མཁའ་འགྲོ་མའི་ཚོགས་ཆོས་སྐྱོང་དཔག་ཏུ་མེད་པ་བསམ། དེ་ནས་རབ་གནས་བྱེད་པ་དང་འབྲེལ་ན་ལོགས་སུ་བྱ་མི་དགོས། འདི་རང་ལོགས་སུ་བྱེད་ན་ཟང་ཞོང་ལ་སོགས་པའི་སྟེང་དུ་གཞག་ལ། དེ་མཌལ་བྱས་པའི་ཁར་མ་འཇི་འམ་ཁྲིའུའི་སྟེང་དུ་བཞུགས་ལ། མཆོད་པ་ལ་སོགས་པ་བཤམས་ཏེ་རང་ཉིད་ལྷའི་མངོན་ཞེན་རྟོགས་པ་དང་ལྡན་པས་མདུན་གྱི་མཌལ་དང་འཁོར་ལོ་བཅས་སྟོང་པ་ཉིད་དུ་བསྒོམས་ལ། མངོན་རྟོགས་རྒྱས་བསྡུས་གང་རུང་གཅིག་གིས་རྟེན་གཞལ་ཡས་ཁང་རྟེན་(བརྟེན་)པ་ལྷ་དང་བཅས་པ་སྐྱེད་ལ། ཡེ་ཤེས་སེམས་དཔའ་སྤྱན་དྲངས་ལ་བསྟིམ་པའི་དུས་སུ་གཞན་གཞལ་ཡས་ཁང་དང་ཁྱད་མེད་པ་ལ། ཨ་ལིའི་མུ་ཁྱུད་དེ་དུར་ཁྲོད་ཀྱི་སར་དམིགས་ལ། དེར་ཆོས་སྐྱོང་བའི་སྲུང་མ་དཔག་ཏུ་མེད་པ་སྤྱན་དྲངས་ལ་བསྟིམ། དེ་ནས་དེ་ལ་མཆོད་
1-1-190b
པ་དང་བསྟོད་པ་ལ་སོགས་པ་ཅི་འབྱོར་བ་བྱ། ཆོས་སྐྱོང་ལ་གཏོར་མ་ཡང་བྱིན་ལ་སྔགས་དེ་རྣམས་ལ་ཇི་ལྟར་རིགས་པ་རེ་བཟླས་ཡེ་ཤེས་ཀྱི་ལྷ་ཧེ་བཛྲ་སྔགས་གསུམ་པོ་ལ་ལྷ་མོ་ལ་ཡང་བཟླས་པས་འགལ་བ་མེད་གསུང་། ལྷ་དང་བཅས་པ་འོད་དུ་ཞུ་ལ་{ཧྱ་}སྔགས་ཀྱི་ངོ་བོར་བསམས་ཏེ། རང་བཞིན་རྟེན་གཞལ་ཡས་ཁང་རྟེན་(བརྟེན་)པ་ལྷ་དང་བཅས་པ་ཡིན་ཡང་རྣམ་པ་སྔགས་དང་ཡི་གེར་གསལ་བར་བྱས་ལ་རབ་གནས་ནས་འབྱུང་བ་བཞིན་དུ་ཡི་གེ་རྣམས་ཀྱི་སྤྱན་དབྱེ་བ་ཅིག་(གཅིག་)བྱས་ཀྱང་མི་འགལ་གསུང་། དེ་ནས་ནས་ལ་ཡི་གེ་བརྒྱ་པ་དང་རྟེན་འབྲེལ་བརྒྱ་རྩ་བརྒྱད་ཙམ་རེ་བཟླས་ནས་གཏོར་བས་བརྟན་པར་བྱས་ལ། འཁོར་ལོ་དྲི་བཟང་པོ་དང་བསྡེབས་ལ་མགུལ་དུ་གདགས་སོ། །ཁ་སྦྱར་དབྱེ་བ། {ཨི་ཐི}།། །།ཁ་སྦྱར་དབྱེ་བ་བསྟན་པ་ལ་གཉིས་ཏེ། བསྙེན་པ་དང་། སྒྲུབ་པ་ལས་སྦྱོར་བསྟན་པའོ། །བསྙེན་པ་བསྟན་པ་ལ་རང་ཕྱག་བཅུ་དྲུག་པའི་ཧེ་རུ་ཀར་བསྐྱེད་ལ། སྙིང་ཀའི་ནང་པདྨ་འདབ་མ་བརྒྱད་པ་ཅིག་(ཞིག་)ཏུ་བསམ། དེའི་ལྟེ་བ་ལ་རཾ་ལས་ཉི་མ་ཅིག་(གཅིག་)བསམ། ཉི་མའི་སྟེང་དུ་ཧཱུྃ་ལ་རྡོ་རྗེ་ཧཱུྃ་གིས་མཚན་པ་ཅིག་(ཞིག་)ཏུ་བསམ། དེ་རྣམས་གྱུར་པ་ལས་ཧེ་རུ་ཀ་ཞལ་ཅིག་(གཅིག་)ཕྱག་གཉིས་པར་བསམས་ལ། པད་འདབ་ལ་ཨཱོཾ་ཨཥྚ་ན་ཡའི་ལྷ་གསལ་བར་བྱེད་པའི་སྔགས་རྣམས་དཀར་པོར་བཀོད་ལ་དངོས་སུ་རང་གིས་བཟླས། བསམ་པས་པདྨའི་དབུས་ཀྱི་ཧེ་རུ་ཀ་ཞལ་ཅིག་(གཅིག་)པ་དེས་ཟློས་པར་བསམ། བཟླས་ལུགས་ནི་སྒྲ་རིང་བ་དང་། གསལ་བར་བཟླས་པ་ཡིན། དེའི་དུས་ཀྱི་ཏིང་ངེ་འཛིན་ནི་པད་འདབ་ཀྱི་སྔགས་རྣམས་ལས་འོད་ཟེར་དཀར་པོ་སྤྲོས་ཏེ་དེ་སྣ་བུག་གཡས་པ་ནས་ཕྱིར་རླུང་དང་ལྷན་ཅིག་ཏུ་བྱུང་ནས་གང་གསང་བར་བྱ་བ་དེའི་ལུས་ལ་ཕོག་ནས། དེའི་སྡིག་སྒྲིབ་སྦྱངས་དེའི་བཅུད་བསྡུས་ནས་ཚུར་འདུས་རླུང་ནང་དུ་འཇུག་པ་དང་
1-1-191a
ལྷན་ཅིག་དུ་(ཏུ་)སྣ་བུག་གཡོན་པ་ནས་ཞུགས་ནས་བྱང་ཆུབ་སེམས་པ་ཐག་གི་ཚུལ་དུ་སྐྱ་ནར་རེ་བྱུང་ནས་ཧེ་རུ་ཀ་ཞལ་ཅིག་ཕྱག་གཉིས་པའི་ཞལ་དུ་སིབ་སིབ་སོང་བར་བསམ་མོ། །དེ་ལྟར་དུ་འབུམ་ཚོ་ཅིག་(ཞིག་)བྱ་བ་བསྙེན་པ་ཡིན་ནོ། སྒྲུབ་པ་ལས་སྦྱོར་བསྟན་པ་ལ་གཉིས་ཏེ། ལས་སྦྱོར་དངོས་བསྟན་པ་དང་། མ་གྲུབ་ན་དཔོགས་ཆོག་བསྟན་པའོ། །ལས་སྦྱོར་ལ་བསྙེན་པ་ཟིན་ནས་བླ་མ་དང་ཡིད་དམ་གྱི་ལྷ་མདུན་དུ་སྤྱན་དྲངས་ལ་བཞུགས་པར་བསམས་ཏེ། དེ་ལ་ལྷ་མོ་བརྒྱད་སྤྲོས་ལ་མཆོད་པར་བསམ། འདི་ནི་བླ་མ་དང་དཀོན་མཆོག་གསུམ་གྱི་བསྟན་པ་ལ་གནོད་པ་ཡིན་པས་ཆེ་གེ་མོ་འདི་བསྒྲལ་དུ་གསོལ་ཞེས་གསོལ་བ་བཏབ་བོ། །དེའི་རྗེས་ལ་རང་ཞལ་བརྒྱད་པར་བསམས་ལ། སྤྲུལ་པའི་འཁོར་ལོའི་དབུས་སུ་རྃ་ལས་ཉི་མ་བསམ། དེའི་དབུས་སུ་ཧཱུྃ་ལས་རྡོ་རྗེ་དེའི་ལྟེ་བ་ལ་ཧཱུྃ་གིས་མཚན་པ་ཅིག་(ཞིག་)བསམས་ལ། དེ་རྣམས་གྱུར་པ་ལས་ཕྱག་གཉིས་པའི་ཧེ་རུ་ཀར་བསམས་ལ། རྩ་འདབ་བརྒྱད་ལ་ཨོཾཱ་མ་ར་པའི་ལས་སྒྲུབ་པའི་སྔགས་ཁ་དོག་ནག་པོར་བསམས་ལ་འགོད་དོ། །དངོས་སུ་རང་གི་ལས་བསྒྲུབ་པའི་སྔགས་བཟླས། བསམ་པས་ལྟེ་བའི་དབུས་ན་ཡོད་པའི་ཧེ་རུ་ཀ་ཞལ་ཅིག་(གཅིག་)པས་བཟླས་པར་བསམ། བཟླས་པས་ལྟེ་བར་བཀོད་པའི་སྔགས་རྣམས་ལས་འོད་ཟེར་ནག་པོ་ལྟེ་ཁུང་ན་ཕར་འཕྲོས། གང་གསད་པའི་དགྲ་བོའི་ལྟེ་ཁུང་ན་ཡར་སོང་། དགྲ་བོའི་སྙིང་དང་སེམས་སུ་ཕྲལ་ནས་དེའི་ཤེས་པ་འོད་ཟེར་གྱིས་བཀུག་ནས་སྒྲུབ་པ་པོའི་ལྟེ་ཁུང་ན་ཚུར་ཞུགས་ནས། ལྟེ་བའི་ཧེ་རུ་ཀ་ཞལ་ཅིག་(གཅིག་)པའི་ཐུགས་ཀར་ཐིམ་པར་བསམ་མོ། །དེ་བཞིན་དུ་ཁྲི་ཕྲག་ཅིག་(གཅིག་)བྱས་པས་འཆི་བར་འགྱུར་རོ། །དེས་ཤི་བར་མ་གྱུར་ན་མ་གྲུབ་པའི་དཔོགས་ཆོག་བསྟན་པ་ལ། གྲོ་ག་ལ་བསྒྲུབ་བྱའི་གཟུགས་
1-1-191b
བྲི། དཔྲལ་བར་མིང་། ལྟེ་བར་རུས་བྲིས་ལ། དགྲ་བོའི་ཤེས་པ་བསམ་པས་བཀུག་ལ་བསྟིམས་ཏེ། བག་ཟན་ལ་དགྲའི་གཟུགས་བྱས་ལ་དེའི་ཁོང་པར་བྲིས་པའི་ལིང་ག་བཅུག་ལ་དེའི་ཁ་ནས་ཁྲག་སྐྱུགས་པར་བསམ། སྐྲ་གྲོལ་བ། ཁ་ཐུར་དུ་སྟན་(བསྟན་)པར་བསམ། དགྲ་བོའི་རྣམ་སྨིན་གྱིས་ལུས་པོ་དེ་ལ་བཀུག་ལ་བསྟིམས་པར་བསམ་པ་ཡིན། སྤྱི་བོའི་ཚངས་བུག་དུ་(ཏུ་)ཨོཾཱ་དགོད། མིག་གཉིས་རྣ་བ་གཉིས་སྣ་གཉིས་ལྟེ་ཁུང་དུ། ཨཥྚའི་སྔགས་ལྷ་བསྒྲུབ་པའི་སྔགས་རྣམས་རིམ་པས་བཀོད་ལ། ཤེས་པའི་སྒོ་བསྲུངས་ལ། དེའི་སྙིང་ཀར་རཾ་བསམ། དེའི་གཤང་ལམ་དུ་ཧཱུྃ་དམར་སེར་ཅིག་(ཞིག་)བསམས་ལ་དེའི་དུས་སུ་སྒྲུབ་པོས་ལས་བསྒྲུབ་པའི་སྔགས་བཟླས། བསམ་པས་རང་གི་ཐུགས་ཀ་ནས་འོད་ཟེར་སྤྲོ། །གཤང་ལམ་གྱི་ཧཱུྃ་ལ་ཕོག་པས། དེ་ལས་མེ་འབར་ནས་དམར་ནར་གྱིས་སྙིང་ཀར་སོང་། རཾ་ལས་མེ་འབར་ནས་ལུས་བསྲེགས། སེམས་སྙིང་ཀ་ནས་ཏོག་གིས་ཡར་ནས། བསྒྲུབ་བྱ་མདུན་དུ་ཡི་དམ་ལྷའི་ཆ་བྱད་དུ་བྱས་ནས་འོངས་པར་བསམས་ལ། དེ་ལ་མཆོད་པ་དང་བསྟོད་པ་དང་བདུད་རྩི་མྱང་བ་བྱས་ལ། སངས་རྒྱས་ཀྱི་ཞིང་ཁམས་སུ་གཤེགས་པར་བསམ་པའམ། ཡང་ན་བསྲེགས་པའི་ཤེས་པ་སྙིང་ཀ་ནས་ཏོག་གིས་ཡར་ནས་སངས་རྒྱས་ཀྱི་ཞིང་ཁམས་སུ་འགྲོ་བར་བསམ་པ་ཡིན་གསུང་། དེས་ཀྱང་མ་ཤི་ན་ཚེར་མ་ཅན་གྱི་ཤིང་ལ་ལིང་ག་གཟུགས་བརྙན་དུ་བཅས་པ་བསྲེགས་པས་ངེས་པར་འཆིའོ། །ཁ་སྦྱར་དབྱེ་བའི་ལས་རྫོགས་སྷོ།། །།ཨི་ཐི། རྡོ་རྗེ་འཆང་ལ་ཕྱག་འཚལ་ལོ། །ལེའུ་དགུ་པ་ནས་བསྒྲུབ་བྱའི་ལྟེ་བའི་རྩ་བ་ནས། བརྟུལ་ཞུགས་ཅན་གྱི་ལག་པས་གདོན། ཞེས་པའི་མན་ངག་ནི། རང་ཧེ་བཛྲ་གང་ཡང་རུང་བར་གནས་ལ། ཨཥྚ་ལ་འབུམ་ཕྲག་གསུམ་གྱི་བསྙེན་པ་བྱས་ནས། ལས་
1-1-192a
ལ་སྦྱོར་བའི་དུས་སུ་གནས་གསུམ་ནས་མཁའ་སྤྱོད་མ་དང་ས་སྤྱོད་མ་དང་ས་འོག་སྤྱོད་མ་གསུམ་གྱིས་དགྲ་བོའི་ལུས་ངག་ཡིད་གསུམ་གྱི་ནུས་པ་བཀུག་ནས་བདག་ལ་བཅུག་པར་བསམ་མོ། །རྡུལ་ཚོན་གྱི་དཀྱིལ་འཁོར་གཅིག་བཞེངས་པ་ལ་བདག་ཉིད་ཀྱིས་དབང་བླངས་ལ། ལས་བསྒྲུབ་ཅིག་པའི་རྗེས་གནང་བྱིན་པར་བསམ་མོ། །རྐང་རྗེས་ས་ལ་སོགས་པས་གཟུགས་ཅིག་(ཤིག་)བྱས་ལ། གྷོ་རི་ཨ་ཀར་ཤ་ཡ་ཛ་ཞེས་བརྗོད་པས་འགུགས་བྱེད་མ་དང་། ལྷ་མོ་བསྒྲུབ་བྱ་རླུང་གི་ཐོག་ཏུ་བཞག་ནས་ནམ་མཁའ་ལ་འོང་བའི་དུས་ན་གཤང་ལམ་ནས་མེ་ཁབ་ཙམ་འདྲ་བས་བཙངས་ནས་ཁྲག་སྐྱུག་པར་བསམ་མོ། །དེ་ནས་གཟུགས་ལ་བཅུག་ལ་ཟླ་བ་ཅིག་(ཞིག་)གི་བར་དུ་གཟུགས་གཏུམ་ཅིང་དྲག་པོའི་སྦྱིན་བསྲེག་ཉིན་མཚན་ལ་བྱའོ། །ཟླ་བ་གསུམ་མམ་ཅི་ནུས་སུ་བྱའོ། །དེ་ནས་གྷོ་རིས་གོང་མ་བཞིན་དུ་བགུག་ལ་རས་ཀྱིས་ལིང་ག་ལ་གཞུག་གོ། །རས་ལ་ལིང་ག་ཅིག་(ཞིག་)བྱས་ལ་ལྟེ་བ་ན་རྩ་དྲུག་བཅུ་(ཅུ་)རྩ་བཞི་ཡོད་པ་ལ་ཆེ་གེ་མོ་མ་ར་ཡ་ལ་སོགས་པ་བཀོད་ལ། བདག་ཉིད་ལྷའི་ང་རྒྱལ་དང་ལྡན་པས་བསྒྲུབ་བྱའི་རྩ་རྣམས་བཅད་པར་བསམས་ལ། དེའི་དུས་སུ་མ་ར་ཡ་ནས་བརྗོད་པས་རྩ་ཅིག་(ཞིག་)ཆད། ཀ་ར་ཡ་ཞེས་བརྗོད་པས་རྩ་ཅིག་(ཞིག་)ཆད་དེ། གཞན་རྣམས་ལའང་དེ་བཞིན་དུ་སྦྱར་རོ། །རྩ་རྣམས་ཆད་པའི་དུས་ན་མཁའ་འགྲོ་མ་བརྒྱད་དང་འབྱུང་པོ་ཉི་ཤུ་རྩ་བཞི་ལ་སོགས་པས་ཀྱང་རྩ་བཅད་པའི་ཤུལ་ན་ཚུར་ཕུངས་ཕུངས་འདུས་ནས་ཁྲག་འཐུང་བར་བསམ་མོ། །དེ་བཞིན་དུ་སྔགས་བརྗོད་ཅིང་རྩ་རེ་ཆད་པར་བསམ། དེ་ལྟར་ལན་མང་དུ་བྱས་པས་འཆི་བར་འགྱུར་ཏེ། དེ་ནས་ལིང་ག་གཞུང་བཞིན་དུ་གནན་པ་བྱའོ། །འདི་ནི་མན་ངག་ཡིད་ཆེས་པ་ཡིན་གྱིས་(གྱི་)སུ་ལའང་མ་སྦྱིན་ཅིག་
1-1-192b
རང་གི་སྲོག་དང་འགྲོགས་ལ། ལན་ཅིག་འཆི་བའི་དུས་བྱུང་ན་མེ་ལ་བསྲེགས་ཅིག(ཤིག) །མ་བསྲེགས་ན་རྒྱལ་ཁམས་ཕུང་བར་འོང་ངོ་། །གསང་ངོ་། །ཨྠི་ཀླུ་བསྡིགས་པ། །བླ་མ་དམ་པ་རྣམས་ལ་ཕྱག་འཚལ་ལོ། །འདི་ཁྱད་པར་གྱི་ཆོ་གའི་བཟླས་པའི་དུས་ཀྱི་ཏིང་ངེ་འཛིན་ནི། སྙིང་ཀར་པདྨ་དམར་པོ་འདབ་བརྒྱད་པ་ཟེའུ་འབྲུ་དང་བཅས་པ་ཅིག་(ཞིག་)བསྒོམ། དེའི་ལྟེ་བ་ལ་ནྃ་དགུས་ཀླུ་བརྒྱད་བ་རུ་ནའི་ཁ་དོག་དང་མཐུན་པར་སྒོམ། དེའི་ལྟེ་བ་ལ་གྷྃ་ཙྃ་ལ་སོགས་པ་ལྷ་མོ་སོ་སོའི་སྐུ་མདོག་དང་མཐུན་པར་སྒོམ། ལྟེ་བ་ལ་ཨ་དང་ཧཱུྃ་སྔོན་པོ་བསམ། དེ་ནས་ལྷ་དགུའི་ས་བོན་ལས་འོད་ཟེར་འཕྲོས་པས་བ་སྤུའི་བུ་ག་ནས་བྱུང་སྟེ་སྣོད་བཅུད་ཀྱི་དུག་ཐམས་ཅད་ཞི་བར་བསམ། ཚུར་འདུས་པས་ཀླུ་དགུའི་རྣམ་ཤེས་བསྡུས་ཏེ་ནྃ་དགུ་ལ་ཐིམ་པར་བསམ། དེ་ནས་ས་བོན་དགུ་ལས་འོད་འབར་བས། ཀླུའི་དུག་དང་གདུག་སེམས་ཅན་ཐམས་ཅད་བསྲེག་པར་བསམ། དེ་ནས་ཡི་གེ་བཅུ་ལས་ཡི་གེ་རེ་རེ་ཆད་ནས་འཕྲོས་པས། སྒྲ་བུང་བ་བཞིན་སྒྲོགས་པར་བསམས་ལ། དེས་སྣོད་བཅུད་ཀྱིས་བདུད་རྩིའི་རྒྱུན་དྲག་ཏུ་བབ་པས་ཞི་བར་བསམ་ཞིང་བཟླས་པ་བྱའོ། །ཡང་གོང་བཞིན་དུ་སྤྲོ་བསྡུ་དང་བཟླས་པ་ལས་སྐྱོ་ན་པདྨའི་འོག་ཏུ་སོར་བཞི་ཙམ་མ་རེག་པར་འོ་མའི་རྒྱ་མཚོ་ཅིག་(ཞིག་)བསྒོམས་(སྒོམ་)ལ། པདྨ་ཡི་གེ་དང་བཅས་པ་ཞུ་བས་འོ་མའི་རྒྱ་མཚོར་ཐིམ། དེ་ལུད་པས་སྤྱི་གཙུག་ནས་རྐང་མཐིལ་གྱི་བར་དུ་གང་བས་དུག་ཐམས་ཅད་དྲི་མའི་ཚུལ་དུ་ལུས་ཀྱི་བ་སྤུའི་བུ་ག་ནས་ཐོན་པར་བསམ་མོ། །དེ་ནས་ཏིང་ངེ་འཛིན་དེ་ལས་ལྡང་བར་བྱའོ། །དེ་ལྟར་ཡང་ཧེ་བཛྲ་ལས་ཀླུ་རྣམས་བསྡིགས་པར་བྱེད་པ་ཉིད་ཅེས་སོ། །རྫོགས་སྷོ།། །།བྱད་ཟློག་པ། བླ་མ་དམ་པ་རྣམས་ལ་ཕྱག་འཚལ་ལོ། །ཨཥྚ་ལ་བརྟེན་ཏེ་གཞན་གྱི་བྱད་བཟློག་པ་
1-1-193a
བསྟན་པ་ལ། རང་ཧེ་རུ་ཀ་ཞལ་ཅིག་(གཅིག་)ཕྱག་གཉིས་པར་མོས་པར་བསམས་ལ། བསོད་ནམས་ཀྱི་ཚོགས་བསག་པ་ནི་བདུན་རྣམ་དག་དང་། ཚད་མེད་པ་བཞི་དང་། ཤུ་ནྱ་ཏའི་སྔགས་བརྗོད་པས་ཡེ་ཤེས་ཀྱི་ཚོགས་སྟོང་པ་ཉིད་དུ་བསྒོམ་པ་བསྒྲུབ་ཐབས་བཞིན་བྱས་ལ། སྟོང་པའི་ངང་ལས་རང་ཧེ་རུ་ཀ་ཞལ་ཅིག་(གཅིག་)ཕྱག་གཉིས་བསྒོམས་པའི་ཐུགས་ཀ་ནས་ཡི་གེ་འབྲུ་ཅིག་(གཅིག་)འཕྲོས་པས་སངས་རྒྱས་མཆོད་སེམས་ཅན་གྱི་དོན་བྱས། གདུལ་བྱ་གདུག་པ་ཅན་ཐམས་ཅད་ཚར་བཅད་ནས་ཚུར་འདུས་པ་ལས། འཁོར་ལོ་རྩིབས་བཅུ་པ་ཅིག་(གཅིག་)ཏུ་གྱུར་པར་བསམ། དེ་ཡང་མཚོན་ཆའི་འཁོར་ལོ་སྔོན་པོ་རྩིབས་བརྒྱད་པ་རྩེ་མོ་རྣོ་བ་དང་བཅས་པར་བསམ། དེའི་ལྟེ་བ་ལ་ཉི་མའི་དཀྱིལ་འཁོར་ཅིག་(ཞིག་)བསམ། དེའི་དབུས་སུ་ཧཱུྃ་ལས་རྡོ་རྗེ་རྩེ་ལྔ་པ་ལ་ཁོང་སྟོང་ཅིག་(ཞིག་)བསམ། ཁོང་སྟོང་དེའི་ནང་དུ་རང་ཧེ་རུ་ཀ་ཞལ་ཅིག་ཕྱག་གཉིས་པར་བསམས་སྟེ། དེ་ནི་ལུས་སྦ་བའི་མན་ངག་གོ། །དེའི་ཐུགས་ཀར་རྡོ་རྗེ་རྩེ་ཅིག་(གཅིག་)བསམ། དེའི་ལྟེ་བར་ཧཱུྃ་ཁ་སྤྲོད་ཅིག་བསམ། དེའི་དབུས་སུ་ཡི་གེ་ཧཱུྃ་དམར་པོ་ཅིག་(ཞིག་)བསམ། དེ་ལ་བདག་རང་གི་ཤེས་པ་སྟིམས་ལ་བཞག །དེ་ནི་སེམས་སྦ་བའི་མན་ངག་གོ། །ཧཱུཾ་དེའི་མཐའ་མར་མིང་གི་ཡི་གེས་བསྐོར་བ་བསམ། དེ་ནི་མིང་སྦ་བའི་མན་ངག་གོ། །དེ་ནས་འཁོར་ལོ་རྩིབས་བཅུ་པ་ཨཥྚའི་སྔགས་ཀྱིས་འཕྲེང་བ་ཁ་དོག་དམར་པོར་བསམ་ནས་ཡོད་པར་བསམས་ནས། ཡོད་པར་བསམ། འཁོར་ལོའི་རྩིབས་ཀྱི་བར་དུ་ཁོའི་གནོད་བྱེད་ཀྱི་བགེགས་སྦོད་(སྐྲོད་)གཏོང་བྱེད་པའི་གཟའ་མི་འཁོར་དང་བཅས་པ་ཡོད་པར་བསམ་ལ། རིང་ན་དང་ཐུང་ན་ཤེས་པར་བྱ། འཁོར་ལོའི་རྩིབས་ཀྱི་ཕྱིན་པར་གསང་སྔགས་རྒྱུད་སྡེ་བཞིའི་ཁྲོ་བོའི་ར་བ་དང་། རྡོ་རྗེའི་ར་བས་བཀྭར་གྱིས་འཁོར་ནས་ཡོད་པར་བསམ། དེའི་དུས་སུ་རང་གིས་ཨཥྚའི་
1-1-193b
སྔགས་ཀྱི་ཕྲེང་བ་བཟླས་པས། སྔགས་ལས་འོད་ཟེར་དམར་པོ་བྱུང་། གནོད་བྱེད་ཀྱི་དགྲ་བགེགས་ཐམས་ཅད་ཐུལ་ཐུལ་བསྲེགས་པར་བསམ། རང་གིས་སྔགས་བཟླས་པའི་སྟོབས་ཀྱི་འཁོར་ལོ་དེ་རང་ཐག་འཁོར་བའི་ལུགས་བཞིན་དུ་དྲག་པོར་འཁོར་བས། དགྲ་བགེགས་ཀྱི་ལུས་ཀྱི་སྨད་ཐམས་ཅད་དུམ་བུར་གཅོད་པར་བསམ། རང་གི་ཐུགས་ཀ་ནས་དཔལ་མགོན་པོ་ནག་པོ་ཕྱུང་ནས་གནོད་བྱེད་དགྲ་བགེགས་ཀྱི་སྤྱི་གཙུག་གི་དཀྱིལ་དུ་གནས་ཏེ། ཕྱག་མཚན་གྱི་གྲི་གུག་གིས་ཤ་ཏིལ་ཙམ་དུ་གཏུབ་ཅིང་གསོལ་བར་བསམ། ཕྱག་གཡོན་པའི་ཐོད་པས་ཁྲག་གི་རྒྱུན་བཟེད་ཅིང་འཐུང་བར་བསམ་མོ། །མཉམ་བཞག་ལ་དེ་ལྟར་བསྒོམས་ནས་གཉིད་ལོག་པའི་དུས་སུ་འཁོར་ལོའི་ལྟེ་བའི་རྡོ་རྗེའི་ནང་དུ་རང་ཉིད་ཉལ་བར་བསམ་མོ། །ཉིན་མོ་སྤྱོད་ལམ་གྱི་དུས་སུ་འཁོར་ལོ་ཤིན་ཏུ་རྒྱ་ཆེ་བ་ཡངས་པར་བྱས་ལ། འཁོར་ལོའི་ནང་དུ་སྤྱོད་ལམ་རྣམ་གཞི་(བཞི་)བྱའོ། །བླ་མའི་ཞལ་ནས་འཁོར་ལོ་བཙན་ཐབས་ཀྱི་མན་ངག་བྱ་བ་ཡིན་ཏེ་གར་ཐོ་ཐོད་དུ་མི་བྱའོ་གསུང་ངོ་། །རྫོགས་སྷོ།། །།
